လံာ်တၢ်ဟးထီၣ်ကွံာ် 33:19 - Sgaw Karen Common Bible

¹⁹ ယွၤစံးဆၢစီၤမိၤၡ့, “ယကဒုးလဲၤခီဂာ်ယတၢ်ကဟုကညီၢ်ခဲ လၢာ်လၢနမဲာ်ညါ, ဒီးလၢနမဲာ်ညါန့ၣ်ယကကိးထီၣ်ယမံၤစီဆှံလီၤ. ယမ့ၢ်ယွၤဒီးယဒုးနဲၣ်ယတၢ်သူၣ်အိၣ်သးအိၣ်ဒီးသူၣ်ကညီၤသး ကညီၤဘၣ်ပှၤလၢယဃုထၢအီၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 33:19 Iomraidhean Croise

လံာ်စီၤနဃ့မယၤ 9:25

နပှၤဂီၢ်မုၢ်မၤနၢၤကွံာ်ဝ့ၢ်အိၣ်ဒီးတိာ်ဧိၤတာ်ဧိၤတဖၣ်, ကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ, ဟံၣ်တဖၣ်လၢအပှဲၤဒီးတၢ်ထူးတၢ် တီၤ, ထံကမါအိၣ်ခူၣ်လီၤပာ်စၢၤအသးတဖၣ်, သ့ၣ်စၤယံးတဖၣ်သ့ၣ်အိၣ်ဒီးအသၣ်တဖၣ်ဒီးစပံးမုၢ်အလီၢ်တဖၣ်န့ၣ်လီၤ. အဝဲသ့ၣ်အီၣ်တၢ်လၢအအဲၣ်ဒိးအီၣ်ဝဲဒီးဘီၣ်ထီၣ်ညီထီၣ်မုာ်လၤ သးခုဒီးကယဲၢ်တၢ်ဂ့ၤတဖၣ်လၢနဟ့ၣ်အဝဲသ့ၣ်န့ၣ်လီၤ.

စံးထီၣ်ပတြၢၤ 25:13

အဝဲသ့ၣ်ကဘီၣ်ထီၣ်ညီထီၣ်ထီဘိ ဒီးအဖိတဖၣ်ကဒိးန့ၢ်ဘၣ်ထံဧိၤကီၢ်ဧိၤန့ၣ်လီၤ.

စံးထီၣ်ပတြၢၤ 65:4

ပှၤလၢနဃုထၢအီၤ, ပှၤလၢနဟဲစိာ်အီၤဆူနလီၢ်စီဆှံအပူၤ ဒ်သိးကအိၣ်ကဆိးဘၣ်ဝဲအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ. ပကသူၣ်မံသးမံလၢတၢ်ဂ့ၤတဖၣ်လၢနဟံၣ်ပူၤ, နတၢ်လုၢ်ဟံၣ်စီဆှံအတၢ်ဆိၣ်ဂ့ၤဆိၣ်ဝါတဖၣ်န့ၣ်လီၤ.

လံာ်ယၡါယၤ 12:4

မုၢ်တနံၤကဟဲဝဲဖဲပှၤကသးဝံၣ်ထီၣ်, “ဟ့ၣ်ထီၣ်တၢ်စံးဘျုးစံးဖှိၣ်ဆူယွၤအအိၣ်တက့ၢ်. ကိးထီၣ်အီၤလၢကမၤစၢၤနၤအဂီၢ်တက့ၢ်. တဲဘၣ်ပှၤကလုာ်ခဲလၢာ်လၢတၢ်လၢအဝဲမၤတ့ၢ်ဝဲတက့ၢ်. တဲဘၣ်အဝဲသ့ၣ်လၢယွၤအံၤဒိၣ်ဝဲထဲလဲၣ်ထဲလဲၣ်န့ၣ်တက့ၢ်.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယံးရမံယၤ 31:12

အဝဲသ့ၣ်ကဟဲဒီး သးဝံၣ်တၢ်လၢ တၢ်သးခုအပူၤလၢ ကစၢၢ်စံယိၣ် အဒီခိၣ်, ဒီးကမုာ်လၤသးခုဝဲဒီး ယတၢ်ဟ့ၣ်တဖၣ်, တၢ်ဟ့ၣ်တဖၣ် လၢအမ့ၢ်ဝဲဘုဧိၤဟုဧိၤဒီးစပံးထံဒီး သ့ၣ်စၤယံးအသိ ဒီးတၢ်ဟ့ၣ်တဖၣ်လၢ အမ့ၢ်သိဒီး ဂီၤဘုၣ်ဂီၤဖံးတဖၣ်န့ၣ်လီၤ. အဝဲသ့ၣ် ကလီၤဂာ်ဒီး တၤသၣ်လီၢ်တလီၢ်လၢပှၤဖှိၣ်န့ၢ်အီၤ ထံဂ့ၤဂ့ၤဘၣ်ဘၣ်, ဒီး အဝဲသ့ၣ်ကအိၣ်ဒီး တၢ်ခဲလၢာ်လၢ အလိၣ်ဘၣ်ဝဲန့ၣ်လီၤ.

လံာ်ယံးရမံယၤ 31:14

ယကဒုးအီၣ်ကုးအီၤပှဲၤပှၤလုၢ်တၢ် အခိၣ်တဖၣ်လၢတၢ်အီၣ်ဝံၣ်အီဆၢ, ဒီးမၤသးမံယပှၤဂီၢ်မုၢ် အတၢ်လိၣ်ခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်စကၤရယၤ 9:17

ထံကီၢ်ကဂ့ၤဝဲဒီးကဃံဝဲလၤဝဲဆံးဒိၣ်လဲၣ်. အဘုဧိၤဟုဧိၤဒီးအစပံးထံကဒုးဒိၣ်ထီၣ် ဒီးဒုးဂံၢ်ဆူၣ်ဘါဆူၣ်ထီၣ်အပှၤသးစၢ်ပိာ်ခွါပိာ်မုၣ်တဖၣ်လီၤ.

ရိမ့ၤ 2:4

မ့တမ့ၢ်ဘၣ်ဒီး, မ့ၢ်နမၤတရီတပါကစၢ်ယွၤအတၢ်ဂ့ၤတၢ်ဝါ, အတၢ်ဝံသးစူၤဒီးအတၢ်သူၣ်စူၤသးစူၤလၢအဒိၣ်ဝဲအါဝဲန့ၣ်ဧါ. နသ့ၣ်ညါလၢကစၢ်ယွၤအတၢ်ဂ့ၤတၢ်ဝါကျဲးစၢးဆှၢနၤဆူတၢ်ပီၢ် ယၢ်လီၤက့ၤနသးန့ၣ်လီၤ.

ရိမ့ၤ 9:23

အါန့ၢ်အန့ၣ်, အဝဲသးအိၣ်လီၣ်ဖျါထီၣ်စ့ၢ်ကီး အလၤကပီၤ ထူးတီၤလၢအဘၣ်တၢ်ဂၢ်လီၤအီၤလၢပဝဲလၢအသးကညီၤ ဘၣ်ဝဲ, ဒီးကတဲာ်ကတီၤပာ်စၢၤဝဲလၢအကဒိးန့ၢ်ဘၣ်အလၤ ကပီၤအဂီၢ်တဖၣ်အလိၤန့ၣ်လီၤ.

လံာ်သိၣ်လီၤသီလီၤတၢ် 32:3

ယကစံးထီၣ်ပတြၢၤယွၤအမံၤ, ဒီးအဝဲအပှၤဂီၢ်မုၢ်ကတဲတၢ်ဘၣ်ထွဲဒီးအဝဲအတၢ်ဒိၣ်တၢ်မုၢ်အဂ့ၢ်န့ၣ်လီၤ.