လံာ်တၢ်ဟးထီၣ်ကွံာ် 31:17 - Sgaw Karen Common Bible

¹⁷ အဝဲအံၤမ့ၢ်တၢ်ပနီၣ်အဂၢၢ်အကျၢၤတမံၤလၢကီၢ်အံၣ်စရ့လးအပှၤ ဂီၢ်မုၢ်ဒီးယၤအဘၢၣ်စၢၤန့ၣ်လီၤ. အဂ့ၢ်ဒ်အံၤယၤ, ယွၤအံၤတ့လီၤမူခိၣ်ဒီးဟီၣ်ခိၣ်လၢဃုနံၤဃုသီ အတီၢ်ပူၤ, ဒီးလၢနွံသီတသီန့ၣ်ယဆိကတီၢ်တၢ်မၤဒီးအိၣ်ဘှံးယဲ ဒၣ်လီၤ.”

လံာ်တၢ်ဟးထီၣ်ကွံာ် 31:17 Iomraidhean Croise

လံာ်တၢ်ကဲထီၣ်အခီၣ်ထံး 1:31

ကစၢ်ယွၤကွၢ်တၢ်လၢအမၤတ့ၢ်ဝဲခဲလၢာ်ဒီးအဝဲအသးခုသးမုာ်ဒိၣ်မးလီၤ. မုၢ်ဟါပူၤကွံာ်ဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်ဃုနံၤတနံၤန့ၣ်လီၤ.

လံာ်စီၤယိၤဘး 38:7

လၢမုၢ်နံၤအဝဲန့ၣ်ဖဲမုၢ်ဆ့ၣ်ထီၣ်ဂီၤဂီၤ, တၢ်ခံးဒံးဝဲအကတီၢ်န့ၣ် ဆၣ်တဖၣ်သးဝံၣ်သကိးတၢ်ဒီးယွၤကလူးတဖၣ်ကိးသတြီ ထီၣ်လၢတၢ်သးခုလီၤ.

စံးထီၣ်ပတြၢၤ 104:31

မ်ယွၤအလၤကပီၤအိၣ်ဝဲလီၤထူလီၤယိာ်, မ်ယွၤသးခုလၢအတၢ်မၤအပူၤန့ၣ်တက့ၢ်.

လံာ်တၢ်ဟးထီၣ်ကွံာ် 20:11

လၢဃုနံၤဃုသီအတီၢ်ပူၤန့ၣ်, ယၤ, ယွၤတ့လီၤဟီၣ်ခိၣ်, မူကပိၤလိၤ, ပီၣ်လဲၣ်ဒီးကယဲၢ်တၢ်အိၣ်လၢအဝဲသ့ၣ်တဖၣ်အပူၤခဲလၢာ်န့ၣ်လီၤ. ဘၣ်ဆၣ်ဒီးနွံသီတသီန့ၣ်ယအိၣ်ဘှံးယဲလီၤ. မၤသးဒ်န့ၣ်ဒီးယၤ, ယွၤ, ဆိၣ်ဂ့ၤမုၢ်အိၣ်ဘှံးအနံၤဒီးမၤစီဆှံအီၤလီၤ.

လံာ်တၢ်ဟးထီၣ်ကွံာ် 31:13

“ပာ်စီဆှံမုၢ်အိၣ်ဘှံးအနံၤစီဆှံ, မုၢ်နံၤလၢယအိၣ်ဘှံး န့ၣ်တက့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်ပနီၣ်လၢသုဝဲဒီးယၤအဘၢၣ်စၢၤလၢ တၢ်ကဒုးနဲၣ်ဖျါထီၣ်လၢယၤ, ယွၤအံၤ, ယဒုးကဲထီၣ်သုလၢယပှၤဂီၢ်မုၢ်ခဲအံၤဒီးဆူညါအစိၤစိၤအဃၣ်ဃၣ်န့ၣ်လီၤ.

လံာ်တၢ်ဟးထီၣ်ကွံာ် 31:16

ကီၢ်အံၣ်စရ့လးအပှၤဂီၢ်မုၢ်တဖၣ်ကဘၣ်တိၢ်န့ၢ်ဖံးဃာ်မုၢ်တနံၤ အံၤဒ်တၢ်အၢၣ်လီၤအီလီၤအပနီၣ်တမံၤအသိးန့ၣ်လီၤ.

လံာ်ယၡါယၤ 58:13

ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး,

လံာ်ယံးရမံယၤ 32:41

ယကသးခုသးမုာ်လၢ ယမၤတၢ်မၤဂ့ၤတဖၣ်လၢ အဝဲသ့ၣ်အဂီၢ်, ဒီးယကဒုးအိၣ်ဂၢၢ်ဆိးကျၢၤ အဝဲသ့ၣ်လၢထံကီၢ်အံၤအပူၤလၢ ယသးဒီဖျၢၣ်ဒီး ယသးတုၤအလၢာ်န့ၣ်လီၤ.

လံာ်ယဃ့းစက့လး 20:12

ယဒုးတိၢ်န့ၢ်ဖံးဃာ်အဝဲသ့ၣ်လၢမုၢ်အိၣ်ဘှံးနံၤဒ်အတၢ်ပနီၣ် တမံၤလၢအပာ်ဖျါတၢ်အၢၣ်လီၤအီလီၤလၢပဘၢၣ်စၢၤ, ဒ်သိးကဒုးသ့ၣ်နီၣ်အဝဲသ့ၣ်လၢယၤ, ယွၤမ့ၢ်ပှၤလၢအမၤ စီဆှံအဝဲသ့ၣ်န့ၣ်လီၤ.

လံာ်ယဃ့းစက့လး 20:20

ပာ်မုၢ်အိၣ်ဘှံးနံၤဒ်မုၢ်နံၤစီဆှံတနံၤအသိး, ဒ်သိးတၢ်န့ၣ်ကမ့ၢ်ပတၢ်အၢၣ်လီၤအီလီၤအတၢ်ပနီၣ်တမံၤဒီးကဒုး သ့ၣ်နီၣ်ထီၣ်သုလၢယမ့ၢ်ယွၤသုကစၢ်ယွၤန့ၣ်တက့ၢ်.

ဧ့ၤဘြံၤ 4:10

အဂ့ၢ်ဒ်အံၤ, ပှၤတဂၤလၢ်လၢ်လၢအဒိးန့ၢ်ဘၣ်တၢ်အိၣ်ဘှံးလၢ ကစၢ်ယွၤစံးပာ်န့ၣ်ကဆိကတီၢ်ကွံာ်လၢအတၢ်ဖံးတၢ်မၤဒ် ကစၢ်ယွၤအိၣ်ဘှံးက့ၤလၢတၢ်ဖံးတၢ်မၤအပူၤအသိးန့ၣ်လီၤ.