လံာ်တၢ်ဟးထီၣ်ကွံာ် 33:9 - Sgaw Karen Common Bible

⁹ တုၤစီၤမိၤၡ့လဲၤနုာ်ဝဲတစုန့ၣ်, တၢ်အၢၣ်အထူၣ်ကဟဲလီၤဝဲ, ဒီးအိၣ်ဝဲဖဲယွၤအဒဲစီဆှံအတြဲၤဒီးယွၤကကတိၤတၢ်ဒီးစီၤမိၤၡ့လၢတၢ်အၢၣ်ပူၤန့ၣ်လီၤ.

လံာ်တၢ်ဟးထီၣ်ကွံာ် 33:9 Iomraidhean Croise

လံာ်တၢ်ကဲထီၣ်အခီၣ်ထံး 17:22

ဒီးတုၤကစၢ်ယွၤကတိၤတၢ်ဒီးစီၤအၤဘြၤဟၣ်ဝံၤဒီးဟးထီၣ် ကွံာ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 18:33

ယွၤစံးကတိၤတၢ်ဒီးစီၤအၤဘြၤဟၣ်ဝံၤအလီၢ်ခံန့ၣ်ဟးထီၣ် ကွံာ်ဝဲဒၣ်ဒီးစီၤအၤဘြၤဟၣ်ဟဲက့ၤဆူဟံၣ်န့ၣ်လီၤ.

စံးထီၣ်ပတြၢၤ 99:7

အဝဲဒၣ်ကတိၤတၢ်ဒီးအဝဲသ့ၣ်လၢ တၢ်အၢၣ်အထူၣ်ပူၤန့ၣ်လီၤ. အဝဲသ့ၣ်စူၢ်တၢ်သိၣ်တၢ်သီတဖၣ် ဒီးတၢ်မၤလိာ်တဖၣ်လၢအဟ့ၣ်တ့ၢ်ဝဲန့ၣ်လီၤ.

လံာ်တၢ်ဟးထီၣ်ကွံာ် 25:22

ယကသဂၢၢ်သုဖဲန့ၣ်ဒီးဖဲတလါအခိၣ်ကၢၢ်အဖီခိၣ်လၢအအိၣ်လၢတၢ် ဘၣ်တ့အိၣ်ဒီးအဒံးဆ့ခံဂၤအဘၢၣ်စၢၤန့ၣ်ယကဟ့ၣ်လီၤသုလၢ ကယဲၢ်ယတၢ်သိၣ်တၢ်သီတဖၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ်လီၤ.

လံာ်တၢ်ဟးထီၣ်ကွံာ် 31:18

ဖဲကစၢ်ယွၤကတိၤတၢ်ဒီးစီၤမိၤၡ့လၢကစၢၢ်စံၤနါအလိၤဝံၤဝဲန့ၣ်, အဝဲဟ့ၣ်လီၤအီၤလၢလၢၢ်ဘ့ၣ်ဘၣ်ခံဘ့ၣ်လၢကစၢ်ယွၤအနီၢ်ကစၢ်ဒၣ်ဝဲ ကွဲးလီၤတၢ်မၤလိာ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 33:10

ဖဲပှၤဂီၢ်မုၢ်ထံၣ်ဘၣ်တၢ်အၢၣ်အထူၣ်လၢယွၤအဒဲစီဆှံအတြဲၤ တဘျီဃီန့ၣ်အဝဲသ့ၣ်ကဘၣ်ဆုးလီၤအခိၣ်လီၤ.

လံာ်တၢ်ဟးထီၣ်ကွံာ် 33:11

ယွၤကကတိၤတၢ်ဒီးစီၤမိၤၡ့မဲာ်သကိးမဲာ်မၤသးဒ်သိးပှၤတဂၤ ကတိၤသကိးတၢ်ဒီးအတံၤသကိးန့ၣ်လီၤ. အန့ၣ်ဝံၤဒီး, စီၤမိၤၡ့ကဟဲက့ၤဆူတၢ်သူၣ်ဒဲအလီၢ်လီၤ. ဘၣ်ဆၣ်ဒီးပှၤသးစၢ်တဂၤလၢအမၤစၢၤအီၤ, စီၤနိၣ်အဖိခွါစီၤယိၤၡူန့ၣ်အိၣ်တ့ၢ်ဖဲယွၤအဒဲစီဆှံအပူၤန့ၣ်လီၤ.

လံာ်တၢ်ဟးထီၣ်ကွံာ် 33:8

ဖဲစီၤမိၤၡ့လဲၤထီၣ်ဆူဒဲအအိၣ်တဘျီလၢ်လၢ်န့ၣ်, ပှၤဂီၢ်မုၢ်ဆၢထၢၣ်ဖဲအဒဲတဖၣ်အတြဲၤဒီးခိးကွၢ်စီၤမိၤၡ့ တုၤလၢအလဲၤနုာ်ဆူဒဲစီဆှံအပူၤတစုန့ၣ်လီၤ.

လံာ်တၢ်ဟးထီၣ်ကွံာ် 34:3

ပှၤတဘၣ်ဟဲထီၣ်ဃုာ်ဒီးနၤနီတဂၤဘၣ်. ပှၤသုတဘၣ်တၢ်ထံၣ်အီၤလၢကစၢၢ်အလိၤနီတပူၤနီတဂၤတဂ့ၤ. ဒီးသိမ့ၢ်ဂ့ၤ, ဂီၤဘုၣ်ဂီၤဖံးမ့ၢ်ဂ့ၤတဘၣ်ဒုးအိၣ်အဆၣ်လၢ ကစၢၢ်ခီၣ်ထံးနီတဒုဘၣ်.”

လံာ်တၢ်ဟးထီၣ်ကွံာ် 34:5

ယွၤဟဲလီၤဝဲလၢတၢ်အၢၣ်တလိၣ်အပူၤ, ဆၢထၢၣ်ဃုာ်ဒီးအီၤဖဲ န့ၣ်, ဒီးယၢၤထီၣ်အမံၤစီဆှံ, ယွၤန့ၣ်လီၤ.

လံာ်တၢ်ဟးထီၣ်ကွံာ် 34:9

အဝဲစံးဝဲ, “ယွၤဧၢ, နမ့ၢ်ဘၣ်သူၣ်ဘၣ်သးယၤသပှၢ်တၢၢ်ဒီးယဃ့ နၤဒ်သိးနကလဲၤဃုာ်တၢ်ဒီးပှၤန့ၣ်လီၤ. ပှၤဂီၢ်မုၢ်အံၤအခိၣ်ကိၤဝဲလီၤ. ဘၣ်ဆၣ်ဒီးပျၢ်လၢ်ပတၢ်အၢတၢ် သီဒီးပတၢ်ဒဲးဘးဒီးတူၢ်လိာ်ပှၤဒ်နပှၤဂီၢ်မုၢ်ဒၣ်နဲအသိးန့ၣ်တက့ၢ်.”

လံာ်ယဃ့းစက့လး 3:22

ယကလၢၢ်ဘၣ် ယွၤအတၢ်အိၣ်လီၤစိလီၤကမီၤဒီး နၢ်ဟူအဝဲစံးဘၣ် ယၤ, “ဂဲၤဆၢထၢၣ်ဒီး လဲၤဟးထီၣ်ဆူ တၢ်တြီၤပူၤတက့ၢ်. ယကကတိၤ တၢ်ဒီး နၤဖဲန့ၣ်လီၤ.”

လံာ်တၢ်ဂံၢ် 11:17

ယကဟဲလီၤဒီးကတိၤတၢ်ဒီးနၤဖဲန့ၣ်ဒီးယကဟံးန့ၢ်သးလၢယဟ့ၣ် လီၤတ့ၢ်နၤတနီၤဒီးဟ့ၣ်လီၤအီၤဆူအဝဲသ့ၣ်အအိၣ်န့ၣ်လီၤ. အန့ၣ်ဒီးအဝဲသ့ၣ်ကမၤစၢၤနၤလၢတၢ်စိာ်ထီၣ်မူဒါလၢပှၤဂီၢ် မုၢ်တဖၣ်အံၤအဂီၢ်, ဒီးနတဝံဘၣ်ယိးဘၣ်ထဲတဂၤဧိၤလၢၤဘၣ်.

လံာ်တၢ်ဂံၢ် 7:89

ဖဲစီၤမိၤၡ့လဲၤနုာ်လီၤဆူဒဲစီၤဆှံအပူၤဒ်သိးက, ကတိၤတၢ်ဒီးယွၤအကတီၢ်န့ၣ်အဝဲနၢ်ဟူယွၤကတိၤတၢ်ဒီးအီၤလၢ တလါစီဆှံအခိၣ်ကၢၢ်အဖီခိၣ်ဖဲတၢ်ဘၣ်တ့အိၣ်ဒီးအဒံးဆ့အိၣ်ဝဲခံခီ တဖၣ်အကဆူးန့ၣ်လီၤ.

လံာ်သိၣ်လီၤသီလီၤတၢ် 31:14

အန့ၣ်ဝံၤဒီးယွၤစံးဘၣ်စီၤမိၤၡ့, “နတအိၣ်မူဘၣ်ယံာ်ယံာ်လၢၤဘၣ်. ဟဲကိးစီၤယိၤၡူဆူယွၤအဒဲစီဆှံ, လၢယကဟ့ၣ်လီၤအီၤအတၢ် သိၣ်လိနဲၣ်ယုၤတဖၣ်အဂီၢ်တက့ၢ်.” စီၤမိၤၡ့ဒီးစီၤယိၤၡူလဲၤဃီၤဆူဒဲစီဆှံ,

လံာ်သိၣ်လီၤသီလီၤတၢ် 31:15

ဒီးယွၤလီၣ်ဖျါထီၣ်အသးဆူအဝဲသ့ၣ်ဖဲန့ၣ်လၢတၢ်အၢၣ်အထူၣ် အပူၤလၢအအိၣ်ဖျါထီၣ်ဝဲဖဲဒဲစီဆှံအပဲတြီကပၤန့ၣ်လီၤ.