လံာ်တၢ်ဟးထီၣ်ကွံာ် 32:19 - Sgaw Karen Common Bible

¹⁹ ဖဲစီၤမိၤၡ့ဟဲဘူးထီၣ်ဆူသူၣ်ဒဲအလီၢ်တုၤအထံၣ်ဃီၤဂီၤဖံး ဖါဖိဒီးပှၤဂီၢ်မုၢ်ဂဲၤကလံာ်ဝဲန့ၣ်, အသးကဲၤထီၣ်ဝဲဒၣ်လီၤ. ဖဲန့ၣ်လၢကစၢၢ်ခီၣ်ထံးန့ၣ်, အဝဲကွံာ်လီၤတဲာ်လၢၢ်ဘ့ၣ်ဘၣ်တဖၣ်လၢအစိာ်ဝဲဒီးမၤကၢ်ကွံာ်ဝဲန့ၣ်လီၤ.

လံာ်တၢ်ဟးထီၣ်ကွံာ် 32:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:14

စီၤဒၤဝံးကူဒၣ်ထဲတၢ်ကံးယာ်လုၣ်ဖီဝါကဆှၣ်ဖိတဘ့ၣ်လၢအယီၢ် ဒ့လိၤဒီးဂဲၤကလံာ်လၢာ်သူၣ်လၢာ်သးလၢတၢ်မၤလၤကပီၤယွၤအဂီၢ် န့ၣ်လီၤ.

စံးထီၣ်ပတြၢၤ 119:53

ဖဲပှၤတတီတလိၤလဲၤသဒၣ်နတၢ်သိၣ်တၢ်သီဒီး, ယသးကိၢ်ထီၣ်ဒိၣ်ဒိၣ်ကလဲာ်လီၤ.

လံာ်တၢ်ဟးထီၣ်ကွံာ် 15:20

ဝံမုၣ်နီၢ်မံးရယၣ်လၢအမ့ၢ်စီၤအၤဟရိၣ်အဒီပုၢ်ဝဲၢ်မုၣ်ဟံး ထီၣ်အဒၢတြုၤလၢအစုပူၤဒီးကယဲၢ်ပိာ်မုၣ်ခဲလၢာ်, ပိာ်ထီၣ်အခံအိၣ်ဒီးဒၢတြုၤတဖၣ်ဒီးဂဲၤကလံာ်ဝဲလီၤ.

လံာ်တၢ်ဟးထီၣ်ကွံာ် 32:11

ဘၣ်ဆၣ်ဒီး, စီၤမိၤၡ့ဃ့ကညးဝဲယွၤ, အကစၢ်ယွၤဒီးစံး, “ယွၤဧၢ, ဘၣ်မနုၤလၢနဘၣ်သးထီၣ်ဘၣ်နပှၤဂီၢ်မုၢ်လၢနအုၣ်က့ၤ ခီၣ်က့ၤအီၤလၢကီၢ်အဲၤကူပတူးအပူၤလၢတၢ်ဂံၢ်တၢ်ဘါဒီးတၢ် စိကမီၤဖးဒိၣ်န့ၣ်အပူၤလဲၣ်.

လံာ်တၢ်ဟးထီၣ်ကွံာ် 32:18

စီၤမိၤၡ့စံးဝဲဒၣ်, “တၢ်န့ၣ်သီၣ်တလီၤဂာ်ဒီးတၢ်မၤနၢၤ အတၢ်ကိးမ့ၢ်ဂ့ၤတၢ်ဃၣ်ကွံာ်အတၢ်ကိးမ့ၢ်ဂ့ၤဘၣ်. မ့ၢ်တၢ်သးဝံၣ်အသီၣ်လီၤ.”

လံာ်တၢ်ဟးထီၣ်ကွံာ် 34:1

ယွၤစံးဘၣ်စီၤမိၤၡ့, “ကူးတဲာ်န့ၢ်လၢၢ်ဘ့ၣ်ဘၣ်ခံဘ့ၣ်ဒ်လၢ အခီၣ်ထံးတဖၣ်အသိးဒီးလၢအလိၤန့ၣ်ယကကွဲးလီၤတၢ်ကတိၤတဖၣ်လၢ အဘၣ်တၢ်ကွဲးတ့ၢ်အီၤလၢလၢၢ်ဘ့ၣ်ဘၣ်အခီၣ်ထံးလၢနမၤသဘှံးကွံာ် အီၤအလိၤန့ၣ်လီၤ.

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်သးသယုၢ်တၢ် 5:15

တၢ်သးဖှံလၢာ်ကွံာ်လၢပတၢ်အိၣ်မူတဖၣ်အပူၤ, ဒီးတၢ်သူၣ်အုးသးအုးဟံးန့ၢ်တၢ်လီၢ်လၢ ပတၢ်ဂဲၤကလံာ်အလီၢ်တဖၣ်လီၤ.

လံာ်စကၤရယၤ 11:14

အန့ၣ်ဝံၤဒီးယမၤကၢ်ကွံာ်နီၣ်ထိး ဘိခံဘိတဘိလၢအဘၣ်တၢ်ကိးအီၤလၢတၢ်ဃူတၢ်ဖိးလီၤ. ဒီးကီၢ်ယူဒၤဒီးကီၢ်အံၣ်စရ့လးအတၢ်ဃူတၢ်ဖိးန့ၣ်ဟးဂီၤ ကွံာ်ဝဲဒၣ်န့ၣ်လီၤ.

လံာ်တၢ်ဂံၢ် 12:3

(စီၤမိၤၡ့မ့ၢ်ပှၤဆီၣ်လီၤအသးတဂၤဒီးဆီၣ်လီၤအသးဒိၣ်န့ၢ် ဒံးကယဲၢ်ပှၤတဂၤလၢ်လၢ်လၢဟီၣ်ခိၣ်ချၢအံၤန့ၣ်လီၤ.)

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်မၢ်ကူး 10:14

တုၤယ့ၣ်ၡူးထံၣ်တၢ်မၤအသးအံၤဒီး, အသးဒိၣ်ထီၣ်ဒီးစံးဘၣ်အပျဲၢ်အဘီၣ်တဖၣ်န့ၣ်, “ပျဲဖိသၣ်တဖၣ်န့ၣ်ဟဲဆူယအိၣ်ဒီးတြီအီၤတဂ့ၤ. အဂ့ၢ်ဒ်လဲၣ်န့ၣ်, ကစၢ်ယွၤအဘီအမုၢ်မ့ၢ်ပှၤဒ်ဖိသၣ်တဖၣ်အံၤအသိးအတၢ်န့ၣ်လီၤ.

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

1 ကရံၣ်သူး 10:7

ဒီးလၢပသုတဘါထီၣ်စ့ၢ်ကီးတၢ်ဂီၤတၢ်ဖီၣ်, ဒ်အဝဲသ့ၣ်တနီၤမၤဝဲအသိးတဂ့ၤအဂီၢ်န့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ပှၤဂီၢ်မုၢ်တဖၣ်ဆ့ၣ်နီၤအီၣ် သကိးအီသကိးတၢ်, ဒီးမူးအံၤကဲထီၣ်မူးဧိၤပွဲဧိၤလၢအအိၣ် ဃုာ်တၢ်အီမူၤအီဘှီးသးလၢသံး, တၢ်ဂဲၤကလံၣ်ဒီးတၢ်မၤကမၣ်မုၣ်ကမၣ်ခွါန့ၣ်လီၤ.”

အ့းဖ့းစူး 4:26

သုမ့ၢ်သးဒိၣ်ထီၣ်န့ၣ်, တဘၣ်ပျဲသုတၢ်သးဒိၣ်ဒုးမၤသုလၢတၢ် ဒဲးဘးတဂ့ၤ. တဘၣ်သးဒိၣ်တုၤမုၢ်လီၤနုာ်တဂ့ၤ.

လံာ်သိၣ်လီၤသီလီၤတၢ် 10:2

ဒီးတၢ်လၢယကွဲးလီၤတ့ၢ်အီၤလၢလၢၢ်ဘ့ၣ်ဘၣ်တဖၣ်လၢန မၤသ့ၣ်ဖးအီၤအလိၤန့ၣ်ယကကွဲးလီၤအီၤလၢလၢၢ်ဘ့ၣ်ဘၣ်တဖၣ်အံၤ အလိၤဝံၤဒီးနကဘၣ်ဒၢနုာ်အီၤဆူတလါစီဆှံအပူၤန့ၣ်လီၤ.

လံာ်သိၣ်လီၤသီလီၤတၢ် 27:26

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးတၢ်သိၣ်လိတဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”