လံာ်တၢ်ဟးထီၣ်ကွံာ် 30:1 - Sgaw Karen Common Bible

¹ ဘှီထီၣ်မၤတၢ်လုၢ်လီၢ်တခါလၢသ့ၣ်ဖှ့ၡံးတၤလၢတၢ်ဆိၣ်ကဲၤတၢ်နၢမူအဂီၢ်တက့ၢ်.

လံာ်တၢ်ဟးထီၣ်ကွံာ် 30:1 Iomraidhean Croise

လံာ်စီၤပၤအခီၣ်ထံးတဘ့ၣ် 6:20

ဒၢးလၢတၢ်သးကံၢ်ပူၤအံၤအထီမ့ၢ်ဝဲအပျၢ်ခံဆံ, အဒီၣ်ဃီၤမ့ၢ်ဝဲအပျၢ်ခံဆံဒီးအကစီၤထီၣ်မ့ၢ်ဝဲအပျၢ်ခံဆံ, ခဲလၢာ်ဘၣ်တၢ်ကျးဘၢအီၤလၢထူစီန့ၣ်လီၤ. တၢ်လုၢ်လီၢ်န့ၣ်ဘၣ်တၢ်ကးဘၢအီၤလၢသ့ၣ်ဆှိအ့ရ့းအသ့ၣ်ဘၣ်တဖၣ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:22

ယွၤအတၢ်လုၢ်ဟံၣ်အအိပူၤခဲလၢာ်ဘၣ်တၢ်ကးဘၢအီၤလၢထူ, ဒီးဒ်န့ၣ်အသိး, တၢ်လုၢ်လီၢ်လၢအအိၣ်လၢတၢ်လီၢ်စီဆှံ ကတၢၢ်အပူၤစ့ၢ်ကီးန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:48

စီၤၡလိၤမိၤမၢပှၤမၤစ့ၢ်ကီးတၢ်အပီးအလီလၢထူတဖၣ်, လၢယွၤအတၢ်လုၢ်ဟံၣ်အဂီၢ်, လၢအမ့ၢ်ဝဲတၢ်လုၢ်လီၢ်, စီၢ်နီၤခိၣ်တဖၣ်လၢတၢ်ကပာ်ထီၣ်ကိၣ်လၢတၢ်လုၢ်ထီၣ်အီၤဆူကစၢ် ယွၤအအိၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 28:18

ဒီးလၢတၢ်ကမၤတၢ်လုၢ်လီၢ်လၢတၢ်နၢမူဘၣ်တၢ်ဆိၣ်ကဲၤအီၤအ ဂီၢ်, ဒီးလၢတၢ်မၤလ့ၣ်ကဟၣ်လၢယွၤအတၢ်အၢၣ်လီၤအီလီၤအတလါစီဆှံ လၢခ့ရူာ်တဖၣ်သလၣ်ထီၣ်အဒံးဆ့လၢအလိၤဘၣ်တၢ်ပာ်ထီၣ်အီၤအ ဂီၢ်, တၢ်ကဘၣ်သူထူစီဆံးအါလဲၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:49

စီၤအၤဟရိၣ်ဒီးအစၢၤအသွဲၣ်တဖၣ်ပာ်ထီၣ်တၢ်လုၢ်နၢမူ တဖၣ်ဒီးလုၢ်ထီၣ်တၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤအီၤလၢတၢ် လုၢ်လီၢ်အဖီခိၣ်န့ၣ်လီၤ. အဝဲသ့ၣ်အိၣ်မူအိၣ်ဒါလၢတၢ်ဘူၣ်ထီၣ်ဘါထီၣ်ယွၤလၢတၢ်လီၢ်စီ ဆှံကတၢၢ်ခဲလၢာ်ဒီးလၢတၢ်လုၢ်တၢ်ပာ်တဖၣ်လၢကစၢ်ယွၤပျၢ်ကွံာ် ပှၤအံၣ်စရ့လးဖိတဖၣ်အတၢ်ဒဲးဘးအဂီၢ်န့ၣ်လီၤ. အဝဲသ့ၣ်မၤတ့ၢ်တၢ်အံၤခဲလၢာ်ဒ်တၢ်သိၣ်တၢ်သီလၢအဘၣ်တၢ်ဟ့ၣ် လီၤခီဖျိကစၢ်ယွၤအခ့အပှၤစီၤမိၤၡ့န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:16

ဘၣ်ဆၣ်, တုၤစီၤပၤစီၤဧူးစံယါအဂံၢ်အဘါဆူၣ်ထီၣ်ဝဲန့ၣ်, အဝဲအတၢ်သးထီၣ်ထီဒိၣ်ထီၣ်ဝဲ, ဒီးတၢ်န့ၣ်ဆှၢဃီၤအီၤဆူ အတၢ်ဟးဂီၤအပူၤန့ၣ်လီၤ. အဝဲခီၣ်ဆၢယွၤ, ကစၢ်ယွၤ, ခီဖျိအတၢ်လဲၤနုာ်ဆူယွၤအတၢ်လုၢ်ဟံၣ်လၢအကဆူးကဲၤ တၢ်နၢမူဖဲတၢ်လုၢ်လီၢ်လၢတၢ်ဆူးကဲၤတၢ်နၢမူန့ၣ်လီၤ.

လံာ်တၢ်ဟးထီၣ်ကွံာ် 30:10

ဒီးစီၤအၤဟရိၣ်ကဘၣ်မၤကဆှီထီၣ်တၢ်လုၢ်လီၢ်အံၤအလုၢ်အလၢ်ခီ ဖျိပာ်ဆၣ်ဖိကီၢ်ဖိလၢတၢ်လုၢ်အီၤလၢတၢ်ပျၢ်တၢ်ဒဲးဘးအဂီၢ် အသွံၣ်လၢတၢ်လုၢ်လီၢ်အံၤအနၢၤလွံၢ်နၢၤအဖီခိၣ်လီၤ. တၢ်အံၤကဘၣ်တၢ်မၤအီၤတနံၣ်တဘျီကိးနံၣ်ဒဲးတဘိယူၢ်ဃီ န့ၣ်လီၤ. တၢ်လုၢ်လီၢ်အံၤကဘၣ်စီဆှံဝဲလၢလၢပှဲၤပှဲၤဒီးကဘၣ် တၢ်ပာ်စီဆှံအီၤဆူယၤ, ယွၤအအိၣ်န့ၣ်လီၤ.”

လံာ်တၢ်ဟးထီၣ်ကွံာ် 30:2

အထီကဘၣ်အိၣ်တပျၢ်, အဒီၣ်တူာ်ကဘၣ်အိၣ်တပျၢ်, အကစီၤထီၣ်ခံပျၢ်ဒီးအကပၤလွံၢ်ကပၤကဘၣ်တုၤသိးလိာ်အသးလီၤ. ဒီးအနၢၤလွံၢ်နၢၤလၢအအိၣ်လၢအနၢၣ်လွံၢ်နၢၣ်န့ၣ်ကဘၣ်မ့ၢ်တၢ် တခါဃီဒီးအီၤန့ၣ်လီၤ.

လံာ်တၢ်ဟးထီၣ်ကွံာ် 31:8

စီၢ်နီၤခိၣ်ဒီးတၢ်အပီးအလီတဖၣ်, တၢ်ပာ်မ့ၣ်အူဒၢအလီၢ်လၢအ ဘၣ်တၢ်မၤအီၤလၢထူစီဒီးကယဲၢ်အတၢ်ပီးတၢ်လီတဖၣ်, တၢ်လုၢ်လီၢ်လၢတၢ်ဆူးကဲၤတၢ်နၢမူအဂီၢ်,

လံာ်တၢ်ဟးထီၣ်ကွံာ် 35:15

တၢ်လုၢ်လီၢ်လၢတၢ်ဆိၣ်ကဲၤတၢ်နၢမူအဂီၢ်ဒီးအနီၣ်ထိးဘိတဖၣ်, သိဖှူတၢ်, တၢ်နၢမူလၢအဆၢ, ယၣ်ဘျးသဒၢဖဲဒဲစီဆှံအကျဲစၢၤ,

လံာ်တၢ်ဟးထီၣ်ကွံာ် 39:38

ဒီးတၢ်လုၢ်လီၢ်လၢအဘၣ်တၢ်မၤအီၤလၢထူ, သိလၢတၢ်ကဖှူတၢ်အဂီၢ်, တၢ်နၢမူ, ယၣ်ဘျးသဒၢတၢ်လၢဒဲစီဆှံအကျဲစၢၤအဂီၢ်,

လံာ်တၢ်ဟးထီၣ်ကွံာ် 40:5

ပာ်လီၤတၢ်လုၢ်ထီၣ်ထူလၢတၢ်ဆိၣ်ကဲၤတၢ်နၢမူအဂီၢ်လၢတၢ်အၢၣ် လီၤအီလီၤတလါစီဆှံအမဲာ်ညါဒီးဘျးထီၣ်ယၣ်ဘျးသဒၢတၢ်လၢဒဲစီဆှံအကျဲစၢၤန့ၣ်တက့ၢ်.

လံာ်ယဃ့းစက့လး 41:22

လၢတၢ်လီၢ်စီဆှံကတၢၢ်အကျဲစၢၤထံးအမဲာ်ညါန့ၣ်တၢ်အိၣ်ဝဲတမံၤ လၢအဖျါလီၤဂာ်ဒီး, တၢ်လုၢ်လီၢ်တခါလၢအဘၣ်တၢ်မၤအီၤလၢသ့ၣ်န့ၣ်လီၤ. တၢ်န့ၣ်အထီအိၣ်ဝဲဒၣ်သၢပျၢ်ဒီးအလဲၢ်အိၣ်ဝဲဒၣ်ခံပျၢ်န့ၣ်လီၤ. အတၢ်သနၢၣ်အတၢၢ်ထူၣ်, အတၢ်ခီၣ်ထံးဒီးအကပၤ အဒူၣ်တဖၣ်ခဲလၢာ်ဘၣ်တၢ်မၤအီၤလၢသ့ၣ်န့ၣ်လီၤ. ပှၤတဂၤန့ၣ်စံးဘၣ်ယၤ, အဝဲအံၤမ့ၢ်စီၢ်နီၤခိၣ်လၢအအိၣ်ဝဲ လၢယွၤအမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:18

ဒီးကဘၣ်ပာ်တၢ်သွံၣ်တနီၤလၢတၢ်လုၢ်ထီၣ်တၢ်နၢမူအတၢ်လုၢ်လီၢ် အနၢၤတဖၣ်အဖီခိၣ်လၢတၢ်ဘူၣ်ထီၣ်ဘါထီၣ်ယွၤအဒဲပူၤန့ၣ်လီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤအီၤဖဲ တၢ်လုၢ်မ့ၣ်အူအတၢ်လုၢ်လီၢ်အခီၣ်ထံးလၢအအိၣ်လၢတၢ်ဘူၣ်ထီၣ်ဘါ ထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:7

ဒီးပှၤလုၢ်တၢ်အခိၣ်အဒိၣ်ကတၢၢ်န့ၣ်ကဘၣ်ပာ်တၢ်သွံၣ်တနီၤလၢတၢ် လုၢ်ထီၣ်တၢ်နၢမူအတၢ်လုၢ်လီၢ်အနၢၤတဖၣ်အဖီခိၣ်လၢတၢ်ဘူၣ်ထီၣ် ဘါထီၣ်ယွၤအဒဲပူၤလီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤအီၤဖဲတၢ်လုၢ် မ့ၣ်အူအတၢ်လုၢ်လီၢ်အခီၣ်ထံးလၢအအိၣ်လၢတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဂံၢ် 3:31

အဝဲသ့ၣ်ဘၣ်ဟံးန့ၢ်မူဒါလၢတၢ်အၢၣ်လီၤအီလီၤအတလါ, စီၢ်နီၤခိၣ်, တၢ်ပာ်မ့ၣ်အူဒၢအလီၢ်, တၢ်လုၢ်လီၢ်တဖၣ်ဒီးတၢ် အဃၢၤအဃိာ်တဖၣ်လၢပှၤလုၢ်တၢ်အခိၣ်တဖၣ်သူဝဲလၢတၢ်အလီၢ်စီဆှံ အပူၤဒီးယၣ်ဘျးသဒၢဖဲတၢ်အလီၢ်စီဆှံကတၢၢ်အကျဲစၢၤအဂီၢ်န့ၣ် လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်ဖံးတၢ်မၤဘၣ်ဃးဒီးတၢ်ပီး တၢ်လီတဖၣ်အံၤအဂီၢ်န့ၣ်လီၤ.

လံာ်တၢ်ဂံၢ် 4:11

ဝံၤဒီးအဝဲသ့ၣ်ကဘၣ်သလၣ်လီၤတၢ်ကံးညာ်အလွဲၢ်လါအဲးတဘ့ၣ်လၢ တၢ်လုၢ်လီၢ်ထူအလိၤ, ပာ်ထီၣ်နီၣ်ကျၢၢ်ဘၢတၢ်, တၢ်ဖံးအဂ့ၤကတၢၢ်တခီလၢအလိၤဒီးကျၢၢ် ဘၢအီၤဒီးဂိာ်နုာ်လီၤနီၣ်ယိးဘိတဖၣ်န့ၣ်လီၤ.

ဧ့ၤဘြံၤ 9:4

လၢဒဲအံၤအပူၤတၢ်လုၢ်လီၢ်လၢအဘၣ်တၢ်မၤအီၤအိၣ်ဝဲလၢထူ ဖဲပှၤဆူးကဲၤတၢ်နၢမူဒီးတၢ်အၢၣ်လီၤအီလီၤအတလါစီဆှံ လၢအကပၤဘၣ်တၢ်ဖှူအီၤလၢထူန့ၣ်လီၤ. လၢတလါစီဆှံအံၤအပူၤတၢ်တ့ၢ်နုာ်ဝဲသပၢၤထူပှဲၤဒီးကိၣ်မၤ နၤ, ဒီးစီၤအၤဟရိၣ်အနီၣ်ထိးဘိလၢအလၣ်ဒိးထီၣ်တဘိ, ဒီးတၢ်မၤလိာ်အလၢၢ်ဘ့ၣ်ဘၣ်ခံဘ့ၣ်န့ၣ်လီၤ.

လံာ်လီၣ်ဖျါ 8:3

ကလူးအဂၤတဂၤလၢအအိၣ်ဒီးတၢ်ဆိၣ်ကဲၤနၢမူအလီခီထူ တဘ့ၣ်န့ၣ်, ဟဲဒီးဆၢထၢၣ်ဝဲဒၣ်ဖဲတၢ်လုၢ်လီၢ်အခီၣ်ထံးလီၤ. အဝဲဒၣ်ဘၣ်တၢ်ဟ့ၣ်အီၤတၢ်နၢမူနၢဆှီအါအါဂီၢ်ဂီၢ်ဒ်သိး အကမၤအါထီၣ်ကစၢ်ယွၤအပှၤစီဆှံခဲလၢာ်အတၢ်ထုကဖၣ် တဖၣ်, ဒီးကလုၢ်ထီၣ်အီၤလၢတၢ်လုၢ်လီၢ်ထူအဖီခိၣ်, တၢ်လုၢ်လီၢ်ထူလၢအအိၣ်ဆၢထၢၣ်ဝဲဒၣ်ဖဲလီၢ်ပစိာ် အမဲာ်ညါန့ၣ်အဂီၢ်လီၤ.