လံာ်တၢ်ဟးထီၣ်ကွံာ် 34:12 - Sgaw Karen Common Bible

¹² မၤတၢ်အၢၣ်လီၤအီလီၤဒီးပှၤဂီၢ်မုၢ်လၢသုလဲၤနုာ်ဆူအထံအကီၢ်ပူၤန့ၣ်နီတမံၤတဂ့ၤ. အဂ့ၢ်ဒ်အံၤ, တၢ်န့ၣ်ကဲထီၣ်တၢ်သံအပျံၤသကွီၤလၢသုဂီၢ်သ့ဝဲဒၣ်လီၤ.

လံာ်တၢ်ဟးထီၣ်ကွံာ် 34:12 Iomraidhean Croise

လံာ်စီၤပၤအခီၣ်ထံးတဘ့ၣ် 11:2

ယွၤမၤလိာ်တ့ၢ်ပှၤအံၣ်စရ့လးဖိတဖၣ်လၢအတဘၣ်ဟံးန့ၢ်ပှၤဂီၢ် မုၢ်တဖၣ်အံၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်ဒုးကဲထီၣ်ပှၤအံၣ်စရ့လးဖိတဖၣ်လၢပှၤဟ့ၣ်လီၤအတၢ်သး တီဆူကစၢ်အဂၤတဖၣ်အအိၣ်သ့ဝဲလီၤ. တၢ်န့ၣ်ဒၣ်လဲာ်, စီၤၡလိၤမိၤဒိးတ့ဒိးဖျီတ့ၢ်အသးဒီးပိာ်မုၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:10

ဒီးလၢကယဲၢ်တၢ်လူၢ်ခဲလၢာ်အဒီခိၣ်ဒီးလၢကယဲၢ်သ့ၣ်လၢအအိၣ် ဒီးအကဒုခဲလၢာ်အဖီလာ်န့ၣ်အဝဲသ့ၣ်ပာ်လီၤလၢၢ်ထူၣ်တဖၣ်ဒီးတၢ် ဂီၤတၢ်ဖီၣ်တဖၣ်လၢအမ့ၢ်ကစၢ်မုၣ်အၡ့ရၤအဂီၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 24:18

လၢတၢ်န့ၣ်အဃိပှၤဂီၢ်မုၢ်ဆိကတီၢ်ကွံာ်အတၢ်ဘူၣ်တၢ်ဘါတၢ်လၢ ယွၤ, အမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်လုၢ်ဟံၣ်အပူၤ, ဒီးစးထီၣ်ဘူၣ်ထီၣ်ဘါထီၣ်ဝဲတၢ်ဂီၤတၢ်ဖီၣ်တဖၣ်, ဒီးကစၢ်မုၣ်အၡ့ရၤအဂီၤတဖၣ်န့ၣ်လီၤ. အဝဲသ့ၣ်အတၢ်မၤကမၣ်လၢတၢ်ဒဲးဘးတဖၣ်အံၤအဃိန့ၣ်, ဟဲစိာ်ဃီၤယွၤအတၢ်သးထီၣ်လၢကီၢ်ယူဒၤဒီးဝ့ၢ်ယရူၤရှလ့ၣ်အဖီ ခိၣ်န့ၣ်လီၤ.

စံးထီၣ်ပတြၢၤ 106:36

ကစၢ်ယွၤအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ် ဒီးတၢ်အံၤဒုးအိၣ်ထီၣ်အဝဲသ့ၣ် အတၢ်ဟးဂီၤန့ၣ်လီၤ.

လံာ်တၢ်ဂံၢ် 33:52

သုကဘၣ်ဟီထီၣ်ကွံာ်ကယဲၢ်ပှၤအိၣ်ဆိးလၢကီၢ်န့ၣ်အပူၤခဲလၢာ် လီၤ. မၤဟးဂီၤကွံာ်ကယဲၢ်အဝဲသ့ၣ်အလၢၢ်တဖၣ်, တၢ်ဂီၤတၢ်ဖီၣ်လၢတိၢ်, စ့, ထးတဖၣ်ဒီးကယဲၢ်အတၢ်ဘူၣ်တၢ်ဘါအလီၢ်တဖၣ်န့ၣ်တက့ၢ်.

လံာ်သိၣ်လီၤသီလီၤတၢ် 20:18

မၤသံကွံာ်အဝဲသ့ၣ်, ဒ်သိးဒီးအဝဲသ့ၣ်ဒုးမၤသုတၢ်ဒဲးဘးထီ ဒါယွၤ, ခီဖျိသိၣ်လိန့ၢ်သုလၢ, သုကမၤတၢ်လီၤသးဘၣ်အၢတဖၣ်လၢအဝဲ သ့ၣ်မၤဝဲ, လၢတၢ်ဘူၣ်ထီၣ်ဘါထီၣ်အယွၤတဖၣ်အပူၤ, သုတသ့ဝဲတဂ့ၤအဂီၢ်န့ၣ် တက့ၢ်.

လံာ်သိၣ်လီၤသီလီၤတၢ် 31:5

ယွၤကဟ့ၣ်သုတၢ်မၤနၢၤလၢအဝဲသ့ၣ်အဖီခိၣ်, ဒီးသုကဘၣ်မၤအဝဲသ့ၣ်လီၤတံၢ်လီၤဆဲးဒ်ယတဲဘၣ်သုအသိးန့ၣ်လီၤ.

လံာ်သိၣ်လီၤသီလီၤတၢ် 7:16

မၤဟးဂီၤကွံာ်ကယဲၢ်ပှၤကိးကလုာ်ဒဲးလၢယွၤ, သုကစၢ်ယွၤဟ့ၣ်လီၤအီၤလၢသုစုပူၤဒီးဒုးနဲၣ်ဖျါထီၣ်သု တၢ်သးကညီၤဘၣ်အဝဲသ့ၣ်နီတမံၤတဂ့ၤ. ဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်တဂ့ၤ. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢအမၤသံသုသ့န့ၣ်လီၤ.

လံာ်သိၣ်လီၤသီလီၤတၢ် 7:2

ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်စီၤယိၤၡူ 9:7

ဘၣ်ဆၣ်ဒီးပှၤအံၣ်စရ့လးဖိတဖၣ်စံးဘၣ်ပှၤဃ့ၤဝံဖိတဖၣ်, “ဘၣ်တဘၣ်သုအိၣ်သုဆိးလၢပကျါအဃိဒီး, ပမၤတၢ်အၢၣ်လီၤအီ လီၤဒီးသုကသ့ဒ်လဲၣ်.”

လံာ်ပှၤစံၣ်ညီၣ်ကွီၢ် 6:10

ယတဲဘၣ်သုလၢယမ့ၢ်ယွၤ, သုကစၢ်ယွၤဒီးသုတကြၢးဘူၣ်ထီၣ်ဘါထီၣ်ပှၤအမိၢ်ဖိတဖၣ်လၢသုအိၣ်သုဆိးလၢအကီၢ်ပူၤခဲအံၤ, အကစၢ်တဖၣ်ဘၣ်န့ၣ်လီၤ. ဘၣ်ဆၣ်ဒီးသုတဒိကနၣ်ဘၣ်ယၤဘၣ်.”

လံာ်ပှၤစံၣ်ညီၣ်ကွီၢ် 8:27

စီၤကံးဒဧိၣ်သိထီၣ်တၢ်ဂီၤတခါလၢထူဒီးပာ်အီၤလၢအဝ့ၢ်ဒၣ်ဝဲ, ဝ့ၢ်ဧိးဖြၤအပူၤန့ၣ်လီၤ. ဒီးပှၤအံၣ်စရ့လးဖိခဲလၢာ်ညိကွံာ်ကစၢ်ယွၤဒီးလဲၤဖဲန့ၣ်ဒ်သိး အကဘူၣ်ထီၣ်ဘါထီၣ်ဝဲတၢ်ဂီၤသိအသးန့ၣ်လီၤ. တၢ်န့ၣ်ကဲထီၣ်ပျံၤသကွီၤလၢစီၤကံးဒဧိၣ်ဒီးအပှၤဟံၣ်ဖိအဂီၢ်န့ၣ်လီၤ.