လံာ်တၢ်ဟးထီၣ်ကွံာ် 32:6 - Sgaw Karen Common Bible

⁶ လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်အဝဲသ့ၣ်ဟဲစိာ်ဆၣ်ဖိကီၢ် ဖိတနီၤလၢကဘၣ်တၢ်ဆူးကဲၤအီၤဒ်တၢ်လုၢ်တၢ်ပာ်တဖၣ်အသိး, ဒီးအဂၤတနီၤလၢကအီၣ်ဝဲဒ်တၢ်လုၢ်မၤဃူမၤဖိးအတၢ်လုၢ်အသိး န့ၣ်လီၤ. ပှၤဂီၢ်မုၢ်ဆ့ၣ်နီၤမၤမူးဖးဒိၣ်ဒီးကဲထီၣ်ဝဲလၢတၢ်အီၣ်လုၣ် ကိလုၣ်ကပာ်ဒီးတၢ်မုာ်ဖံးမုာ်ညၣ်အတၢ်ကလုာ်ကလိၤန့ၣ်လီၤ.

လံာ်တၢ်ဟးထီၣ်ကွံာ် 32:6 Iomraidhean Croise

လံာ်တၢ်ဟးထီၣ်ကွံာ် 32:5

အန့ၣ်ဒီးစီၤအၤဟရိၣ်ဘှီထီၣ်တၢ်လုၢ်လီၢ်တခါလၢဂီၤဖံးထူ န့ၣ်အမဲာ်ညါဒီးဘိးဘၣ်သ့ၣ်ညါဝဲဒ်အံၤ, “ခဲမုၢ်ဆ့ၣ်န့ၣ်မူးဖးဒိၣ်ကအိၣ်ဝဲတမူးလၢတၢ်မၤလၤကပီၤ ယွၤအဂီၢ်န့ၣ်လီၤ.”

လံာ်ဧၤမိၣ် 2:8

လၢကယဲၢ်တၢ်ဘူၣ်တၢ်ဘါအလီၢ်တပူၤလၢ်လၢ်န့ၣ်ပှၤပိာ်ခွါတဖၣ်မံ လီၤလၢတၢ်ကူတၢ်သိးအဖီခိၣ်လၢအဟံးန့ၢ်ဝဲလၢပှၤ ဖှီၣ်ဖိယာ်ဖိအအိၣ်ဒ်တၢ်အုၣ်ကီၤလၢအဒ့ၣ်ကမၣ်အဂီၢ်လီၤ. လၢအဝဲသ့ၣ်အကစၢ်ယွၤအတၢ်လုၢ်ဟံၣ်အပူၤန့ၣ်အီဝဲစ ပံးထံလၢအဟံးန့ၢ်ဝဲလၢပှၤလိၢ်အဝဲသ့ၣ်အစ့တဖၣ်အအိၣ်လီၤ.

လံာ်ဧၤမိၣ် 8:10

ယကဘိးကဒါကွံာ်သုတၢ်ဘူၣ်တၢ်ဘါအမူးတဖၣ်ဆူတၢ်သံတၢ်ပှၢ် ဒီးလဲလိာ်ကွံာ်သုတၢ်သးခုအတၢ်သးဝံၣ်ဆူတၢ်သူၣ်အုးသးအုး အတၢ်ဟီၣ်တၢ်ယၢၤတဖၣ်န့ၣ်လီၤ. ယကမၤတုၤသုလူၤကျိသုခိၣ် တဖၣ်ဒီးသိးထီၣ်ထၢၣ်တၢ်ကံးညၣ်ဒီးသုကလီၤဂာ်ဒီးမိၢ်ပၢ်လၢ အဟီၣ်အယၢၤလၢအဖိခွါအိၣ်ထဲတဂၤဧိၤအဃိန့ၣ်လီၤ. မုၢ်တနံၤန့ၣ်ကခၣ်တုၤတၢ်အကတၢၢ်န့ၣ်လီၤ.

လံာ်တၢ်ဂံၢ် 25:2

ပိာ်မုၣ်တဖၣ်အံၤကွဲဃီၤအဝဲသ့ၣ်တဖၣ်ဆူတၢ်လုၢ်တၢ်ပာ်အမူးတဖၣ် လၢတၢ်လီၢ်ဖဲကီၢ်မိၤအးအကစၢ်ဘၣ်တၢ်ဘူၣ်ထီၣ်ဘါထီၣ်အီၤန့ၣ် လီၤ. ပှၤအံၣ်စရ့လးဖိတဖၣ်အီၣ်တၢ်အီၣ်ဒီးဘါထီၣ်ကစၢ်ဘဧၤလးလၢကီၢ် ပဧိၢ်အပူၤန့ၣ်လီၤ.

1 ကရံၣ်သူး 10:7

ဒီးလၢပသုတဘါထီၣ်စ့ၢ်ကီးတၢ်ဂီၤတၢ်ဖီၣ်, ဒ်အဝဲသ့ၣ်တနီၤမၤဝဲအသိးတဂ့ၤအဂီၢ်န့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ပှၤဂီၢ်မုၢ်တဖၣ်ဆ့ၣ်နီၤအီၣ် သကိးအီသကိးတၢ်, ဒီးမူးအံၤကဲထီၣ်မူးဧိၤပွဲဧိၤလၢအအိၣ် ဃုာ်တၢ်အီမူၤအီဘှီးသးလၢသံး, တၢ်ဂဲၤကလံၣ်ဒီးတၢ်မၤကမၣ်မုၣ်ကမၣ်ခွါန့ၣ်လီၤ.”

လံာ်လီၣ်ဖျါ 11:10

ပှၤအိၣ်ဝဲဆိးဝဲလၢဟီၣ်ခိၣ်ချၢတဖၣ်ကသူၣ်ခုသးခုဝဲ လၢပှၤခံဂၤအံၤအတၢ်သံအဃိလီၤ. အဝဲသ့ၣ်ကမုာ်လၤသးခုသကိးဝဲဒီးဆှၢလီၤတၢ်ဟ့ၣ်ဆူတဂၤဒီး တဂၤအအိၣ်, မ့ၢ်လၢဝံခံဂၤအံၤဒုးအိၣ်ထီၣ်တ့ၢ်တၢ်တူၢ်ဘၣ် တၢ်နးတၢ်ဖှီၣ်အဒိၣ်အအါလၢပှၤဟီၣ်ခိၣ်ဖိတဖၣ်အဂီၢ် အဃိန့ၣ်လီၤ.