လံာ်တၢ်ဟးထီၣ်ကွံာ် 30:10 - Sgaw Karen Common Bible

¹⁰ ဒီးစီၤအၤဟရိၣ်ကဘၣ်မၤကဆှီထီၣ်တၢ်လုၢ်လီၢ်အံၤအလုၢ်အလၢ်ခီ ဖျိပာ်ဆၣ်ဖိကီၢ်ဖိလၢတၢ်လုၢ်အီၤလၢတၢ်ပျၢ်တၢ်ဒဲးဘးအဂီၢ် အသွံၣ်လၢတၢ်လုၢ်လီၢ်အံၤအနၢၤလွံၢ်နၢၤအဖီခိၣ်လီၤ. တၢ်အံၤကဘၣ်တၢ်မၤအီၤတနံၣ်တဘျီကိးနံၣ်ဒဲးတဘိယူၢ်ဃီ န့ၣ်လီၤ. တၢ်လုၢ်လီၢ်အံၤကဘၣ်စီဆှံဝဲလၢလၢပှဲၤပှဲၤဒီးကဘၣ် တၢ်ပာ်စီဆှံအီၤဆူယၤ, ယွၤအအိၣ်န့ၣ်လီၤ.”

လံာ်တၢ်ဟးထီၣ်ကွံာ် 30:10 Iomraidhean Croise

လံာ်စီၤပၤအခီၣ်ထံးတဘ့ၣ် 1:50

လၢတၢ်ပျံၤဘၣ်စီၤၡလိၤမိၤဖးဒိၣ်အပူၤန့ၣ်, စီၤအဒိၤနံၤယၤလဲၤဝဲဆူယွၤအဒဲစီဆှံလၢယွၤအိၣ်ဝဲဒီး ဟံးဃာ်ကျၢၤယွၤအတၢ်လုၢ်လီၢ်အနၢၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:49

စီၤအၤဟရိၣ်ဒီးအစၢၤအသွဲၣ်တဖၣ်ပာ်ထီၣ်တၢ်လုၢ်နၢမူ တဖၣ်ဒီးလုၢ်ထီၣ်တၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤအီၤလၢတၢ် လုၢ်လီၢ်အဖီခိၣ်န့ၣ်လီၤ. အဝဲသ့ၣ်အိၣ်မူအိၣ်ဒါလၢတၢ်ဘူၣ်ထီၣ်ဘါထီၣ်ယွၤလၢတၢ်လီၢ်စီ ဆှံကတၢၢ်ခဲလၢာ်ဒီးလၢတၢ်လုၢ်တၢ်ပာ်တဖၣ်လၢကစၢ်ယွၤပျၢ်ကွံာ် ပှၤအံၣ်စရ့လးဖိတဖၣ်အတၢ်ဒဲးဘးအဂီၢ်န့ၣ်လီၤ. အဝဲသ့ၣ်မၤတ့ၢ်တၢ်အံၤခဲလၢာ်ဒ်တၢ်သိၣ်တၢ်သီလၢအဘၣ်တၢ်ဟ့ၣ် လီၤခီဖျိကစၢ်ယွၤအခ့အပှၤစီၤမိၤၡ့န့ၣ်လီၤ.

လံာ်တၢ်ဟးထီၣ်ကွံာ် 30:11

ယွၤစံးဘၣ်စီၤမိၤၡ့, “တုၤနထၢပှၤအံၣ်စရ့လးဖိတဖၣ်အနီၣ်ဂံၢ်အတၢ်ကွဲးနီၣ်တမံၤဒီး, ပှၤတဂၤစုာ်စုာ်န့ၣ်ကဘၣ်ဟ့ၣ်ယၤတၢ်အပှ့ၤလၢအသးသမူအဂီၢ်, ဒ်သိးဖဲတၢ်ထၢဖှိၣ်အနီၣ်ဂံၢ်အတၢ်ကွဲးနီၣ်အကတီၢ်န့ၣ်တၢ်တတၢးတနါအသုတဘၣ်အီၤနီတမံၤ အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 30:9

လုၢ်ထီၣ်တၢ်နၢမူလၢအဘၣ်တၢ်တြီအီၤတဖၣ်မ့ၢ်ဂ့ၤ, ဆၣ်ဖိကီၢ်ဖိတဒုဒုမ့ၢ်ဂ့ၤ, တၢ်မၤဘူၣ်ကိၣ်တမံၤမံၤမ့ၢ်ဂ့ၤ, လၢတၢ်လုၢ်လီၢ်အံၤအဖီခိၣ်တဂ့ၤ. ဒီးလူလီၤစပံးထံအတၢ်လုၢ်လၢအဖီခိၣ်နီတမံၤတဂ့ၤ.

လံာ်တၢ်ဘူၣ်ထီၣ်ဘါထီၣ် 16:16

အအံၤမ့ၢ်တၢ်မၤတၢ်ဘူၣ်တၢ်ဘါအလုၢ်အလၢ်ဘၣ်ဃးတၢ်မၤကဆှီ ထီၣ်တၢ်လီၢ်စီဆှံကတၢၢ်လၢအံၣ်စရ့လးအပှၤ ဂီၢ်မုၢ်အတၢ်တကဆှီဒီးအတၢ်ဒဲးဘးတဖၣ်အဂီၢ်န့ၣ်လီၤ. ဒီးကဘၣ်မၤဝဲလၢတၢ်ဘူၣ်ထီၣ်ဘါထီၣ်ယွၤအဒဲအဂီၢ်မ့ၢ်လၢအအိၣ် လၢပှၤဂီၢ်မုၢ်အတၢ်သူၣ်ဒဲအလီၢ်ခၢၣ်သးလၢအမ့ၢ်တၢ်တကဆှီ ဘၣ်ဒ်တၢ်ဘူၣ်တၢ်ဘါအလုၢ်အလၢ်အသိးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:18

ကဘၣ်လဲၤထီၣ်ဝဲဆူတၢ်လုၢ်လီၢ်လၢကလုၢ်တၢ်လုၢ်မ့ၣ်အူဒီးမၤ ကဆှီထီၣ်အီၤအဂီၢ်န့ၣ်လီၤ. ဒီးကဘၣ်ဟဲစိာ်ဝဲဂီၤ ဖံးဖါအသွံၣ်တနီၤဒီးမဲာ်တဲးလဲးအသွံၣ်တနီၤ ဒီးပာ်ထီၣ်အီၤခဲလၢာ်လၢတၢ်လုၢ်လီၢ်အနၢၤတဖၣ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:2

ဒီးယွၤစံးဘၣ်စီၤမိၤၡ့, “စံးဘၣ်နဒီပုၢ်ဝဲၢ်စီၤအၤဟရိၣ်လၢအသုတလဲၤနုာ်ဆူတၢ်လီၢ် စီဆှံကတၢၢ်လၢယၣ်ဘျးသဒၢသးအချၢကိးဆၢကိးကတီၢ်ဒဲးတဂ့ၤ. အဂ့ၢ်ဒ်အံၤ, တၢ်လီၢ်ဝဲန့ၣ်မ့ၢ်ယလီၣ်ဖျါထီၣ်ယသးခီဖျိတၢ်အၢၣ်, လၢတၢ်အၢၣ်လီၤအီလီၤအတလါစီဆှံအဖီခိၣ်န့ၣ်လီၤ. မ့ၢ်တဒိကနၣ်ဝဲဘၣ်ဒီးကဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:18

ဒီးကဘၣ်ပာ်တၢ်သွံၣ်တနီၤလၢတၢ်လုၢ်ထီၣ်တၢ်နၢမူအတၢ်လုၢ်လီၢ် အနၢၤတဖၣ်အဖီခိၣ်လၢတၢ်ဘူၣ်ထီၣ်ဘါထီၣ်ယွၤအဒဲပူၤန့ၣ်လီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤအီၤဖဲ တၢ်လုၢ်မ့ၣ်အူအတၢ်လုၢ်လီၢ်အခီၣ်ထံးလၢအအိၣ်လၢတၢ်ဘူၣ်ထီၣ်ဘါ ထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:7

ဒီးပှၤလုၢ်တၢ်အခိၣ်အဒိၣ်ကတၢၢ်န့ၣ်ကဘၣ်ပာ်တၢ်သွံၣ်တနီၤလၢတၢ် လုၢ်ထီၣ်တၢ်နၢမူအတၢ်လုၢ်လီၢ်အနၢၤတဖၣ်အဖီခိၣ်လၢတၢ်ဘူၣ်ထီၣ် ဘါထီၣ်ယွၤအဒဲပူၤလီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤအီၤဖဲတၢ်လုၢ် မ့ၣ်အူအတၢ်လုၢ်လီၢ်အခီၣ်ထံးလၢအအိၣ်လၢတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 9:25

ပှၤယူဒၤဖိအပှၤလုၢ်တၢ်အခိၣ်အဒိၣ်ကတၢၢ်လဲၤနုာ်ဝဲဆူ တၢ်စီဆှံကတၢၢ်အလီၢ်ကိးနံၣ်ဒဲးစိာ်ဃုာ်ဒီးဆၣ်ဖိကီၢ်ဖိ အသွံၣ်လီၤ. ဘၣ်ဆၣ်ခရံာ်တလုၢ်ထီၣ်ဘၣ်အနီၢ်ကစၢ်ဒၣ်ဝဲ တဘျီဘၣ်တဘျီဒ်န့ၣ်အသိးဘၣ်.

ဧ့ၤဘြံၤ 9:7

မ့မ့ၢ်ဆူဒဲအံၤခံတီၤတတီၤအပူၤန့ၣ်ပှၤလဲၤနုာ်ဘၣ်ထဲ ပှၤလုၢ်တၢ်အခိၣ်အဒိၣ်ကတၢၢ်တဂၤဧိၤ, တနံၣ်န့ၣ်ထဲတဘျီဧိၤဘၣ်စိာ်ဃုာ်တၢ်သွံၣ်လၢအဘၣ် လုၢ်ဝဲလၢအနီၢ်ကစၢ်ဒၣ်ဝဲအဂီၢ်ဒီးလၢပှၤဂီၢ်မုၢ်တဖၣ် အတၢ်ကမၣ်အဂီၢ်န့ၣ်လီၤ.

လံာ်လီၣ်ဖျါ 9:13

တုၤနုၤတစုကလူးဃုဂၤတဂၤအူထီၣ်အကွဲၤလီၤ. ယနၢ်ဟူတၢ်ကလုၢ်သီၣ်ထီၣ်လၢတၢ်လုၢ်လီၢ်ထူအနၢၤလွံၢ်ဘိလၢ အအိၣ်ဆၢထၢၣ်လၢကစၢ်ယွၤအမဲာ်ညါန့ၣ်လီၤ.