လံာ်တၢ်ဟးထီၣ်ကွံာ် 30:34 - Sgaw Karen Common Bible

³⁴ ယွၤစံးဘၣ်စီၤမိၤၡ့, “ဟံးန့ၢ်တၢ်နၢမူပှဲၤသိးသိးလၢ သ့ၣ်နၢမူတဖၣ်လၢအမ့ၢ်သ့ၣ်နၤတဖၣ်အထုး, သ့ၣ်ၡဃ့လးအထုး, သ့ၣ်သံခိၣ်ဝါအထုး, ဒီးလီၢ်ဘၣ်အကဆှီတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 30:34 Iomraidhean Croise

လံာ်စီၤနဃ့မယၤ 13:5

အဝဲပျဲတ့ၢ်စီၤတိၤဘံယၤလၢကသူဝဲဒၢးဖးဒိၣ်တဖျၢၣ်လၢတၢ် ပာ်လီၤဆီအီၤထဲဒၣ်လၢတၢ်ကပာ်တၢ်မၤဘူၣ်လၢဘုဧိၤဟုဧိၤဒီး တၢ်နၢမူ, တၢ်ပီးတၢ်လီလၢတၢ်သူအီၤလၢယွၤအတၢ်လုၢ်ဟံၣ်အပူၤ, တၢ်မၤဘူၣ်တဖၣ်လၢပှၤလုၢ်တၢ်အဒိၣ်တဖၣ်အဂီၢ်, ဒီးတၢ်ဆံဆဲၣ်ပူတပူတဖၣ်လၢဘုဧိၤဟုဧိၤ, စပံးထံ, သ့ၣ်စၤယံးအသိလၢအဘၣ်တၢ်ဟ့ၣ်အီၤဆူပှၤလ့ၤဝံဖိ တဖၣ်ဆူတၢ်လုၢ်ဟံၣ်အပှၤသးဝံၣ်တၢ်ဖိတဖၣ်ဒီးဆူပှၤခိးတၢ်လုၢ် ဟံၣ်တဖၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 25:6

သိလၢမ့ၣ်အူဒၢတဖၣ်အဂီၢ်, တၢ်နၢမူတဖၣ်လၢသိဖှူတၢ်အဂီၢ်ဒီး တၢ်ဆိၣ်ကဲၤနၢမူအဂီၢ်,

လံာ်တၢ်ဟးထီၣ်ကွံာ် 30:33

ပှၤတဂၤလၢ်လၢ်လၢအမၤဒိးအီၤမ့ၢ်ဂ့ၤ, သူအီၤတနီၤနီၤလၢပှၤ လၢတမ့ၢ်ဘၣ်ပှၤလုၢ်တၢ်အခိၣ်အဖီခိၣ်မ့ၢ်ဂ့ၤဒီး, ကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤဂီၢ်မုၢ်အကျါဘၣ်န့ၣ်လီၤ.”

လံာ်တၢ်ဟးထီၣ်ကွံာ် 30:35

သူအီၤလၢနကမၤကဲထီၣ်တၢ်နၢမူ, ဃါဃုာ်အသးဒ်ဒီးသိနၢမူ အသိးန့ၣ်တက့ၢ်. ဒၢနုာ်ဃုာ်အံသၣ်လၢတၢ်ပာ်ကဆှီဒီးပာ်စီဆှံအီၤအဂီၢ်တက့ၢ်.

လံာ်တၢ်ဟးထီၣ်ကွံာ် 30:7

ကိးမုၢ်ဂီၤဒဲးဖဲစီၤအၤဟရိၣ်ဟဲလၢကကတဲာ်ကတီၤမ့ၣ်အူဒၢတဖၣ်န့ၣ်, အဝဲကဘၣ်ဆိၣ်ကဲၤတၢ်နၢမူလၢတၢ်လုၢ်လီၢ်အံၤအဖီခိၣ်လီၤ.

လံာ်တၢ်ဟးထီၣ်ကွံာ် 31:11

သိဖှူတၢ်, ဒီးတၢ်နၢမူနၢဆှီလၢတၢ်အလီၢ်စီဆှံအဂီၢ်န့ၣ်လီၤ. လၢတၢ်မၤကယဲၢ်တၢ်ကိးမံၤဒဲးအံၤအပူၤ, အဝဲသ့ၣ်ကဘၣ်မၤဝဲ လီၤတံၢ်လီၤဆဲးဒ်ယမၤလိာ်တ့ၢ်နၤအသိးန့ၣ်လီၤ.”

လံာ်တၢ်ဟးထီၣ်ကွံာ် 35:15

တၢ်လုၢ်လီၢ်လၢတၢ်ဆိၣ်ကဲၤတၢ်နၢမူအဂီၢ်ဒီးအနီၣ်ထိးဘိတဖၣ်, သိဖှူတၢ်, တၢ်နၢမူလၢအဆၢ, ယၣ်ဘျးသဒၢဖဲဒဲစီဆှံအကျဲစၢၤ,

လံာ်တၢ်ဟးထီၣ်ကွံာ် 37:29

အဝဲမၤစ့ၢ်ကီးသိဖှူတၢ်စီဆှံဒီးတၢ်ဆိၣ်ကဲၤနၢမူအဆၢ, လၢအဃါဃုာ်အသးဒ်သိနၢမူအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 3:6

တၢ်လၢအဟဲထီၣ်လၢပှၢ်မုၢ်ကနၢလီၤဂာ်ဒ်မ့ၣ်အူလုၣ်အထူၣ်တထူၣ်အ သိး, နၢမူဝဲဒီးမူရၣ်ဒီးလီၢ်ဘၣ်, တၢ်နၢမူလၢပှၤကၤတၢ်ဖိဆါဝဲတဖၣ်န့ၣ်, မ့ၢ်တၢ်မနုၤလဲၣ်.

လံာ်ယၡါယၤ 43:23

နတဟဲစိာ်န့ၢ်ယၤသိဖိတဖၣ်လၢနတၢ်လုၢ်မ့ၣ်အူတဖၣ်အဂီၢ်န့ၣ်ဘၣ်. နတမၤလၤကပီၤယၤလၢနတၢ်လုၢ်တၢ်ပာ် တဖၣ်န့ၣ်ဘၣ်. ယတပာ်တၢ်ဝံတၢ်ယိးလၢနဖီခိၣ်ဒီးဃ့ဆူၣ်နၤ တၢ်မၤဘူၣ်တဖၣ်မ့ၢ်ဂ့ၤ, ယတမၤလီၤဘှံးလီၤတီၤကွံာ်နၤဒီးဃ့တၢ်ဆိၣ်ကဲၤနၢမူ မ့ၢ်ဂ့ၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 16:12

ဒီးကဘၣ်ဟံးန့ၢ်ဝဲသပၢၤမ့ၣ်အူလၢအ ပှဲၤဒီးမ့ၣ်အူကဖးလၢတၢ်လုၢ်လီၢ်ဒီးတၢ်နၢမူကမူၣ်ခံစှီၤ ဒီးဟဲစိာ်အီၤဆူတၢ်လီၢ်စီဆှံကတၢၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:1

ပှၤတဂၤလၢ်လၢ်မ့ၢ်လုၢ်ထီၣ်အဘုဧိၤဟုဧိၤဆူယွၤအအိၣ်န့ၣ်, ကဘၣ်ဂံာ်ကမူၣ်ဝဲလၢညါဒီးကဘၣ်လူလီၤသ့ၣ်စၤယံးအသိ ဒီးပာ်တၢ်နၢမူလၢအဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:15

ဒီးကဘၣ်လူလီၤသ့ၣ်စၤယံးအသိ, ဒီးပာ်တၢ်နၢမူလီၢ်ဘၣ်လၢအလိၤလီၤ. ဒီးတၢ်အံၤမ့ၢ်တၢ်လုၢ်မၤဘူၣ်ဘုဧိၤဟုဧိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:7

နဘၣ်ပာ်လီၤတၢ်နၢမူလီၢ်ဘၣ်လၢကိၣ်တဂ့ၢ်ဘၣ်တဂ့ၢ် အဖီခိၣ်ဒ်အမ့ၢ်တၢ်ပနီၣ်လၢတၢ်အီၣ်အတၢ်လုၢ်ဆူယွၤအအိၣ်လၢကိၣ်တဖၣ်အလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:11

ဘၣ်ဆၣ်ဒီးလုၢ်ထီၣ်ဝဲထိၣ်လွံၢ်ဘုၣ်ခံဘ့ၣ်မ့ၢ်ဂ့ၤ, ထိၣ်ကးက့ၣ်ခံဘ့ၣ်မ့ၢ်ဂ့ၤမ့ၢ်တန့ၢ်ဘၣ်ဒီးကဘၣ်ဟဲစိာ်ဝဲကိၣ် ကမူၣ်လၢအဂ့ၤတအ့ဖးဆံဆဲၣ်ပူတပူလၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. တဘၣ်ဒၢနုာ်ဝဲသိမ့ၢ်ဂ့ၤ, တၢ်နၢမူမ့ၢ်ဂ့ၤဘၣ်, မ့ၢ်လၢအမ့ၢ်တၢ်လုၢ်တၢ်ပျၢ်တၢ်ဒဲးဘးဒီးတမ့ၢ်တၢ်လုၢ်ဘုဧိၤ ဟုဧိၤအဃိန့ၣ်လီၤ.

လံာ်တၢ်ဂံၢ် 4:16

ပှၤလုၢ်တၢ်အခိၣ်စီၤအၤဟရိၣ်အဖိခွါစီၤအလၤဧစၢ်န့ၣ်အမူအဒါ အိၣ်လၢကကွၢ်ထွဲဒဲစီဆှံဒီဖျၢၣ်ညါဒီးမ့ၣ်အူဒၢတဖၣ်အသိ, တၢ်နၢမူ, တၢ်လုၢ်ဘုဧိၤဟုဧိၤတဖၣ်သိဖှူတၢ်, ဒီးကယဲၢ်တၢ်အဂၤခဲလၢာ်လၢအအိၣ်လၢဒဲစီဆှံအပူၤလၢအဘၣ်တၢ် ပာ်စီဆှံထီၣ်အီၤဆူယွၤအအိၣ်န့ၣ်လီၤ.

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.