လံာ်တၢ်ဟးထီၣ်ကွံာ် 32:27 - Sgaw Karen Common Bible

²⁷ ဒီးအဝဲစံးဘၣ်အဝဲသ့ၣ်, “ယွၤ, ကီၢ်အံၣ်စရ့လးအကစၢ်ယွၤမၤ လိာ်သုဝဲကိးဂၤဒဲးလၢသုကဟံးထီၣ်သုနး, ဒီးလဲၤခီဂာ်တၢ်သူၣ်ဒဲအလီၢ်စးထီၣ်လၢကျဲစၢၤအံၤတုၤဆူ ကျဲစၢၤဘးခီတတီၤန့ၣ်ဒီးမၤသံကွံာ်သုဒီပုၢ်ဝဲၢ်ခွါတ ဖၣ်, သုတံၤသကိးတဖၣ်, ဒီးပှၤအိၣ်လၢသုဃၢၤတဖၣ်န့ၣ်လီၤ.”

လံာ်တၢ်ဟးထီၣ်ကွံာ် 32:27 Iomraidhean Croise

လံာ်စီၤပၤခံဘ့ၣ်တဘ့ၣ် 10:25

ဖဲစီၤယ့ၤဟူလုၢ်ထီၣ်တၢ်လုၢ်တၢ်ပာ်ဝံၤတဘျီဃီန့ၣ်, အဝဲစံးဘၣ်ပှၤခိးတၢ်တဖၣ်ဒီးသုးခိၣ်သုးနၢ်တဖၣ်စံးဝဲ, “လဲၤနုာ်ဒီးမၤသံကွံာ်အဝဲသ့ၣ်ခဲလၢာ်တက့ၢ်. ပျဲပှၤပူၤဖျဲးနီတဂၤတဂ့ၤ.” အဝဲသ့ၣ်လဲၤနုာ်ဝဲအိၣ်ဒီးနးတဖၣ်လၢအထုးထီၣ်ပာ်ဝဲ, ဒီးမၤသံကွံာ်အဝဲသ့ၣ်ခဲလၢာ်, ဒီးတွံၢ်ထုးထီၣ်အစိၣ်တဖၣ်ဆူ တၢ်ချၢန့ၣ်လီၤ. အနံၣ်ဝံၤဒီးအဝဲသ့ၣ်လဲၤနုာ်ဝဲဆူဘဧၤလးအတၢ်လုၢ်ဟံၣ်အသးကံၢ်ပူၤ,

လံာ်တၢ်ဟးထီၣ်ကွံာ် 32:26

လၢတၢ်န့ၣ်အဃိအဝဲဆၢထၢၣ်ဖဲတၢ်သူၣ်ဒဲအလီၢ်အကျဲစၢၤန့ၣ်ဒီး ကိးထီၣ်ဝဲ, “ပှၤတဂၤလၢ်လၢ်လၢအအိၣ်လၢယွၤအအိၣ်တခီန့ၣ်မ်အကဟဲဆူအံၤတ က့ၢ်.” မၤသးဒ်န့ၣ်ဒီးပှၤလ့ၤဝံဖိတဖၣ်ပာ်ဖှိၣ်အသးဝးတရံးအီၤန့ၣ်လီၤ.

လံာ်တၢ်ဟးထီၣ်ကွံာ် 32:28

ပှၤလ့ၤဝံဖိတဖၣ်စူၢ်အကလုၢ်ဒီးမၤသံကွံာ်ပှၤပိာ်ခွါအဂၤသၢကထိလၢမုၢ်နံၤအဝဲန့ၣ်လီၤ.

လံာ်တၢ်ဟးထီၣ်ကွံာ် 32:29

ဒီးစီၤမိၤၡ့စံးဘၣ်ပှၤလ့ၤဝံဖိတဖၣ်, “တနံၤအံၤသုပာ် စီဆှံသုသးဒ်ပှၤလုၢ်တၢ်အခိၣ်တဖၣ်အသိးလၢယွၤအတၢ်မၤအပူၤခီဖျိ တၢ်မၤသံကွံာ်သုဖိခွါတဖၣ်ဒီးသုဒီပုၢ်ဝဲၢ်ခွါတဖၣ်လီၤ. မၤသးဒ်န့ၣ်ဒီးယွၤဟ့ၣ်လီၤသုလၢအတၢ်ဆိၣ်ဂ့ၤန့ၣ်လီၤ.”

လံာ်ယဃ့းစက့လး 9:5

ဒီးယနၢ်ဟူကစၢ်ယွၤစံးဘၣ်ပှၤအဂၤတဖၣ်, “ပိာ်အဝဲအခံခီဖျိ ဝ့ၢ်ဒီဝ့ၢ်ညါဒီးမၤသံတၢ်တက့ၢ်. ပျၢ်ဖျဲးပှၤနီတဂၤတဂ့ၤ. သးကညီၤပှၤနီတဂၤတဂ့ၤ.

လံာ်တၢ်ဂံၢ် 25:5

စီၤမိၤၡ့စံးဘၣ်ပှၤခိၣ်ပှၤနၢ်တဖၣ်, “သုဝဲတဂၤဘၣ်တဂၤန့ၣ် ကဘၣ်မၤသံကွံာ်ကယဲၢ်ပှၤကိးဂၤဒဲးလၢသုဒူၣ်ပူၤ, ပှၤလၢအကဲထီၣ်ပှၤတဂၤလၢအဘူၣ်ထီၣ်ဘါထီၣ်ဘဧၤလးလၢကီၢ်ပဧိၢ် အပူၤန့ၣ်လီၤ.”

လံာ်လူၤကၣ် 14:26

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.

၂ ကရံၣ်သူး 5:16

လၢတၢ်န့ၣ်အဃိ, ပတစံၣ်ညီၣ်လၢၤပှၤတဂၤဂၤလၢပှၤဟီၣ်ခိၣ်ဖိ အနီၣ်ထိၣ်ဘၣ်. တဘျီန့ၣ်ပမ့ၢ်စံၣ်ညီၣ်တ့ၢ်လံခရံာ်လၢပှၤဟီၣ်ခိၣ်ဖိ အနီၣ်ထိၣ်သနာ်က့, ပတမၤလၢၤပဝဲဒ်န့ၣ်ဘၣ်.

လံာ်သိၣ်လီၤသီလီၤတၢ် 13:10

ကွံာ်သံအီၤလၢလၢၢ်တက့ၢ်. အဝဲကျဲးစၢးဆှၢယံၤကွံာ်သု လၢယွၤသုကစၢ်ယွၤအအိၣ်, ယွၤတဂၤလၢအမၤပူၤဖျဲးသု လၢကီၢ်အဲၤကူပတူး, ဖဲသုမ့ၢ်တ့ၢ်ကုၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.