လံာ်တၢ်ဟးထီၣ်ကွံာ် 32:1 - Sgaw Karen Common Bible

¹ ဖဲပှၤဂီၢ်မုၢ်ထံၣ်ဝဲလၢစီၤမိၤၡ့တဟဲက့ၤလီၤလၢကစၢၢ်ဒီ ခိၣ်ဘၣ်မ့မ့ၢ်အိၣ်ဝဲဖဲန့ၣ်ယံာ်ဒိၣ်မးန့ၣ်, အဝဲသ့ၣ်ပာ်ဖှိၣ်အသးဝးတရံးစီၤအၤဟရိၣ်ဒီးစံးဘၣ်အီၤ, “တၢ်မၤအသးဒီးစီၤမိၤၡ့လၢအဆှၢထီၣ်ပှၤလၢကီၢ်အဲၤကူပတူး တဂၤဒ်လဲၣ်န့ၣ်ပတသ့ၣ်ညါဘၣ်. လၢတၢ်န့ၣ်အဃိမၤန့ၢ်ပှၤလၢကစၢ်ထူတဂၤလၢကဆှၢပှၤတက့ၢ်.”

လံာ်တၢ်ဟးထီၣ်ကွံာ် 32:1 Iomraidhean Croise

လံာ်တၢ်ကဲထီၣ်အခီၣ်ထံး 19:14

တုၤနုၤတစု, စီၤလိာ်လဲၤဆူပှၤလၢကဒိးတ့ဒိးဖျီအသးဒီး အဖိမုၣ်တဖၣ်အအိၣ်ဒီးစံး, “မၤချ့ချ့ဒီးဟးထီၣ်ဖဲအံၤတက့ၢ်. ယွၤကမၤဟးဂီၤကွံာ်တၢ်လီၢ်အံၤန့ၣ်လီၤ.” ဘၣ်ဆၣ်ဒီး, အဝဲသ့ၣ်ဆိကမိၣ်ဒၣ်လၢအတဲလီၤနံၤတၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 21:26

စီၤအဘံးမ့လ့းစံးဝဲ, “ပှၤလၢအမၤတၢ်အံၤန့ၣ်ယတသ့ၣ်ညါဘၣ်. နတတဲယၤတၢ်မၤအသးအံၤန့ၣ်ဘၣ်. ဒီးတၢ်အံၤမ့ၢ်အဆိ ကတၢၢ်တဘျီလၢယနၢ်ဟူဘၣ်အီၤန့ၣ်လီၤ.”

လံာ်တၢ်ကဲထီၣ်အခီၣ်ထံး 39:8

အဝဲဂ့ၢ်လိာ်ဝဲဒီးစံးဘၣ်အီၤ, “ကွၢ်, ယကစၢ်တမၤတံာ်တာ်အသး ဒီးတၢ်အိၣ်လၢဟံၣ်ပူၤနီတမံၤဘၣ်, မ့ၢ်လၢယအိၣ်ဖဲအံၤအဃိလီၤ. အဝဲပာ်လီၤယၤလၢပှၤပၢၤဘၣ်တၢ် ကိးမံၤဒဲးလၢအအိၣ်ဒီးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 44:15

ဒီးစီၤယိၤသးစံးဝဲ, “သုမၤတ့ၢ်တၢ်ဒ်လဲၣ်. မ့ၢ်သုတသ့ၣ်ညါဘၣ်လၢပှၤအိၣ်လၢတၢ်လီၢ်တၢ်လၤဒ်ယၤအံၤ, ကသ့ၣ်ညါတၢ်လၢသုမၤ, မ့ၢ်လၢအဖးတၢ်ခူသူၣ်သ့အဃိ န့ၣ်ဘၣ်ဧါ.”

လံာ်တၢ်ကဲထီၣ်အခီၣ်ထံး 44:4

ဖဲအဝဲသ့ၣ်ဟးပူၤထီၣ်ဒီးဝ့ၢ်တယံၤအါအါဘၣ်န့ၣ်, စီၤယိၤသးစံးဘၣ်ဟံၣ်အတၢ်ခ့တၢ်ပှၤအခိၣ်, “လူၤပိာ်ထွဲပှၤတဖၣ်န့ၣ်အခံချ့ချ့တက့ၢ်. ဖဲနချုးန့ၢ်အဝဲသ့ၣ်န့ၣ်, သံကွၢ်အီၤ, ဘၣ်မနုၤအဟ့ၣ်ဆၢတၢ်အၢလၢတၢ်ဂ့ၤအဂီၢ်န့ၣ်လဲၣ်.

စံးထီၣ်ပတြၢၤ 106:19

ဖဲစံၤနါန့ၣ်အဝဲသ့ၣ်တ့ထီၣ်ဂီၤဖံးဖါဖိတဒုလၢ ထူဒီးဘူၣ်ထီၣ်ဘါထီၣ်တၢ်ဂီၤသိအသးန့ၣ်လီၤ.

လံာ်တၢ်ဟးထီၣ်ကွံာ် 13:21

ဒီးလၢမုၢ်ဆါအကတီၢ်န့ၣ်ယွၤလဲၤတၢ်လၢအဝဲသ့ၣ်အမဲာ်ညါလၢတၢ် အၢၣ်အထူၣ်အပူၤ, ဒ်သိးကနဲၣ်အီၤကျဲဒီးလၢမုၢ်နၤအကတီၢ်န့ၣ်, လဲၤဝဲလၢအမဲာ်ညါလၢအမ့ၣ်အူအထူၣ်အပူၤဒ်သိးကဟ့ၣ်အီၤတၢ်ကပီၤ, ဒ်သိးအဝဲသ့ၣ်လဲၤတၢ်လၢမုၢ်ဆါဒီးလၢမုၢ်နၤကသ့ဝဲအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 14:11

ဒီးအဝဲသ့ၣ်စံးဘၣ်စီၤမိၤၡ့, “လၢကီၢ်အဲၤကူပတူးအပူၤ န့ၣ်မ့ၢ်တၢ်သွၣ်ခိၣ်တအိၣ်ဘၣ်အဃိနဟဲကိးပှၤဆူပှၢ်မုၢ်ကနၣ်အပူၤအံၤလၢပကသံအဂီၢ်ဧါ. ဘၣ်မနုၤလၢနမၤပှၤလၢတၢ်အံၤလၢနထုးထီၣ်ပှၤလၢကီၢ်အဲၤကူပတူးအပူၤန့ၣ်လဲၣ်.

လံာ်တၢ်ဟးထီၣ်ကွံာ် 16:3

ဒီးစံးဘၣ်အဝဲသ့ၣ်, “ပဆၢလၢယွၤကမၤသံတ့ၢ်ပှၤလၢကီၢ်အဲၤကူပတူးအပူၤလီၤ. အစှၤကတၢၢ်ပဆ့ၣ်နီၤဒီးအီၣ်တၢ်ဖံးတၢ်ညၣ်ဒီးတၢ်အီၣ်တၢ်အီအဂၤလၢပအဲၣ်ဒိးအီၣ်ဖဲန့ၣ်သ့ဝဲလီၤ. မ့မ့ၢ်သုဟဲကိးပှၤဆူပှၢ်မုၢ်ကနၢအံၤအပူၤဒ်သိးပကသၣ်ဝံၤလီၤဒိသံခဲလၢာ်လီၤ.”

လံာ်တၢ်ဟးထီၣ်ကွံာ် 20:23

လၢယၤအမဲာ်ညါန့ၣ်, မၤထီၣ်ကစၢ်စ့တဖၣ်မ့ၢ်ဂ့ၤ, ကစၢ်ထူတဖၣ်မ့ၢ်ဂ့ၤလၢသုဂီၢ်ဒ်သိးသုကဘူၣ်ထီၣ်ဘါထီၣ်အီၤတဂ့ၤ.

လံာ်တၢ်ဟးထီၣ်ကွံာ် 24:12

ယွၤစံးဘၣ်တ့ၢ်စီၤမိၤၡ့, “ဟဲထီၣ်ဆူကစၢၢ်လိၤဆူယအိၣ်တ က့ၢ်. ဒီးနအိၣ်ဖဲအံၤအကတီၢ်န့ၣ်ယကဟ့ၣ်နၤလၢၢ်ဘ့ၣ်ဘၣ်ခံဘ့ၣ်လၢ အအိၣ်ဒီးတၢ်သိၣ်တၢ်သီတဖၣ်လၢယကွဲးအီၤလၢတၢ်သိၣ်လိနဲၣ်ယုၤပှၤ ဂီၢ်မုၢ်အဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 24:18

စီၤမိၤၡ့လဲၤထီၣ်ဆူကစၢၢ်အလိၤလၢတၢ်အၢၣ်အကျါန့ၣ်လီၤ. ဒီးအဝဲအိၣ်ဝဲဖဲန့ၣ်အသီလွံၢ်ဆံန့ၣ်လီၤ.

လံာ်တၢ်ဟးထီၣ်ကွံာ် 32:11

ဘၣ်ဆၣ်ဒီး, စီၤမိၤၡ့ဃ့ကညးဝဲယွၤ, အကစၢ်ယွၤဒီးစံး, “ယွၤဧၢ, ဘၣ်မနုၤလၢနဘၣ်သးထီၣ်ဘၣ်နပှၤဂီၢ်မုၢ်လၢနအုၣ်က့ၤ ခီၣ်က့ၤအီၤလၢကီၢ်အဲၤကူပတူးအပူၤလၢတၢ်ဂံၢ်တၢ်ဘါဒီးတၢ် စိကမီၤဖးဒိၣ်န့ၣ်အပူၤလဲၣ်.

လံာ်တၢ်ဟးထီၣ်ကွံာ် 32:22

စီၤအၤဟရိၣ်စံးဆၢဝဲ, “သးဒိၣ်တၢ်တဂ့ၤ, နသ့ၣ်ညါနဲလၢပှၤဂီၢ်မုၢ်အံၤပာ်လီၤအသးကျၢၤမုဆှ လၢကမၤတၢ်အၢဒ်လဲၣ်န့ၣ်လီၤ.

လံာ်တၢ်ဟးထီၣ်ကွံာ် 32:23

အဝဲသ့ၣ်စံးဘၣ်ယၤ, တၢ်မၤတ့ၢ်အသးဒီးစီၤမိၤၡ့ပှၤတဂၤလၢ အထုးထီၣ်ပှၤလၢကီၢ်အဲၤကူပတူးအပူၤဒ်လဲၣ်န့ၣ်ပတသ့ၣ်ညါဘၣ်. လၢတၢ်န့ၣ်အဃိဒီးမၤန့ၢ်ပှၤလၢကစၢ်တဂၤလၢအကဆှၢပှၤတက့ၢ်.

လံာ်တၢ်ဟးထီၣ်ကွံာ် 32:7

ယွၤစံးဘၣ်စီၤမိၤၡ့, “က့ၤလီၤကဒါက့ၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်လၢနဆှၢထီၣ်အီၤလၢကီၢ်အဲၤကူပတူး န့ၣ်မၤလံတၢ်ဒဲးဘးဒီးညိကွံာ်ယၤလံ.

လံာ်တၢ်ဟးထီၣ်ကွံာ် 33:3

သုကလဲၤဆူကီၢ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ တဘ့ၣ်အပူၤလီၤ. ဘၣ်ဆၣ်ဒီးယနီၢ်ကစၢ်ဒၣ်ယဲယတလဲၤဃုာ်တၢ်ဒီးသုဘၣ်. အဂ့ၢ်ဒ်အံၤ, သုမ့ၢ်ပှၤဂီၢ်မုၢ်တဖုလၢအခိၣ်ကိၤ, ဒီးယကမၤဟးဂီၤဘၣ်ဖုးသုလၢကျဲန့ၣ်လီၤ.”

လံာ်ယဃ့းစက့လး 20:8

ဘၣ်ဆၣ်အဝဲသ့ၣ်ခီၣ်ဆၢယၤဒီးဂ့ၢ်လိာ်ဝဲလၢကဒိကနၣ်တၢ်အဂီၢ် လီၤ. အဝဲသ့ၣ်တစူးကွံာ်ဘၣ်အတၢ်ဂီၤတၢ်ဖီၣ်တဖၣ်လၢအလီၤသးဘၣ် အၢမ့ၢ်ဂ့ၤတပာ်တ့ၢ်ကွံာ်ကီၢ်အဲၤကူပတူးအကစၢ်တဖၣ်မ့ၢ်ဂ့ၤန့ၣ်ဘၣ်. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးဒိၣ်ထီၣ်အသဟီၣ်လၢအဆူၣ်ဝဲဖဲန့ၣ်, လၢကီၢ်အဲၤကူပတူးအပူၤန့ၣ်လီၤ.

လံာ်ဟိၤၡ့ 12:13

ယွၤဆှၢလီၤဝံတဂၤဒ်သိးကမၤထူၣ်ဖျဲးကီၢ် အံၣ်စရ့လးအပှၤဂီၢ်မုၢ်လၢတၢ်ကဲကုၢ်အလီၢ်လၢကီၢ်အဲၤ ကူပတူးအပူၤဒီးလၢကအံးထွဲကွၢ်ထွဲအဝဲသ့ၣ်အဂီၢ်လီၤ.

လံာ်မံကၤ 6:4

ယထုးထီၣ်ကွံာ်သုလၢကီၢ်အဲၤကူပတူးအပူၤဒီးပှ့ၤက့ၤသုလၢတၢ်မၢကဲကုၢ်, ယမၢလီၤစီၤမိၤၡ့, စီၤအၤဟရိၣ်ဒီးနီၢ်မံးရယၣ်လၢကဆှၢသုလီၤ.

လံာ်တၢ်ဂံၢ် 14:22

ပှၤဂီၢ်မုၢ်အံၤတလဲၤနုာ်ဘၣ်ဆူကီၢ်တဘ့ၣ်န့ၣ်အပူၤနီ တဂၤဘၣ်. အဝဲသ့ၣ်ထံၣ်ဘၣ်တ့ၢ်ယတၢ်အိၣ်ယဲအတၢ်ကပြုၢ်ကပြီၤဒီး တၢ်လီၤလးတဖၣ်လၢယမၤတ့ၢ်ယဲလၢကီၢ်အဲၤကူပတူးအပူၤဒီးလၢ ပှၢ်မုၢ်ကနၢအပူၤ, ဘၣ်ဆၣ်ဒီးအဝဲသ့ၣ်မၤကွၢ်တ့ၢ်ယတၢ်သးစူၤ တဘျီဝံၤတဘျီဒီးဂ့ၢ်လိာ်ဝဲလၢကစူၢ်ယၤအဂီၢ်န့ၣ်လီၤ.

လံာ်မးသဲ 24:43

ဟံၣ်ကစၢ်မ့ၢ်သ့ၣ်ညါဆိတၢ်ဘျၣ်ကဟဲအဆၢကတီၢ်ဒီး, သပှၢ်ကတၢၢ်အဝဲဒၣ်ကပာ်သူၣ်ပာ်သး, ဒီးကအိၣ်ခိးဝဲ, ဒီးတမ့ၢ်လၢအကပျဲတၢ်ဘျၣ်ဘၢၣ်ဖျိနုာ်ဆူ အဟံၣ်ပူၤန့ၣ်ဘၣ်လီၤ.

လံာ်မးသဲ 24:48

ဘၣ်ဆၣ်ဒီး, တၢ်အခ့အပှၤလၢအအၢတဂၤန့ၣ်, မ့ၢ်စံးဝဲလၢအသးကံၢ်ပူၤလၢအကစၢ်ကဟဲက့ၤအဆၢကတီၢ်ယံာ်ဒံး ဝဲ,

မၤတၢ် 17:29

ဒ်ပမ့ၢ်ကစၢ်ယွၤအဖိတဖၣ်အသိး, ပတကြၢးဆိကမိၣ်လၢယွၤမ့ၢ်တၢ်လၢအလီၤဂာ်ဒီးထူ, စ့, မ့တမ့ၢ်လၢၢ်လၢအဘၣ်တၢ်စိးပျၤဒီးဒုးအိၣ်ထီၣ်အက့ၢ် အဂီၤခီဖျိပှၤကညီအတၢ်သ့တၢ်ဘၣ်န့ၣ်ဘၣ်.

မၤတၢ် 19:26

သုကထံၣ်ဘၣ်ဒီးနၢ်ဟူဘၣ်လၢသုနီၢ်ကစၢ်ဒၣ်သုဝဲတၢ်လၢ စီၤပီလူးမၤဝဲန့ၣ်လီၤ. အဝဲဒၣ်စံးလၢယွၤတဖၣ်လၢပှၤကညီဘှီလၢအစုန့ၣ်, တမ့ၢ်ယွၤနီၢ်နီၢ်ဘၣ်. ဒီးပှၤအါဒံအါဂၤဖဲအံၤလၢဝ့ၢ်အ့းဖ့းစူးဒီး လၢကီၢ်အၤစံဒီဘ့ၣ်ဃၣ်ဃၣ်အပူၤစ့ၢ်ကီးနာ်အဝဲအတၢ်ကတိၤလံ.

မၤတၢ် 7:40

အန့ၣ်ဒီးအဝဲသ့ၣ်စံးဘၣ်စီၤအၤဟရိၣ်, ‘မၤန့ၢ်ပှၤကစၢ်တဖၣ်လၢကပၢကဆှၢပှၤအဂီၢ်န့ၣ်တက့ၢ်. စီၤမိၤၡ့လၢအဆှၢထီၣ်ပှၤလၢကီၢ်အဲၤကူပတူးအပူၤတဂၤအံၤ, မ့ၢ်တၢ်မၤအသးဒီးအီၤဒ်လဲၣ်န့ၣ်ပတသ့ၣ်ညါလၢၤဘၣ်.’

လံာ်သိၣ်လီၤသီလီၤတၢ် 31:8

ယွၤအကစၢ်ဒၣ်ဝဲကဆှၢနၤဒီးကအိၣ်ဒီးနၤန့ၣ်လီၤ. အဝဲတလီၤတိၢ်ကွံာ်ဘၣ်လၢနဂီၢ်မ့ၢ်ဂ့ၤပာ်လီၤတဲာ်တ့ၢ်ကွံာ်နၤ မ့ၢ်ဂ့ၤဘၣ်. အဃိတ့ၢ်စၢ်လီၤနဂံၢ်နဘါဒီးပျံၤတၢ်ဖုးတၢ်တဂ့ၤ.”

လံာ်သိၣ်လီၤသီလီၤတၢ် 9:1

ဒိကနၣ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. တနံၤအံၤဘူးထီၣ်လၢသုကခီဂာ်ဘၣ်ထံကျိ ယၢ်ဒ့ၣ်ဒီးမၤန့ၢ်ကီၢ်လၢအဘၣ်ဃးဒီးပှၤကလုာ်တဖၣ်လၢအဒိၣ်န့ၢ် သုဒီးအစိကမီၤအါန့ၢ်သုန့ၣ်လီၤ. အဝဲသ့ၣ်အဝ့ၢ်တဖၣ်န့ၣ်ဒိၣ်ဝဲဒီးအိၣ်ဒီးအခိၣ်ဒူတဖၣ်လၢအကစီၤ ထီၣ်ထီဝဲတုၤဆူမူကပိာ်လိၤန့ၣ်လီၤ.

လံာ်သိၣ်လီၤသီလီၤတၢ် 9:9

ယလဲၤထီၣ်ဆူကစၢၢ်ဒီခိၣ်လၢယကဒိးန့ၢ်ဘၣ်လၢၢ်ဘ့ၣ်ဘၣ်တဖၣ်လၢတၢ် ကွဲးလီၤဃာ်တၢ်အၢၣ်လီၤအီလီၤတဖၣ်လၢယွၤမၤတ့ၢ်ဒီးသုလၢ အလိၤန့ၣ်လီၤ. ယအိၣ်ဖဲန့ၣ်အနံၤလွံၢ်ဆံဒီးအနၤလွံၢ်ဆံဒီးယတအီၣ်တၢ်မ့ၢ် ဂ့ၤ, အီတၢ်မ့ၢ်ဂ့ၤနီတမံၤဘၣ်န့ၣ်လီၤ.

လံာ်စီၤယိၤၡူ 7:13

မၤစီဆှံပှၤဂီၢ်မုၢ်ဒီးကတဲာ်ကတီၤအဝဲသ့ၣ်ဒ်သိးကအိၣ်ဖျါလၢ ယမဲာ်ညါဒီးစံးဘၣ်အီၤ, “မၤစီဆှံသုသးလၢခဲဂီၤအဂီၢ်န့ၣ်တက့ၢ်. အဂ့ၢ်ဒ်အံၤ, ယွၤအံၣ်စရ့လးအကစၢ်ယွၤစံးဝဲ, အံၣ်စရ့လးဧၢ, သုအိၣ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်လၢသုသိးသုကျါ, ဒီးမ့တမ့ၢ်ဘၣ်လၢသုထုးကွံာ်တၢ်လၢအဘၣ်ဆိၣ်အၢတ့ၢ်တဖၣ်လၢသု ကျါဘၣ်ဒီး, သုဆၢထၢၣ်လၢသုဒုၣ်သုဒါအမဲာ်ညါတသ့ဘၣ်န့ၣ်လီၤ.

၂ ပ့းတရူး 3:4

ဒီးကသံကွၢ်သု, “အဝဲအၢၣ်လီၤလၢကဟဲဝဲတမ့ၢ်ဘၣ်ဧါ. အဝဲအိၣ်ဖဲလဲၣ်. ပပၢ်တဖၣ်သံတ့ၢ်လံ, ဘၣ်ဆၣ်တၢ်ခဲလၢာ်မ့ၢ်ဒံးဒၣ်ဒ်တၢ်တ့လီၤဟီၣ်ခိၣ်လၢ အခီၣ်ထံးလံၤလံၤအသိးန့ၣ်လီၤ.”