လံာ်တၢ်ဟးထီၣ်ကွံာ် 32:13 - Sgaw Karen Common Bible

¹³ သ့ၣ်နီၣ်ထီၣ်က့ၤနခ့နပှၤစီၤအၤဘြၤဟၣ်, စီၤအံၤစဲး, ဒီးစီၤယၤကိာ်တက့ၢ်. သ့ၣ်နီၣ်ထီၣ်က့ၤတၢ်အၢၣ်လီၤအီလီၤ သမှံၤသပှၢ်လၢနမၤဒီးအဝဲသ့ၣ်, လၢနကဟ့ၣ်လီၤအဝဲသ့ၣ်လၢအစၢၤအသွဲၣ်အါထဲသိးသိးဒီးဆၣ်ဧိၤ ဖီဧိၤလၢမူကပိာ်လိၤဒီးဟ့ၣ်လီၤအစၢၤအသွဲၣ်တဖၣ်လၢကီၢ်တဘ့ၣ် လၢနအၢၣ်လီၤအီလီၤတ့ၢ်လၢကကဲထီၣ်အတၢ်န့ၢ်သါအထူအယိာ်န့ၣ်တက့ၢ်.”

လံာ်တၢ်ဟးထီၣ်ကွံာ် 32:13 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 12:7

ယွၤလီၣ်ဖျါထီၣ်အသးလၢစီၤအၤဘြၣ်ဒီးစံးဘၣ်အီၤ, “အဝဲအံၤမ့ၢ်ထံကီၢ်တဘ့ၣ်လၢယကဟ့ၣ်လီၤနစၢၤနသွဲၣ်တဖၣ်န့ၣ် လီၤ.” တုၤနုၤတစုစီၤအၤဘြၣ်မၤထီၣ်တၢ်လုၢ်လီၢ်ဖဲန့ၣ်ဆူယွၤလၢ အလီၣ်ဖျါထီၣ်အသးလၢအီၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်တၢ်ကဲထီၣ်အခီၣ်ထံး 15:5

ယွၤကိးထီၣ်အီၤဆူတၢ်ချၢဒီးစံးဝဲဒၣ်, “ကွၢ်ထီၣ်ဆူမူခိၣ် ဒီးဂံၢ်ကွၢ်ဆၣ်ဧိၤဖီဧိၤန့ၣ်တက့ၢ်. နကအိၣ်ဒီးနစၢၤနသွဲၣ်အါအါဂီၢ်ဂီၢ်ဒ်န့ၣ်အသိးလီၤ.”

လံာ်တၢ်ကဲထီၣ်အခီၣ်ထံး 15:7

ဒီးယွၤစံးဘၣ်အီၤ, “ယမ့ၢ်ယွၤလၢအဒုးဟးထီၣ်နၤလၢဝ့ၢ်အူၢ် လၢကီၢ်ဘၤဘူၤလိၣ်အပူၤဒ်သိးယကဟ့ၣ်လီၤနၤထံကီၢ်အံၤလၢနတၢ် ဒၣ်နဲအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 17:8

ယကဟ့ၣ်လီၤနၤဒီးနစၢၤနသွဲၣ်သ့ၣ်တဖၣ်လၢထံကီၢ်အံၤလၢအခဲအံၤ နမ့ၢ်ပှၤတခီဘီမုၢ်ဖိလၢအပူၤန့ၣ်လီၤ. ကီၢ်ကနၤဧၣ်ဒီဘ့ၣ်ညါန့ၣ်ကဘၣ်ဃးဒီးနစၢၤနသွဲၣ်သ့ၣ်တဖၣ်လီၤ ထူလီၤယိာ်လီၤ. ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်တၢ်ကဲထီၣ်အခီၣ်ထံး 22:16

ယွၤကတိၤတၢ်စံးဝဲ, “ယမၤတၢ်ဆိၣ်တမံၤလၢယမံၤဒၣ်ယဲ အပူၤလၢ, ယကဆိၣ်ဂ့ၤနၤထူးထူးတီၤတီၤလီၤ. အဂ့ၢ်ဒ်အံၤ, နမၤတၢ်အံၤဒီးနဖိခွါထဲတဂၤဧိၤဒၣ်လဲာ်န့ၣ် နကလုၢ်ထီၣ်အီၤဆူယအိၣ်န့ၣ်နတလိးကီအီၤဘၣ်.

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:7

ယွၤ, မူခိၣ်အကစၢ်ယွၤ, စိာ်ထီၣ်ယၤလၢယပၢ်အဟံၣ်ဒီးယဘူးယတံၢ် သ့ၣ်တဖၣ်အထံအကီၢ်ဒီးအၢၣ်လီၤယၤသညူးသပှၢ်လၢကဟ့ၣ်ဝဲကီၢ်တဘ့ၣ် အံၤလၢယစၢၤယသွဲၣ်တဖၣ်န့ၣ်လီၤ. အဝဲကဆှၢလီၤအကလူးလၢနမဲာ်ညါဒ်သိးနကမၤန့ၢ်မါတဂၤဖဲန့ၣ်လၢ ယဖိခွါအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:16

မ်ကလူးလၢအမၤပူၤဖျဲးယၤ လၢကယဲၢ်တၢ်ဘၣ်ဒိဘၣ်ထံးန့ၣ်, ဆိၣ်ဂ့ၤအဝဲသ့ၣ်တက့ၢ်. မ်ယၤဒီးယပၢ်တဖၣ်လၢအမ့ၢ်, စီၤအၤဘြၤဟၣ်ဒီးစီၤအံၤစဲးအ မံၤ, မူဝဲလၢခီဖျိပိာ်ခွါဖိသ့ၣ်တဖၣ်အံၤတက့ၢ်. မ်အဝဲသ့ၣ်ကအိၣ်ဒီးအဖိအါအါဂီၢ်ဂီၢ်, ဒီးအစၢၤအသွဲၣ်အါအါ ဂီၢ်ဂီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 13:11

ဒီးယွၤကဆှၢနုာ်သုဆူပှၤကနၤဧၣ်ဖိတဖၣ်အကီၢ်ပူၤ, ကီၢ်တဘ့ၣ်လၢအအၢၣ်လီၤအီလီၤတ့ၢ်ဝဲသပှၢ်ကတၢၢ်ဒီးသုဒီးသု မိၢ်ပၢ်ဖံဖုလၢပျၢၤတဖၣ်န့ၣ်လီၤ. ဒီးတုၤအဟ့ၣ်သုလၢကီၢ်အံၤန့ၣ်ဒီး,

လံာ်တၢ်ဟးထီၣ်ကွံာ် 13:5

ယွၤအၢၣ်လီၤအီလီၤတ့ၢ်တၢ်လီၤတံၢ်လီၤဆဲးဒီးသုမိၢ်ပၢ်ဖံ ဖုလၢပျၢၤတဖၣ်လၢအကဟ့ၣ်သုလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤဃ့ၤဝံဖိဒီးပှၤယဘူၣ်ဖိတဖၣ်အကီၢ်န့ၣ်လီၤ. တုၤအဝဲဆှၢသုဆူကီၢ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ် ဂ့ၤဝဲတဘ့ၣ်အပူၤန့ၣ်သုကဘၣ်မၤဘူၣ်အံၤလၢလါအခီၣ်ထံး ကတၢၢ်တလါအပူၤကိးနံၣ်ဒဲးန့ၣ်လီၤ.

လံာ်တၢ်ဟးထီၣ်ကွံာ် 33:1

ဒီးယွၤစံးဘၣ်စီၤမိၤၡ့, “နၤဒီးပှၤဂီၢ်မုၢ်လၢနထုးထီၣ် ကွံာ်အီၤလၢကီၢ်အဲၤကူပတူးအပူၤန့ၣ်ဟးထီၣ်လၢတၢ်လီၢ်အံၤ ဒီးလဲၤဆူကီၢ်တဘ့ၣ်လၢယအၢၣ်လီၤအီလီၤတ့ၢ်လၢအက ဟ့ၣ်လီၤဆူစီၤအၤဘြၤဟၣ်, စီၤအံၤစဲး, စီၤယၤကိာ်ဒီးအစၢၤ အသွဲၣ်တဖၣ်အအိၣ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 26:42

ယကသ့ၣ်နီၣ်ထီၣ်က့ၤယတၢ်အၢၣ်လီၤဒီးစီၤယၤကိာ်, ဒီးစီၤအံၤစဲးဒီးစီၤအၤဘြၤဟၣ်, ဒီးယကမၤသီထီၣ်က့ၤယတၢ်အၢၣ်လီၤလၢယကဟ့ၣ်ယပှၤဂီၢ်မုၢ်လၢထံဧိၤကီၢ်ဧိၤန့ၣ်လီၤ.

လံာ်သိၣ်လီၤသီလီၤတၢ် 1:10

ယွၤ, သုကစၢ်ယွၤမၤအါထီၣ်သုနီၣ်ဂံၢ်ဒ်ဆၣ်ဧိၤဖီဧိၤတဖၣ်လၢ မူခိၣ်လိၤအသိးန့ၣ်လီၤ.

လံာ်သိၣ်လီၤသီလီၤတၢ် 7:8

မ့မ့ၢ်ယွၤအဲၣ်သုဒီးသးအိၣ်ဟံးဃာ်တၢ်အၢၣ်လီၤအီလီၤလၢအဝဲ မၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. လၢတၢ်န့ၣ်အဃိအဝဲအုၣ်က့ၤခီၣ်က့ၤသုခီဖျိအတၢ်ဒိၣ်တၢ်မုၢ် ဒီးမၤထူၣ်ဖျဲးသုလၢကုၢ်အလီၢ်လၢကီၢ်အဲၤကူပတူးအစီၤပၤ အစုပူၤန့ၣ်လီၤ.

လံာ်သိၣ်လီၤသီလီၤတၢ် 9:27

သ့ၣ်နီၣ်ထီၣ်က့ၤနခ့နပှၤတဖၣ်, လၢအမ့ၢ်ဝဲစီၤအၤဘြၤဟၣ်, စီၤအံၤစဲးဒီးစီၤယၤကိာ်တက့ၢ်. ဒီးတဘၣ်ပာ်သူၣ်ပာ်သးလၢပှၤဂီၢ်မုၢ်အံၤအတၢ်ခိၣ်ကိၤ, ဒီးအတၢ်ဒဲးဘးအဂ့ၢ်န့ၣ်တဂ့ၤ.

ဧ့ၤဘြံၤ 6:13

ဖဲကစၢ်ယွၤစံးပာ်တၢ်ဒီးစီၤအၤဘြၤဟၣ်န့ၣ်အဝဲဆိၣ်လီၤ အသးလၢကမၤလၢပှဲၤတၢ်စံးပာ်အံၤန့ၣ်လီၤ. အဂ့ၢ်ဒ်အံၤ, ပှၤဒိၣ်န့ၢ်အီၤတအိၣ်ဘၣ်ဒီးယွၤသူအမံၤဒၣ်ဝဲလၢ အတၢ်ဆိၣ်လီၤအသးအပူၤ,