လံာ်တၢ်ဟးထီၣ်ကွံာ် 30:25 - Sgaw Karen Common Bible

²⁵ ဒီးဃါဃုာ်အီၤဒ်ထံနၢမူအသိးဒီးဒုးကဲထီၣ်သိဖှူတၢ်အသိစီဆှံတက့ၢ်.

လံာ်တၢ်ဟးထီၣ်ကွံာ် 30:25 Iomraidhean Croise

လံာ်စီၤပၤအခီၣ်ထံးတဘ့ၣ် 1:39

စီၤစၤဒိးဟံးန့ၢ်သ့ၣ်စၤယံးအသိဒၢလၢအဟဲစိာ်ဝဲလၢယွၤ အိၣ်ဝဲဆိးဝဲအဒဲစီဆှံအပူၤဒီးဖှူဝဲစီၤၡလိၤမိၤန့ၣ်လီၤ. အဝဲသ့ၣ်အူထီၣ်ကွဲၤဒီးပှၤဂီၢ်မုၢ်ခဲလၢာ်ကိးပသူထီၣ်ဝဲ, “မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 9:30

ဘၣ်ဆၣ်တၢ်ဃါဃုာ်တၢ်နၢမူတဖၣ်အမူအဒါန့ၣ်ဘၣ်ဃးဒၣ်ဆူ ပှၤလုၢ်တၢ်အခိၣ်တဖၣ်န့ၣ်လီၤ.

စံးထီၣ်ပတြၢၤ 133:2

မၤသးဒ်သိလုၢ်ဒိၣ်ပှ့ၤဒိၣ်အိၣ်လၢအခိၣ်လၢအယွၤ လီၤပၢၢ်လၢအခၣ်ဆူၣ်, စီၤအၤဟရိၣ်အခၣ်ဆူၣ်, လၢအ ယွၤလီၤပၢၢ်လၢအဆ့အခီၣ်ထံးအသိးန့ၣ်,

စံးထီၣ်ပတြၢၤ 89:20

ယထံၣ်န့ၢ်ယခ့ယပှၤစီၤဒၤဝံး, ယဖှူအီၤလၢယသိစီဆှံ,

လံာ်တၢ်ဟးထီၣ်ကွံာ် 28:41

ဒုးသိးထီၣ်တၢ်ကူတၢ်သိးတဖၣ်အံၤလၢနဒီပုၢ်ဝဲၢ်စီၤအၤဟရိၣ် ဒီးအဖိခွါတဖၣ်အလိၤတက့ၢ်. အန့ၣ်ဝံၤဒီးဖှူအီၤဒီးပာ်စီဆှံအီၤလၢသ့ၣ်စၤယံးအသိဒ်သိး အကမၤယတၢ်မၤဒ်ပှၤလုၢ်တၢ်အခိၣ်တဖၣ်အသိးအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 29:21

ဟံးန့ၢ်တၢ်သွံၣ်တနီၤလၢအအိၣ်လၢတၢ်လုၢ်လီၢ်အဖီခိၣ်န့ၣ်ဒီး သိဖှူတၢ်တနီၤဒီးဖှံအီၤလၢစီၤအၤဟရိၣ်ဒီးအဖိခွါတဖၣ်အတၢ် ကူတၢ်သိးအလိၤတက့ၢ်. အန့ၣ်တစုအဝဲဒၣ်ဒီးအဖိခွါတဖၣ်ဒီးအတၢ်ကူတၢ်သိးတဖၣ်န့ၣ် ကဘၣ်တၢ်ပာ်စီဆှံအီၤဆူယအိၣ်န့ၣ်လီၤ.

လံာ်တၢ်ဟးထီၣ်ကွံာ် 29:7

အန့ၣ်ဝံၤဒီးဟံးန့ၢ်သိဖှူတၢ်, ဒီးလူလီၤလၢအခိၣ်လိၤဒီးဖှူ အီၤတက့ၢ်.

လံာ်တၢ်ဟးထီၣ်ကွံာ် 30:24

ဒီးတၢ်နၢမူကဒါနါအဖံးၡကၤလးယဲၢ်ကယၤ (ခဲလၢာ်အံၤအတယၢၢ် မ့ၢ်ဒ်တၢ်လုၢ်ဟံၣ်အခိၣ်အနၢ်တဖၣ်ပာ်လီၤဝဲအနီၣ်ထိၣ်အသိး), ဒီးပာ်ဖှိၣ်အါထီၣ်သ့ၣ်စၤယံးအသိတဟံၣ်,

လံာ်တၢ်ဟးထီၣ်ကွံာ် 30:32

သိစီဆှံအံၤတဘၣ်တၢ်လူလီၤအီၤလၢပှၤပိာ်ခွါပတီၢ်မုၢ်တဖၣ်အလိၤမ့ၢ်ဂ့ၤ, သုတဘၣ်သူအနီၣ်ထိၣ်တမံၤဃီအံၤလၢသုကဃါဃုာ်တၢ်အဂၤဒ်အံၤမ့ၢ်ဂ့ၤဘၣ်. တၢ်အံၤစီဆှံဝဲဒီးသုကဘၣ်ပာ်အီၤဒ်တၢ်စီဆှံအသိးလီၤ.

လံာ်တၢ်ဟးထီၣ်ကွံာ် 30:35

သူအီၤလၢနကမၤကဲထီၣ်တၢ်နၢမူ, ဃါဃုာ်အသးဒ်ဒီးသိနၢမူ အသိးန့ၣ်တက့ၢ်. ဒၢနုာ်ဃုာ်အံသၣ်လၢတၢ်ပာ်ကဆှီဒီးပာ်စီဆှံအီၤအဂီၢ်တက့ၢ်.

လံာ်တၢ်ဟးထီၣ်ကွံာ် 35:15

တၢ်လုၢ်လီၢ်လၢတၢ်ဆိၣ်ကဲၤတၢ်နၢမူအဂီၢ်ဒီးအနီၣ်ထိးဘိတဖၣ်, သိဖှူတၢ်, တၢ်နၢမူလၢအဆၢ, ယၣ်ဘျးသဒၢဖဲဒဲစီဆှံအကျဲစၢၤ,

လံာ်တၢ်ဟးထီၣ်ကွံာ် 37:29

အဝဲမၤစ့ၢ်ကီးသိဖှူတၢ်စီဆှံဒီးတၢ်ဆိၣ်ကဲၤနၢမူအဆၢ, လၢအဃါဃုာ်အသးဒ်သိနၢမူအသိးန့ၣ်လီၤ.

လံာ်တၢ်ဟးထီၣ်ကွံာ် 40:9

အန့ၣ်ဝံၤဒီးပာ်စီဆှံထီၣ်ဒဲစီဆှံဒီးကယဲၢ်အတၢ်ပီးတၢ်လီ ခဲလၢာ်ခီဖျိတၢ်ဖှူအီၤလၢသိစီဆှံ, ဒီးကစီဆှံဝဲလီၤ.

လံာ်ပှၤစံၣ်တဲၤတဲလီၤတၢ် 10:1

သၣ်ဘုလါအသံတဖၣ်န့ၣ်, မၤနၢအုၣ်သိနၢမူဒီပလီသ့လီၤ. ဒီးတၢ်သူၣ်တထံသးတဆးတစဲးတြူာ်ကွံာ်တၢ်ကူၣ်သ့အဒိၣ် ကတၢၢ်သ့လီၤ.

လံာ်တၢ်ဘူၣ်ထီၣ်ဘါထီၣ် 8:10

အန့ၣ်ဒီး, စီၤမိၤၡ့ဟံးန့ၢ်သိဖှူတၢ်ဒီးဖှံဝဲတၢ်ဘူၣ်ထီၣ် ဘါထီၣ်ယွၤအဒဲဒီးတၢ်အိၣ်လၢအပူၤခဲလၢာ်, ဒ်အမ့ၢ်တၢ်ပာ်စီဆှံထီၣ်တၢ်တဖၣ်အံၤဆူယွၤအအိၣ်န့ၣ်လီၤ.

လံာ်တၢ်ဂံၢ် 35:25

ကမျၢၢ်ဒူၣ်ထၢကဘၣ်အုၣ်က့ၤခီၣ်က့ၤပှၤတဂၤလၢအမၤကမၣ်တၢ်လၢ အမၤသံဘၣ်ပှၤအဃိန့ၣ်, လၢပှၤသံတဂၤအဘူးအတံၢ်အစုပူၤ, ဒီးအဝဲသ့ၣ်ကဘၣ်ဆှၢကဒါက့ၤအီၤဆူဝ့ၢ်တၢ်ပူၤဖျဲးလၢ အဝဲအိၣ်ပူၤဖျဲးအလီၢ်န့ၣ်လီၤ. အဝဲကဘၣ်အိၣ်ဖဲန့ၣ်တုၤလၢ, ပှၤတဂၤလၢဖဲန့ၣ်အခါမ့ၢ်ပှၤလုၢ်တၢ်အခိၣ်အဒိၣ်, သံဝဲတစုန့ၣ်လီၤ.

ဧ့ၤဘြံၤ 1:9

နအဲၣ်တၢ်လၢအဘၣ်ဒီး နသးဟ့တၢ်လၢအတဘၣ်ဘၣ်န့ၣ်လီၤ. လၢတၢ်န့ၣ်အဃိကစၢ်ယွၤ, နကစၢ်ယွၤဃုထၢထီၣ် ဒီးဖှူနၤလၢတၢ်သးခုအသိ အါန့ၢ်ဒိၣ်န့ၢ်ဒံးနတံၤသကိးတဖၣ်တက့ၢ်လီၤ.”