လံာ်တၢ်ဟးထီၣ်ကွံာ် 3:9 - Sgaw Karen Common Bible

⁹ ဒီးခဲကနံၣ်အံၤယနၢ်ဟူတ့ၢ်ယပှၤဂီၢ်မုၢ်အတၢ်ကိးထီၣ်ဒီးယထံၣ် ပှၤအဲၤကူပတူးဖိတဖၣ်အတၢ်မၤနးမၤဖှီၣ်အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 3:9 Iomraidhean Croise

လံာ်တၢ်ကဲထီၣ်အခီၣ်ထံး 16:11

နကအိၣ်ဒီးနဖိခွါတဂၤ, နကယုၢ်န့ၢ်အမံၤလၢစီၤယံးၡမၤဧ့လး လီၤ. အဂ့ၢ်ဒ်အံၤ, ယွၤနၢ်ဟူလံနတၢ်ဟီၣ်တၢ်ယၢၤလၢတၢ်ကိၢ်တၢ်ဂီၤ အပူၤအဃိလီၤ.

လံာ်တၢ်ကဲထီၣ်အခီၣ်ထံး 31:12

အဝဲဒၣ်စံးကဒီးဆူညါ, ‘ကွၢ်, ကယဲၢ်မဲာ်တဲးလဲးလၢအလူၤလိာ် အသးသ့ၣ်တဖၣ်အံၤမ့ၢ်ထဲအတိၤပျ့, အကံၣ်စံၣ်ဘှဲ, ဒီးအကံၣ်စံၣ်ပိၣ်တဖၣ်န့ၣ်လီၤ. ယဒုးကဲထီၣ်တၢ်အံၤမ့ၢ်လၢ ယထံၣ်ကယဲၢ်တၢ်လၢစီၤလၤဘၣ်မၤနၤသ့ၣ်တဖၣ်အဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:4

ဒီးစီၤယဟိအါဃးဘါထုကဖၣ်တၢ်ဆူယွၤအအိၣ်, ဒီးယွၤထံၣ်ဘၣ်ဝဲကီၢ်စူၤရံအစီၤပၤမၤအၢမၤနးပှၤအံၣ်စရ့ လးဖိနးထဲလဲၣ်ထဲလဲၣ်အဃိ, စံးဆၢဝဲအတၢ်ထုကဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:5

ကက့ၤကဒါက့ၤဆူယွၤအပှၤဂီၢ်မုၢ်အပှၤပၢတၢ်စီၤဃံးစကံယၤ အအိၣ်ဒီးစံးဘၣ်အီၤ, “ယၤ, ကစၢ်, နပၢ်ဖးဒိၣ်လၢပျၢၤစီၤဒၤဝံးကစၢ်အယွၤ, နၢ်ဟူလံနတၢ်ထုကဖၣ်ဒီးထံၣ်လံ နမဲာ်ထံတဖၣ်လံ. ယကမၤဘျါက့ၤနၤဒီး, ဒီးလၢသၢသီ အတီၢ်ပူၤန့ၣ်နကလဲၤဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤနဃ့မယၤ 9:9

နထံၣ်တ့ၢ်လံပမိၢ်ပၢ်ဖံဖုလၢပျၢၤတဖၣ်တူၢ်ဘၣ်တၢ်လၢကီၢ်အဲၤ ကူပတူးအပူၤ, ဒီးနနၢ်ဟူတ့ၢ်လံအဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လၢ ပီၣ်လဲၣ်ဂီၤန့ၣ်လီၤ.

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

စံးထီၣ်ပတြၢၤ 9:14

ဒ်သိးယကဆၢထၢၣ်ဘၣ်ယဲလၢ ဝ့ၢ်ယရူၤၡလ့ၣ်အပှၤဂီၢ်မုၢ်အမဲာ်ညါ ဒီးစံးဘၣ်အဝဲသ့ၣ်ခဲလၢာ်လၢ ယဘၣ်စံးထီၣ်ပတြၢၤ နၤအဂ့ၢ်န့ၣ်တက့ၢ်. ယကသူၣ်ဖှံသးညီလၢနအုၣ်က့ၤခီၣ်က့ၤယၤအဃိလီၤ.

လံာ်တၢ်ဟးထီၣ်ကွံာ် 1:11

မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 1:22

လၢခံကတၢၢ်န့ၣ်, စီၤပၤဟ့ၣ်လီၤအကလုၢ်ဆူပှၤအဲၤကူပတူးဖိ ဒီးစံးဝဲ, “ဟံးန့ၢ်ပှၤဧ့ၤဘြံၤဖိသၣ်ပိာ်ခွါဖိလၢအအိၣ် ဖျဲၣ်ထီၣ်သီကိးဂၤဒဲးဒီးတ့ၢ်လီၤကွံာ်အီၤဆူထံကျိနံၤလါ အပူၤတက့ၢ်. မ့မ့ၢ်ဖိသၣ်ပိာ်မုၣ်ဖိတဖၣ်န့ၣ်ပျဲအမူကိးဂၤဒဲး တက့ၢ်.”

လံာ်တၢ်ဟးထီၣ်ကွံာ် 1:8

ဒီးအခါဖဲန့ၣ်စီၤပၤအသီတဂၤလၢအတသ့ၣ်ညါဘၣ်စီၤယိၤသးန့ၣ် ပၢတၢ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 2:23

အါနံၣ်အါလါပူၤကွံာ်ဝံၤအလီၢ်ခံန့ၣ်ကီၢ်အဲၤကူပတူးအစီၤ ပၤသံဝဲဒၣ်လီၤ. ဘၣ်ဆၣ်ဒီးပှၤအံၣ်စရ့လးဖိတဖၣ်ကအုကစွါဝဲ လၢအဘၣ်တၢ်မၢကဲကုၢ်အဃိဒီးကိးပသူထီၣ်လၢတၢ်မၤစၢၤအဂီၢ် လီၤ. ဒီးအဝဲသ့ၣ်အတၢ်ကိးပသူထီၣ်ဘးဆူကစၢ်ယွၤအအိၣ်လီၤ.

လံာ်တၢ်ဟးထီၣ်ကွံာ် 2:25

ဒီးကစၢ်ယွၤကွၢ်လီၤပှၤအံၣ်စရ့လးဖိတဖၣ်ဒီးသူၣ်အိၣ်သးအိၣ် အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 4:1

မၤကဒီးတစု, ယကွၢ်တၢ်စံၣ်ညီၣ်တတီခဲလၢာ်လၢအမၤဒံးအသးလၢ ဟီၣ်ခိၣ်ချၢအံၤန့ၣ်လီၤ. ပှၤလၢအဘၣ်တၢ်မၤနးမၤဖှီၣ်အီၤတဖၣ်ဟီၣ်တၢ်ယၢၤတၢ်ဘၣ်ဆၣ်ပှၤမၤ စၢၤအီၤတအိၣ်နီတဂၤဘၣ်. ပှၤတမၤစၢၤအီၤနီတဂၤဘၣ်န့ၣ်မ့ၢ်လၢတၢ်စိကမီၤအိၣ်လၢပှၤမၤ နးမၤဖှီၣ်တၢ်တဖၣ်အစုပူၤအဃိန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:8

ဖဲလၢနထံၣ်ဘၣ်ထံကီၢ်ပဒိၣ်ပပှၢ်မၤနးမၤဖှီၣ်ပှၤဖှီၣ်ဖိယာ်ဖိဒီးတပျဲ ဘၣ်အဝဲသ့ၣ်ဒိးန့ၢ်တၢ်စံၣ်ညီၣ်တီဒီးအခွဲးအယာ်တဖၣ်ဘၣ်န့ၣ်, ကမၢကမၣ်တဂ့ၤ. ပဒိၣ်ပပှၢ်ကိးဂၤဒဲးန့ၣ်ဘၣ်တၢ်ဒီဒၣ်အိၣ်ပှိၤ အီၤလၢပှၤလၢအဖီခိၣ်တဂၤ, ဒီးအဝဲသ့ၣ်ခံဂၤလိာ်န့ၣ်ဘၣ်တၢ်ဒီဒၣ်အိၣ်ပှိၤဒံးအီၤလၢ ပဒိၣ်ပပှၢ်တဖၣ်လၢအဒိၣ်န့ၢ်ထီန့ၢ်အဝဲသ့ၣ်န့ၣ်လီၤ.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်သိၣ်လီၤသီလီၤတၢ် 26:7

တုၤနုၤတစုပကိးထီၣ်တၢ်မၤစၢၤဆူယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်န့ၣ်လီၤ. အဝဲနၢ်ဟူပှၤဒီးထံၣ်ပတၢ်တူၢ်ဘၣ်ခီၣ်ဘၣ်, တၢ်ကိၢ်တၢ်ဂီၤ, ဒီးတၢ်နးတၢ်ဖှီၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:16

“ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”