လံာ်တၢ်ဟးထီၣ်ကွံာ် 32:26 - Sgaw Karen Common Bible

²⁶ လၢတၢ်န့ၣ်အဃိအဝဲဆၢထၢၣ်ဖဲတၢ်သူၣ်ဒဲအလီၢ်အကျဲစၢၤန့ၣ်ဒီး ကိးထီၣ်ဝဲ, “ပှၤတဂၤလၢ်လၢ်လၢအအိၣ်လၢယွၤအအိၣ်တခီန့ၣ်မ်အကဟဲဆူအံၤတ က့ၢ်.” မၤသးဒ်န့ၣ်ဒီးပှၤလ့ၤဝံဖိတဖၣ်ပာ်ဖှိၣ်အသးဝးတရံးအီၤန့ၣ်လီၤ.

လံာ်တၢ်ဟးထီၣ်ကွံာ် 32:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:11

ပှၤလၢစီၤယိၤအာ်အပှၤတဖၣ်အကျါတဂၤဆၢထၢၣ်ဝဲဖဲ စီၤဧမါစၤအစိၣ်အကပၤန့ၣ်ဒီးကိးထီၣ်ဝဲ, “ပှၤလၢအမ့ၢ်စီၤယိၤအာ်ဒီးစီၤဒၤဝံးအပှၤန့ၣ် မ်အပိာ်စီၤယိၤအာ်အခံတက့ၢ်.”

လံာ်စီၤပၤခံဘ့ၣ်တဘ့ၣ် 9:32

စီၤယ့ၤဟူကွၢ်ထီၣ်တၢ်ဒီးကိးထီၣ်ဝဲ, “မ့ၢ်မတၤအိၣ်လၢယအိၣ် တခီလဲၣ်.” ပှၤဒ့ဒံၣ်ဖိခံဂၤမ့တမ့ၢ်သၢဂၤကွၢ်လီၤအီၤလၢပဲတြီဖိ တဘ့ၣ်အပူၤ,

စံးထီၣ်ပတြၢၤ 94:16

မ့ၢ်မတၤကဆၢထၢၣ်လၢယဂီၢ်ထီဒါ ပှၤတတီတလိၤန့ၣ်လဲၣ်. မ့ၢ်မတၤကမၤစၢၤယၤ ထီဒါပှၤမၤတၢ်အၢတဖၣ်န့ၣ်လဲၣ်

လံာ်တၢ်ဟးထီၣ်ကွံာ် 32:25

စီၤမိၤၡ့ထံၣ်ဝဲလၢစီၤအၤဟရိၣ်ပျဲပှၤဂီၢ်မုၢ်လူၤဘၣ်အသး ဒီးမၤဟးဂီၤလီၤအသးဒၣ်ဝဲလၢအဒုၣ်အဒါတဖၣ်အမဲာ်ညါလီၤ.

လံာ်တၢ်ဟးထီၣ်ကွံာ် 32:27

ဒီးအဝဲစံးဘၣ်အဝဲသ့ၣ်, “ယွၤ, ကီၢ်အံၣ်စရ့လးအကစၢ်ယွၤမၤ လိာ်သုဝဲကိးဂၤဒဲးလၢသုကဟံးထီၣ်သုနး, ဒီးလဲၤခီဂာ်တၢ်သူၣ်ဒဲအလီၢ်စးထီၣ်လၢကျဲစၢၤအံၤတုၤဆူ ကျဲစၢၤဘးခီတတီၤန့ၣ်ဒီးမၤသံကွံာ်သုဒီပုၢ်ဝဲၢ်ခွါတ ဖၣ်, သုတံၤသကိးတဖၣ်, ဒီးပှၤအိၣ်လၢသုဃၢၤတဖၣ်န့ၣ်လီၤ.”

လံာ်မးသဲ 12:30

ပှၤတဂၤလၢ်လၢ်လၢအတအိၣ်ဒီးယၤဘၣ်န့ၣ်, မ့ၢ်ပှၤလၢအထီဒါယၤလီၤ. ပှၤလၢအတမၤစၢၤယၤလၢတၢ်ထၢဖှိၣ်က့ၤတၢ်အပူၤန့ၣ်, မ့ၢ်ပှၤလၢအမၤလီၤပြံလီၤပြါတၢ်လီၤ.

လံာ်သိၣ်လီၤသီလီၤတၢ် 33:9

အဝဲသ့ၣ်ဒုးနဲၣ်အတၢ်သးတီဒိၣ်ထီၣ်ဒီးနၤဒိၣ်န့ၢ်ဒံးအတၢ်သးတီဒီးအမိၢ်အပၢ်တဖၣ်, အဒီပုၢ်ဝဲၢ်ခွါတဖၣ်ဒီးအဖိတဖၣ်မ့ၢ်ဂ့ၤန့ၣ်လီၤ. အဝဲသ့ၣ်စူၢ်တ့ၢ်နတၢ်မၤလိာ်တဖၣ်, ဒီးအိၣ်ဒီးတၢ်သူၣ်တီသးရၤဒီးနတၢ်အၢၣ်လီၤအီလီၤန့ၣ်လီၤ.

လံာ်စီၤယိၤၡူ 5:13

ဖဲစီၤယိၤၡူလဲၤဘူးဒီးဝ့ၢ်ယရံၤဃိန့ၣ်, သတူၢ်ကလာ်အဝဲထံၣ်ပှၤတဂၤဆၢထၢၣ်လၢအမဲာ်ညါ, ဟံးဃာ်ဒီးနးတဘ့ၣ်န့ၣ်လီၤ. စီၤယိၤၡူလဲၤဆူအအိၣ်ဒီးသံကွၢ်အီၤ, “နမ့ၢ်ပပှၤဧါ, မ့တမ့ၢ်ဘၣ်ဒီးပဒုၣ်ပဒါအပှၤဧါ.”