လံာ်တၢ်ဟးထီၣ်ကွံာ် 30:15 - Sgaw Karen Common Bible

¹⁵ ဖဲပှၤဟ့ၣ်တၢ်အပှ့ၤလၢအသးသမူအဂီၢ်အံၤ, ပှၤကဲဒိၣ်တဖၣ်တဘၣ်ဟ့ၣ် အါဝဲ, ဒီးပှၤဖှီၣ်ဖိတဖၣ်စ့ၢ်ကီးတဘၣ်ဟ့ၣ်စှၤဝဲဘၣ်လီၤ.

လံာ်တၢ်ဟးထီၣ်ကွံာ် 30:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:3

လၢတၢ်န့ၣ်အဃိစီၤဒၤဝံးကိးဖှိၣ်ကံးဘိၣ်အပှၤဂီၢ်မုၢ်ဒီး စံးဘၣ်အဝဲသ့ၣ်ဒ်အံၤ, “ယမၤတၢ်လၢသုဂီၢ်သ့မနုၤတမံၤလဲၣ်. ယသးအိၣ်မၤလိၤမၤဘၣ်က့ၤတၢ်ကမူၤကမၣ်လၢတၢ်မၤဘၣ်တ့ၢ်သု, ဒ်သိးသုကဆိၣ်ဂ့ၤယွၤအပှၤဂီၢ်မုၢ်အဂီၢ်န့ၣ်လီၤ.”

လံာ်စီၤယိၤဘး 34:19

အဝဲတကွၢ်မဲာ်ဘၣ်ပှၤပၢတၢ်သ့ၣ်တဖၣ်ဒီးတပာ်ဒိၣ်ပာ်ဂ့ၤဘၣ် ပှၤထူးပှၤတီၤလၢပှၤဖီၣ်ဖိယာ်ဖိအဖီခိၣ်န့ၣ်ဘၣ်. အဂ့ၢ်ဒ်အံၤအဝဲတ့လီၤပှၤကိးဂၤဒဲးလီၤ.

လံာ်တၢ်ဟးထီၣ်ကွံာ် 30:14

ပှၤကိးဂၤဒဲးလၢအဘၣ်တၢ်ဂံၢ်ဃုာ်အီၤလၢတၢ်ထၢဖှိၣ်နီၣ်ဂံၢ် အတၢ်ကွဲးနီၣ်အပူၤ, ဒ်ပစံးတၢ်အသိး, ပှၤပိာ်ခွါကိးဂၤဒဲးလၢအသးအိၣ်အနံၣ်ခံဆံ ဒီးပှၢ်န့ၢ်အနံၣ်ခံဆံတဖၣ်န့ၣ်ကဘၣ်ဟ့ၣ်တၢ်အပှ့ၤပှဲၤအံၤဆူယအိၣ်န့ၣ်လီၤ.

လံာ်တၢ်ဟးထီၣ်ကွံာ် 30:16

ထၢဖှိၣ်စ့တဖၣ်အံၤလၢကီၢ်အံၣ်စရ့လးအပှၤဂီၢ်မုၢ်အအိၣ်ဒီးသူ အီၤလၢတၢ်ကွၢ်ထွဲဒဲစီဆှံလၢယအိၣ်ယဆိးန့ၣ်အဂီၢ်တက့ၢ်. တၢ်အခိအသွဲအံၤကဘၣ်မ့ၢ်တၢ်ဟ့ၣ်တၢ်အပှ့ၤလၢအဝဲသ့ၣ်အသးသမူအဂီၢ်, ဒီးယကသ့ၣ်နီၣ်ထီၣ်လၢယကဒီဒၣ်အိၣ်ပှိၤအဝဲသ့ၣ်အဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 38:26

တၢ်ပာ်ဖှိၣ်တၢ်လၢအန့ၢ်အံၤပှဲၤသိးသိးဒီးကယဲၢ်ပှၤကိးဂၤဒဲး လၢအဆဲးလီၤအမံၤလၢတၢ်ဂံၢ်နီၣ်အပူၤအတၢ်ဟ့ၣ်ခဲလၢာ်ပာ်ဖှိၣ် န့ၣ်လီၤ. ပှၤတဂၤဘၣ်တဂၤစုာ်စုာ်ဟ့ၣ်တၢ်ဒ်တၢ်လီၤဘၣ်အီၤ, လီၤတယၢၢ်ဝဲဒ်တၢ်လီၢ်စီဆှံအနီၣ်ထိၣ်အိၣ်ဝဲအသိးန့ၣ်လီၤ. ပှၤပိာ်ခွါလၢအသးအိၣ်အနံၣ်ဃုဆံဆူအဖီခိၣ်, အနီၣ်ဂံၢ်အိၣ်ဝဲဃုကလီၢ်သၢကထိယဲၢ်ကယၤယဲၢ်ဆံဂၤ, လၢတၢ်ဆဲးလီၤမံၤအတၢ်ဂံၢ်နီၣ်အပူၤန့ၣ်လီၤ.

တၢ်ကတိၤဒိ. 22:2

ပှၤထူးပှၤတီၤဒီးပှၤဖှီၣ်ဖိယာ်ဖိအိၣ်ဒီးတၢ်အံၤတမံၤဃီ န့ၣ်လီၤ. ယွၤတ့လီၤအဝဲသ့ၣ်ခံဖုလိာ်လီၤ.

လံာ်ယဃ့းစက့လး 45:16

ကယဲၢ်ပှၤဂီၢ်မုၢ်လၢကီၢ်ပူၤခဲလၢာ်ဘၣ်လဲၤစိာ်တၢ်လုၢ်တဖၣ်ဆူကီၢ် အံၣ်စရ့လးအစီၤပၤဖိခွါလၢအပၢတၢ်အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:11

တၢ်ကိးမံၤဒဲးလၢအမူဝဲန့ၣ်အသးသမူအိၣ်လၢတၢ်သွံၣ်အ ပူၤလီၤ. မၤသးဒ်န့ၣ်ဒီး, ယွၤမၤလိာ်ဝဲလၢတၢ်သွံၣ်ခဲလၢာ်ကဘၣ်တၢ်လူ လီၤအီၤလၢတၢ်လုၢ်လီၢ်အဖီခိၣ်လၢတၢ်တြူာ်ကွံာ်ပှၤဂီၢ်မုၢ်အတၢ် ဒဲဘးတဖၣ်အဂီၢ်န့ၣ်လီၤ.

လံာ်တၢ်ဂံၢ် 31:50

လၢတၢ်န့ၣ်အဃိတၢ်ကယၢကယဲထူတဖၣ်, စုကွီၤတဖၣ်, ထံဖှံၣ်တဖၣ်, ပသံးတဖၣ်, နၢ်ဒံးတဖၣ်, ဒီးဖဲတဖၣ်လၢပဝဲ တဂၤဘၣ်တဂၤစုာ်စုာ်ပဟဲက့ၤစိာ်န့ၣ်ပလုၢ်ထီၣ်အီၤဆူယွၤအအိၣ် ဒ်ပသးသမူအပှ့ၤတဖၣ်အသိးဒ်သိးအဝဲကဒီဒၣ်အိၣ်ပှိၤပှၤအဂီၢ်န့ၣ် လီၤ.”

အ့းဖ့းစူး 6:9

ကစၢ်သ့ၣ်ဧၢ, မၤသုကုၢ်သုပှၤဒ်န့ၣ်အသိး, ဒီးဆိကတီၢ်တၢ်ကတိၤပျံၤကတိၤဖုးအဝဲသ့ၣ်တက့ၢ်. သ့ၣ်ညါသုဝဲလၢအဝဲသ့ၣ်ဒီးသု, သုကစၢ်အိၣ်တဂၤဃီလၢမူခိၣ်ဒီးကစၢ်အံၤတကွၢ်မဲာ်ပှၤနီတဂၤ ဘၣ်န့ၣ်တက့ၢ်.

ကလီးစဲ 3:25

ဒီးပှၤမၤကမၣ်တၢ်ကိးဂၤဒဲးန့ၣ်ကဘၣ်တၢ်ဟ့ၣ်ကၣ်က့ၤအီၤဒ် အမၤတၢ်အသိးလီၤ. အဂ့ၢ်ဒ်အံၤကစၢ်ယွၤလၢအစံၣ်ညီၣ်တၢ်န့ၣ်, တကွၢ်မဲာ်ပှၤနီတဂၤဘၣ်.