လံာ်တၢ်ဟးထီၣ်ကွံာ် 30:18 - Sgaw Karen Common Bible

¹⁸ “မၤထီၣ်သရာ်တိၢ်ဘီတခါအိၣ်ဒီးတိၢ်ဘီအခံဟံးဃာ်တက့ၢ်. ပာ်လီၤအီၤဖဲယွၤအဒဲစီဆှံဒီးတၢ်လုၢ်လီၢ်အဘၢၣ်စၢၤဒီးဒၢနုာ်ထံလၢအအိပူၤတက့ၢ်.

လံာ်တၢ်ဟးထီၣ်ကွံာ် 30:18 Iomraidhean Croise

လံာ်စီၤပၤအခီၣ်ထံးတဘ့ၣ် 7:23

စီၤဃူရၣ်အဘံမၤန့ၢ်ထံဒၢတိၢ်ဘီဖးဒိၣ်ဖျၢၣ်သလၢၣ်တဖျၢၣ်လၢ အယိာ်အိၣ်ဝဲယဲၢ်ပျၢ်, အဒိၣ်တူာ်အိၣ်ဝဲအပျၢ်တဆံ, ဒီးအခိၣ်ထိးဝးတရံးအတၢ်ထိၣ်အိၣ်ဝဲအပျၢ်သၢဆံန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:38

စီၤဃူရၣ်အဘံမၤစ့ၢ်ကီးသရာ်အဖျၢၣ်တဆံ, တဖျၢၣ်လၢလ့ၣ်တခိၣ်စုာ်စုာ်အဂီၢ်န့ၣ်လီၤ. သရာ်တဖျၢၣ်စုာ်စုာ်အဒီၣ်ဃီၤမ့ၢ်ဝဲလွံၢ်ပျၢ်ဒီးတြီၢ်ဝဲဘၤသး လွံၢ်ကယၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:2

အဝဲမၢပှၤမၤစ့ၢ်ကီးထံဒၢတိၢ်ဘီဖးဒိၣ်ဖျၢၣ်သလၢၣ်တဖျၢၣ်, လၢအယိာ်အိၣ်ဝဲယဲၢ်ပျၢ်, ဒီးအဒီၣ်တူာ်အိၣ်ဝဲအပျၢ်တဆံဒီး အခိၣ်ဒုးဝးတရံးအတၢ်ထိၣ်မ့ၢ်ဝဲအပျၢ်သၢဆံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:6

အဝဲသ့ၣ်မၤစ့ၢ်ကီးဝဲသရာ်အဖျၢၣ်တဆံ, ယဲၢ်ဖျၢၣ်ကဘၣ်တၢ်ပာ်အီၤလၢယွၤအတၢ်လုၢ်ဟံၣ်အကလံၤထံး, ဒီးယဲၢ်ဖျၢၣ်လၢအကလံၤစိးန့ၣ်လီၤ. သရာ်တဖၣ်န့ၣ်ကဘၣ်တၢ်သူအီၤလၢတၢ်ကသ့ကွံာ်ဆၣ်ဖိ ကီၢ်ဖိအကူာ်တဖၣ်လၢတၢ်ဆူးကဲၤထီၣ်တ့ၢ်လံအီၤဒ်တၢ်လုၢ်တၢ်ပာ် တဖၣ်န့ၣ်လီၤ. ထံလၢထံဒၢဖးဒိၣ်န့ၣ်ကဘၣ်တၢ်သူ အီၤလၢပှၤလုၢ်တၢ်အခိၣ်တဖၣ်ကသ့အသးအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 30:17

ယွၤစံးဘၣ်စီၤမိၤၡ့,

လံာ်တၢ်ဟးထီၣ်ကွံာ် 31:9

တၢ်လုၢ်လီၢ်လၢတၢ်ဆူးကဲၤထီၣ်တၢ်လုၢ်မ့ၣ်အူတဖၣ်အဂီၢ်ဒီးကယဲၢ် အတၢ်ပီးတၢ်လီတဖၣ်, သရာ်တိၢ်ဘီလၢတၢ်သ့ကဆှီသးအဂီၢ်ဒီးအခံဟံးဃာ်,

လံာ်တၢ်ဟးထီၣ်ကွံာ် 38:8

အဝဲမၤသရာ်ဒီးအခီၣ်လၢတိၢ်ဘီဖဲမဲာ်ထံကလၤတဖၣ်လၢအဘၣ်ဃး ဒီးပိာ်မုၣ်တဖၣ်လၢအမၤတၢ်ဖဲယွၤအိၣ်ဝဲဆိးဝဲအဒဲစီဆှံ အကျဲစၢၤထံးအချၢန့ၣ်လီၤ.

လံာ်တၢ်ဟးထီၣ်ကွံာ် 40:7

ပာ်လီၤသရာ်လၢတၢ်သ့စီအဂီၢ်ဖဲဒဲစီဆှံဒီးတၢ်လုၢ်လီၢ်အဘၢၣ် စၢၤဒီးမၤပှဲၤအီၤလၢထံတက့ၢ်.

လံာ်ပှၤစံၣ်တဲၤတဲလီၤတၢ် 5:1

ပလီၢ်နသးလၢနတၢ်လဲၤဆူယွၤအတၢ်လုၢ်ဟံၣ်န့ၣ်တက့ၢ်. ဂ့ၤတက့ၢ်လၢနကလဲၤဖဲန့ၣ်လၢနကမၤလိန့ၢ်တၢ်အဂီၢ်အါန့ၢ်ဒံး တၢ်လဲၤလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဒ်ပှၤဟးဂီၤဖိတဖၣ်မၤ ဝဲအသိး, ပှၤတဖၣ်လၢအတသ့ၣ်ညါနီၤဖးတၢ်အဘၣ်ဒီးတၢ်အကမၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:11

ဒီးဟံးန့ၢ်ဝဲသိတနီၤဒီးဖှံတၢ်လုၢ်လီၢ်အဖီခိၣ်ဒီး တၢ်အပီးအလီခဲလၢာ်, ဒီးသရာ်အဖီခိၣ်ဒီးအခီၣ်ထံးနွံစု, ဒ်တၢ်ပာ်စီဆှံထီၣ်တၢ်တဖၣ်အံၤဆူယွၤအအိၣ်န့ၣ်လီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.