လံာ်တၢ်ဟးထီၣ်ကွံာ် 34:20 - Sgaw Karen Common Bible

²⁰ မ့မ့ၢ်ကသ့ၣ်ယီၤအဖါဝဲၢ်ကိကိးဒုဒဲးန့ၣ်သုကဘၣ်ပှ့ၤက့ၤအီၤ ခီဖျိတၢ်လုၢ်ထီၣ်သိဖိတဒုလၢအလီၢ်န့ၣ်လီၤ. သုမ့ၢ်တပှ့ၤက့ၤအီၤဘၣ်ဒီးဘိးကၢ်ကွံာ်အကိာ်တက့ၢ်. ပှ့ၤကဒါက့ၤကယဲၢ်ဖိခွါဝဲၢ်ကိကိးဂၤဒဲးတက့ၢ်. တၢ်လုၢ်တမံၤမ့ၢ်တအိၣ်ဘၣ်ဒီးမ်ပှၤသုတအိၣ်ဖျါလၢယမဲာ်ညါနီတဂၤတဂ့ၤ.

လံာ်တၢ်ဟးထီၣ်ကွံာ် 34:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:24

ဘၣ်ဆၣ်ဒီးစီၤပၤစံးဆၢဝဲဒၣ်, “တမ့ၢ်ဘၣ်. ယကဟ့ၣ်နၤတၢ်အပှ့ၤလၢတၢ်န့ၣ်အဂီၢ်လီၤ. တၢ်လုၢ်တၢ်ပာ်တဖၣ်လၢ ယတဟ့ၣ်ဘၣ်အပှ့ၤနီတမံၤန့ၣ်ယတလုၢ်ထီၣ်ဘၣ်အီၤဆူယွၤ, ယကစၢ်ယွၤအအိၣ်ဘၣ်.” ဒီးအဝဲပှ့ၤန့ၢ်ကြဲၢ်ဒီးဂီၤဖံးဖါတဖၣ်န့ၣ် လၢစ့ညၣ်အဘ့ၣ်ယဲၢ်ဆံလီၤ.

လံာ်တၢ်ဟးထီၣ်ကွံာ် 13:10

ဒီးတိၢ်န့ၢ်ဘူၣ်အံၤလၢအဆၢကတီၢ်ဒၣ်ဝဲကိးနံၣ်ဒဲးန့ၣ်တက့ၢ်.

လံာ်တၢ်ဟးထီၣ်ကွံာ် 13:12

သုကဘၣ်လုၢ်ထီၣ်ကယဲၢ်တၢ်အဝဲၢ်ကိကိးမံၤဒဲးဆူယွၤအအိၣ်န့ၣ်လီၤ. ဒီးကယဲၢ်သုဆၣ်ဖိကီၢ်ဖိအဝဲၢ်ကိအဖါခဲလၢာ်ဘၣ်ဃးဒီးယွၤန့ၣ်လီၤ.

လံာ်တၢ်ဟးထီၣ်ကွံာ် 13:13

ဘၣ်ဆၣ်ဒီးသုကဘၣ်ပှ့ၤကဒါက့ၤကသ့ၣ်ယီၤအဖိဝဲၢ်ကိအဖါကိးဒုဒဲးလၢအအိၣ်, ဒီးလၢတဒုအဂီၢ်န့ၣ်သုကဘၣ်ဟ့ၣ်သိဖိအဖါတဒုန့ၣ်လီၤ. သုမ့ၢ်တအဲၣ်ဒိးပှ့ၤက့ၤကသ့ၣ်ယီၤန့ၣ်ဒီးသုကဘၣ်ဘိးကၢ်ကွံာ်အကိာ်န့ၣ်လီၤ. ကယဲၢ်သုဖိဝဲၢ်ကိပိာ်ခွါကိးဂၤဒဲးန့ၣ်သုကဘၣ်ပှ့ၤက့ၤအီၤလီၤ.

လံာ်တၢ်ဟးထီၣ်ကွံာ် 13:15

ဒီးဖဲပှၤအဲၤကူပတူးဖိအစီၤပၤမၤကိၤအသးဒီးဂ့ၢ်လိာ်ဝဲလၢအကပျဲ ပဟးထီၣ်န့ၣ်, ယွၤမၤသံကယဲၢ်ပှၤကညီဒီးဆၣ်ဖိကီၢ်ဖိအဖိဝဲၢ် ကိခဲလၢာ်လၢကီၢ်အဲၤကူပတူးအပူၤန့ၣ်လီၤ. မၤသးဒ်န့ၣ်ဒီးပလုၢ်ထီၣ်ကယဲၢ်ဆၣ်ဖိကီၢ်ဖိအဖိဝဲၢ်ကိခဲလၢာ် ဆူယွၤအအိၣ်န့ၣ်လီၤ. မ့မ့ၢ်ပဖိဝဲၢ်ကိပိာ်ခွါတဖၣ်န့ၣ်ပပှ့ၤကဒါက့ၤအီၤန့ၣ်လီၤ.

လံာ်တၢ်ဟးထီၣ်ကွံာ် 22:29

ဟ့ၣ်ယၤတၢ်လုၢ်မၤဘူၣ်တဖၣ်လၢသုဘုဧိၤဟုဧိၤအကျါ, သုစပံးထံ, ဒီးသုသ့ၣ်စၤယံးအသိအကျါ, ဖဲအကတီၢ်ဘၣ်ဝဲန့ၣ်တက့ၢ်. ဟ့ၣ်ယၤလၢသုဖိဝဲၢ်ကိပိာ်ခွါတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 23:15

လၢလါအၤဘံာ်, လါလၢသုဟးထီၣ်ကွံာ်လၢကီၢ်အဲၤကူပတူးအပူၤ န့ၣ်မၤဘူၣ်ကိၣ်တအိၣ်ဘၣ်ဒီးကိၣ်မံၣ်အမူးဒ်ယမၤလိာ်တ့ၢ်သု အသိးန့ၣ်တက့ၢ်. ဖဲဘူၣ်အံၤအဆၢကတီၢ်နွံသီအတီၢ်ပူၤန့ၣ်သု တဘၣ်အီၣ်ကိၣ်လၢဘၣ်တၢ်မၤအီၤလၢကိၣ်မံၣ်န့ၣ်, နီတစဲးဘၣ်. သုမ့ၢ်တဟဲစိာ်တၢ်မၤဘူၣ်တမံၤဘၣ်ဒီးဟဲဘါထီၣ်ယၤနီတစုတဂ့ၤ.

လံာ်တၢ်ဂံၢ် 18:15

ဖိဝဲၢ်ကိကိးဂၤဒဲးမ့ၢ်ဂ့ၤဆၣ်ဖိကီၢ်ဖိအဝဲၢ်ကိကိးဒုဒဲး မ့ၢ်ဂ့ၤလၢပှၤအံၣ်စရ့လးဖိဟ့ၣ်ထီၣ်ဆူယအိၣ်န့ၣ်ဘၣ်ဃးဒီးနၤ လီၤ. ဘၣ်ဆၣ်ဒီးနကဘၣ်တူၢ်လိာ်တၢ်လၢတၢ်ကပှ့ၤကဒါက့ၤဖိဝဲၢ်ကိကိး ဂၤဒဲးအဂီၢ်ဒီးနဘၣ်တူၢ်လိာ်စ့ၢ်ကီးတၢ်လိးက့ၤတၢ်အပှ့ၤလၢ ကယဲၢ်ဆၣ်ဖိကီၢ်ဖိအဝဲၢ်ကိ, ကိးဒုးဒဲးလၢအတကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိး အဂီၢ်န့ၣ်လီၤ.

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.