လံာ်တၢ်ဟးထီၣ်ကွံာ် 33:13 - Sgaw Karen Common Bible

¹³ ခဲကနံၣ်အံၤနမ့ၢ်ဘၣ်သူၣ်ဘၣ်သးန့ၣ်ဒီးတဲဘၣ်ယၤလၢနတၢ်သုးတၢ် ကျဲၤဒ်သိးယကမၤနတၢ်မၤဒီးမၤတၢ်ဘၣ်နသးတက့ၢ်. သ့ၣ်နီၣ်ထီၣ်စ့ၢ်ကီးလၢနဃုထၢတ့ၢ်ပှၤကလုာ်အံၤလၢကကဲထီၣ်နတၢ် ဒၣ်နဲန့ၣ်တက့ၢ်.”

လံာ်တၢ်ဟးထီၣ်ကွံာ် 33:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:25

တုၤနုၤတစု, စီၤပၤစံးဘၣ်စီၤစၤဒိး, “က့ၤစိာ်ကဒါက့ၤ ယွၤအတၢ်အၢၣ်လီၤအီလီၤအတလါစီဆှံဆူဝ့ၢ်ပူၤတက့ၢ်. ယွၤမ့ၢ်ဘၣ်သူၣ်ဘၣ်သးလၢယၤဒီး, မုၢ်တနံၤန့ၣ်အဝဲကပျဲ ယဟဲက့ၤကဒါက့ၤလၢယကထံၣ်ဘၣ်အီၤဃုာ်ဒီးတၢ်လီၢ်ဖဲတၢ်ပာ်အီၤ န့ၣ်လီၤ.

စံးထီၣ်ပတြၢၤ 103:7

အဝဲဒုးသ့ၣ်ညါစီၤမိၤၡ့လၢအကျဲဧိၤကပူၤဧိၤ, ဒီးပှၤအံၣ်စရ့လးဖိလၢ အတၢ်ဖံးတၢ်မၤတဖၣ်န့ၣ်လီၤ.

စံးထီၣ်ပတြၢၤ 119:33

ယွၤဧၢ, သိၣ်လိယၤလၢနတၢ်သိၣ်တၢ်သီ အကျဲန့ၣ်တက့ၢ်. ဒီးယကတိၢ်န့ၢ်ဖံးဃာ်အီၤတုၤအကတၢၢ်လီၤ.

စံးထီၣ်ပတြၢၤ 25:4

ယွၤဧၢ, သိၣ်လိယၤလၢနကျဲတဖၣ် ဒီးဒုးသ့ၣ်ညါယၤလၢနကျဲတဖၣ်န့ၣ်တက့ၢ်.

စံးထီၣ်ပတြၢၤ 27:11

ယွၤဧၢ, တၢ်လၢနဆၢလၢယကမၤန့ၣ်, သိၣ်လိယၤတက့ၢ်. ဒီးဆှၢယၤလၢကျဲအမုာ်အပၢၤအပူၤ, အဂ့ၢ်မ့ၢ်လၢယအိၣ်ဒီးဒုၣ်ဒါအါဂၤအဃိန့ၣ်လီၤ.

စံးထီၣ်ပတြၢၤ 51:13

အန့ၣ်ဒီးယကဒုးနဲၣ်ပှၤမၤကမၣ်တၢ်ဖိလၢ နကျဲဧိၤကပူၤဧိၤ ဒီးပှၤတၢ်ဒဲးဘးဖိကဃၣ်လိၤက့ၤအသး ဆူနအိၣ်လီၤ.

စံးထီၣ်ပတြၢၤ 86:11

ယွၤဧၢ, နဲၣ်လိယၤလၢနကျဲဒ်သိး ယကလဲၤတၢ်လၢနတၢ်မ့ၢ်တၢ်တီအပူၤ, ဒီးဟ့ၣ်ယၤတၢ်သးစၢၢ်ဆၢပံၢ်ကလာ် လၢယကပျံၤနမံၤအဂီၢ်တက့ၢ်.

လံာ်တၢ်ဟးထီၣ်ကွံာ် 3:10

ဒီး, ခဲကနံၣ်အံၤ, ယဆှၢလီၤနၤဆူကီၢ်အဲၤကူပတူးအစီၤပၤဖၤ ရိၤအအိၣ်ဒ်သိးနကထုးထီၣ်ကွံာ်ယပှၤဂီၢ်မုၢ်ပှၤအံၣ်စရ့လးဖိ လၢကီၢ်အဲၤကူပတူးပူၤန့ၣ်လီၤ.”

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 32:12

ဘၣ်မနုၤလၢပှၤအဲၤကူပတူးဖိတဖၣ်စံးဝဲကသ့လၢနဆှၢထီၣ်နပှၤ ဂီၢ်မုၢ်လၢကီၢ်အဲၤကူပတူးဒီးကူၣ်ထီၣ်လၢနကမၤသံကွံာ်အီၤ လၢကစၢၢ်တဖၣ်အကျါဒီးမၤဟးဂီၤကွံာ်အီၤလၢာ်လၢာ်ဆ့ဆ့ အဂီၢ်န့ၣ်လဲၣ်. ဆိကတီၢ်တၢ်သးထီၣ်တက့ၢ်. လဲလိာ်ကွံာ်နတၢ်ပာ်လီၤသးဒီးဒုးလီၤဘၣ်တၢ်တတၢးတနါအံၤလၢ နပှၤဂီၢ်မုၢ်အလိၤတဂ့ၤ.

လံာ်တၢ်ဟးထီၣ်ကွံာ် 32:14

မၤသးဒ်န့ၣ်ဒီးယွၤလဲလိာ်ကွံာ်အတၢ်ပာ်လီၤသးဒီးတဒုးလီၤဘၣ် တၢ်တတၢးတနါလၢအပှၤဂီၢ်မုၢ်အလိၤလၢကမၤပျံၤမၤဖုးအဝဲ သ့ၣ်လၢၤဘၣ်.

လံာ်တၢ်ဟးထီၣ်ကွံာ် 32:7

ယွၤစံးဘၣ်စီၤမိၤၡ့, “က့ၤလီၤကဒါက့ၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်လၢနဆှၢထီၣ်အီၤလၢကီၢ်အဲၤကူပတူး န့ၣ်မၤလံတၢ်ဒဲးဘးဒီးညိကွံာ်ယၤလံ.

လံာ်တၢ်ဟးထီၣ်ကွံာ် 34:9

အဝဲစံးဝဲ, “ယွၤဧၢ, နမ့ၢ်ဘၣ်သူၣ်ဘၣ်သးယၤသပှၢ်တၢၢ်ဒီးယဃ့ နၤဒ်သိးနကလဲၤဃုာ်တၢ်ဒီးပှၤန့ၣ်လီၤ. ပှၤဂီၢ်မုၢ်အံၤအခိၣ်ကိၤဝဲလီၤ. ဘၣ်ဆၣ်ဒီးပျၢ်လၢ်ပတၢ်အၢတၢ် သီဒီးပတၢ်ဒဲးဘးဒီးတူၢ်လိာ်ပှၤဒ်နပှၤဂီၢ်မုၢ်ဒၣ်နဲအသိးန့ၣ်တက့ၢ်.”

လံာ်တၢ်ဟးထီၣ်ကွံာ် 5:1

ဒီးစီၤမိၤၡ့ဒီးစီၤအၤဟရိၣ်လဲၤဆူကီၢ်အဲၤကူပတူးစီၤပၤ အအိၣ်, ဒီးစံးဘၣ်အီၤ, “ယွၤ, ပှၤအံၣ်စရ့လးဖိအကစၢ်ယွၤစံးဒ်အံၤ, ပျၢ်ယပှၤဂီၢ်မုၢ်, ဒ်သိးအကလဲၤမၤဘူၣ်လၢပှၢ်မုၢ်ကနၢလၢတၢ်မၤလၤကပီၤယၤအဂီၢ်န့ၣ်တက့ၢ်.”

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်ယၡါယၤ 63:17

ဘၣ်မနုၤအဃိနပျဲပဟးဖျိးကွံာ်လၢနကျဲတဖၣ်န့ၣ်လဲၣ်. ဘၣ်မနုၤအဃိနမၤကိၤပသးတုၤဒၣ်လဲာ်ပဃၣ်ကွံာ်ပသးလၢနၤ န့ၣ်လဲၣ်. လၢပှၤလၢအမၤနတၢ်မၤတဖၣ်, လၢပှၤဂီၢ်မုၢ်လၢထီဘိမ့ၢ်နတၢ်ဒၣ်နဲတဖၣ်အဃိ န့ၣ်ဟဲက့ၤကဒါက့ၤတက့ၢ်.

လံာ်ယၡါယၤ 63:19

နပာ်ပှၤဒ်နတမ့ၢ်ဘၣ်ပှၤပၢဘၣ်ပှၤနီတစုအသိး, ဒ်ပတမ့ၢ်တ့ၢ်နပှၤဂီၢ်မုၢ်နီတစုဘၣ်အသိးန့ၣ်လီၤ.

လံာ်ယိၤအ့လး 2:17

မ်ပှၤလုၢ်တၢ်အခိၣ်လၢအမၤယွၤအတၢ် တဖၣ်ဟီၣ်လၢတၢ်လုၢ်လီၢ်ဒီးယွၤအတၢ်လုၢ်ဟံၣ်အကျဲစၢၤအဘၢၣ် စၢၤဒီးထုကဖၣ်ဒ်အံၤ, ယွၤဧၢ, သးကညီၤနပှၤဂီၢ်မုၢ်တက့ၢ်. မ်ပှၤကလုာ်ဂၤတဖၣ်အသုတသးဘၣ်အၢဒီး ဒုၣ်ဒွဲၣ်စံးအၢပှၤ လၢအတၢ်ကတိၤ, သုကစၢ်အိၣ်ဖဲလဲၣ်, န့ၣ်တဂ့ၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

ရိမ့ၤ 11:28

မ့ၢ်လၢအဝဲသ့ၣ်တတူၢ်လိာ်တၢ်သးခုကစီၣ်အဃိ, ပှၤယူဒၤဖိတဖၣ်မ့ၢ်ကစၢ်ယွၤအဒုၣ်အဒါလၢသုဝဲပှၤကလုာ်ဂၤ တဖၣ်အဂီၢ်လီၤ. ဘၣ်ဆၣ်ဒီးမ့ၢ်လၢယွၤအတၢ်ဃုထၢအဃိ, အဝဲသ့ၣ်မ့ၢ်ယွၤအတံၤသကိးတဖၣ်လၢမိၢ်ပၢ်ဖံဖုလၢပျၢၤ တဖၣ်အဃိလီၤ.

အ့းဖ့းစူး 1:17

ဒ်သိးပကစၢ်ယ့ၣ်ၡူးခရံာ်အပၢ်, ပၢ်လၢအလၢပှဲၤဒီးတၢ်လၤကပီၤတဂၤကဟ့ၣ်လီၤသု သးစီဆှံလၢအကဒုးကူၣ်ဘၣ်ကူၣ်သ့သုဒီးလီၣ်ဖျါထီၣ် န့ၢ်သုလၢယွၤဒ်သိးသုကသ့ၣ်ညါအီၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 9:26

ဒီးယဘါထုကဖၣ်တၢ်ဒီးစံး, ယွၤပၢဘၣ်တၢ်ခဲလၢာ်ကစၢ်ဧၢ, မၤဟးဂီၤကွံာ်နပှၤဂီၢ်မုၢ်ဒၣ်နဲတဂ့ၤ. ပှၤဂီၢ်မုၢ်အံၤနမၤပူၤဖျဲးတ့ၢ်အီၤဒီးထုးထီၣ်ကွံာ်အီၤလၢ ကီၢ်အဲၤကူပတူးအပူၤလၢနဂံၢ်နဘါဖးဒိၣ်ဒီးတၢ်စိတၢ်ကမီၤအပူၤန့ၣ် လီၤ.

လံာ်သိၣ်လီၤသီလီၤတၢ် 9:29

နီၢ်နီၢ်, ဒ်လဲၣ်ဂ့ၤဒ်လဲၣ်ဂ့ၤန့ၣ်, ပှၤတဖၣ်အံၤမ့ၢ်ပှၤဂီၢ်မုၢ် လၢနဃုထၢအီၤလၢကမ့ၢ်နတၢ်ဒၣ်နဲဒီးမ့ၢ်ပှၤတဖၣ်လၢနထုးထီၣ် ကွံာ်အီၤလၢကီၢ်အဲၤကူပတူးအပူၤခီဖျိနစိနကမီၤဖးဒိၣ်ဒီး နတၢ်ဒိၣ်တၢ်မုၢ်အဃိန့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.