လံာ်တၢ်ဟးထီၣ်ကွံာ် 30:14 - Sgaw Karen Common Bible

¹⁴ ပှၤကိးဂၤဒဲးလၢအဘၣ်တၢ်ဂံၢ်ဃုာ်အီၤလၢတၢ်ထၢဖှိၣ်နီၣ်ဂံၢ် အတၢ်ကွဲးနီၣ်အပူၤ, ဒ်ပစံးတၢ်အသိး, ပှၤပိာ်ခွါကိးဂၤဒဲးလၢအသးအိၣ်အနံၣ်ခံဆံ ဒီးပှၢ်န့ၢ်အနံၣ်ခံဆံတဖၣ်န့ၣ်ကဘၣ်ဟ့ၣ်တၢ်အပှ့ၤပှဲၤအံၤဆူယအိၣ်န့ၣ်လီၤ.

လံာ်တၢ်ဟးထီၣ်ကွံာ် 30:14 Iomraidhean Croise

လံာ်တၢ်ဟးထီၣ်ကွံာ် 30:13

ပှၤကိးဂၤဒဲးလၢဘၣ်တၢ်ဂံၢ်ဃုာ်အီၤလၢတၢ်ထၢဖှိၣ်နီၣ်ဂံၢ်အတၢ် ကွဲးနီၣ်အပူၤန့ၣ်ကဘၣ်ဟ့ၣ်စ့ဒ်တၢ်လီၤဘၣ်အီၤအသိးဒ်တၢ်လုၢ် ဟံၣ်အခိၣ်အနၢ်တဖၣ်ပာ်လီၤဝဲအနီၣ်ထိၣ်အသိးန့ၣ်လီၤ. ပှၤကိးဂၤဒဲးကဘၣ်ဟ့ၣ်စ့အဝဲအံၤဒ်တၢ်လုၢ်မၤဘူၣ်ဆူယအိၣ်န့ၣ်လီၤ.

လံာ်တၢ်ဟးထီၣ်ကွံာ် 30:15

ဖဲပှၤဟ့ၣ်တၢ်အပှ့ၤလၢအသးသမူအဂီၢ်အံၤ, ပှၤကဲဒိၣ်တဖၣ်တဘၣ်ဟ့ၣ် အါဝဲ, ဒီးပှၤဖှီၣ်ဖိတဖၣ်စ့ၢ်ကီးတဘၣ်ဟ့ၣ်စှၤဝဲဘၣ်လီၤ.

လံာ်ယဃ့းစက့လး 45:12

နစီၤပီၢ်သၣ်တဖၣ်ကဘၣ်မ့ၢ်ဒ်အဖီလာ်အသိးန့ၣ်လီၤ. ခံဆံက့ရၤ ပှဲၤသိးဒီးတၡက့လး, ဃုဆံၡက့လးပှဲၤသိးဒီးတမၤနၤန့ၣ်လီၤ.

လံာ်ယဃ့းစက့လး 45:16

ကယဲၢ်ပှၤဂီၢ်မုၢ်လၢကီၢ်ပူၤခဲလၢာ်ဘၣ်လဲၤစိာ်တၢ်လုၢ်တဖၣ်ဆူကီၢ် အံၣ်စရ့လးအစီၤပၤဖိခွါလၢအပၢတၢ်အအိၣ်န့ၣ်လီၤ.

လံာ်တၢ်ဂံၢ် 1:18

ကိးဖှိၣ်ပှၤဂီၢ်မုၢ်ဒီတဖုညါဖဲလါခံလါတလါထီၣ်အဆိကတၢၢ် တသီအနံၤန့ၣ်ဒီးဆဲးလီၤကွဲးနီၣ်ပှၤဂီၢ်မုၢ်ခဲလၢာ်ဒ်အဒူၣ် ထၢဒၣ်ဝဲဒီးအဟံၣ်ဖိဃီဖိဒၣ်ဝဲန့ၣ်လီၤ. ကယဲၢ်ပှၤပိာ်ခွါအသးအိၣ် အနံၣ်ခံဆံဒီးဆူအဖီခိၣ်တဖၣ်အမံၤန့ၣ်ဘၣ်တၢ်ကွဲးနီၣ်အီၤ ဒီးဂံၢ်နီၣ်အီၤခဲလၢာ်,

လံာ်တၢ်ဂံၢ် 1:20

ပှၤပိာ်ခွါအသးအိၣ်အနံၣ်ခံဆံမ့တမ့ၢ်ခံဆံဆူအဖီခိၣ်လၢအ ကြၢးဝဲဘၣ်ဝဲလၢတၢ်ဒုးသုးအဂီၢ်န့ၣ်ဘၣ်တၢ်ဆဲးလီၤကွဲးနီၣ် အမံၤဒ်အဒူၣ်ထၢဒီးအဟံၣ်ဖိဃီဖိအမံၤအိၣ်ဝဲဒၣ်အသိး, စးထီၣ်လၢစီၤရူၤဘ့ၣ်အဒူၣ်လၢအမ့ၢ်စီၤယၤကိာ်အဖိခွါအဒိၣ် ကတၢၢ်အဒူၣ်န့ၣ်လီၤ. အနီၣ်ဂံၢ်ခဲလၢာ်မ့ၢ်ဒ်အဖီလာ်အသိးန့ၣ်လီၤ. လၢရူၤဘ့ၣ်အဒူၣ်န့ၣ် ပှၤလွံၢ်ကလးဃုကထိယဲၢ်ကယၤဂၤ. လၢစူၤမ့းအိၣ်အဒူၣ်န့ၣ် ပှၤယဲၢ်ကလးခွံကထိသၢကယၤဂၤ. လၢကးအဒူၣ်န့ၣ်ပှၤလွံၢ်ကလးယဲၢ်ကထိဃုကယၤယဲၢ်ဆံဂၤ. လၢယူဒၤအဒူၣ်န့ၣ်ပှၤနွံကလးလွံၢ်ကထိဃုကယၤဂၤ. လၢယံးစၣ်ကၢ်အဒူၣ်န့ၣ်ပှၤယဲၢ်ကလးလွံၢ်ကထိလွံၢ်ကယၤဂၤ. လၢစဘူလိၣ်အဒူၣ်န့ၣ်ပှၤယဲၢ်ကလးနွံကထိလွံၢ်ကယၤဂၤ. လၢအ့ဖရဲၣ်အဒူၣ်န့ၣ်ပှၤလွံၢ်ကလးယဲၢ်ကယၤဂၤ. လၢမနၤၡ့ၤအဒူၣ်န့ၣ်ပှၤသၢကလးခံကထိခံကယၤဂၤ. လၢဘံၣ်ယၤမံၣ်အဒူၣ်န့ၣ်ပှၤသၢကလးယဲၢ်ကထိလွံၢ်ကယၤဂၤ. လၢဒၣ်အဒူၣ်န့ၣ်ပှၤဃုကလးခံကထိနွံကယၤဂၤ. လၢအၤၡ့ၢ်အဒူၣ်န့ၣ်ပှၤလွံၢ်ကလးတကထိယဲၢ်ကယၤဂၤ. လၢနၤသးလံအဒူၣ်န့ၣ်ပှၤယဲၢ်ကလးသၢကထိလွံၢ်ကယၤဂၤ. ပှၤခဲလၢာ်ပာ်ဖှိၣ်မ့ၢ်ဝဲ, ဃုကလီၢ်သၢကထိယဲၢ်ကယၤယဲၢ်ဆံဂၤ.

လံာ်တၢ်ဂံၢ် 1:3

လၢအသးအိၣ်အနံၣ်ခံဆံဒီးဆူအဖီခိၣ်လၢအကြၢးဒီးတၢ်ဒုးသုး အဂီၢ်တက့ၢ်.

လံာ်တၢ်ဂံၢ် 14:29

သုကသံဒီးသုစိၣ်တဖၣ်ကဘၣ်တၢ်ရၤလီၤအီၤသကုၤပှၢ်မုၢ်ကနၢအံၤ န့ၣ်လီၤ. မ့ၢ်လၢသုကဒူးကဒ့ၣ်တၢ်ထီဒါတ့ၢ်ယၤအဃိ, ပှၤလၢသုကျါလၢအသးပှၢ်န့ၢ်အနံၣ်ခံဆံတဖၣ်တနုာ်ဘၣ်ဆူ ကီၢ်န့ၣ်အပူၤနီတဂၤဘၣ်.

လံာ်တၢ်ဂံၢ် 26:2

“မၤတၢ်ထၢဖှိၣ်ကွဲးနီၣ်တမံၤဒ်ကီၢ်အံၣ်စရ့လးအပှၤဂီၢ်မုၢ်ဒီကရူၢ်, အဟံၣ်ဖိဃီဖိတဖၣ်အိၣ်ဝဲအသိး, လၢကယဲၢ်ပှၤလၢအသးအိၣ်အနံၣ် ခံဆံဒီးဆူအဖီခိၣ်လၢအကြၢးဒီးသုးမုၢ်သံၣ်ဘိအတၢ်မၤအဂီၢ်တက့ၢ်.”

လံာ်တၢ်ဂံၢ် 32:11

ယဆိၣ်တၢ်လၢမ့ၢ်လၢအဝဲသ့ၣ်အသူၣ်တတီအသးတရၤဒီးယၤအဃိ, ပှၤပိာ်ခွါလၢအသးအိၣ်ခံဆံနံၣ်ဒီးဆူအဖီခိၣ်လၢအ ဟးထီၣ်လၢကီၢ်အဲၤကူပတူးအပူၤန့ၣ်, တလဲၤနုာ်ဘၣ်ဆူကီၢ်လၢ ယအၢၣ်လီၤအီလီၤတ့ၢ်ဒီးစီၤအၤဘြၤဟၣ်, စီၤအံၤစဲး, ဒီးစီၤယၤကိာ်န့ၣ်နီတဂၤဘၣ်.