လံာ်တၢ်ဟးထီၣ်ကွံာ် 34:13 - Sgaw Karen Common Bible

¹³ အခိၣ်တလိာ်, မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, မၤဟးဂီၤကွံာ်အလၢၢ်ထူၣ်စီဆှံတဖၣ်, ဒီးဒီၣ်တဲာ်ကွံာ်အဝဲသ့ၣ်အကစၢ်မုၣ်အၡ့ရၤအတၢ်ပနီၣ်တဖၣ်တက့ၢ်.

လံာ်တၢ်ဟးထီၣ်ကွံာ် 34:13 Iomraidhean Croise

လံာ်စီၤပၤအခီၣ်ထံးတဘ့ၣ် 14:15

ယွၤကစံၣ်ညီၣ်ကီၢ်အံၣ်စရ့လးဒီးကီၢ်အံၣ်စရ့လးကဟူးဝးဝဲဒ် တပိၢ်တဘိလၢအဟူးဝးလၢထံကျိဖိတဘိအပူၤအသိးန့ၣ်လီၤ. အဝဲကထဲးထီၣ်ကွံာ်ကီၢ်အံၣ်စရ့လးအပှၤဂီၢ်မုၢ်လၢကီၢ်ဂ့ၤတဘ့ၣ် အံၤအပူၤ, လၢအဟ့ၣ်တ့ၢ်အဝဲသ့ၣ်အမိၢ်ပၢ်ဖံဖုလၢပျၢၤ, ဒီးအဝဲကမၤလီၤပြံလီၤပြါကွံာ်အဝဲသ့ၣ်ဆူထံကျိဖရၤသး အဝၢ်ဘးခီန့ၣ်လီၤ. အဂ့ၢ်ဒ်အံၤ, အဝဲသ့ၣ်ထိၣ်ဂဲၤထီၣ်တ့ၢ်အတၢ်သးထီၣ်ခီဖျိ မၤထီၣ်ကစၢ်မုၣ်အၡ့ရၤအတၢ်ဂီၤတၢ်ဖီၣ်တဖၣ်အဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:27

သတးဒီး, အဝဲသ့ၣ်မၤဟးဂီၤကွံာ်ထူၣ်စီဆှံဒီးတၢ်လုၢ်ဟံၣ် ဒီးဒုးကဲထီၣ်တၢ်လုၢ်ဟံၣ်န့ၣ်ဆူတၢ်ဟးလီၢ်တဖျၢၣ်လၢအအိၣ်ဝဲ တုၤမုၢ်မဆါတနံၤအံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:4

အဝဲမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်ယွၤ အလီၢ်တဖၣ်, မၤကၢ်လီၤကွံာ်လၢၢ်ထူၣ်တဖၣ်ဒီးကူာ်လီၤကွံာ်ကစၢ်မုၣ်အၡ့ရၤ အဂီၤန့ၣ်လီၤ. အဝဲမၤကၢ်လီၤကလဲကွံာ်စ့ၢ်ကီးဂုၢ်တိၢ်ဘီလၢစီၤမိၤၡ့မၤ န့ၢ်ဝဲလၢအဘၣ်တၢ်ကိးအီၤလၢနဃူၡတၣ်န့ၣ်လီၤ. လၢတၢ်မၤလၤကပီၤဂုၢ်တိၢ်ဘီန့ၣ်အဂီၢ်ကီၢ်အံၣ်စရ့လးအပှၤဂီၢ် မုၢ်ဆိၣ်ကဲၤထီၣ်တၢ်နၢမူတုၤလီၤလၢဆၢကတီၢ်အဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:14

စီၤပၤယိၤၡံယၤမၤကၢ်ကွံာ်လၢၢ်အထူၣ်တဖၣ်ဆူအက့အခီ, ဒီးကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တဖၣ်, ဒီးတၢ်လီၢ်လၢအဝဲသ့ၣ်အိၣ်ဆၢထၢၣ်ဝဲန့ၣ်အဝဲမၤဘၢကွံာ်ဒီး ပှၤကညီအဃံအကွဲသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:3

အဝဲသုးကွံာ်ပှၤတခီဘီမုၢ်ဖိအတၢ်လုၢ်လီၢ်တဖၣ်ဒီးပှၤဘါတၢ် ဂီၤတၢ်ဖီၣ်အတၢ်ဘူၣ်ထီၣ်ဘါထီၣ်အလီၢ်တဖၣ်, မၤလီၤကလဲကွံာ်ပှၤဘါတၢ်ဂီၤတၢ်ဖီၣ်အလၢၢ်ထူၣ်စီၤဆှံတဖၣ်, ဒီးကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:16

စီၤပၤအၤစါသုးကွံာ်အဖံနီၢ်မၤကၤလၢနီၢ်ပၤမုၣ်အမိၢ်အ လီၢ်, မ့ၢ်လၢအဝဲတ့ထီၣ်ဟီၣ်ခိၣ်ညၣ်ထ့ၣ်အကစၢ်မုၣ်အၡ့ရၤအဂီၤတခါလၢ ကမၤကတၢသူၣ်ကတၢသးတၢ်အဃိန့ၣ်လီၤ. စီၤအၤစါကူာ်လီၤကွံာ်တၢ်ဂီၤန့ၣ်ဒီးမၤလီၤကလဲကွံာ်ဝဲဒီး ဆူးကဲၤထီၣ်ကွံာ်တၢ်လီၤကလဲတဖၣ်န့ၣ်လၢကံဒြိၣ်အကစၢၢ်ကဆူး အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:6

အဝဲပာ်ကဖၢလၢအသးလၢအတၢ်မၤယွၤအတၢ်မၤအပူၤ, ဒီးမၤဟးဂီၤကွံာ်ကယဲၢ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ် ယွၤအလီၢ်တဖၣ်ဒီးကစၢ်မုၣ်အၡ့ရၤအတၢ်ပနီၣ်တဖၣ်လၢကီၢ်ယူဒၤ အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:18

လၢတၢ်န့ၣ်အဃိပှၤဂီၢ်မုၢ်ဆိကတီၢ်ကွံာ်အတၢ်ဘူၣ်တၢ်ဘါတၢ်လၢ ယွၤ, အမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်လုၢ်ဟံၣ်အပူၤ, ဒီးစးထီၣ်ဘူၣ်ထီၣ်ဘါထီၣ်ဝဲတၢ်ဂီၤတၢ်ဖီၣ်တဖၣ်, ဒီးကစၢ်မုၣ်အၡ့ရၤအဂီၤတဖၣ်န့ၣ်လီၤ. အဝဲသ့ၣ်အတၢ်မၤကမၣ်လၢတၢ်ဒဲးဘးတဖၣ်အံၤအဃိန့ၣ်, ဟဲစိာ်ဃီၤယွၤအတၢ်သးထီၣ်လၢကီၢ်ယူဒၤဒီးဝ့ၢ်ယရူၤရှလ့ၣ်အဖီ ခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:1

တုၤဘူၣ်လဲၤကပာ်ဝံၤဝဲန့ၣ်ကယဲၢ်ကီၢ်အံၣ်စရ့လးအပှၤဂီၢ်မုၢ် လဲၤဆူကယဲၢ်ဝ့ၢ်အိၣ်လၢကီၢ်ယူဒၤအပူၤခဲလၢာ်ဒီးမၤကၢ်လီၤက လဲကွံာ်လၢၢ်ထူၣ်တဖၣ်, ကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တ ဖၣ်, ဒီးမၤဟးဂီၤကွံာ်တၢ်လုၢ်လီၢ်တဖၣ်ဒီးပှၤဘါတၢ်ဂီၤတၢ်ဖီၣ် အတၢ်ဘူၣ်ထီၣ်ဘါထီၣ်အလီၢ်တဖၣ်န့ၣ်လီၤ. အဝဲသ့ၣ်မၤတၢ်တမံၤဃီအံၤလၢတၢ်လီၢ်အိၣ်လီၤတဲာ်လၢကီၢ်ယူဒၤ ဒီကီၢ်ညါအပူၤဒီးလီၢ်ကဝီၤတဖၣ်လၢဘံၣ်ယၤမံၣ်, အ့ဖရဲၣ်ဒီးမနၤၡ့ၤအဒူၣ်တဖၣ်အိၣ်ဝဲဆိးဝဲန့ၣ်လီၤ. ဝံၤဒီးအဝဲသ့ၣ်ခဲလၢာ်က့ၤကဒါက့ၤဆူအဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:19

စီၤပၤအတၢ်ထုကဖၣ်ဒီးကစၢ်ယွၤအတၢ်စံးဆၢက့ၤအီၤ, ဒီးတၢ်ဂ့ၢ်ဘၣ်ထွဲဒီးတၢ်ဒဲးဘးတဖၣ်လၢအဝဲမၤတ့ၢ်တချုးလၢ အပီၢ်ယၢ်လီၤက့ၤအသး, တၢ်အၢတၢ်သီလၢအမၤတ့ၢ်ဝဲ, ပှၤတစူၢ်တနာ်ယွၤအတၢ်ဘူၣ်တၢ်ဘါအလီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်လၢအမၤထီၣ်တ့ၢ်ဝဲဒီးတၢ်ဂီၤတၢ်ဖီၣ်တဖၣ်လၢအဝဲ ဘူၣ်ထီၣ်ဘါထီၣ်တ့ၢ်ဝဲ, ခဲလၢာ်န့ၣ်ဘၣ်တၢ်ကွဲးနီၣ်ကွဲးဃါအီၤလၢဝံတဖၣ်အတၢ်စံၣ်စိၤ တဲစိၤအလံာ်ပူၤန့ၣ်လီၤ.

လံာ်တၢ်ဟးထီၣ်ကွံာ် 23:24

ဆုးလီၤသုခိၣ်လၢသုကဘါထီၣ်အဝဲသ့ၣ်အကစၢ်တဖၣ်အဂီၢ်တဂ့ၤ. ဟံးန့ၢ်အဝဲသ့ၣ်အတၢ်ဘူၣ်တၢ်ဘါအလုၢ်အလၢ်တဖၣ်တဂ့ၤ. မၤဟးဂီၤကွံာ်အဝဲသ့ၣ်အကစၢ်တဖၣ်ဒီးမၤလီၤပှီၢ်ကွံာ်အလၢၢ်ထူၣ် စီဆှံတဖၣ်တက့ၢ်.

လံာ်ယၡါယၤ 17:8

အဝဲသ့ၣ်တသန့ၤလၢၤအသးလၢတၢ်လုၢ်လီၢ်တဖၣ်လၢ အဘှီထီၣ်ဝဲလၢအစုဒၣ်ဝဲမ့ၢ်ဂ့ၤ, တနာ်လၢၤအစုအတၢ်ဖံးတၢ် မၤဒၣ်ဝဲလၢအမ့ၢ်တၢ်ပနီၣ်တဖၣ်ဘၣ်ဃးကစၢ်မုၣ် အၡ့ရၤဒီးတၢ်လုၢ်လီၢ်တဖၣ်လၢတၢ်လုၢ်ထီၣ်တၢ်နၢ မူလၢမ့ၣ်အူမ့ၢ်ဂ့ၤဘၣ်န့ၣ်လီၤ.

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်ယံးရမံယၤ 17:2

သုပှၤဂီၢ်မုၢ်ဘူၣ်ထီၣ်ဘါထီၣ်တၢ်ဖဲတၢ်လုၢ်လီၢ်တဖၣ်ဒီးတၢ်ပနီၣ်တဖၣ် လၢအဘၣ်တၢ်ပာ်လီၤအီၤလၢကစၢ်မုၣ်အၡ့ရၤအဂီၢ်, လၢသ့ၣ်ထူၣ် သံကစဲာ်ကိးထူၣ်ဒဲးအကပၤ, လၢတၢ်လူၢ်တဖၣ်အဒီခိၣ်,

လံာ်မံကၤ 5:14

ယကမၤကၢ်လီၤကွံာ်ကစၢ်မုၢ်အၡ့ရၤအဂီၤတဖၣ်လၢသုကီၢ်ပူၤဒီး မၤဟးဂီၤကွံာ်သုဝ့ၢ်တဖၣ်လီၤ.

လံာ်တၢ်ဂံၢ် 33:52

သုကဘၣ်ဟီထီၣ်ကွံာ်ကယဲၢ်ပှၤအိၣ်ဆိးလၢကီၢ်န့ၣ်အပူၤခဲလၢာ် လီၤ. မၤဟးဂီၤကွံာ်ကယဲၢ်အဝဲသ့ၣ်အလၢၢ်တဖၣ်, တၢ်ဂီၤတၢ်ဖီၣ်လၢတိၢ်, စ့, ထးတဖၣ်ဒီးကယဲၢ်အတၢ်ဘူၣ်တၢ်ဘါအလီၢ်တဖၣ်န့ၣ်တက့ၢ်.

လံာ်သိၣ်လီၤသီလီၤတၢ် 16:21

ဖဲသုမၤတၢ်လုၢ်လီၢ်တခါလၢယွၤသုကစၢ်ယွၤအဂီၢ်န့ၣ်, ပာ်လီၤကစၢ်မုၣ်အၡ့ရၤအတၢ်ပနီၣ်လၢတၢ်မၤအီၤလၢသ့ၣ်တခါဖဲ အကပၤတဂ့ၤ.

လံာ်သိၣ်လီၤသီလီၤတၢ် 16:22

ဒီးပာ်လီၤလၢၢ်ထူၣ်လၢတၢ်ဘါထီၣ်တၢ်ဂီၤတၢ်ဖီၣ်အဂီၢ်နီတခါတဂ့ၤ. ယွၤသးဟ့အဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 7:5

လၢတၢ်န့ၣ်အဃိ, မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, မၤကၢ်ကွံာ်အဝဲသ့ၣ်အလၢၢ်ထူၣ်စီဆှံတဖၣ်ဆူအက့အခီတဖၣ်ကျီ ကွံာ်အဝဲသ့ၣ်အကစၢ်မုၢ်အၡ့ရၤအပနီၣ်တဖၣ်ဒီးဒွဲၣ်အူထီၣ်ကွံာ် အဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 2:2

သုတဘၣ်မၤတၢ်အၢၣ်လီၤအီလီၤဒီးပှၤဂီၢ်မုၢ်အိၣ်လၢကီၢ်အံၤ အပူၤဘၣ်. သုကဘၣ်မၤလီၤပှီၢ်ကွံာ်အတၢ်လုၢ်လီၢ်တဖၣ်လီၤ. ဘၣ်ဆၣ်ဒီးသုတမၤဒ်ယစံးတ့ၢ်သုအသိးဘၣ်. သုမၤတၢ်လၢ အထီဒါယၤတခီလီၤ.

လံာ်ပှၤစံၣ်ညီၣ်ကွီၢ် 6:25

ဒီးမုၢ်နၤအဝဲန့ၣ်ယွၤစံးဘၣ်စီၤကံးဒဧိၣ်, “ဟံးန့ၢ်နပၢ်အကျီၢ်ဖါတံၢ်ဒီးကျီၢ်ဖါတံၢ်အဂၤတဒုလၢအသးအိၣ်နွံနံၣ်, မၤလီၤပှီၢ်ကွံာ်နပၢ်အတၢ်လုၢ်လီၢ်လၢအမၤဝဲလၢဘဧၤလးအဂီၢ်ဒီး ကျီတဲာ်ကွံာ်တၢ်ပနီၣ်ဘၣ်ဃးဒီးကစၢ်မုၢ်အၡ့ရၤလၢအအိၣ်လၢ အကပၤန့ၣ်တက့ၢ်.

လံာ်ပှၤစံၣ်ညီၣ်ကွီၢ် 6:26

ဘှီထီၣ်တၢ်လုၢ်လီၢ်ဂ့ၤဂ့ၤတခါလၢ ယွၤနကစၢ်ယွၤအဂီၢ်လၢတၢ်လီၤပှီၢ်အံၤအဖီခိၣ်တက့ၢ်. အန့ၣ်ဝံၤဒီးဟံးန့ၢ်ကျီၢ်ဖါခံဒုတဒုန့ၣ်ဒီးဆိၣ်ကဲၤထီၣ်အီၤဒီဒု ဒ်တၢ်လုၢ်မၤဘူၣ်တမံၤအသိး, သူကစၢ်မုၣ်အၡ့ရၤအပနီၣ်လၢနကျီတဲာ်ကွံာ်အီၤန့ၣ်ဒ်သ့ၣ်မုၣ်အသိးတက့ၢ်.”