လံာ်တၢ်ဟးထီၣ်ကွံာ် 3:6 - Sgaw Karen Common Bible

⁶ ယမ့ၢ်နပၢ်တဖၣ်အကစၢ်ယွၤ, စီၤအၤဘြၤဟၣ်အကစၢ်ယွၤ, စီၤအံၤစဲးအကစၢ်ယွၤဒီး, စီၤယၤကိာ်အကစၢ်ယွၤလီၤ.” ဒီးစီၤမိၤၡ့ကးဘၢအမဲာ်မ့ၢ်လၢအပျံၤဝဲဒၣ်လၢကကွၢ်ထီၣ်ဘၣ် ယွၤအဃိန့ၣ်လီၤ.

လံာ်တၢ်ဟးထီၣ်ကွံာ် 3:6 Iomraidhean Croise

လံာ်တၢ်ကဲထီၣ်အခီၣ်ထံး 12:1

ဒီးယွၤစံးဘၣ်စီၤအၤဘြၣ်, “ဟးထီၣ်နဲလၢနထံနကီၢ်, နဘူးနတံၢ်အအိၣ်, ဒီးနပၢ်အဟံၣ်, ဒီးလဲၤဆူထံကီၢ်တဘ့ၣ်လၢ ယကဒုးနဲၣ်နၤတက့ၢ်.

လံာ်တၢ်ကဲထီၣ်အခီၣ်ထံး 12:7

ယွၤလီၣ်ဖျါထီၣ်အသးလၢစီၤအၤဘြၣ်ဒီးစံးဘၣ်အီၤ, “အဝဲအံၤမ့ၢ်ထံကီၢ်တဘ့ၣ်လၢယကဟ့ၣ်လီၤနစၢၤနသွဲၣ်တဖၣ်န့ၣ် လီၤ.” တုၤနုၤတစုစီၤအၤဘြၣ်မၤထီၣ်တၢ်လုၢ်လီၢ်ဖဲန့ၣ်ဆူယွၤလၢ အလီၣ်ဖျါထီၣ်အသးလၢအီၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:3

စီၤအၤဘြၣ်တီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ်ဒီး ကစၢ်ယွၤစံးဘၣ်အီၤ,

လံာ်တၢ်ကဲထီၣ်အခီၣ်ထံး 24:12

အဝဲဘါထုကဖၣ်တၢ်, “ယွၤ, ယကစၢ်စီၤအၤဘြၤဟၣ်အကစၢ်ယွၤဧၢ, ဟ့ၣ်ယၤတၢ်မၤနၢၤလၢတနံၤအံၤဒီးဟံးဃာ်နတၢ်အၢၣ်လီၤဒီးယကစၢ် စီၤအၤဘြၤဟၣ်တက့ၢ်.

လံာ်တၢ်ကဲထီၣ်အခီၣ်ထံး 26:24

ဒီးလၢမုၢ်နၤဝဲန့ၣ်ယွၤလီၣ်ဖျါထီၣ်အသးလၢအီၤဒီးစံးဝဲ, “ယမ့ၢ်နပၢ်စီၤအၤဘြၤဟၣ်အကစၢ်ယွၤလီၤ. ပျံၤတၢ်တဂ့ၤ. ယအိၣ်ဒီးနၤလီၤ. ယကဆိၣ်ဂ့ၤနၤဒီးဟ့ၣ်လီၤနၤ လၢနစၢၤနသွဲၣ်အါအါဂီၢ်ဂီၢ်လီၤ. အဂ့ၢ်ဒ်အံၤ, တၢ်န့ၣ်မ့ၢ်ယတၢ်အၢၣ်လီၤ, ဒီးယခ့ယပှၤစီၤအၤဘြၤဟၣ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်တၢ်ကဲထီၣ်အခီၣ်ထံး 28:17

ဒီးစီၤယၤကိာ်ပျံၤတၢ်ဒီးစံးဝဲ, “တၢ်လီၢ်တပူၤအံၤမ့ၢ်တၢ် လီၤပျံၤအလီၢ်ဆံးဒိၣ်လဲၣ်. တၢ်လီၢ်အံၤကဘၣ်မ့ၢ်ဝဲကစၢ်ယွၤအဟံၣ်လီၤ. ကဘၣ်မ့ၢ်ကျဲစၢၤအိၣ် အိးထီၣ်အသးဆူမူခိၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 31:42

ယပၢ်တဖၣ်အကစၢ်ယွၤ, စီၤအၤဘြၤဟၣ်ဒီးစီၤအံၤစဲးအက စၢ်ယွၤမ့ၢ်တအိၣ်ဒီးယၤဘၣ်ဒီးနကဆှၢဖျိးကွံာ်ယၤစုယၢ်ခီ န့ၣ်လီၤ. ဘၣ်ဆၣ်ကစၢ်ယွၤထံၣ်တ့ၢ်လံယတၢ်ကိၢ်တၢ်ဂီၤဒီးတၢ်လၢ ယမၤတ့ၢ်ယဲလီၤ. ဒီးဖဲမုၢ်နၤကၢၣ်န့ၣ်အဝဲစံၣ်ညီၣ်တီလံတၢ်လံ.”

လံာ်တၢ်ကဲထီၣ်အခီၣ်ထံး 32:9

ဒီးစီၤယၤကိာ်ဃ့ဘါထုကဖၣ်တၢ်, “ယဖုစီၤအၤဘြၤဟၣ်အကစၢ် ယွၤ, ယပၢ်စီၤအံၤစဲးအကစၢ်ယွၤဧၢ, ဒိကနၣ်လၢ်ယၤတက့ၢ်. ယွၤဧၢ, နတဲယၤလၢယဘၣ်က့ၤဆူ ယကီၢ်ဒီးယဘူးယတံၢ်သ့ၣ်တဖၣ်အအိၣ်ဒီးနကမၤတၢ်ကိးမံၤဒဲးဂ့ၤ ဂ့ၤဘၣ်ဘၣ်လၢယဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:36

တုၤနၣ်ရံၣ်လၢမုၢ်ဃ့ၢ်လီၤတၢ်လုၢ်တၢ်ပာ်အကတီၢ်တုၤဝဲန့ၣ်, ဝံအ့ၤလံယၤသုးဘူးအသးဆူတၢ်လုၢ်လီၢ်ဒီးဘါထုကဖၣ်ဝဲ, “အိယွၤ, စီၤအၤဘြၤဟၣ်, စီၤအံၤစဲး, စီၤယၤကိာ်အကစၢ်ယွၤဧၢ, ဒုးနဲၣ်နသးခဲကနံၣ်အံၤလၢနမ့ၢ်ကီၢ်အံၣ်စရ့လးအကစၢ်ယွၤဒီး ယမ့ၢ်နခ့နပှၤဒီးယမၤတၢ်မၤခဲလၢာ်ဒ်နတၢ်မၤလိာ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:13

တုၤစီၤအ့ၤလံယၤနၢ်ဟူဃီၤတၢ်န့ၣ်ဒီး, အဝဲမၤဘၢအမဲာ်လၢ အဆ့ကၤဖးဒိၣ်ဒီးဟးထီၣ်ဝဲဒီးဆၢထၢၣ်ဖဲလ့ကအိအကျဲစၢၤ န့ၣ်လီၤ. တၢ်ကလုၢ်တထံၣ်စံးဘၣ်အီၤ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

လံာ်စီၤနဃ့မယၤ 9:9

နထံၣ်တ့ၢ်လံပမိၢ်ပၢ်ဖံဖုလၢပျၢၤတဖၣ်တူၢ်ဘၣ်တၢ်လၢကီၢ်အဲၤ ကူပတူးအပူၤ, ဒီးနနၢ်ဟူတ့ၢ်လံအဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လၢ ပီၣ်လဲၣ်ဂီၤန့ၣ်လီၤ.

လံာ်နီၢ်အ့ၤစတၢ် 3:4

တနံၤဘၣ်တနံၤအဝဲသ့ၣ်မၢန့ၢ်ဆီၣ်ခံအီၤဘၣ်ဆၣ်အဝဲတဒိက နၣ်အဝဲသ့ၣ်ဘၣ်. အဝဲစံးဘၣ်အဝဲသ့ၣ်, “ယမ့ၢ်ပှၤယူဒၤဖိ တဂၤလီၤ. ယတီၤလီၤလၢစီၤဟၤမၣ်အမဲာ်ညါတသ့ဘၣ်.” လၢတၢ်န့ၣ်အဃိအဝဲသ့ၣ်တဲဘၣ်စီၤဟၤမၣ်လၢတၢ်ဂ့ၢ်အံၤ, ဒ်သိးကသ့ၣ်ညါဘၣ်ဝဲလၢမ့ၢ်စီၤမၢ်ဒကဲၤအိၣ်ဂၢၢ်ကျၢၤလၢအတၢ် ကတိၤဧါ, မ့တမ့ၢ်တအိၣ်ဂၢၢ်ကျၢၤလၢအတၢ်ကတိၤဘၣ်လဲၣ်န့ၣ်လီၤ.

စံးထီၣ်ပတြၢၤ 132:2

ယွၤဧၢ, သ့ၣ်နီၣ်ထီၣ်က့ၤတၢ်လၢအဝဲအၢၣ်လီၤတ့ၢ်ဝဲ, တၢ်ဆိၣ်လၢအမၤတ့ၢ်ဝဲဒီးနၤ, စီၤယၤကိာ်အကစၢ်ယွၤလၢအဂံၢ်ဆူၣ်ဘါဆူၣ်,

လံာ်တၢ်ဟးထီၣ်ကွံာ် 15:2

ယွၤမ့ၢ်ပှၤအိၣ်ပှိၤယၤလၢအဂံၢ်အဘါဆူၣ်လီၤ. အဝဲမ့ၢ်ပှၤတဂၤလၢအအုၣ်က့ၤခီၣ်က့ၤယၤလီၤ. အဝဲမ့ၢ်ယကစၢ်ယွၤဒီးယကစံးထီၣ်ပတြၢၤအီၤ, မ့ၢ်ယပၢ်အကစၢ်ယွၤဒီးယကသးဝံၣ်ထီၣ်အတၢ်ဒိၣ်တၢ်ထီအဂ့ၢ်လီၤ.

လံာ်တၢ်ဟးထီၣ်ကွံာ် 29:45

ယကအိၣ်ဆိးလၢကီၢ်အံၣ်စရ့လးအပှၤဂီၢ်မုၢ်အသိးအကျါဒီးယကမ့ၢ် အဝဲသ့ၣ်အကစၢ်ယွၤလီၤ.

လံာ်တၢ်ဟးထီၣ်ကွံာ် 3:16

လဲၤ, ဒီးဒုးအိၣ်ဖှိၣ်ရိဖှိၣ်ပှၤအံၣ်စရ့လးဖိအသူၣ်က့သးပှၢ် သ့ၣ်တဖၣ်ဒီးတဲဘၣ်အဝဲသ့ၣ်လၢယၤ, ယွၤ, သုပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲးဒီးစီၤယၤကိာ်အကစၢ်ယွၤလီၣ်ဖျါထီၣ်အသး လၢနၤတက့ၢ်. တဲဘၣ်အဝဲသ့ၣ်လၢယဟဲလီၤဆူ အဝဲသ့ၣ်အအိၣ်ဒီးထံၣ်ဘၣ်တ့ၢ်တၢ်လၢပှၤအဲၤကူပတူး ဖိတဖၣ်မၤဘၣ်အီၤန့ၣ်လီၤ.

လံာ်တၢ်ဟးထီၣ်ကွံာ် 33:20

ယတပျဲလၢနကထံၣ်ဘၣ်ယမဲာ်ဘၣ်. အဂ့ၢ်ဒ်အံၤ, ပှၤထံၣ်ဘၣ်ယမဲာ်ဒီးအိၣ်မူဒံးဝဲန့ၣ်တသ့ဘၣ်နီတဂၤဘၣ်.

လံာ်တၢ်ဟးထီၣ်ကွံာ် 4:5

ဒီးယွၤစံးဝဲဒၣ်, “မၤတၢ်အံၤလၢနကပာ်ဖျါထီၣ်တၢ်အုၣ်သးဆူ ပှၤအံၣ်စရ့လးဖိသ့ၣ်တဖၣ်အအိၣ်လၢယွၤ, အဝဲသ့ၣ်အပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲးဒီးစီၤယၤကိာ်အကစၢ်ယွၤန့ၣ်လီၣ်ဖျါထီၣ်တ့ၢ်လံအသး လၢသုမဲာ်ညါလံန့ၣ်တက့ၢ်.”

လံာ်ယံးရမံယၤ 24:7

ယကဟ့ၣ်လီၤအဝဲသ့ၣ်လၢတၢ်သးအိၣ်သ့ၣ်ညါလၢယမ့ၢ်ယွၤန့ၣ်လီၤ. အန့ၣ်ဒီးအဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤ, မ့ၢ်လၢအဝဲသ့ၣ်ကဟဲက့ၤကဒါက့ၤဆူယအိၣ်လၢအသးဒီဖျၢၣ်ညါ အဃိန့ၣ်လီၤ.

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယံးရမံယၤ 32:38

အန့ၣ်ဝံၤဒီး အဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ် အဝဲသ့ၣ် အကစၢ်ယွၤန့ၣ်လီၤ.

လံာ်ယဃ့းစက့လး 11:20

အန့ၣ်ဒီး, အဝဲသ့ၣ်ကတိၢ်န့ၢ်ဖံးဃာ်ယတၢ်သိၣ်တၢ်သီတဖၣ်လၢပှၤ ယူဒၤဖိအဂီၢ်ဒီးစူၢ်ယတၢ်မၤလိာ်ခဲလၢာ်လၢတၢ်သူၣ်တီသးရၤအပူၤ န့ၣ်လီၤ. အဝဲသ့ၣ်ကကဲထီၣ်ယပှၤဂီၢ်မုၣ်ဒီးယကမ့ၢ်အဝဲသ့ၣ် အကစၢ်ယွၤန့ၣ်လီၤ.

လံာ်စကၤရယၤ 8:8

ဒီးဟဲစိာ်ကဒါက့ၤအဝဲသ့ၣ်လၢမုၢ်ထီၣ် ဒီးလၢမုၢ်နုာ်ဒ်သိးကအိၣ်ကဆိးဝဲလၢဝ့ၢ်ယရူၤၡလ့ၣ်အပူၤလီၤ. ဒီးအဝဲသ့ၣ်ကကဲထီၣ်ယပှၤဂီၢ်မုၢ်, ဒီးယကကဲထီၣ်အဝဲသ့ၣ်အကစၢ်ယွၤဒီးပၢအဝဲသ့ၣ်လၢတၢ်သူၣ်တီသး ရၤဒီးတၢ်စံၣ်ညီၣ်တီအပူၤန့ၣ်လီၤ.

လံာ်မးသဲ 17:6

တုၤအပျဲၢ်အဘီၣ်တဖၣ်နၢ်ဟူတၢ်အံၤဒီး, အဝဲသ့ၣ်ပျံၤတၢ်ဖုးတၢ်ဒိၣ်မး, တုၤဒၣ်လဲာ်အထိၣ်လီၤပှီၤအသးဒီးကျးလီၤအမဲာ်လၢဟီၣ်ခိၣ် အလိၤလီၤ.

လံာ်မးသဲ 22:32

ယွၤစံးဝဲ, ‘ယမ့ၢ်စီၤအၤဘြၤဟၣ်, စီၤအံၤစဲးဒီး စီၤယၤကိာ်အကစၢ်ယွၤလီၤ.’ ကစၢ်ယွၤတမ့ၢ်ဘၣ်ပှၤအသံတဖၣ် အကစၢ်ယွၤဘၣ်. မ့ၢ်ပှၤအမူတဖၣ်အကစၢ်ယွၤလီၤ” (ဟးထီၣ်. ၃:၆).

လံာ်မၢ်ကူး 12:26

မ့မ့ၢ်တခီန့ၣ်, ပှၤကအိၣ်မူဒ်မူခိၣ်ကလူးတဖၣ်အသိးန့ၣ်လီၤ. တၢ်ဂ့ၢ်ဘၣ်ဃးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤန့ၣ်, မ့ၢ်သုတဖးဘၣ်လၢလံာ်မိၤၡ့အပူၤတၢ်ကွဲးတတီၤလၢအစံး တၢ်ဘၣ်ဃးတၤဆှုၣ်တပှီာ်တလိၣ် လၢမ့ၣ်အူအီၣ်အီၤအဂ့ၢ်န့ၣ်နီတဘျီဘၣ်ဧါ. လၢတၢ်ကွဲးဖဲန့ၣ်အပူၤကစၢ်ယွၤစံးဘၣ်စီၤမိၤၡ့, ‘ယမ့ၢ်စီၤအၤဘြၤဟၣ်အကစၢ်ယွၤ, စီၤအံၤစဲး အကစၢ်ယွၤဒီးစီၤယၤကိာ်အကစၢ်ယွၤလီၤ.’

လံာ်လူၤကၣ် 20:37

ဒီးစီၤမိၤၡ့အုၣ်အသးဖျါဖျါလၢပှၤသံတဖၣ်ဘၣ် တၢ်ဒုးဂဲၤဆၢထၢၣ်သမူထီၣ်က့ၤအီၤလီၤ. ဖဲတၢ်ကွဲးတတီၤလၢအ ဘၣ်ဃးဒီးသ့ၣ်တၤဆှုၣ်တခိၣ်လၢမ့ၣ်အူအီၣ်အီၤအပူၤန့ၣ်, အဝဲဒၣ်ကတိၤတၢ်ဘၣ်ဃးဒီးကစၢ်ဒ်အမ့ၢ်ဝဲ စီၤအၤဘြၤဟၣ် အကစၢ်ယွၤ, စီၤအံၤစဲးအကစၢ်ယွၤ, ဒီးစီၤယၤကိာ်အကစၢ်ယွၤလီၤ.

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

မၤတၢ် 7:32

‘ယမ့ၢ်ယဲသုမိၢ်ပၢ်ဖံဖုလၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အကစၢ်ယွၤလီၤ.’ စီၤမိၤၡ့ပျံၤတၢ်ဒီးကနိးကစုာ်ဝဲ, ဒီးကွၢ်ဝဲတဘူၣ်လၢၤဘၣ်.

မၤတၢ် 7:34

ယထံၣ်ဘၣ်လံယပှၤဂီၢ်မုၢ်တဖၣ်တူၢ်ဘၣ်တၢ်နးတၢ်ဖှီၣ်လၢ ကီၢ်အဲၤကူပတူးပူၤနးဆံးဒိၣ်လဲၣ်န့ၣ်လီၤ. ယနၢ်ဟူတ့ၢ်အတၢ် ကအုကစွါဒီး ယဟဲလီၤလၢယကမၤထူၣ်ဖျဲးထီၣ်အဝဲသ့ၣ် အဂီၢ်လီၤ. ခဲကနံၣ်အံၤဟဲဃီၤဒီးယကမၢလီၤနၤဆူကီၢ် အဲၤကူပတူးအပူၤလီၤ.’

လံာ်သိၣ်လီၤသီလီၤတၢ် 6:3

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်တဖၣ်န့ၣ်, ဒီးစူၢ်အီၤတက့ၢ်. အန့ၣ်တစု, တၢ်ခဲလၢာ်ကလဲၤအသးဂ့ၤဂ့ၤဘၣ် ဘၣ်လၢသုဂီၢ်, ဒီးသုကကဲထီၣ်ပှၤတကလုာ်ဖးဒိၣ်ဒီးအိၣ်ဆိးလၢကီၢ်တဘ့ၣ်အပူၤ လၢအထူးအတီၤဒီးပှဲၤဝဲဒီးဟီၣ်ခိၣ်ညၣ်ထ့ၣ်အဂ့ၤ, ဒ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤအၢၣ်လီၤတ့ၢ်ဝဲ အသိးန့ၣ်လီၤ.

ဧ့ၤဘြံၤ 11:16

မ့မ့ၢ်ခဲကနံၣ်အံၤ, အဝဲသ့ၣ်ဆၢန့ၢ်ဘၣ်ထံကီၢ်လၢအဂ့ၤန့ၢ် အန့ၣ်တက့ၢ်, ဒ်ပစံးတၢ်အသိးလၢအဘၣ်ဃးဒီးမူခိၣ်န့ၣ် လီၤ. မၤသးဒ်န့ၣ်ဒီးကစၢ်ယွၤအမဲာ်တဆှးဘၣ်လၢပှၤကကိး အီၤလၢအဝဲသ့ၣ်အကစၢ်န့ၣ်ဘၣ်. အဂ့ၢ်မ့ၢ်လၢအကတဲာ်ကတီၤတ့ၢ်လံဝ့ၢ်တဖျၢၣ်လၢအဝဲသ့ၣ် အဂီၢ်အဃိန့ၣ်လီၤ.

ဧ့ၤဘြံၤ 12:21

တၢ်လၢအဝဲသ့ၣ်ထံၣ်ဝဲမ့ၢ်တၢ်လၢအလီၤပျံၤတုၤဒၣ်လဲာ် စီၤမိၤၡ့စံးဝဲ, “ယပျံၤတၢ်ဒီးယကနိးကစုာ်မးလီၤ.”

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”

လံာ်ပှၤစံၣ်ညီၣ်ကွီၢ် 13:22

စီၤမၤနိစံးဘၣ်အမါ, “ပကသံသပှၢ်တၢၢ်လီၤ. အဂ့ၢ်ဒ်အံၤ, ပထံၣ်ဘၣ်တ့ၢ်ကစၢ်ယွၤလံ.”