လံာ်တၢ်ဟးထီၣ်ကွံာ် 32:7 - Sgaw Karen Common Bible

⁷ ယွၤစံးဘၣ်စီၤမိၤၡ့, “က့ၤလီၤကဒါက့ၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်လၢနဆှၢထီၣ်အီၤလၢကီၢ်အဲၤကူပတူး န့ၣ်မၤလံတၢ်ဒဲးဘးဒီးညိကွံာ်ယၤလံ.

လံာ်တၢ်ဟးထီၣ်ကွံာ် 32:7 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 27:2

အဝဲမၤတ့ၢ်တၢ်လၢအဘၣ်ယွၤအသးဒ်အပၢ်မၤတ့ၢ်ဝဲအသိး, ဘၣ်ဆၣ်တၢ်ဒဲးဘးလၢအပၢ်မၤတ့ၢ်ဝဲလၢအမ့ၢ်တၢ်ဆူးကဲၤတၢ်နၢမူ လၢယွၤအတၢ်လုၢ်ဟံၣ်အပူၤန့ၣ်, အဝဲတမၤဝဲဘၣ်. မ့မ့ၢ်ပှၤဂီၢ်မုၢ်န့ၣ်, မၤဒံးဒၣ်တၢ်ဒဲးဘးအဖၢမုၢ်န့ၣ်လီၤ.

စံးထီၣ်ပတြၢၤ 78:36

ဘၣ်ဆၣ်ဒီးအဝဲသ့ၣ်လီန့ၢ်အီၤလၢအထးခိၣ်, ဒီးကတိၤကဘျံးကဘျၣ်တၢ်ဒီးအီၤလၢအပျ့ၤန့ၣ်လီၤ.

လံာ်တၢ်ဟးထီၣ်ကွံာ် 19:24

ဒီးယွၤစံးဆၢက့ၤအီၤ, “က့ၤလီၤဒီးဟဲကိးထီၣ်စီၤအၤဟရိၣ်ဃုာ်ဒီးနၤတက့ၢ်. ဘၣ်ဆၣ်ဒီးပှၤလုၢ်တၢ်အခိၣ်တဖၣ်ဒီးပှၤဂီၢ်မုၢ်တဘၣ်ခီဂာ်တၢ်အဆၢ လၢကဟဲထီၣ်ဆူယအိၣ်အဂီၢ်န့ၣ်ဘၣ်. မ့တမ့ၢ်ဒီးယကစံၣ်ညီၣ်အဝဲသ့ၣ်လီၤ.”

လံာ်တၢ်ဟးထီၣ်ကွံာ် 32:1

ဖဲပှၤဂီၢ်မုၢ်ထံၣ်ဝဲလၢစီၤမိၤၡ့တဟဲက့ၤလီၤလၢကစၢၢ်ဒီ ခိၣ်ဘၣ်မ့မ့ၢ်အိၣ်ဝဲဖဲန့ၣ်ယံာ်ဒိၣ်မးန့ၣ်, အဝဲသ့ၣ်ပာ်ဖှိၣ်အသးဝးတရံးစီၤအၤဟရိၣ်ဒီးစံးဘၣ်အီၤ, “တၢ်မၤအသးဒီးစီၤမိၤၡ့လၢအဆှၢထီၣ်ပှၤလၢကီၢ်အဲၤကူပတူး တဂၤဒ်လဲၣ်န့ၣ်ပတသ့ၣ်ညါဘၣ်. လၢတၢ်န့ၣ်အဃိမၤန့ၢ်ပှၤလၢကစၢ်ထူတဂၤလၢကဆှၢပှၤတက့ၢ်.”

လံာ်တၢ်ဟးထီၣ်ကွံာ် 32:11

ဘၣ်ဆၣ်ဒီး, စီၤမိၤၡ့ဃ့ကညးဝဲယွၤ, အကစၢ်ယွၤဒီးစံး, “ယွၤဧၢ, ဘၣ်မနုၤလၢနဘၣ်သးထီၣ်ဘၣ်နပှၤဂီၢ်မုၢ်လၢနအုၣ်က့ၤ ခီၣ်က့ၤအီၤလၢကီၢ်အဲၤကူပတူးအပူၤလၢတၢ်ဂံၢ်တၢ်ဘါဒီးတၢ် စိကမီၤဖးဒိၣ်န့ၣ်အပူၤလဲၣ်.

လံာ်တၢ်ဟးထီၣ်ကွံာ် 32:4

အဝဲဒၣ်ဟံးန့ၢ်ထူအကွီၤတဖၣ်ဒီးဃ့ၣ်ပှံၢ်လီၤအီၤဒီးလူလီၤ ထူအထံဆူတၢ်ဂီၤသိအသးအတကွီၣ်တခါအပူၤ, ဒီးဒုးကဲထီၣ်ဂီၤ ဖံးထူအဖါတဒုန့ၣ်လီၤ. ဒီးပှၤဂီၢ်မုၢ်စံးဝဲ, “ကီၢ်အံၣ်စရ့လးဧၢ, အဝဲအံၤမ့ၢ်ပကစၢ်, ပှၤလၢအထူးထီၣ်ကွံာ်ပှၤလၢကီၢ်အဲၤကူပတူး အပူၤန့ၣ်လီၤ.”

လံာ်တၢ်ဟးထီၣ်ကွံာ် 33:1

ဒီးယွၤစံးဘၣ်စီၤမိၤၡ့, “နၤဒီးပှၤဂီၢ်မုၢ်လၢနထုးထီၣ် ကွံာ်အီၤလၢကီၢ်အဲၤကူပတူးအပူၤန့ၣ်ဟးထီၣ်လၢတၢ်လီၢ်အံၤ ဒီးလဲၤဆူကီၢ်တဘ့ၣ်လၢယအၢၣ်လီၤအီလီၤတ့ၢ်လၢအက ဟ့ၣ်လီၤဆူစီၤအၤဘြၤဟၣ်, စီၤအံၤစဲး, စီၤယၤကိာ်ဒီးအစၢၤ အသွဲၣ်တဖၣ်အအိၣ်န့ၣ်တက့ၢ်.

လံာ်ယၡါယၤ 1:4

ပှၤတၢ်ဒဲးဘးဖိတကလုာ်, ပှၤဟးဂီၤဒီးပှၤအၢပှၤသီသ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုတၢ်ဒဲးဘးတဖၣ်ထုး လီၤသုဒီးသုတတူၢ်လိာ်ကစၢ်, အံၣ်စရ့လးအကစၢ်ယွၤစီဆှံ ဘၣ်, ဒီးသုဒီသုချၢလၢအီၤလီၤ.

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်ဟိၤၡ့ 9:9

တၢ်လၢအဝဲသ့ၣ်မၤဝဲန့ၣ်မ့ၢ်ဒၣ်တၢ်အၢတၢ်သီလၢအတၢ်မုၢ်လၢ် တအိၣ်ဘၣ်ဒ်သိးဒၣ်လၢအဝဲသ့ၣ်အိၣ်တ့ၢ်လၢဝ့ၢ်ကံးဘဧးအခါန့ၣ် လီၤ. ကစၢ်ယွၤကသ့ၣ်နီၣ်ထီၣ်အဝဲသ့ၣ်အတၢ်ဒဲးဘးတဖၣ်ဒီးစံၣ်ညီၣ် အဝဲသ့ၣ်လၢတၢ်အံၤအဃိန့ၣ်လီၤ.

လံာ်သိၣ်လီၤသီလီၤတၢ် 31:29

ယသ့ၣ်ညါလၢဖဲယသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤတ တီတလိၤဒီးညိကွံာ်တၢ်လၢယသိၣ်လိတ့ၢ်အဝဲသ့ၣ်န့ၣ်လီၤ. ဒီးလၢတၢ်ဆၢကတီၢ်လၢအကဟဲအပူၤန့ၣ်, အဝဲသ့ၣ်ကဘၣ်သဂၢၢ်ဒီးတၢ်တတၢးတနါ, မ့ၢ်လၢအဝဲသ့ၣ်ကမၤသးထီၣ် ယွၤခီဖျိတၢ်လၢအဝဲတြီတ့ၢ်ဝဲတဖၣ်အဃိန့ၣ်လီၤ.”

လံာ်သိၣ်လီၤသီလီၤတၢ် 32:5

မ့မ့ၢ်, သုမ့ၢ်ပှၤသူၣ်တတီသးတရၤဒီးတကြၢးဝဲဘၣ်ဝဲလၢကမ့ၢ် အဝဲအပှၤဂီၢ်မုၢ်ဘၣ်, ပှၤကလုာ်လၢအမၤဒဲးဘးတၢ်ဒီးလီတၢ်ဝ့ၤတၢ်န့ၣ်လီၤ.

လံာ်သိၣ်လီၤသီလီၤတၢ် 4:16

သုတမၤဘၣ်တၢ်ဒဲးဘးခီဖျိတၢ်မၤထီၣ်တၢ်ဂီၤတမံၤလၢသုကစၢ် ဒၣ်သုဝဲအဂီၢ်, တၢ်ဂီၤလၢအအိၣ်ဒီးက့ၢ်ဂီၤတခါခါလၢအမ့ၢ်, ပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ,

လံာ်သိၣ်လီၤသီလီၤတၢ် 9:12

အန့ၣ်ဝံၤဒီး, ယွၤစံးဘၣ်ယၤ, က့ၤလီၤလၢကစၢၢ်အလိၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်, လၢနဆှၢထီၣ်အီၤလၢကီၢ်အဲၤကူပတူးန့ၣ်, မၤသံၣ်သူမီၣ်ကျာ် လီၤအသးဒီးမၤတ့ၢ်တၢ်အၢတၢ်သီလံ. အဝဲသ့ၣ်ဃၣ်ကဒါကွံာ်လံအသးလၢတၢ်လၢယမၤလိာ်တ့ၢ်အဝဲသ့ၣ်လၢ ကဘၣ်မၤဝဲ, ဒီးအဝဲသ့ၣ်မၤထီၣ်တၢ်ဂီၤတၢ်ဖီၣ်တခါလၢအဂီၢ်န့ၣ်လီၤ.

လံာ်သိၣ်လီၤသီလီၤတၢ် 9:8

ဖဲကစၢၢ်စံၤနါဒၣ်လဲာ်န့ၣ်, သုထိၣ်ဂဲၤယွၤအတၢ်သးထီၣ်, တုၤဒၣ်လဲာ်အဝဲအသးဒိၣ်ထီၣ်တုၤလၢသါကမၤဟးဂီၤကွံာ်သုန့ၣ်လီၤ.

လံာ်ပှၤစံၣ်ညီၣ်ကွီၢ် 2:19

ဘၣ်ဆၣ်တုၤခိၣ်နၢ်တဂၤသံန့ၣ်, ပှၤဂီၢ်မုၢ်က့ၤကဒါက့ၤဆူ အကျဲလီၢ်လံၤတဖၣ်ဒီးမၤအသးအၢန့ၢ်ဒံးပှၤလၢအပူၤကွံာ် တစိၤန့ၣ်လီၤ. အဝဲသ့ၣ်မၤကစၢ်အဂၤတဖၣ်အတၢ်ဒီးဘူၣ်ထီၣ်ဘါထီၣ်အီၤန့ၣ်လီၤ. ဒီးအဝဲသ့ၣ်တဆိကတီၢ်လၢအကျဲအၢကျဲသီတဖၣ်န့ၣ်ဘၣ်လီၤ.