လံာ်တၢ်ဟးထီၣ်ကွံာ် 3:18 - Sgaw Karen Common Bible

¹⁸ ယပှၤဂီၢ်မုၢ်အသူၣ်က့သးပှၢ်တဖၣ်ကဒိကနၣ်တၢ်လၢနစံးဘၣ်အဝဲသ့ၣ် န့ၣ်လီၤ. ဒီးနကဘၣ်လဲၤဃုာ်တၢ်ဒီးပှၤအံၣ်စရ့လးအသူၣ်က့သးပှၢ်တဖၣ်ဆူ ကီၢ်အဲၤကူပတူးအစီၤပၤအအိၣ်ဒီးစံးဘၣ်အီၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤလီၣ်ဖျါထီၣ်တ့ၢ်လံအသးလၢပှၤလီၤ. ခဲကနံၣ်အံၤပျဲလၢ်ပှၤဒ်သိးပကလဲၤတၢ်သၢသီကျဲဆူပှၢ်မုၢ်ကနၢ အပူၤဒ်သိးပကလုၢ်ထီၣ်တၢ်လုၢ်တၢ်ပာ်တဖၣ်ဆူယွၤ, ပကစၢ်ယွၤအအိၣ်န့ၣ်တက့ၢ်.’

လံာ်တၢ်ဟးထီၣ်ကွံာ် 3:18 Iomraidhean Croise

လံာ်တၢ်ကဲထီၣ်အခီၣ်ထံး 12:1

ဒီးယွၤစံးဘၣ်စီၤအၤဘြၣ်, “ဟးထီၣ်နဲလၢနထံနကီၢ်, နဘူးနတံၢ်အအိၣ်, ဒီးနပၢ်အဟံၣ်, ဒီးလဲၤဆူထံကီၢ်တဘ့ၣ်လၢ ယကဒုးနဲၣ်နၤတက့ၢ်.

လံာ်တၢ်ကဲထီၣ်အခီၣ်ထံး 14:13

ဘၣ်ဆၣ်ပှၤလၢအထူၣ်ဖျဲးတဂၤတဲဘၣ်တၢ်မၤအသးခဲလၢာ်လၢပှၤဧ့ၤ ဘြံၤဖိစီၤအၤဘြၣ် လၢအအိၣ်ဝဲဆိးဝဲဘူးဒီးသ့ၣ်စီဆှံ တဖၣ်လၢအဘၣ်ဃးဒီးပှၤအမိၢ်ဖိစီၤမးမရ့န့ၣ်လီၤ. စီၤမးမရ့ဒီးအဒီပုၢ်ဝဲၢ်စီၤအ့ၡကိၤလး, စီၤဧၤန့ၢ်တဖၣ်န့ၣ်မ့ၢ်စီၤအၤဘြၣ်အဒီသိၣ်ဒီမှံၤန့ၣ်လီၤ.

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 48:3

စီၤယၤကိာ်စံးဘၣ်စီၤယိၤသး, “သ့တၢ်လၢာ်ကစၢ်ယွၤလီၣ်ဖျါ ထီၣ်အသးလၢယၤဖဲဝ့ၢ်လူးစလၢကီၢ်ကနၤဧၣ်အပူၤဒီးဆိၣ်ဂ့ၤ ယၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:12

ကစၢ်ယွၤမၤစ့ၢ်ကီးတၢ်လၢကီၢ်ယူဒၤအပူၤဒီးပာ်ဖှိၣ်က့ၤပှၤ ဂီၢ်မုၢ်ခီဖျိလၢအဝဲသ့ၣ်အတၢ်ပာ်လီၤအသးလၢကစူၢ်အဝဲအတၢ်ဘၣ် သူၣ်ဘၣ်လၢတၢ်မၤထွဲစီၤပၤဒီးအပဒိၣ်ပပှၢ်တဖၣ်အတၢ်မၤလိာ်တဖၣ် န့ၣ်လီၤ.

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

လံာ်တၢ်ဟးထီၣ်ကွံာ် 10:3

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးစံးဘၣ်အီၤ, “ယွၤ, ပှၤဧ့ၤဘြံၤဖိအကစၢ်ယွၤစံးဒ်အံၤ, ဒ်သိးနသုတဆီၣ်လီၤနသးလၢယဖီလာ်တဂ့ၤဒီးနကဂ့ၢ်လိာ်ဆံးယံာ် ဒံးလဲၣ်. ပျၢ်ယပှၤဂီၢ်မုၢ်ဒ်သိးကလဲၤဘူၣ်ထီၣ်ဘါထီၣ်ယၤတက့ၢ်.

လံာ်တၢ်ဟးထီၣ်ကွံာ် 17:5

ဒီးယွၤစံးဘၣ်စီၤမိၤၡ့, “ကိးန့ၢ်ပှၤအံၣ်စရ့လးဖိအခိၣ်အနၢ်တနီၤဒီးနၤ, ဒီးလဲၤလၢပှၤဂီၢ်မုၢ်အမဲာ်ညါတက့ၢ်. လဲၤစိာ်ဃုာ်နီၣ်ထိးဘိလၢနတီၢ်ထံကျိနံၤလါန့ၣ်တက့ၢ်.

လံာ်တၢ်ဟးထီၣ်ကွံာ် 19:1

ကီၢ်အံၣ်စရ့လးအပှၤဂီၢ်မုၢ်ဟးထီၣ်ကွံာ်လၢတၢ်လီၢ်ရၤဖံၤဒံၣ် လီၤ. ဒီးဖဲအဝဲသ့ၣ်ဟးထီၣ်ကွံာ်လၢကီၢ်အဲၤကူပတူးအလီၢ်ခံလါသၢ လါတလါအခီၣ်ထံးကတၢၢ်တသီန့ၣ်အဝဲသ့ၣ်ဟဲတုၤဃီၤဆူပှၢ်မုၢ် ကနၢစံၤနါန့ၣ်လီၤ.

လံာ်တၢ်ဟးထီၣ်ကွံာ် 25:22

ယကသဂၢၢ်သုဖဲန့ၣ်ဒီးဖဲတလါအခိၣ်ကၢၢ်အဖီခိၣ်လၢအအိၣ်လၢတၢ် ဘၣ်တ့အိၣ်ဒီးအဒံးဆ့ခံဂၤအဘၢၣ်စၢၤန့ၣ်ယကဟ့ၣ်လီၤသုလၢ ကယဲၢ်ယတၢ်သိၣ်တၢ်သီတဖၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ်လီၤ.

လံာ်တၢ်ဟးထီၣ်ကွံာ် 3:12

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်တၢ်ဟးထီၣ်ကွံာ် 3:16

လဲၤ, ဒီးဒုးအိၣ်ဖှိၣ်ရိဖှိၣ်ပှၤအံၣ်စရ့လးဖိအသူၣ်က့သးပှၢ် သ့ၣ်တဖၣ်ဒီးတဲဘၣ်အဝဲသ့ၣ်လၢယၤ, ယွၤ, သုပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲးဒီးစီၤယၤကိာ်အကစၢ်ယွၤလီၣ်ဖျါထီၣ်အသး လၢနၤတက့ၢ်. တဲဘၣ်အဝဲသ့ၣ်လၢယဟဲလီၤဆူ အဝဲသ့ၣ်အအိၣ်ဒီးထံၣ်ဘၣ်တ့ၢ်တၢ်လၢပှၤအဲၤကူပတူး ဖိတဖၣ်မၤဘၣ်အီၤန့ၣ်လီၤ.

လံာ်တၢ်ဟးထီၣ်ကွံာ် 30:36

တိၢ်ကမူၣ်အီၤတနီၤတုၤအလီၤကမူၣ်ဂ့ၤဂ့ၤ, လဲၤစိာ်အီၤဆူ ယအိၣ်ယဆိးအဒဲစီဆှံအပူၤဒီးဖှံအီၤလၢတၢ်အၢၣ်လီၤအီလီၤ အတလါစီဆှံအမဲာ်ညါတက့ၢ်. ပာ်ကဲတၢ်နၢမူအံၤဒ်တၢ်စီဆှံအလၢအပှဲၤတက့ၢ်.

လံာ်တၢ်ဟးထီၣ်ကွံာ် 30:6

ပာ်လီၤတၢ်လုၢ်လီၢ်အံၤဖဲယၣ်ဘျးသဒၢလၢအဘၣ်တၢ်ဘျးလီၤအီၤဖဲ တၢ်အၢၣ်လီၤအီလီၤအတလါစီဆှံအချၢန့ၣ်တက့ၢ်. တၢ်လီၢ်န့ၣ်မ့ၢ်ဖဲယကသဂၢၢ်လိာ်ယသးဒီးသု အလီၢ်န့ၣ်လီၤ.

လံာ်တၢ်ဟးထီၣ်ကွံာ် 4:1

ဒီးစီၤမိၤၡ့စံးဆၢယွၤ, “ပှၤအံၣ်စရ့လးဖိတဖၣ်မ့ၢ်တနာ် ယၤဒီးတဒိကနၣ်ဘၣ်တၢ်လၢယတဲအီၤ, ဒီးမ့ၢ်စံးဝဲဒၣ်လၢနတလီၣ်ဖျါထီၣ်နသးလၢယၤဘၣ်န့ၣ်ယကဘၣ်မၤ ဒ်လဲၣ်.”

လံာ်တၢ်ဟးထီၣ်ကွံာ် 4:23

ဒီးယစံးဘၣ်နၤပျဲယဖိခွါလဲၤတၢ်, ဒ်သိးအကဘူၣ်ထီၣ်ဘါထီၣ် ယၤ, ဘၣ်ဆၣ်ဒီးနဂ့ၢ်လိာ်နဲလီၤ. ခဲအံၤယကမၤသံနဖိဝဲၢ်ကိတဖၣ်လီၤ.’ ”

လံာ်တၢ်ဟးထီၣ်ကွံာ် 4:24

ဒီးလၢအတၢ်လဲၤကျဲဖဲတၢ်အိၣ်ဘှံးအလီၢ်တတီၤန့ၣ်ယွၤထံၣ် စီၤမိၤၡ့ဒီးအဲၣ်ဒိးမၤသံအီၤလီၤ.

လံာ်တၢ်ဟးထီၣ်ကွံာ် 4:31

ဒီးပှၤဂီၢ်မုၢ်နာ်ဝဲဒီးဖဲအဝဲသ့ၣ်နၢ်ဟူဝဲဒၣ်လၢကစၢ်ယွၤဟဲဆူ အဝဲသ့ၣ်အအိၣ်ဒီးထံၣ်အတၢ်နးတၢ်ဖှီၣ်န့ၣ်အဝဲသ့ၣ်ဆုးလီၤအခိၣ် ဒီးဘူၣ်ထီၣ်ဘါထီၣ်ယွၤလီၤ.

လံာ်တၢ်ဟးထီၣ်ကွံာ် 5:1

ဒီးစီၤမိၤၡ့ဒီးစီၤအၤဟရိၣ်လဲၤဆူကီၢ်အဲၤကူပတူးစီၤပၤ အအိၣ်, ဒီးစံးဘၣ်အီၤ, “ယွၤ, ပှၤအံၣ်စရ့လးဖိအကစၢ်ယွၤစံးဒ်အံၤ, ပျၢ်ယပှၤဂီၢ်မုၢ်, ဒ်သိးအကလဲၤမၤဘူၣ်လၢပှၢ်မုၢ်ကနၢလၢတၢ်မၤလၤကပီၤယၤအဂီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 5:3

ဒီးစီၤမိၤၡ့ဒီးစီၤအၤဟရိၣ်စံးဝဲဒၣ်, “ပှၤဧ့ၤဘြံၤဖိအကစၢ်ယွၤလီၣ်ဖျါထီၣ်အသးလၢပှၤလံ. ဒုးလဲၤလၢ်ပှၤသၢနံၤကျဲဆူပှၢ်မုၢ်ကနၢဒ်သိးပကလုၢ်တၢ်ပာ်တၢ်ဆူယွၤ, ပကစၢ်ယွၤအအိၣ်တက့ၢ်. ပမ့ၢ်တမၤဘၣ်ဒ်န့ၣ်ဒီးအဝဲကမၤသံပှၤလၢတၢ်ဆူးတၢ်ဆါဒီးတၢ်ဒုးတၢ်ယၤန့ၣ်လီၤ.”

လံာ်တၢ်ဟးထီၣ်ကွံာ် 7:16

တုၤနုၤတစုစံးဘၣ်စီၤပၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤ မၢလီၤယၤဒ်သိးယကတဲဘၣ်နၤလၢနကပျၢ်ကွံာ်အပှၤဂီၢ်မုၢ်ဒ်သိး ကဘူၣ်ထီၣ်ဘါထီၣ်အီၤလၢပှၢ်မုၢ်ကနၢအပူၤလီၤ. ဘၣ်ဆၣ်ဒီးတုၤခဲကနံၣ်အံၤနတဒိကနၣ်ဘၣ်.

လံာ်တၢ်ဟးထီၣ်ကွံာ် 8:1

တုၤနုၤတစုယွၤစံးဘၣ်စီၤမိၤၡ့, ဒီးစံးဝဲဒၣ်, “လဲၤဆူစီၤပၤအအိၣ်ဒီးတဲဘၣ်အီၤလၢယွၤစံးဝဲဒၣ်, ပျၢ်ယပှၤဂီၢ်မုၢ်, ဒ်သိးအဝဲသ့ၣ်လဲၤဘူၣ်ထီၣ်ဘါထီၣ်ယၤကသ့အဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 8:20

ဒီးယွၤစံးဘၣ်စီၤမိၤၡ့, “ခဲဂီၤကိာ်ဂီၤဂီၤန့ၣ်လဲၤထံၣ် လိာ်စီၤပၤဖဲအလဲၤဆူထံနံၤဒီးတဲဘၣ်အီၤလၢယွၤစံးဝဲဒ်အံၤ, “ပျၢ်ယပှၤဂီၢ်မုၢ်ဒ်သိးအဝဲသ့ၣ်ကဘူၣ်ထီၣ်ဘါထီၣ်ယၤအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 8:23

ဒီးယကမၤလီၤဆီယပှၤဂီၢ်မုၢ်ဒီးနပှၤဂီၢ်မုၢ်လီၤ. တၢ်လီၤလးအံၤကမၤအသးခဲဂီၤကိာ်န့ၣ်လီၤ.”

လံာ်တၢ်ဟးထီၣ်ကွံာ် 9:1

ဒီးယွၤစံးဘၣ်စီၤမိၤၡ့, “လဲၤဆူစီၤပၤအအိၣ်ဒီးတဲဘၣ် အီၤလၢယွၤ, ပှၤဧ့ၤဘြံၤဖိတဖၣ်အကစၢ်ယွၤစံးဝဲဒၣ်, ‘ပျၢ်ယပှၤဂီၢ်မုၢ်ဒ်သိးအဝဲသ့ၣ်ကလဲၤဘူၣ်ထီၣ်ဘါထီၣ်ယၤ အဂီၢ်တက့ၢ်.

လံာ်တၢ်ဟးထီၣ်ကွံာ် 9:13

တုၤနုၤတစုယွၤစံးဘၣ်စီၤမိၤၡ့, “ဂဲၤဆၢထၢၣ်ခဲဂီၤကိာ် ဂီၤဂီၤဒီးလဲၤထံၣ်လိာ်စီၤပၤဒီးတဲဘၣ်အီၤလၢယွၤ, ပှၤဧ့ၤဘြံၤ ဖိတဖၣ်အကစၢ်ယွၤစံးဝဲ, “ပျၢ်ယပှၤဂီၢ်မုၢ်ဒ်သိးအကလဲၤဘူၣ်ထီၣ်ဘါထီၣ်ယၤတက့ၢ်.

လံာ်ယၡါယၤ 64:5

နတူၢ်လိာ်မုာ်ပှၤတဖၣ်လၢအထံၣ်န့ၢ်တၢ်သးခုလၢတၢ်မၤတၢ် အလိၤအဘၣ်, ပှၤတဖၣ်လၢအသ့ၣ်နီၣ်ထီၣ်ဝဲလၢနအဲၣ်ဒိး လၢအဝဲသ့ၣ်ကအိၣ်မူဝဲဒ်လဲၣ်န့ၣ်လီၤ. နသူၣ်ဒိၣ်သးဖျိးဘၣ်ပှၤ, ဘၣ်ဆၣ်ပမၤထွဲဒံးဒၣ်တၢ်ဒဲးဘးလီၤ. စးထီၣ်လၢပျၢၤလံၤလံၤန့ၣ်, နသးကဲၤထီၣ်ပှၤဒိၣ်ဒိၣ်မုၢ်မုၢ်ဒၣ်လဲာ်, ပတဆိတ့ၢ်လၢတၢ်မၤကမၣ်တၢ်န့ၣ်ဘၣ်.

လံာ်ယံးရမံယၤ 2:2

လၢယကတဲဖျါတၢ်ကစီၣ်လၢလာ် အံၤဆူပှၤကိးဂၤဒဲးလၢဝ့ၢ်ယရူၤၡလ့ၣ်အပူၤန့ၣ်လီၤ. “ယသ့ၣ်နီၣ်ထီၣ်က့ၤနသးတီတ့ၢ် ဒီးယၤဆံးအါဖဲနသးစၢ်ဒံးအခါ, ဒီးနအဲၣ်တ့ၢ်ယၤဒ်လဲၣ်ဖဲပဒိးတ့ဒိးဖျီပသး အဆၢကတီၢ်န့ၣ်လီၤ. နပိာ်တ့ၢ်ယခံ, လဲၤခီဖျိမဲးမုၢ်ခိၣ်လဲၤခီဖျိထံကီၢ်တဘ့ၣ်လၢ တၢ်ချံတဖှံဘၣ်အသးဘၣ်န့ၣ်လီၤ.

လံာ်ယံးရမံယၤ 2:6

ယမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးဒီးဆှၢတ့ၢ်အဝဲသ့ၣ် ခီဖျိပှၢ်မုၢ်ကနၢ, တၢ်လီၢ်တတီၤလၢအမ့ၢ်မဲးမုၢ်ခိၣ်တဖၣ်ဒီး မဲးအကလိာ်တဖၣ်, တၢ်လီၢ်တတီၤလၢအဃ့ထီဒီးလီၤပျံၤလီၤဖုး ဖဲပှၤတအိၣ်နီတဂၤဘၣ်ဒီးပှၤတလဲၤတၢ်လၢအပူၤ နီတဂၤဘၣ်ဒၣ်လဲာ်န့ၣ်, အဝဲသ့ၣ်တပာ်လ့ၢ်ပာ်ကဲယၤဘၣ်.

လံာ်ယံးရမံယၤ 26:5

ဒီးခီဖျိသုတၢ်ဒိကနၣ် တၢ်ကတိၤတဖၣ်လၢ ယခ့ယပှၤဝံ တဖၣ်လၢ ယဆှၢလီၤတ့ၢ်ဆူ သုအိၣ်တထံၣ်ဃီ, စံးဝဲန့ၣ်လီၤ. သုတစူၢ်တၢ်လၢ အဝဲသ့ၣ်စံးတ့ၢ်ဝဲန့ၣ် နီတစုဘၣ်.

လံာ်တၢ်ဂံၢ် 17:4

လဲၤစိာ်တၢ်တဖၣ်န့ၣ်ခဲလၢာ်ဆူယအိၣ်ယဆိးအဒဲစီဆှံ ပာ်လီၤအီၤဖဲတၢ်အၢၣ်လီၤအီလီၤအတလါစီဆှံ, အမဲာ်ညါဖဲ ယသဂၢၢ်သုအလီၢ်န့ၣ်တက့ၢ်.

လံာ်စီၤယိၤၡူ 1:17

ဒ်ပဒိကနၣ်စီၤမိၤၡ့ထီဘိအသိးန့ၣ်ပကစူၢ်နၤဒီးမ်ယွၤနကစၢ် ယွၤကအိၣ်ဒီးနၤဒ်အအိၣ်တ့ၢ်ဒီးစီၤမိၤၡ့အသိးန့ၣ်တက့ၢ်.