လံာ်တၢ်ဟးထီၣ်ကွံာ် 33:21 - Sgaw Karen Common Bible

²¹ ဘၣ်ဆၣ်ဒီးဖဲအံၤတၢ်လီၢ်အိၣ်ဝဲတပူၤလၢယကပၤဖဲနဆၢထၢၣ်လၢလၢၢ် တဖျၢၣ်အလိၤသ့ဝဲန့ၣ်လီၤ.

လံာ်တၢ်ဟးထီၣ်ကွံာ် 33:21 Iomraidhean Croise

လံာ်စီၤပၤအခီၣ်ထံးတဘ့ၣ် 19:9

ဖဲန့ၣ်အဝဲလဲၤနုာ်ဆူလၢၢ်ကအိတခါအပူၤလၢကမံဝဲလၢတနၤအဂီၢ် လီၤ. သတူၢ်ကလာ်ယွၤကတိၤဃီၤတၢ်ဒီးအီၤစံးဝဲ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

စံးထီၣ်ပတြၢၤ 18:2

ယွၤမ့ၢ်ယလၢၢ်, ဒီးယတိာ်, ဒီးယတၢ်ပူၤဖျဲးအလီၢ်, ယကစၢ်, ယွၤမ့ၢ်ယလၢၢ်, မ့ၢ်ယတၢ်အိၣ်တဒၢအလီၢ်, ယကတီၤတဘ့ၣ်, ဒီးယတၢ်အုၣ်က့ၤခီၣ်က့ၤအနၢၤ, ယတိာ်ဧိၤတာ်ဧိၤန့ၣ်လီၤ.

စံးထီၣ်ပတြၢၤ 18:46

ယွၤမူဝဲ, မ်ယလၢၢ်ဘၣ်တၢ်စံးထီၣ်ပတြၢၤအီၤတက့ၢ်. ဒီးယတၢ်အုၣ်က့ၤခီၣ်က့ၤအကစၢ်ယွၤန့ၣ် မ်အဘၣ်တၢ်ပာ်ထီၣ်ထီအီၤတက့ၢ်.

စံးထီၣ်ပတြၢၤ 27:5

အဂ့ၢ်ဒ်အံၤ, လၢတၢ်ကိၢ်တၢ်ဂီၤအမုၢ်နံၤန့ၣ်, အဝဲကပာ်ခူသူၣ်ယၤ, ကမၤပူၤဖျဲးယၤလၢအတၢ်လုၢ်ဟံၣ်အပူၤ ဒီးပာ်ယၤလၢလၢၢ်ထီၣ်ထီအဖီခိၣ်န့ၣ်လီၤ.

စံးထီၣ်ပတြၢၤ 61:2

လၢတၢ်သးဟးဂီၤဒီး တၢ်အိၣ်ယံၤဒီး ဟံၣ်အပူၤန့ၣ်ယကိးထီၣ်နၤလီၤ. ဆှၢယၤဆူတၢ်ပူၤဖျဲးအလီၢ်တတီၤန့ၣ်တက့ၢ်.

စံးထီၣ်ပတြၢၤ 62:7

တၢ်အုၣ်က့ၤခီၣ်က့ၤယၤ, ဒီးယလၤကပီၤန့ၣ် အိၣ်ဝဲဒီးကစၢ်ယွၤန့ၣ်လီၤ. ယဂံၢ်ယဘါအလၢၢ်, ယတၢ်ပူၤဖျဲးအလီၢ်န့ၣ်မ့ၢ်ကစၢ်ယွၤလီၤ.

လံာ်ယၡါယၤ 56:5

နမံၤကဘၣ်တၢ်သ့ၣ်နီၣ်ထီၣ်အီၤလၢယတၢ်လုၢ်ဟံၣ်အပူၤဒီး လၢယပှၤဂီၢ်မုၢ်အကျါယံာ်န့ၢ်ဒံးနမ့ၢ်အိၣ်တ့ၢ်ဒီးနဖိခွါတဖၣ်ဒီး နဖိမုၣ်တဖၣ်တက့ၢ်န့ၣ်လီၤ. နတဘၣ်တၢ်သးပ့ၤနီၣ်နၤနီတစုဘၣ်.”

လံာ်စကၤရယၤ 3:7

သ့တၢ်လၢာ်အယွၤစံးဒ်အံၤ, “နမ့ၢ်စူၢ်ယတၢ်သိၣ်တၢ်သီ တဖၣ်ဒီးမၤမူဒါတဖၣ်လၢယဟ့ၣ်လီၤနၤန့ၣ်ဒီး, နကပၢဆှၢဘၣ်ဒံးယတၢ်လုၢ်ဟံၣ်ဒီးအဂၢၤတဖၣ်, ဒီးယကဒိကနၣ်နတၢ်ထုကဖၣ်ဒ်ယဒိကနၣ်က လူးတဖၣ်လၢအအိၣ်လၢယမဲာ်ညါအတၢ်ထုကဖၣ်အသိးန့ၣ်လီၤ.

လံာ်လူၤကၣ် 15:1

တနံၤန့ၣ်, ပှၤဃ့သွဲအါဒံအါဂၤဒီးပှၤတၢ်ဒဲးဘးဖိတဖၣ်ဟဲဒ်သိး အကဒိကနၣ်ယ့ၣ်ၡူးအတၢ်စံးတၢ်ကတိၤအဂီၢ်လီၤ.

လံာ်သိၣ်လီၤသီလီၤတၢ် 5:31

မ့မ့ၢ်နဲဒၣ်စီၤမိၤၡ့ဧၢ, အိၣ်ဒီးယၤဖဲအံၤတက့ၢ်. ဒီးယကဟ့ၣ်လီၤနၤလၢကယဲၢ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး တၢ်မၤလိာ်တဖၣ်န့ၣ်လီၤ. သိၣ်လိသီလိပှၤဂီၢ်မုၢ်လၢတၢ်တဖၣ်န့ၣ်ဒ်သိးအဝဲသ့ၣ်ကစူၢ်ဝဲ, လၢကီၢ်တဘ့ၣ်လၢယဟ့ၣ်လီၤအဝဲသ့ၣ်အပူၤအဂီၢ်န့ၣ်တက့ၢ်.”

လံာ်စီၤယိၤၡူ 20:4

အဝဲကလဲၤဃ့ၢ်ဝဲဆူဝ့ၢ်တဖၣ်အံၤအကျါတဝ့ၢ်ဝ့ၢ်ဒီး လဲၤဆူတၢ်စံၣ်ညီၣ်အလီၢ်လၢဝ့ၢ်လဲၤနုာ်အကျဲစၢၤ ဒီးဒုးသ့ၣ်ညါပှၤခိၣ်ပှၤနၢ်တဖၣ်တၢ်လၢအမၤအသးအဂ့ၢ်န့ၣ်လီၤ. အန့ၣ်ဒီးအဝဲသ့ၣ်ကပျဲနုာ်အီၤဆူဝ့ၢ်ပူၤဒီးဟ့ၣ်အီၤတၢ်လီၢ် လၢကအိၣ်ဝဲအဂီၢ်ဒ်သိးကအိၣ်ဘၣ်ဝဲဖဲန့ၣ်လီၤ.