လံာ်တၢ်ဟးထီၣ်ကွံာ် 30:35 - Sgaw Karen Common Bible

³⁵ သူအီၤလၢနကမၤကဲထီၣ်တၢ်နၢမူ, ဃါဃုာ်အသးဒ်ဒီးသိနၢမူ အသိးန့ၣ်တက့ၢ်. ဒၢနုာ်ဃုာ်အံသၣ်လၢတၢ်ပာ်ကဆှီဒီးပာ်စီဆှံအီၤအဂီၢ်တက့ၢ်.

လံာ်တၢ်ဟးထီၣ်ကွံာ် 30:35 Iomraidhean Croise

လံာ်စီၤပၤအခီၣ်ထံးတဘ့ၣ် 1:39

စီၤစၤဒိးဟံးန့ၢ်သ့ၣ်စၤယံးအသိဒၢလၢအဟဲစိာ်ဝဲလၢယွၤ အိၣ်ဝဲဆိးဝဲအဒဲစီဆှံအပူၤဒီးဖှူဝဲစီၤၡလိၤမိၤန့ၣ်လီၤ. အဝဲသ့ၣ်အူထီၣ်ကွဲၤဒီးပှၤဂီၢ်မုၢ်ခဲလၢာ်ကိးပသူထီၣ်ဝဲ, “မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 9:30

ဘၣ်ဆၣ်တၢ်ဃါဃုာ်တၢ်နၢမူတဖၣ်အမူအဒါန့ၣ်ဘၣ်ဃးဒၣ်ဆူ ပှၤလုၢ်တၢ်အခိၣ်တဖၣ်န့ၣ်လီၤ.

စံးထီၣ်ပတြၢၤ 133:2

မၤသးဒ်သိလုၢ်ဒိၣ်ပှ့ၤဒိၣ်အိၣ်လၢအခိၣ်လၢအယွၤ လီၤပၢၢ်လၢအခၣ်ဆူၣ်, စီၤအၤဟရိၣ်အခၣ်ဆူၣ်, လၢအ ယွၤလီၤပၢၢ်လၢအဆ့အခီၣ်ထံးအသိးန့ၣ်,

လံာ်တၢ်ဟးထီၣ်ကွံာ် 28:41

ဒုးသိးထီၣ်တၢ်ကူတၢ်သိးတဖၣ်အံၤလၢနဒီပုၢ်ဝဲၢ်စီၤအၤဟရိၣ် ဒီးအဖိခွါတဖၣ်အလိၤတက့ၢ်. အန့ၣ်ဝံၤဒီးဖှူအီၤဒီးပာ်စီဆှံအီၤလၢသ့ၣ်စၤယံးအသိဒ်သိး အကမၤယတၢ်မၤဒ်ပှၤလုၢ်တၢ်အခိၣ်တဖၣ်အသိးအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 30:25

ဒီးဃါဃုာ်အီၤဒ်ထံနၢမူအသိးဒီးဒုးကဲထီၣ်သိဖှူတၢ်အသိစီဆှံတက့ၢ်.

လံာ်တၢ်ဟးထီၣ်ကွံာ် 30:34

ယွၤစံးဘၣ်စီၤမိၤၡ့, “ဟံးန့ၢ်တၢ်နၢမူပှဲၤသိးသိးလၢ သ့ၣ်နၢမူတဖၣ်လၢအမ့ၢ်သ့ၣ်နၤတဖၣ်အထုး, သ့ၣ်ၡဃ့လးအထုး, သ့ၣ်သံခိၣ်ဝါအထုး, ဒီးလီၢ်ဘၣ်အကဆှီတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 30:36

တိၢ်ကမူၣ်အီၤတနီၤတုၤအလီၤကမူၣ်ဂ့ၤဂ့ၤ, လဲၤစိာ်အီၤဆူ ယအိၣ်ယဆိးအဒဲစီဆှံအပူၤဒီးဖှံအီၤလၢတၢ်အၢၣ်လီၤအီလီၤ အတလါစီဆှံအမဲာ်ညါတက့ၢ်. ပာ်ကဲတၢ်နၢမူအံၤဒ်တၢ်စီဆှံအလၢအပှဲၤတက့ၢ်.

တၢ်ကတိၤဒိ. 27:9

တၢ်နၢမူဒီးသိနၢမူမၤမုာ်မၤခုၣ်အါထီၣ်နသးလီၤ. မ့မ့ၢ်တၢ်ကိၢ်တၢ်ဂီၤမၤလီၤကလဲကွံာ်နသးအတၢ်ဃူတၢ်မုာ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:3

သိလၢနဖှူအီၤန့ၣ်နၢမူဝဲ, ဒီးနမံၤမၤအသးဒ်သိနၢမူလၢအလူလီၤ အသးအသိးန့ၣ်လီၤ. မၤသးဒ်န့ၣ်ဒီး, ပှၤပိာ်မုၣ်တအဲၣ်နၤအိၣ်တကဲနီတဂၤဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 3:6

တၢ်လၢအဟဲထီၣ်လၢပှၢ်မုၢ်ကနၢလီၤဂာ်ဒ်မ့ၣ်အူလုၣ်အထူၣ်တထူၣ်အ သိး, နၢမူဝဲဒီးမူရၣ်ဒီးလီၢ်ဘၣ်, တၢ်နၢမူလၢပှၤကၤတၢ်ဖိဆါဝဲတဖၣ်န့ၣ်, မ့ၢ်တၢ်မနုၤလဲၣ်.

လံာ်တၢ်ဘူၣ်ထီၣ်ဘါထီၣ် 16:12

ဒီးကဘၣ်ဟံးန့ၢ်ဝဲသပၢၤမ့ၣ်အူလၢအ ပှဲၤဒီးမ့ၣ်အူကဖးလၢတၢ်လုၢ်လီၢ်ဒီးတၢ်နၢမူကမူၣ်ခံစှီၤ ဒီးဟဲစိာ်အီၤဆူတၢ်လီၢ်စီဆှံကတၢၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:13

ဒီးတၢ်လုၢ်မၤဘူၣ်ခဲလၢာ်န့ၣ်ကဘၣ်ပာ်ဃုာ်ဒီးအံသၣ်န့ၣ်လီၤ. အဂ့ၢ်ဒ်အံၤ, အံသၣ်မ့ၢ်တၢ်အၢၣ်လီၤအီလီၤလၢယွၤမၤဒီးသုအဃိန့ၣ်လီၤ. တၢ်လုၢ်မၤဘူၣ်ခဲလၢာ်ကဘၣ်ပၣ်ဃုာ်ဒီးအံသၣ်န့ၣ်လီၤ.

လံာ်ယိၤဟၣ် 12:3

နီၢ်မၤရံဟံးန့ၢ်သိနၢမူလုၢ်ဒိၣ်ပှ့ၤဒိၣ်လၢတၢ်မၤန့ၢ်အီၤလၢနၢ်ဒူး အဂံၢ်ဒီပလီညါဒီးလူလီၤဝဲလၢယ့ၣ်ၡူးအခီၣ်အလိၤဒီး ထွါကွံာ်ဝဲလၢအခိၣ်သူလီၤ. သိနၢမူအံၤနၢမူထီၣ်ဝဲပှဲၤဟံၣ်ဒီ ဖျၢၣ်ညါန့ၣ်လီၤ.