လံာ်တၢ်ဟးထီၣ်ကွံာ် 33:10 - Sgaw Karen Common Bible

¹⁰ ဖဲပှၤဂီၢ်မုၢ်ထံၣ်ဘၣ်တၢ်အၢၣ်အထူၣ်လၢယွၤအဒဲစီဆှံအတြဲၤ တဘျီဃီန့ၣ်အဝဲသ့ၣ်ကဘၣ်ဆုးလီၤအခိၣ်လီၤ.

လံာ်တၢ်ဟးထီၣ်ကွံာ် 33:10 Iomraidhean Croise

လံာ်စီၤပၤအခီၣ်ထံးတဘ့ၣ် 8:14

ဖဲပှၤဂီၢ်မုၢ်ဆၢထၢၣ်ဝဲဖဲန့ၣ်အခါန့ၣ်, စီၤပၤစီၤၡလိၤမိၤ ဃၣ်ဃီၤအမဲာ်ဆူအဝဲသ့ၣ်အအိၣ်ဒီးအဝဲဃ့ဝဲလၢကစၢ်ယွၤအတၢ်ဆိၣ် ဂ့ၤကလီၤဘၣ်လၢအဝဲသ့ၣ်အလိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:22

ဒီးလၢပှၤဂီၢ်မုၢ်အမဲာ်ညါန့ၣ်, စီၤၡလိၤမိၤလဲၤဂဲၤဆၢထၢၣ် လၢတၢ်လုၢ်လီၢ်အမဲာ်ညါ, ဒီးယူာ်ထီၣ်အစု, ဒီးဘါထုကဖၣ်တၢ်စံးဝဲ,

လံာ်တၢ်ဟးထီၣ်ကွံာ် 13:21

ဒီးလၢမုၢ်ဆါအကတီၢ်န့ၣ်ယွၤလဲၤတၢ်လၢအဝဲသ့ၣ်အမဲာ်ညါလၢတၢ် အၢၣ်အထူၣ်အပူၤ, ဒ်သိးကနဲၣ်အီၤကျဲဒီးလၢမုၢ်နၤအကတီၢ်န့ၣ်, လဲၤဝဲလၢအမဲာ်ညါလၢအမ့ၣ်အူအထူၣ်အပူၤဒ်သိးကဟ့ၣ်အီၤတၢ်ကပီၤ, ဒ်သိးအဝဲသ့ၣ်လဲၤတၢ်လၢမုၢ်ဆါဒီးလၢမုၢ်နၤကသ့ဝဲအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 33:11

ယွၤကကတိၤတၢ်ဒီးစီၤမိၤၡ့မဲာ်သကိးမဲာ်မၤသးဒ်သိးပှၤတဂၤ ကတိၤသကိးတၢ်ဒီးအတံၤသကိးန့ၣ်လီၤ. အန့ၣ်ဝံၤဒီး, စီၤမိၤၡ့ကဟဲက့ၤဆူတၢ်သူၣ်ဒဲအလီၢ်လီၤ. ဘၣ်ဆၣ်ဒီးပှၤသးစၢ်တဂၤလၢအမၤစၢၤအီၤ, စီၤနိၣ်အဖိခွါစီၤယိၤၡူန့ၣ်အိၣ်တ့ၢ်ဖဲယွၤအဒဲစီဆှံအပူၤန့ၣ်လီၤ.

လံာ်တၢ်ဟးထီၣ်ကွံာ် 33:9

တုၤစီၤမိၤၡ့လဲၤနုာ်ဝဲတစုန့ၣ်, တၢ်အၢၣ်အထူၣ်ကဟဲလီၤဝဲ, ဒီးအိၣ်ဝဲဖဲယွၤအဒဲစီဆှံအတြဲၤဒီးယွၤကကတိၤတၢ်ဒီးစီၤမိၤၡ့လၢတၢ်အၢၣ်ပူၤန့ၣ်လီၤ.

လံာ်တၢ်ဟးထီၣ်ကွံာ် 4:31

ဒီးပှၤဂီၢ်မုၢ်နာ်ဝဲဒီးဖဲအဝဲသ့ၣ်နၢ်ဟူဝဲဒၣ်လၢကစၢ်ယွၤဟဲဆူ အဝဲသ့ၣ်အအိၣ်ဒီးထံၣ်အတၢ်နးတၢ်ဖှီၣ်န့ၣ်အဝဲသ့ၣ်ဆုးလီၤအခိၣ် ဒီးဘူၣ်ထီၣ်ဘါထီၣ်ယွၤလီၤ.

လံာ်လူၤကၣ် 18:13

မ့မ့ၢ်ပှၤဃ့သွဲတဂၤန့ၣ်, အိၣ်ဆၢထၢၣ်ဝဲလၢတၢ်လီၢ်အယံၤ, ဒီးတကျ့ထီၣ်ဒၣ်လဲာ်အမဲာ်ဆူမူခိၣ်ဘၣ်. မ့မ့ၢ်, အဝဲဒၣ်ဒဲလီၤအသးနါပှၢ်ဒီးစံးဝဲ, ‘ကစၢ်ယွၤဧၢ, သူၣ်ကညီၤသးကညီၤလၢ်ယၤ, ပှၤတၢ်ဒဲးဘးဖိတဂၤအံၤတက့ၢ်.’ ”