လံာ်တၢ်ဟးထီၣ်ကွံာ် 33:4 - Sgaw Karen Common Bible

⁴ ဖဲပှၤဂီၢ်မုၢ်နၢ်ဟူတၢ်အံၤဒီးအဝဲသ့ၣ်စးထီၣ်သူၣ်အုးသးအုး ဒီးတကယၢကယဲလၢၤအသးဒီးတၢ်မျၢ်လုၢ်ဒိၣ်ပှ့ၤဒိၣ်လၢၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 33:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:24

ဒီးစီၤစီလူးအလံၤခွါစီၤမဖံဘိၤၡ့း ဟဲလီၤဝဲဒ်သိးကသဂၢၢ်စီၤပၤန့ၣ်လီၤ. အဝဲတသ့ဘၣ်အခီၣ်, တတံာ်ဃူဘၣ်အခၣ်ဆူၣ်ဒီးတဆှူၣ်ဘၣ်အကူအသိးတဖၣ် စးထီၣ်လၢစီၤပၤဟးထီၣ်လၢဝ့ၢ်ယရူၤၡလ့ၣ်အမုၢ်တနံၤန့ၣ် တုၤအဟဲက့ၤတုၤအိၣ်ဒီးတၢ်မၤနၢၤတစုန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:27

တုၤစီၤအ့ၤလံယၤကတိၤတၢ်ဝံၤန့ၣ်, စီၤအၤဃာ်ဖှီယာ်ကွံာ်အကူ အသိးတဖၣ်, ဘ့ၣ်လီၤကွံာ်အီၤဒီးကူထီၣ်ကၤထီၣ်ဆ့ကၤထၢၣ်တၢ်ကံးယာ်န့ၣ် လီၤ. အဝဲဂ့ၢ်လိာ်လၢကအီၣ်တၢ်, မံလီၤလၢထၢၣ်တၢ်ကံးယာ်အပူၤဒီးအိၣ် ဝဲဒၣ်လၢတၢ်သူၣ်အုးသးအုးဒီးတၢ်သူၣ်လီၤဘှံးသးလီၤတီၤ အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:1

တုၤစီၤဃံးစကံယၤနၢ်ဟူအဝဲသ့ၣ်အတၢ်ပာ်ဖျါထီၣ်တဘျီဃီန့ၣ်, အဝဲဖှီယာ်အဆ့တဖၣ်လၢတၢ်သူၣ်အုးသးအုးအပူၤ, ကၤထီၣ်ဆ့ကၤထၢၣ်တၢ်ကံးညာ်, ဒီးလဲၤဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤဧ့စြၤ 9:3

တုၤယနၢ်ဟူတ့ၢ်တၢ်အံၤန့ၣ်ယဖှီကွံာ်ယကူယသိးတဖၣ်လၢတၢ်သးဟး ဂီၤအပူၤ, ယထဲးကွံာ်ယခိၣ်သူဒီးယခၣ်ဆူၣ်ဒီးဆ့ၣ်နီၤလၢတၢ်သူၣ်အုးသး အုးအတၢ်သးလီၤသဘှံးအပူၤန့ၣ်လီၤ.

လံာ်စီၤယိၤဘး 1:20

တုၤနုၤတစုစီၤယိၤဘးဂဲၤဆၢထၢၣ်ဒီးဖှီအဆ့လၢတၢ်သးအုး အပူၤန့ၣ်လီၤ. အဝဲလူၤဝဲအခိၣ်ဒီးထိၣ်လီၤပှီၤအသးလၢဟီၣ် ခိၣ်လိၤဒီးဘူၣ်ထီၣ်ဘါထီၣ်တၢ်လီၤ.

လံာ်စီၤယိၤဘး 2:12

ဒီးဖဲအဝဲသ့ၣ်ထံၣ်စီၤယိၤဘးလၢအယံၤန့ၣ်, အဝဲသ့ၣ်ကွၢ်နီၣ် အီၤတဘၣ်ဘၣ်. ဒီးတုၤအကွၢ်နီၣ်အီၤဘၣ်န့ၣ်အဝဲသ့ၣ်ကိး ထီၣ်လၢအကလုၢ်ဖးဒိၣ်ဒီးဟီၣ်ဝဲ, ဒီးအဝဲသ့ၣ်ဖှီအဆ့စုာ်စုာ် ဒီးဖှံထီၣ်ဟီၣ်ခိၣ်အကမူၣ်ဆူမူခိၣ်ဒီးလၢအခိၣ်အဖီခိၣ်လီၤ.

လံာ်တၢ်ဟးထီၣ်ကွံာ် 33:6

မၤသးဒ်န့ၣ်ဒီး, ဖဲအဝဲသ့ၣ်ဟးထီၣ်ကွံာ်လၢကစၢၢ်စံၤနါဝံၤ အလီၢ်ခံန့ၣ်ကီၢ်အံၣ်စရ့လးအပှၤဂီၢ်မုၢ်တကယၢကယဲလၢၤဘၣ်အသး လၢတၢ်မျၢ်လုၢ်ဒိၣ်ပှ့ၤဒိၣ်တဖၣ်လၢၤဘၣ်.

လံာ်ယၡါယၤ 32:11

သုအိၣ်မူတ့ၢ်တၢ်အိၣ်မူမံသူၣ် မုာ်သးဒၣ်သုဝဲဒီးတကိၢ်တဂီၤ တၢ်နီတမံၤဘၣ်. မ့မ့ၢ်, အခဲအံၤ ကနိးကစုာ်လၢတၢ်ပျံၤတၢ်ဖုးအပူၤတက့ၢ်. ဘ့ၣ်လီၤကွံာ်သုဆ့ကၤတဖၣ်ဒီးစၢဃာ်တၢ် ယာ်ဖျ့တဖၣ်လၢသုယီၢ်ဒ့အလိၤန့ၣ်တက့ၢ်.

လံာ်ယဃ့းစက့လး 24:17

ပျဲနတၢ်ဟီၣ်သါသကူးဘၣ်တၢ်နၢ်ဟူအီၤတဂ့ၤ. လဲၤတၢ်လၢတၢ်တဖၢၣ်ဘၣ်နခိၣ်မ့ၢ်ဂ့ၤ, တၢ်တဒိးဘၣ်ခီၣ်ဖံးမ့ၢ် ဂ့ၤဒ်အမ့ၢ်တၢ်သးအုးအပနီၣ်တမံၤအသိးတဂ့ၤ. ကျၢၢ်ဘၢနမဲာ်မ့ၢ်ဂ့ၤ, အီၣ်တၢ်အီၣ်လၢပှၤဘၣ်မိၣ်ဘၣ်မးတဖၣ်အီၣ်ဝဲမ့ၢ်ဂ့ၤန့ၣ်တဂ့ၤ.”

လံာ်ယဃ့းစက့လး 24:23

သုတလဲၤဘၣ်တၢ်လၢတၢ်ဖၢၣ်သုခိၣ်မ့ၢ်ဂ့ၤ, တၢ်ဒိးခီၣ်ဖံးမ့ၢ်ဂ့ၤ, တၢ်ဘၣ်မိၣ်ဘၣ်မးမ့ၢ်ဂ့ၤ, တၢ်ဟီၣ်တၢ်ယၢၤတၢ်မ့ၢ်ဂ့ၤအပူၤန့ၣ် ဘၣ်. သုဂံၢ်သုဘါကလီၤစၢ်ကွံာ်, မ့ၢ်လၢသုတၢ်ဒဲးဘးတဖၣ် အဃိဒီးသုကကအုကစွါလၢတဂၤဒီးတဂၤအဖီခိၣ်န့ၣ်လီၤ.

လံာ်ယဃ့းစက့လး 26:16

ကယဲၢ်ပှၤကလုာ်တဖၣ်လၢ အအိၣ်လၢပီၣ်လဲၣ်နံၤ အစီၤပၤခဲလၢာ်ကဟဲလီၤလၢ အလီၢ်ပစိာ်တဖၣ်န့ၣ်လီၤ. အဝဲသ့ၣ်ကဘ့ၣ်လီၤကွံာ်အဆ့ဖးထီတဖၣ်, ဒီးအကူအသိးလၢအဘၣ်တၢ်ဆးဒဲးကံၣ်ဒဲးဝ့ၤအီၤတဖၣ်ဒီး ကဆ့ၣ်နီၤကနိးကစုာ်လၢဟီၣ်ခိၣ်လိၤန့ၣ်လီၤ. အဝဲသ့ၣ် ကပျံၤတၢ်နးနးကလဲာ်လၢနတၢ်ဘူၣ်တၢ်တီၤအဃိ တုၤဒၣ်လဲာ် အဝဲသ့ၣ်တဆိကတီၢ် ကနိးကစုာ်ဘၣ်န့ၣ်လီၤ.

လံာ်ဟိၤၡ့ 7:14

အဝဲသ့ၣ်တဃ့ဘါထုကဖၣ်ဆူယအိၣ်နီၢ်နီၢ်လၢတၢ်သးတီအပူၤဘၣ်. မ့မ့ၢ်လၢတၢ်န့ၣ်အလီၢ်, အဝဲသ့ၣ်ကွံာ်လီၤအသးဒီးဟီၣ်တၢ်ယၢၤတၢ်ဒ်ပှၤဘါတၢ်ဂီၤတဖၣ် မၤဝဲအသိးန့ၣ်လီၤ. ဖဲအဝဲသ့ၣ်ဘါထုကဖၣ်တၢ်လၢဘုခ့ဒီးစပံးထံ အဂီၢ်န့ၣ်, အဝဲသ့ၣ်ဂဲာ်လီၤကူးလီၤအသးဒ်ပှၤဘါတၢ်ဂီၤတၢ်ဖီၣ်တဖၣ် အသိးန့ၣ်လီၤ. အဝဲသ့ၣ်တဖၣ်မ့ၢ်ပှၤပူထီၣ်တၢ်တဖၣ်လီၤ.

လံာ်တၢ်ဘူၣ်ထီၣ်ဘါထီၣ် 10:6

အန့ၣ်ဝံၤဒီး, စီၤမိၤၡ့စံးဘၣ်စီၤအၤဟရိၣ်ဒီးအဖိခွါစီၤအလၤဧစၢ်, ဒီးစီၤအံသမၢ်, “ပာ်သုခိၣ်သူတဖုတရုဒီးဖှီသုဆ့တဖၣ်ဒ်သိးသုကပာ်ဖျါ သုတၢ်သးအုးန့ၣ်တဂ့ၤ. သုမ့ၢ်မၤဒ်န့ၣ်ဒီးသုကသံလီၤ. ဒီးယွၤကသးထီၣ်ဘၣ်ပှၤဂီၢ်မုၢ်ခဲလၢာ်လီၤ. မ့မ့ၢ်ပှၤအံၣ်စရ့လးဖိခဲလၢာ်ဟီၣ်ယၢၤဝဲသ့လၢတၢ်သံအံၤမၤအသးခီဖျိမ့ၣ်အူဟဲလၢယွၤအအိၣ် အဃိန့ၣ်လီၤ.

လံာ်ယိၤနါ 3:6

တုၤဝ့ၢ်နံၤနဝ့အစီၤပၤနၢ်ဟူတၢ်ကစီၣ်န့ၣ်, အဝဲဒၣ်ဂဲၤဆၢထၢၣ်လၢအလီၢ်ပစိာ်, ဘ့ၣ်လီၤကွံာ်စီၤပၤအကူအ သိး, ဒီးသိးထီၣ်ဝဲဆ့ကၤထၢၣ်သွ့, ဒီးဆ့ၣ်နီၤဝဲလၢဖၣ်ဆါအကျါန့ၣ်လီၤ.

လံာ်စကၤရယၤ 7:3

ဒီးကသံကွၢ်ပှၤလုၢ်တၢ်အခိၣ်တဖၣ်ဒီးဝံတဖၣ်လၢတၢ်သံကွၢ်အံၤ, “မ့ၢ်လၢတၢ်လုၢ်ဟံၣ်ဘၣ်တၢ်ဟးဂီၤကွံာ်အီၤလံ အဃိဒီးမ့ၢ်ပကဘၣ်ဟီၣ်ယၢၤဒံးတၢ်ခီဖျိတၢ်ဒုၣ် တၢ်အီၣ်တၢ်အီလၢလါယဲၢ်လါတလါဒ်ပမၤတ့ၢ်လံလၢအါနံၣ်အါလါ အတီၢ်ပူၤအသိးန့ၣ်ဒံးဧါ.”

လံာ်စကၤရယၤ 7:5

အဝဲစံးဝဲ, “တဲဘၣ်ပှၤဂီၢ်မုၢ်လၢထံဧိၤကီၢ်ဧိၤအပူၤ, ဒီးပှၤလုၢ်တၢ်အခိၣ်တဖၣ်လၢဖဲအဝဲသ့ၣ်ဒုၣ်တၢ်အီၣ်တၢ် အီဒီးဟီၣ်တၢ်ယၢၤတၢ်လၢလါယဲၢ်လါတလါ, ဒီးလၢလါနွံလါတလါအပူၤ, လၢအနံၣ်နွံဆံအတီၢ်ပူၤန့ၣ်တမ့ၢ်ဘၣ်လၢတၢ်မၤလၤမၤကပီၤယၤ အဂီၢ်န့ၣ်ဘၣ်.

လံာ်တၢ်ဂံၢ် 14:1

ပှၤဂီၢ်မုၢ်ကိးထီၣ်လၢတၢ်သးအုးဒီနၤညါလီၤ. အဝဲသ့ၣ်ကဒူးကဒ့ၣ်တၢ်ထီဒါစီၤမိၤၡ့ဒီးစီၤအၤဟရိၣ်ဒီး စံးဝဲ, “ပသံလၢကီၢ်အဲၤကူပတူးအပူၤမ့တမ့ၢ်ပသံ ဖဲအံၤလၢပှၢ်မုၢ်ကနၢအပူၤအံၤဂ့ၤဒိၣ်ဒၣ်တၢ်တက့ၢ်လီၤ.

လံာ်တၢ်ဂံၢ် 14:39

တုၤစီၤမိၤၡ့တဲဘၣ်ပှၤအံၣ်စရ့လးဖိတဖၣ်လၢ, တၢ်လၢယွၤစံးတ့ၢ်ဝဲန့ၣ်, အဝဲသ့ၣ်ဟီၣ်ဝဲယၢၤဝဲနးနးကလဲာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:19

ယွၤမၤသံတ့ၢ်ပှၤအဂၤနွံဆံလၢဝ့ၢ်ဘ့ၤသၡ့မ့ၣ်အပူၤလီၤ. အဂ့ၢ်ဒ်အံၤ, အဝဲသ့ၣ်အိးထီၣ်ကွၢ်နုာ်ဝဲဒၣ်ဆူတၢ်အၢၣ်လီၤအီ လီၤအတလါစီဆှံအပူၤအဃိလီၤ. ဒီးပှၤဂီၢ်မုၢ်ဟီၣ်ဝဲယၢၤဝဲလၢယွၤဒုးအိၣ်ထီၣ် တၢ်မၤသံမၤဝီလၢအဝဲသ့ၣ်အကျါဒ်န့ၣ်အဃိလီၤ.