လံာ်တၢ်ဟးထီၣ်ကွံာ် 32:25 - Sgaw Karen Common Bible

²⁵ စီၤမိၤၡ့ထံၣ်ဝဲလၢစီၤအၤဟရိၣ်ပျဲပှၤဂီၢ်မုၢ်လူၤဘၣ်အသး ဒီးမၤဟးဂီၤလီၤအသးဒၣ်ဝဲလၢအဒုၣ်အဒါတဖၣ်အမဲာ်ညါလီၤ.

လံာ်တၢ်ဟးထီၣ်ကွံာ် 32:25 Iomraidhean Croise

လံာ်တၢ်ကဲထီၣ်အခီၣ်ထံး 3:10

ဒီးအဝဲဒၣ်စံးဆၢအီၤ, “ယနၢ်ဟူနကလုၢ်လၢတၤသၣ်အလီၢ်ပူၤ လီၤ. ယပျံၤနၤဒီးပာ်တဒၢယသးလၢနၤလီၤ. အဂ့ၢ်ဒ်အံၤ, ယအိၣ်ဘ့ၣ်ဆ့လီၤ.”

လံာ်စီၤပၤအခီၣ်ထံးတဘ့ၣ် 12:28

ဖဲအဝဲဆိကမိၣ်တၢ်ဒ်သိးအံၤဝံၤအလီၢ်ခံန့ၣ်, အဝဲမၤထီၣ်ဂီၤဖံးဖါခံဒုအဂီၤလၢထူဒီးစံးဘၣ်အပှၤဂီၢ်မုၢ်, “သုလဲၤတ့ၢ်လံဆူဝ့ၢ်ယရူၤၡလ့ၣ်လၢတၢ်ဘူၣ်ထီၣ်ဘါထီၣ်အဂီၢ် ယံာ်တ့ၢ်မးလံ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အအံၤမ့ၢ်သုကစၢ်တဖၣ်လၢအဟဲစိာ်ထီၣ်ကွံာ်သုလၢကီၢ်အဲၤကူ ပတူးအပူၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 14:16

ယွၤပာ်လီၤတဲာ်ကွံာ်ကီၢ်အံၣ်စရ့လး, မ့ၢ်လၢစီၤယၤရၤဘၣ်မၤ တ့ၢ်တၢ်ဒဲးဘးဒီးဆှၢဃီၤကီၢ်အံၣ်စရ့လးအပှၤဂီၢ်မုၢ်ဆူတၢ် ဒဲးဘးအပူၤအဃိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 28:19

မ့ၢ်လၢကီၢ်ယူဒၤအစီၤပၤအၤဃးမၤတရီတပါကွံာ်အပှၤဂီၢ်မုၢ် အတၢ်ခွဲးတၢ်ယာ်တဖၣ်ဒီးခီၣ်ဆၢဝဲယွၤအဃိ, ယွၤဟဲစိာ်တၢ်ကိၢ်တၢ်ဂီၤလၢကီၢ်ယူဒၤအလိၤန့ၣ်လီၤ.

လံာ်တၢ်ဟးထီၣ်ကွံာ် 32:26

လၢတၢ်န့ၣ်အဃိအဝဲဆၢထၢၣ်ဖဲတၢ်သူၣ်ဒဲအလီၢ်အကျဲစၢၤန့ၣ်ဒီး ကိးထီၣ်ဝဲ, “ပှၤတဂၤလၢ်လၢ်လၢအအိၣ်လၢယွၤအအိၣ်တခီန့ၣ်မ်အကဟဲဆူအံၤတ က့ၢ်.” မၤသးဒ်န့ၣ်ဒီးပှၤလ့ၤဝံဖိတဖၣ်ပာ်ဖှိၣ်အသးဝးတရံးအီၤန့ၣ်လီၤ.

တၢ်ကတိၤဒိ. 29:18

တၢ်ထံၣ်လၢညါမ့ၢ်တအိၣ်နီတမံၤဘၣ်ဒီးပှၤဂီၢ်မုၢ်ဟးဂီၤဝဲ လီၤ. မ့မ့ၢ်ပှၤလၢအတိၢ်န့ၢ်ကစၢ်ယွၤအတၢ်သိၣ်တၢ်သီန့ၣ်, ဘၣ်ဆိၣ်ဂ့ၤဝဲလီၤ.

လံာ်ယၡါယၤ 47:3

ပှၤကထံၣ်လၢနအိၣ်ဘ့ၣ်ဆ့လီၤ. အဝဲသ့ၣ်ကထံၣ်နဘၣ်တၢ်ဆီၣ်လီၤနၤဒီး တၢ်မၤမဲာ်ဆှးနၤလီၤ. ယကဟ့ၣ်ကၣ်တၢ်ဒီးပှၤကဆိကတီၢ်ယၤ တအိၣ်နီတဂၤဘၣ်.”

လံာ်ယံးရမံယၤ 5:5

ယကလဲၤဆူပှၤတဖၣ်လၢအအိၣ်စိအိၣ်ကမီၤအအိၣ် ဒီးကတိၤတၢ်ဒီးအဝဲသ့ၣ်လီၤ. သပှၢ်ကတၢၢ်, အဝဲသ့ၣ်, သ့ၣ်ညါအကစၢ်ယွၤလိၣ်ဘၣ်တၢ်မနုၤလဲၣ်, ဒီးယွၤသးအိၣ်လၢအဝဲသ့ၣ်ကမၤတၢ်မနုၤလဲၣ်န့ၣ်လီၤ.” ဘၣ်ဆၣ်ဒီး, အဝဲသ့ၣ်ခဲလၢာ်ညိကွံာ်ယွၤအတၢ်န့ၢ်စိန့ၢ်ကမီၤ ဒီးဂ့ၢ်လိာ်လၢကစူၢ်အီၤန့ၣ်လီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဒၤနံးယ့လး 12:2

ဒီးပှၤအါဂၤလၢအသံတ့ၢ်လံတဖၣ်ကမူထီၣ်က့ၤဝဲ, တနီၤဆူတၢ်မူအထူအယိာ်ဒီးတနီၤဆူတၢ်မဲာ်ဆှးဒီးတၢ်လီၤ သးဘၣ်အၢအထူအယိာ်န့ၣ်လီၤ.

လံာ်ဟိၤၡ့ 2:3

အဝဲမ့ၢ်တပာ်ကတီၢ်ဝဲဘၣ်ဒီး, ယကဘ့ၣ်ကွံာ်အကူအကၤခဲ လၢာ်ဒီးဒုးအိၣ်ဘ့ၣ်ဆ့အီၤဒ်မုၢ်တနံၤလၢအအိၣ်ဖျဲၣ်ဝဲအသိး န့ၣ်လီၤ. ယကမၤအီၤလီၤဂာ်ဒ်ဟီၣ်ခိၣ်လၢအဃ့ထီဒီးတဟ့ၣ်ထီၣ်တၤ သူတၤသၣ်တပူၤအသိးဒီးအဝဲကသံလၢတၢ်သူအသးလၢထံအဃိ န့ၣ်လီၤ.

လံာ်မံကၤ 1:11

ပှၤဂီၢ်မုၢ်လၢဝ့ၢ်ၡၤဖံၣ်ဧၢ, လဲၤဆူတၢ်စိာ်မၢကဲကုၢ်အပူၤလၢတၢ်အိၣ်ဘ့ၣ်ဆ့ဒီးတၢ်မဲာ်ဆှးတက့ၢ်. ပှၤတဖၣ်လၢအအိၣ်ဝဲဆိးဝဲလၢဝ့ၢ်စၤနၣ်အပူၤန့ၣ်ဟဲထီၣ်ဆူဝ့ၢ်အချၢ တဘူၣ်ဘၣ်. ဖဲသုနၢ်ဟူဝ့ၢ်ဘ့ၤစသ့လးအပှၤဂီၢ်မုၢ်ဟီၣ်တၢ်ယၢၤ တၢ်န့ၣ်, သုကသ့ၣ်ညါလၢတၢ်ပူၤဖျဲးအလီၢ်တအိၣ်ဘၣ်ဖဲန့ၣ်ဘၣ်.

ရိမ့ၤ 6:21

တၢ်လၢသုမၤတ့ၢ်ဒီးသုမဲာ်ဆှးက့ၤလၢအဃိခဲအံၤ တဖၣ်အဘျုးလၢသုဂီၢ်အိၣ်မနုၤလဲၣ်. တၢ်တဖၣ်န့ၣ် အကတၢၢ်မ့ၢ်တၢ်သံလီၤ.

လံာ်သိၣ်လီၤသီလီၤတၢ် 9:20

ယွၤအသးဒိၣ်ထီၣ်ဘၣ်စ့ၢ်ကီးစီၤအၤဟရိၣ်နးမးတုၤလၢအက မၤသံအီၤလီၤ. လၢတၢ်န့ၣ်အဃိယဘါထုကဖၣ်တၢ်လၢစီၤအၤဟရိၣ်အ ဂီၢ်, လၢတၢ်တကတီၢ်ဃီန့ၣ်လီၤ.

လံာ်လီၣ်ဖျါ 16:15

“ဒိကနၣ်တက့ၢ်. ယဟဲယဲဒ်တၢ်ဘျၣ်တဂၤအသိးလီၤ. ပှၤတဂၤလၢအိၣ်စီၣ်မဲာ်စီၣ်နါဒီးကတီၤဃာ်အတၢ်ကူတၢ်သိး တဖၣ်ဒ်သိးအဝဲအသုတဟးဝ့ၤဝီၤအိၣ်ဘ့ၣ်ဆ့ဒီးမဲာ်ဆှး ဘၣ်လၢပှၤဂီၢ်မုၢ်ဂီၢ်ပၤအမဲာ်ညါတဂ့ၤအဂီၢ်န့ၣ်ဘၣ်ဆိၣ်ဂ့ၤဝဲလီၤ.”