လံာ်တၢ်ဟးထီၣ်ကွံာ် 30:9 - Sgaw Karen Common Bible

⁹ လုၢ်ထီၣ်တၢ်နၢမူလၢအဘၣ်တၢ်တြီအီၤတဖၣ်မ့ၢ်ဂ့ၤ, ဆၣ်ဖိကီၢ်ဖိတဒုဒုမ့ၢ်ဂ့ၤ, တၢ်မၤဘူၣ်ကိၣ်တမံၤမံၤမ့ၢ်ဂ့ၤ, လၢတၢ်လုၢ်လီၢ်အံၤအဖီခိၣ်တဂ့ၤ. ဒီးလူလီၤစပံးထံအတၢ်လုၢ်လၢအဖီခိၣ်နီတမံၤတဂ့ၤ.

လံာ်တၢ်ဟးထီၣ်ကွံာ် 30:9 Iomraidhean Croise

လံာ်တၢ်ဟးထီၣ်ကွံာ် 30:10

ဒီးစီၤအၤဟရိၣ်ကဘၣ်မၤကဆှီထီၣ်တၢ်လုၢ်လီၢ်အံၤအလုၢ်အလၢ်ခီ ဖျိပာ်ဆၣ်ဖိကီၢ်ဖိလၢတၢ်လုၢ်အီၤလၢတၢ်ပျၢ်တၢ်ဒဲးဘးအဂီၢ် အသွံၣ်လၢတၢ်လုၢ်လီၢ်အံၤအနၢၤလွံၢ်နၢၤအဖီခိၣ်လီၤ. တၢ်အံၤကဘၣ်တၢ်မၤအီၤတနံၣ်တဘျီကိးနံၣ်ဒဲးတဘိယူၢ်ဃီ န့ၣ်လီၤ. တၢ်လုၢ်လီၢ်အံၤကဘၣ်စီဆှံဝဲလၢလၢပှဲၤပှဲၤဒီးကဘၣ် တၢ်ပာ်စီဆှံအီၤဆူယၤ, ယွၤအအိၣ်န့ၣ်လီၤ.”

လံာ်တၢ်ဟးထီၣ်ကွံာ် 30:8

အဝဲကဘၣ်မၤဝဲဒ်န့ၣ်အသိးဖဲအဒွဲၣ်ကပီၤထီၣ်မ့ၣ်အူဒၢတဖၣ်လၢမုၢ်ဟါလီၤအကတီၢ်န့ၣ်လီၤ. တၢ်လုၢ်ထီၣ်တၢ်နၢမူအံၤကဘၣ်တၢ်မၤထွဲအီၤတဘိယူၢ်ဃီဒီးတၢ် မၤတံာ်တာ်အီၤတဘၣ်အိၣ်ဝဲနီတစုဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:1

စီၤအၤဟရိၣ်အဖိခွါတဖၣ်လၢအမ့ၢ်စီၤနၤဒးဒီးစီၤအဘံဟူၤ, ဟံးန့ၢ်ဝဲသပၢၤမ့ၣ်အူတဂၤတဖျၢၣ်စုာ်စုာ်ဒီးဒၢနုာ်မ့ၣ်အူအ့ၣ် ဃုာ်ဒီးတၢ်နၢမူလၢအပူၤဒီးလုၢ်ထီၣ်ဝဲဆူယွၤအအိၣ်လီၤ. ဘၣ်ဆၣ်ဒီးမ့ၣ်အူအံၤတမ့ၢ်တၢ်လၢအကဆှီဘၣ်. မ့ၢ်လၢယွၤတမၤလိာ်အဝဲသ့ၣ်လၢကလုၢ်ထီၣ်ဝဲအဃိန့ၣ်လီၤ.