လံာ်တၢ်ဟးထီၣ်ကွံာ် 32:17 - Sgaw Karen Common Bible

¹⁷ စီၤယိၤၡူနၢ်ဟူပှၤဂီၢ်မုၢ်ကိးပသူဒီးစံးဘၣ်စီၤမိၤၡ့, “ယနၢ်ဟူတၢ်ဒုးတၢ်ယၤအတၢ်ကိးပသူလၢသူၣ်ဒဲအလီၢ်ပူၤန့ၣ်လီၤ.”

လံာ်တၢ်ဟးထီၣ်ကွံာ် 32:17 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 7:27

စီၤနိၣ်ဒီးစီၤယိၤၡူန့ၣ်လီၤ.

လံာ်စီၤယိၤဘး 39:25

လၢကွဲၤအသီၣ်ထီၣ်တဘီဘၣ်တဘီန့ၣ်သါသဖှိထီၣ်ဝဲဖြူၤဖြူၤ, ဒီးနၢဘၣ်တၢ်ဒုးသုးအသဝံလၢအယံၤ, ဒီးနၢ်ဟူသုးခိၣ်တဖၣ် ကိးပသူထီၣ်ဟ့ၣ်လီၤအကလုၢ်တဖၣ်န့ၣ်လီၤ.

စံးထီၣ်ပတြၢၤ 47:1

ပှၤဂီၢ်မုၢ်ခဲလၢာ်သ့ၣ်ဧၢ, ဒဲသုစု, ကိးပသူထီၣ်ဆူကစၢ်ယွၤလၢတၢ်သူၣ်ဖှံသးညီ အတၢ်သးဝံၣ်တဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 17:9

ဒီးစီၤမိၤၡ့စံးဘၣ်စီၤယိၤၡူ, “ဃုထၢပှၤပိာ်ခွါတနီၤဒ် သိးကလဲၤဒုးပှၤဧမၤလ့းဖိတဖၣ်ခဲမုၢ်ဆ့ၣ်တက့ၢ်. ယကဆၢထၢၣ်လၢတၢ်လူၢ်ဒီခိၣ်ဒီးဟံးဃာ်နီၣ်ထိးဘိလၢကစၢ်ယွၤ မၢယဟဲစိာ်အီၤန့ၣ်လီၤ.”

လံာ်တၢ်ဟးထီၣ်ကွံာ် 24:13

စီၤမိၤၡ့ဒီးအပှၤမၤစၢၤအီၤစီၤယိၤၡူကတဲာ်ကတီၤအသးဒီး စီၤမိၤၡ့စးထီၣ်လဲၤထီၣ်ဆူကစၢၢ်စီဆှံအလိၤန့ၣ်လီၤ.

လံာ်တၢ်ဟးထီၣ်ကွံာ် 32:16

ကစၢ်ယွၤအနီၢ်ကစၢ်ဒၣ်ဝဲမၤလၢၢ်ဘ့ၣ်ဘၣ်တဖၣ်အံၤဒီးစိးပျၤတၢ် မၤလိာ်တဖၣ်လၢအလိၤန့ၣ်လီၤ.

လံာ်တၢ်ဟးထီၣ်ကွံာ် 32:18

စီၤမိၤၡ့စံးဝဲဒၣ်, “တၢ်န့ၣ်သီၣ်တလီၤဂာ်ဒီးတၢ်မၤနၢၤ အတၢ်ကိးမ့ၢ်ဂ့ၤတၢ်ဃၣ်ကွံာ်အတၢ်ကိးမ့ၢ်ဂ့ၤဘၣ်. မ့ၢ်တၢ်သးဝံၣ်အသီၣ်လီၤ.”

လံာ်တၢ်ဟးထီၣ်ကွံာ် 32:6

လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်အဝဲသ့ၣ်ဟဲစိာ်ဆၣ်ဖိကီၢ် ဖိတနီၤလၢကဘၣ်တၢ်ဆူးကဲၤအီၤဒ်တၢ်လုၢ်တၢ်ပာ်တဖၣ်အသိး, ဒီးအဂၤတနီၤလၢကအီၣ်ဝဲဒ်တၢ်လုၢ်မၤဃူမၤဖိးအတၢ်လုၢ်အသိး န့ၣ်လီၤ. ပှၤဂီၢ်မုၢ်ဆ့ၣ်နီၤမၤမူးဖးဒိၣ်ဒီးကဲထီၣ်ဝဲလၢတၢ်အီၣ်လုၣ် ကိလုၣ်ကပာ်ဒီးတၢ်မုာ်ဖံးမုာ်ညၣ်အတၢ်ကလုာ်ကလိၤန့ၣ်လီၤ.

လံာ်ယံးရမံယၤ 51:14

ယွၤသ့တၢ်လၢာ်ဆိၣ်တၢ်လၢ အကစၢ်ဒၣ်ဝဲအမံၤအပူၤလၢ အဝဲကပျဲပှၤအါဂၤ ကဟဲထီၣ်ဒုးကီၢ်ဘၤဘူၤလိၣ်ဒ် ဒွဲၣ်အဖုအဂီၢ်အသိး, ဒီးအဝဲသ့ၣ်ကကိးထီၣ်အိၣ်ဒီးတၢ်မၤနၢၤန့ၣ်လီၤ.

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်ဧၤမိၣ် 2:2

ယကဆှၢလီၤမ့ၣ်အူဆူပှၤမိၤအးဖိအကီၢ်ဒီးဒွဲၣ်အူကွံာ်ဝ့ၢ်ကရံ ယိးအတိာ်ဧိၤတာ်ဧိၤတဖၣ်န့ၣ်လီၤ. ပှၤကီၢ်မိၤအးဖိတဖၣ်ကသံကွံာ်ဝဲလၢတၢ်ဒုး တၢ်ယၤအတၢ်သီၣ်အပူၤဖဲပှၤသုးဖိသ့ၣ်တဖၣ်ကိးပသူထီၣ်ဒီးကွဲၤ တဖၣ်ဘၣ်တၢ်အူထီၣ်အီၤအခါန့ၣ်လီၤ.”

လံာ်စီၤယိၤၡူ 6:10

ဘၣ်ဆၣ်ဒီး, စီၤယိၤၡူမၤလိာ်အပှၤဂီၢ်မုၢ်, “မ့တမ့ၢ်လၢယ ခါလီၤယကလုၢ်ဘၣ်ဒီး, သုတဘၣ်ကိးပသူထီၣ်ဒီးမၤသီၣ်မၤသဲတၢ်ဘၣ်, သုတဘၣ်ကတိၤတၢ်နီတဘီဘၣ်. တုၤယခါလီၤယကလုၢ်ဒီးသုကဘၣ်ကိးပသူထီၣ်လီၤ.”

လံာ်စီၤယိၤၡူ 6:16

ဖဲလဲၤတရံးဝ့ၢ်နွံဝီန့ၣ်, ပှၤလုၢ်တၢ်အခိၣ်တဖၣ်အူထီၣ်အကွဲၤဒီး, စီၤယိၤၡူစံးဘၣ်ပှၤဂီၢ်မုၢ်, “ကိးပသူထီၣ်တက့ၢ်. ယွၤဟ့ၣ်လီၤသုဝ့ၢ်အံၤလံ.

လံာ်စီၤယိၤၡူ 6:20

သတးဒီးပှၤလုၢ်တၢ်အခိၣ်တဖၣ်အူထီၣ်အကွဲၤန့ၣ်လီၤ. တုၤပှၤဂီၢ်မုၢ်နၢ်ဟူကွဲၤအသီၣ်ဒီး, အဝဲသ့ၣ်ကိးပသူထီၣ်လၢအကလုၢ်ဖးဒိၣ်ဒီးဝ့ၢ်အခိၣ်ဒူတဖၣ် လီၤပှီၢ်ကွံာ်ဝဲန့ၣ်လီၤ. အန့ၣ်ဒီး, သုးမုၢ်သံၣ်ဘိဒီဖုလဲၤထီၣ်လိၤလိၤဆူဝ့ၢ်ပူၤဒီးမၤန့ၢ်အီၤန့ၣ်လီၤ.

လံာ်စီၤယိၤၡူ 6:5

ဝံၤဒီးအဝဲသ့ၣ်ကအူထီၣ်ဖးထီကွဲၤန့ၣ်လီၤ. တဘျီဃီဖဲသုနၢ်ဟူတၢ်အံၤန့ၣ်, ပှၤပိာ်ခွါခဲလၢာ်ကကိးပသူ ထီၣ်လၢအကလုၢ်ဖးဒိၣ်, အန့ၣ်ဒီးဝ့ၢ်အခိၣ်ဒူတဖၣ်ကလီၤပှီၢ်ကွံာ်ဝဲန့ၣ်လီၤ. ဝံၤဒီး, သုးမုၢ်သံၣ်ဘိဒီဖုကလဲၤနုာ်လီၤဝဲလိၤလိၤဆူဝ့ၢ်ပူၤန့ၣ် လီၤ.”

လံာ်ပှၤစံၣ်ညီၣ်ကွီၢ် 15:14

ဖဲအဝဲတုၤဃီၤဆူဝ့ၢ်လ့ၤဃံန့ၣ်ပှၤဖလ့ၡသးဖိတဖၣ်ဟဲဃ့ၢ်ဆူအအိၣ်, ဒီးကိးပသူထီၣ်ဝဲလီၤ. သတူၢ်ကလာ်ယွၤအစိကမီၤမၤဆူၣ်ထီၣ်အဂံၢ်အဘါ ဒီးအဝဲမၤထီၣ်တဲာ်ကွံာ်ပျံၤတဖၣ်လၢအစၢဃာ်အစုဒုၣ်စုတီၤ, ဒ်လုၣ်ဖျ့လၢမ့ၣ်အူအီၣ်ကွံာ်အီၤအသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:20

စီၤဒၤဝံးဂဲၤဆၢထၢၣ်လၢမုၢ်ဆ့ၣ်ထီၣ်တနံၤန့ၣ်ဂီၤဂီၤ, ပာ်တ့ၢ်ပှၤတဂၤလၢကဟံးန့ၢ်မူဒါဒီးကွၢ်ထွဲသိတဖၣ်, ဟံးထီၣ်တၢ်အီၣ်တၢ်အီဒီးလဲၤတၢ်ဒ်စီၤယံးၡဲစံးတ့ၢ်အီၤ အသိးလီၤ. အဝဲလဲၤတုၤဆူတၢ်သူၣ်ထီၣ်ဒဲအလီၢ်ဖဲပှၤအံၣ်စရ့လးဖိ တဖၣ်လဲၤထီၣ်ဆူတၢ်ဒုးတၢ်ယၤအလီၢ်, ကိးထီၣ်တၢ်ဒုးတၢ်ယၤ အကလုၢ်အကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:52

ကီၢ်အံၣ်စရ့လးဒီးကီၢ်ယူဒၤအပှၤတဖၣ်ကိးပသူထီၣ်ဒီးလူၤထွဲ အဝဲသ့ၣ်အခံ, ဖီၣ်အီၤမၤဒၢၣ်အီၤလၢကျဲဒီဘိညါဆူဝ့ၢ်ကၤသးဒီး ဆူဝ့ၢ်ဧ့ကြိၣ်အကျဲစၢၤတဖၣ်န့ၣ်လီၤ. ပှၤဖလ့ၡသးဖိတဖၣ်ဘၣ်ဒိဘၣ်ထံးလီၤဃံၤလၢကျဲလဲၤဆူဝ့ၢ်ၡၤရဲၣ်ဒီဘိညါ ဒီးတုၤဒၣ်လဲာ်ဆူဝ့ၢ်ဧ့ကြိၣ်ဒီး ဝ့ၢ်ကၤသးန့ၣ်လီၤ.