လံာ်တၢ်ဟးထီၣ်ကွံာ် 30:11 - Sgaw Karen Common Bible

^11-12 ယွၤစံးဘၣ်စီၤမိၤၡ့, “တုၤနထၢပှၤအံၣ်စရ့လးဖိတဖၣ်အနီၣ်ဂံၢ်အတၢ်ကွဲးနီၣ်တမံၤဒီး, ပှၤတဂၤစုာ်စုာ်န့ၣ်ကဘၣ်ဟ့ၣ်ယၤတၢ်အပှ့ၤလၢအသးသမူအဂီၢ်, ဒ်သိးဖဲတၢ်ထၢဖှိၣ်အနီၣ်ဂံၢ်အတၢ်ကွဲးနီၣ်အကတီၢ်န့ၣ်တၢ်တတၢးတနါအသုတဘၣ်အီၤနီတမံၤ အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 30:11 Iomraidhean Croise

လံာ်စီၤနဃ့မယၤ 10:32

ကိးနံၣ်ဒဲး, ပဝဲတဂၤစုာ်စုာ်ပကမၤဘူၣ်စ့လီၤတယၢၢ်ၡက့လး သၢပူတပူလၢတၢ်ဟ့ၣ်စၢၤယွၤအတၢ်လုၢ်ဟံၣ်အတၢ်လၢာ်တၢ်စ့ၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 30:10

ဒီးစီၤအၤဟရိၣ်ကဘၣ်မၤကဆှီထီၣ်တၢ်လုၢ်လီၢ်အံၤအလုၢ်အလၢ်ခီ ဖျိပာ်ဆၣ်ဖိကီၢ်ဖိလၢတၢ်လုၢ်အီၤလၢတၢ်ပျၢ်တၢ်ဒဲးဘးအဂီၢ် အသွံၣ်လၢတၢ်လုၢ်လီၢ်အံၤအနၢၤလွံၢ်နၢၤအဖီခိၣ်လီၤ. တၢ်အံၤကဘၣ်တၢ်မၤအီၤတနံၣ်တဘျီကိးနံၣ်ဒဲးတဘိယူၢ်ဃီ န့ၣ်လီၤ. တၢ်လုၢ်လီၢ်အံၤကဘၣ်စီဆှံဝဲလၢလၢပှဲၤပှဲၤဒီးကဘၣ် တၢ်ပာ်စီဆှံအီၤဆူယၤ, ယွၤအအိၣ်န့ၣ်လီၤ.”

လံာ်တၢ်ဟးထီၣ်ကွံာ် 38:25

ပှၤကမျၢၢ်လၢတၢ်ဂံၢ်နီၣ်အီၤ, အစ့ညၣ်န့ၣ်အတယၢၢ်ဃၢဝဲ ကံကၢ်တကယၤဒီးတကထိနွံကယၤနွံဆံယဲၢ်ၡ့က့လးဒ်တၢ်အလီၢ်စီဆှံအနီၣ်ထိၣ်အိၣ်ဝဲဒၣ် အသိးန့ၣ်လီၤ.

လံာ်တၢ်ဂံၢ် 26:2

“မၤတၢ်ထၢဖှိၣ်ကွဲးနီၣ်တမံၤဒ်ကီၢ်အံၣ်စရ့လးအပှၤဂီၢ်မုၢ်ဒီကရူၢ်, အဟံၣ်ဖိဃီဖိတဖၣ်အိၣ်ဝဲအသိး, လၢကယဲၢ်ပှၤလၢအသးအိၣ်အနံၣ် ခံဆံဒီးဆူအဖီခိၣ်လၢအကြၢးဒီးသုးမုၢ်သံၣ်ဘိအတၢ်မၤအဂီၢ်တက့ၢ်.”