လံာ်တၢ်ဟးထီၣ်ကွံာ် 34:24 - Sgaw Karen Common Bible

²⁴ ဖဲယဟီထီၣ်ကွံာ်ပှၤကလုာ်တဖၣ်လၢသုမဲာ်ညါဒီးမၤလဲၢ်ထီၣ်သု တၢ်လီၢ်တၢ်ကျဲဝံၤအလီၢ်ခံန့ၣ်, ပှၤတဂုာ်မၤနၢၤသုကီၢ်ဖဲမူးသၢမူးအကတီၢ်အံၤနီတဂၤဘၣ်.

လံာ်တၢ်ဟးထီၣ်ကွံာ် 34:24 Iomraidhean Croise

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်တၢ်ကဲထီၣ်အခီၣ်ထံး 35:5

တုၤစီၤယၤကိာ်ဒီးအဖိခွါတဖၣ်စးထီၣ်ဟးထီၣ်န့ၣ်တၢ်ပျံၤတၢ် ဖုးဖးဒိၣ်လီၤဘၣ်လၢပှၤဂီၢ်မုၢ်လၢအအိၣ်လၢဝ့ၢ်အိၣ်ဘူးအိၣ် တံၢ်တဖၣ်အလိၤဒီးတလူၤဘၣ်အဝဲသ့ၣ်ဘၣ်.

လံာ်စီၤပၤအခီၣ်ထံးတဘ့ၣ် 5:1

ဝ့ၢ်ထါယၢၣ်ကီၢ်အစီၤပၤဃူရၣ်, ထီဘိမ့ၢ်တ့ၢ်စီၤဒၤဝံးအတံၤသကိးတဂၤန့ၣ်လီၤ. ဒီးဖဲအဝဲနၢ်ဟူဘၣ်ဝဲလၢစီၤၡလိၤမိၤကဲထီၣ်စီၤပၤလၢစီၤ ဒၤဝံးအလီၢ်န့ၣ်, အဝဲဆှၢလီၤအထံကီၢ်မီၣ်သီတဖၣ်ဆူစီၤၡလိၤမိၤအအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:10

ဘၣ်ဆၣ်စီၤယၤဘ့းဘါထုကဖၣ်တၢ်ဆူအံၣ်စရ့လးအကစၢ် ယွၤဒီးစံးဝဲ, “ကစၢ်ယွၤဧၢ, ဆိၣ်ဂ့ၤယၤဒီးဟ့ၣ်လဲၢ်ထီၣ်ယအိၣ်ယဆိးအလီၢ်တ က့ၢ်. အိၣ်ဒီးယၤဒီးတြီဃာ်န့ၢ်ယၤလၢကယဲၢ်တၢ်အၢတၢ်သီ တမံၤလၢ်လၢ်လၢကမၤဆူးဆါယၤန့ၣ်တက့ၢ်.” ဒီးကစၢ်ယွၤဟ့ၣ်အီၤတၢ်လၢအဃ့ဝဲဒၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:10

တၢ်ပျံၤတၢ်ဖုးလၢအဟဲလၢယွၤ, လီၤဘၣ်ကယဲၢ်ဘီမုၢ်အိၣ်ခိၣ်အိၣ် ဃၢၤတဖၣ်အလိၤလၢကလဲၤဒုးတၢ်ထီဒါစီၤယဟိၡၤဖးန့ၣ်လီၤ.

လံာ်စီၤယိၤဘး 1:10

နကဟုဘံၣ်ကယာ်ဘၢအီၤ, အပှၤဟံၣ်ဖိဃီဖိဒီးတၢ်လၢအအိၣ် ဒီးအီၤခဲလၢာ်ထီဘိန့ၣ်လီၤ. နဆိၣ်ဂ့ၤတၢ်လၢအမၤဝဲခဲလၢာ် ဒီးနဟ့ၣ်တ့ၢ်လံအီၤဂီၤဖံးလၢလၢပှဲၤပှဲၤတုၤအကမၤပှဲၤထံကီၢ် ဒီဘ့ၣ်န့ၣ်လီၤ.

စံးထီၣ်ပတြၢၤ 120:1

လၢယဘၣ်တၢ်ကီတၢ်ခဲအပူၤန့ၣ် ယကိးထီၣ်ယွၤ ဒ်သိးကစံးဆၢယၤလီၤ.

စံးထီၣ်ပတြၢၤ 78:55

အဝဲဟီထီၣ်ကွံာ်ပှၤကလုာ်တဖၣ်လၢအပှၤဂီၢ်မုၢ် အမဲာ်ညါ ဒီးနီၤလီၤအထံအကီၢ်ဆူ အပှၤဂီၢ်မုၢ်ဒ် တၢ်န့ၢ်သါအသိးလၢအဝဲသ့ၣ်အဂီၢ်, ဒီးဒုးအိၣ်ဒုးဆိးအံၣ်စရ့လးအဒူၣ်တဖၣ် လၢအဝဲသ့ၣ်အဟံၣ်ပူၤန့ၣ်လီၤ.

စံးထီၣ်ပတြၢၤ 80:8

နဟဲစိာ်စပံးအမုၢ်တမုၢ်လၢကီၢ်အဲၤကူပတူးအပူၤ, နဟီထီၣ်ကွံာ်ပှၤကလုာ်တဖၣ်ဒီး သူၣ်လီၤစပံးမုၢ်အံၤလၢအဝဲသ့ၣ်အကီၢ်ပူၤလီၤ.

လံာ်တၢ်ဟးထီၣ်ကွံာ် 33:2

ယကဆှၢလီၤကလူးတဂၤလၢကပၢဆှၢသု, ဒီးယကနီၣ်ထီၣ်ကွံာ်ပှၤကနၤဧၣ်ဖိတဖၣ်, ပှၤအမိၢ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်, ဒီးပှၤယဘူၣ်ဖိတဖၣ်န့ၣ်လီၤ.

လံာ်တၢ်ဟးထီၣ်ကွံာ် 34:11

စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယကဟ့ၣ်လီၤသုတနံၤအံၤန့ၣ်တက့ၢ်. ယကဟီထီၣ်ကွံာ်ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်ဖဲသုလဲၤထီၣ်ဒုးတၢ်န့ၣ်လီၤ.

တၢ်ကတိၤဒိ. 16:7

တုၤနမၤတၢ်ဘၣ်ယွၤအသးဒီး, နဒုးကဲထီၣ်နဒုၣ်နဒါတဖၣ်လၢနတံၤ သကိးသ့လီၤ.

လံာ်တၢ်ဘူၣ်ထီၣ်ဘါထီၣ် 18:24

မၤဘၣ်အၢသုသးလၢတၢ်တဖၣ်အံၤနီတမံၤတဂ့ၤ. အဂ့ၢ်ဒ်အံၤ, ပှၤကလုာ်တဖၣ်လၢယဟီထီၣ်ကွံာ်လၢသုမဲာ်ညါန့ၣ်မၤဘၣ်အၢအသးလၢ တၢ်တဖၣ်အံၤန့ၣ်လီၤ.

မၤတၢ် 18:10

အဂ့ၢ်ဒ်အံၤယအိၣ်ဒီးနၤလီၤ. ပှၤမၤဆူးမၤဆါနၤတသ့နီတဂၤဘၣ်. အဂ့ၢ်မ့ၢ်လၢပှၤအါဒံအါဂၤလၢဝ့ၢ်တဖျၢၣ်အံၤအပူၤမ့ၢ်ယပှၤဂီၢ်မုၢ် အဃိလီၤ.”

လံာ်သိၣ်လီၤသီလီၤတၢ် 12:20

တုၤယွၤသုကစၢ်ယွၤမၤလဲၢ်ထီၣ်သုလီၢ်ကဝီၤ, ဒ်အဝဲအအၢၣ်လီၤတ့ၢ်အသိးန့ၣ်ဒီး, သုကအီၣ်ဘၣ်တၢ်ညၣ်တဘျီလၢ်လၢ် ဖဲသုအဲၣ်ဒိးအီၤန့ၣ်လီၤ.

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.

လံာ်သိၣ်လီၤသီလီၤတၢ် 19:8

တုၤယွၤ, သုကစၢ်ယွၤမၤလဲၢ်ထီၣ်သုလီၢ်ကဝီၤ, ဒ်အဝဲတဲဘၣ်တ့ၢ်သုမိၢ်ပၢ်ဖံဖုလၢပျၢၤတဖၣ်လၢကမၤဝဲ, ဒီးဟ့ၣ်သုကယဲၢ်ထံကီၢ်လၢအဝဲအၢၣ်လီၤတ့ၢ်လံဝဲန့ၣ်,

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.