လံာ်တၢ်ဟးထီၣ်ကွံာ် 32:18 - Sgaw Karen Common Bible

¹⁸ စီၤမိၤၡ့စံးဝဲဒၣ်, “တၢ်န့ၣ်သီၣ်တလီၤဂာ်ဒီးတၢ်မၤနၢၤ အတၢ်ကိးမ့ၢ်ဂ့ၤတၢ်ဃၣ်ကွံာ်အတၢ်ကိးမ့ၢ်ဂ့ၤဘၣ်. မ့ၢ်တၢ်သးဝံၣ်အသီၣ်လီၤ.”

လံာ်တၢ်ဟးထီၣ်ကွံာ် 32:18 Iomraidhean Croise

လံာ်တၢ်ဟးထီၣ်ကွံာ် 32:17

စီၤယိၤၡူနၢ်ဟူပှၤဂီၢ်မုၢ်ကိးပသူဒီးစံးဘၣ်စီၤမိၤၡ့, “ယနၢ်ဟူတၢ်ဒုးတၢ်ယၤအတၢ်ကိးပသူလၢသူၣ်ဒဲအလီၢ်ပူၤန့ၣ်လီၤ.”

လံာ်တၢ်ဟးထီၣ်ကွံာ် 32:19

ဖဲစီၤမိၤၡ့ဟဲဘူးထီၣ်ဆူသူၣ်ဒဲအလီၢ်တုၤအထံၣ်ဃီၤဂီၤဖံး ဖါဖိဒီးပှၤဂီၢ်မုၢ်ဂဲၤကလံာ်ဝဲန့ၣ်, အသးကဲၤထီၣ်ဝဲဒၣ်လီၤ. ဖဲန့ၣ်လၢကစၢၢ်ခီၣ်ထံးန့ၣ်, အဝဲကွံာ်လီၤတဲာ်လၢၢ်ဘ့ၣ်ဘၣ်တဖၣ်လၢအစိာ်ဝဲဒီးမၤကၢ်ကွံာ်ဝဲန့ၣ်လီၤ.

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်ဒၤနံးယ့လး 5:4

အဝဲသ့ၣ်အီစပံးထံဒီးစံးထီၣ်ပတြၢၤကစၢ်တဖၣ်လၢဘၣ်တၢ်မၤ အီၤလၢထူ, စ့, တိၢ်ဘီ, ထး, သ့ၣ်, ဒီးလၢၢ်တဖၣ်န့ၣ်လီၤ.