လံာ်တၢ်ဟးထီၣ်ကွံာ် 3:16 - Sgaw Karen Common Bible

¹⁶ လဲၤ, ဒီးဒုးအိၣ်ဖှိၣ်ရိဖှိၣ်ပှၤအံၣ်စရ့လးဖိအသူၣ်က့သးပှၢ် သ့ၣ်တဖၣ်ဒီးတဲဘၣ်အဝဲသ့ၣ်လၢယၤ, ယွၤ, သုပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲးဒီးစီၤယၤကိာ်အကစၢ်ယွၤလီၣ်ဖျါထီၣ်အသး လၢနၤတက့ၢ်. တဲဘၣ်အဝဲသ့ၣ်လၢယဟဲလီၤဆူ အဝဲသ့ၣ်အအိၣ်ဒီးထံၣ်ဘၣ်တ့ၢ်တၢ်လၢပှၤအဲၤကူပတူး ဖိတဖၣ်မၤဘၣ်အီၤန့ၣ်လီၤ.

လံာ်တၢ်ဟးထီၣ်ကွံာ် 3:16 Iomraidhean Croise

လံာ်တၢ်ကဲထီၣ်အခီၣ်ထံး 1:7

မၤသးဒ်န့ၣ်ဒီး, ကစၢ်ယွၤဒုးကဲထီၣ်မူကပိာ်လိၤ, ဒီးမူကပိာ်လိၤန့ၣ်နီၤဖးကွံာ်ဝဲ ထံလၢအဖီလာ်လၢထံလၢအဖီခိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 21:1

ဒီးယွၤဆိၣ်ဂ့ၤနီၢ်စၤရါဒ်အဝဲအၢၣ်လီၤတ့ၢ်လံဝဲအသိး, ဒီးနီၢ်စၤရါဒၢထီၣ်ဝဲ, ဒီးဆံးစၢ်န့ၢ်ဖိခွါတဂၤလၢစီၤအၤ ဘြၤဟၣ်အဂီၢ်ဖဲအသးပှၢ်တ့ၢ်လံဝဲအကတီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်တၢ်ကဲထီၣ်အခီၣ်ထံး 48:15

ဝံၤဒီး, အဝဲဆိၣ်ဂ့ၤစီၤယိၤသးဒီးစံးဝဲ, “မ်ကစၢ်ယွၤလၢယပၢ် စီၤအၤဘြၤဟၣ်ဒီးစီၤအံၤစဲးမၤအတၢ်, ဆိၣ်ဂ့ၤပိာ်ခွါဖိသၣ် တဖၣ်အံၤတက့ၢ်. မ်ကစၢ်ယွၤလၢအဆှၢတ့ၢ်ယၤတုၤမုၢ်တနံၤအံၤန့ၣ်, ဆိၣ်ဂ့ၤအဝဲသ့ၣ်တက့ၢ်.

လံာ်တၢ်ကဲထီၣ်အခီၣ်ထံး 50:24

အဝဲစံးဘၣ်အဒီပုၢ်ဝဲၢ်ခွါတဖၣ်, “ယကသံဘူးထီၣ်လံ. ဘၣ်ဆၣ်ကစၢ်ယွၤကအံးထွဲကကွၢ်ထွဲသုသပှၢ်ကတၢၢ်, ဒီးဆှၢထီၣ်သုလၢကီၢ်အံၤဆူကီၢ်တဘ့ၣ်လၢအဝဲဆိၣ်တ့ၢ်တၢ်သညူး သပှၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်, အပူၤန့ၣ်လီၤ.”

စံးထီၣ်ပတြၢၤ 102:21

လၢတၢ်အံၤအဃိ အဝဲအမံၤကဘၣ်တၢ်ကိးသတြီ အီၤလၢစံယိၣ်အပူၤ, ဒီးကဘၣ်တၢ်စံးထီၣ်ပတြၢၤအီၤလၢ ဝ့ၢ်ယရူၤၡလ့ၣ်အပူၤ,

စံးထီၣ်ပတြၢၤ 33:18

ယွၤကွၢ်လီၤပှၤလၢအယူးယီၣ်အီၤ, ပှၤလၢအနာ်အတၢ်အဲၣ်အဂၢၢ်အကျၢၤ,

စံးထီၣ်ပတြၢၤ 8:4

ပှၤကညီလၢနကသ့ၣ်နီၣ်ထီၣ်က့ၤအီၤ, ဒီးပှၤကညီဖိလၢနကသူၣ်အိၣ်သးအိၣ်အီၤန့ၣ်, မ့ၢ်မနုၤလဲၣ်.

လံာ်တၢ်ဟးထီၣ်ကွံာ် 1:8

ဒီးအခါဖဲန့ၣ်စီၤပၤအသီတဂၤလၢအတသ့ၣ်ညါဘၣ်စီၤယိၤသးန့ၣ် ပၢတၢ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 13:19

ဒီးစီၤမိၤၡ့ဟံးထီၣ်စီၤယိၤသးအဃံတဖၣ်ဃုာ်ဒီးအီၤ, ဒ်စီၤယိၤသးမၤလိာ်တ့ၢ်ပှၤအံၣ်စရ့လးဖိတဖၣ်လၢကအၢၣ် လီၤအီၤသပှၢ်တၢၢ်လၢကမၤဝဲအသိးန့ၣ်လီၤ. စီၤယိၤသးစံးတ့ၢ်ဝဲဒၣ်, “တုၤကစၢ်ယွၤမၤပူၤဖျဲးသုန့ၣ်သုကဘၣ်စိာ်ကွံာ်ယနီၢ်ခိဃုာ်ဒီး သုလၢတၢ်လီၢ်အံၤန့ၣ်လီၤ.”

လံာ်တၢ်ဟးထီၣ်ကွံာ် 15:14

ပှၤကလုာ်တဖၣ်နၢ်ဟူဝဲဒီးအဝဲသ့ၣ်ကနိးကစုာ်လၢတၢ်ပျံၤတၢ်ဖုး အပူၤလီၤ. ပှၤဖလ့ၡသးဖိတဖၣ်ဘၣ်တၢ်စှီၤတံၢ်အီၤလၢတၢ်ပျံၤ တၢ်ဖုးလီၤ.

လံာ်တၢ်ဟးထီၣ်ကွံာ် 17:5

ဒီးယွၤစံးဘၣ်စီၤမိၤၡ့, “ကိးန့ၢ်ပှၤအံၣ်စရ့လးဖိအခိၣ်အနၢ်တနီၤဒီးနၤ, ဒီးလဲၤလၢပှၤဂီၢ်မုၢ်အမဲာ်ညါတက့ၢ်. လဲၤစိာ်ဃုာ်နီၣ်ထိးဘိလၢနတီၢ်ထံကျိနံၤလါန့ၣ်တက့ၢ်.

လံာ်တၢ်ဟးထီၣ်ကွံာ် 18:12

အန့ၣ်ဝံၤဒီးစီၤယံးသရိၤဟဲစိာ်တၢ်လုၢ်မၤဘူၣ်တမံၤလၢတၢ် ကဘၣ်ဆူးကဲၤထီၣ်အီၤခဲလၢာ်ဒီးတၢ်လုၢ်တၢ်ပာ်အဂၤတဖၣ်လၢ ကဘၣ်တၢ်လုၢ်ထီၣ်ပာ်ထီၣ်အီၤဆူကစၢ်ယွၤအအိၣ်န့ၣ်လီၤ. ဒီးစီၤအၤဟရိၣ်ဒီးကယဲၢ်ပှၤအံၣ်စရ့လးဖိအခိၣ်အနၢ်တဖၣ်လဲၤ ဃုာ်ဒီးအီၤဒ်သိးကအီၣ်တၢ်အီၣ်စီဆှံဒ်တၢ်ဘူၣ်ထီၣ်ဘါထီၣ်အတၢ် မၤတမံၤအသိးန့ၣ်လီၤ.

လံာ်တၢ်ဟးထီၣ်ကွံာ် 2:25

ဒီးကစၢ်ယွၤကွၢ်လီၤပှၤအံၣ်စရ့လးဖိတဖၣ်ဒီးသူၣ်အိၣ်သးအိၣ် အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 24:11

ကစၢ်ယွၤတမၤဘၣ်ဒိဆါဘၣ်ပှၤအံၣ်စရ့လးဖိအခိၣ်အနၢ်တဖၣ်အံၤ ဘၣ်. အဝဲသ့ၣ်ထံၣ်ဘၣ်ကစၢ်ယွၤဒီးအီၣ်သကိးအီသကိးတၢ်န့ၣ်လီၤ.

လံာ်တၢ်ဟးထီၣ်ကွံာ် 3:2

ဒီးယွၤအကလူးတဂၤလီၣ်ဖျါထီၣ်အသးလၢအီၤဒ်မ့ၣ်အူလၣ်လၢဟဲ ထီၣ်လၢသ့ၣ်တၤဆှုၣ်တခိၣ်အပူၤအသိးန့ၣ်လီၤ. စီၤမိၤၡ့ကွၢ်ဒီးထံၣ်ဘၣ်ဝဲလၢသ့ၣ်တၤဆှုၣ်န့ၣ်မ့ၣ်အူအီၣ် အီၤဘၣ်ဆၣ်ဒီးတကိၢ်သွၣ်ကွံာ်ဝဲဘၣ်လီၤ.

လံာ်တၢ်ဟးထီၣ်ကွံာ် 3:6

ယမ့ၢ်နပၢ်တဖၣ်အကစၢ်ယွၤ, စီၤအၤဘြၤဟၣ်အကစၢ်ယွၤ, စီၤအံၤစဲးအကစၢ်ယွၤဒီး, စီၤယၤကိာ်အကစၢ်ယွၤလီၤ.” ဒီးစီၤမိၤၡ့ကးဘၢအမဲာ်မ့ၢ်လၢအပျံၤဝဲဒၣ်လၢကကွၢ်ထီၣ်ဘၣ် ယွၤအဃိန့ၣ်လီၤ.

လံာ်တၢ်ဟးထီၣ်ကွံာ် 4:1

ဒီးစီၤမိၤၡ့စံးဆၢယွၤ, “ပှၤအံၣ်စရ့လးဖိတဖၣ်မ့ၢ်တနာ် ယၤဒီးတဒိကနၣ်ဘၣ်တၢ်လၢယတဲအီၤ, ဒီးမ့ၢ်စံးဝဲဒၣ်လၢနတလီၣ်ဖျါထီၣ်နသးလၢယၤဘၣ်န့ၣ်ယကဘၣ်မၤ ဒ်လဲၣ်.”

လံာ်တၢ်ဟးထီၣ်ကွံာ် 4:29

ဒီးစီၤမိၤၡ့, ဒီးစီၤအၤဟရိၣ်လဲၤဆူကီၢ်အဲၤကူပတူးဒီး ဒုးအိၣ်ဖှိၣ်ရိဖှိၣ်ပှၤအံၣ်စရ့လးဖိအပှၤသူၣ်က့သးပှၢ်ခဲ လၢာ်န့ၣ်လီၤ.

လံာ်တၢ်ဟးထီၣ်ကွံာ် 4:31

ဒီးပှၤဂီၢ်မုၢ်နာ်ဝဲဒီးဖဲအဝဲသ့ၣ်နၢ်ဟူဝဲဒၣ်လၢကစၢ်ယွၤဟဲဆူ အဝဲသ့ၣ်အအိၣ်ဒီးထံၣ်အတၢ်နးတၢ်ဖှီၣ်န့ၣ်အဝဲသ့ၣ်ဆုးလီၤအခိၣ် ဒီးဘူၣ်ထီၣ်ဘါထီၣ်ယွၤလီၤ.

လံာ်တၢ်ဟးထီၣ်ကွံာ် 4:5

ဒီးယွၤစံးဝဲဒၣ်, “မၤတၢ်အံၤလၢနကပာ်ဖျါထီၣ်တၢ်အုၣ်သးဆူ ပှၤအံၣ်စရ့လးဖိသ့ၣ်တဖၣ်အအိၣ်လၢယွၤ, အဝဲသ့ၣ်အပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲးဒီးစီၤယၤကိာ်အကစၢ်ယွၤန့ၣ်လီၣ်ဖျါထီၣ်တ့ၢ်လံအသး လၢသုမဲာ်ညါလံန့ၣ်တက့ၢ်.”

လံာ်မးသဲ 26:3

အကတီၢ်ဖဲန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢ အခိၣ်အနၢ်တဖၣ်ထံၣ်လိာ်အသးလၢပှၤလုၢ်တၢ်အခိၣ်အဒိၣ် ကတၢၢ်စီၤကၤယါဖၤအနီပူၤ,

လံာ်လူၤကၣ် 1:68

“မ်ပကစံးထီၣ်ပတြၢၤသကိးကစၢ်, အံၣ်စရ့လးအကစၢ်ယွၤန့ၣ်တက့ၢ်. အဝဲဒၣ်ဟဲဒ်သိးအကမၤစၢၤအပှၤဂီၢ်မုၢ်ဒီးဒုးထူၣ်ဖျဲးထီၣ်ကွံာ်အဝဲသ့ၣ်လီၤ.

လံာ်လူၤကၣ် 19:44

အဝဲသ့ၣ်ကမၤဟးဂီၤကွံာ်နၤလၢာ်လၢာ်ဆ့ဆ့ဃုာ်ဒီးပှၤဂီၢ်မုၢ်အိၣ်ဝဲလၢ နခိၣ်ဒူအပူၤတဖၣ်လီၤ. အဝဲသ့ၣ်တပာ်လီၤတဲာ်တ့ၢ်လၢၢ်လၢအလီၢ်နီ တဖျၢၣ်ဘၣ်. အဂ့ၢ်မ့ၢ်လၢနတပာ်သူၣ်ပာ်သးတၢ်ဆၢကတီၢ်ဖဲ ယွၤဟဲတ့ၢ်ဝဲဒ်သိးအကအုၣ်က့ၤခီၣ်က့ၤနၤဘၣ်အဃိန့ၣ်လီၤ.

မၤတၢ် 11:30

အဝဲသ့ၣ်မၤဝဲတၢ်အံၤ, ဒီးဆှၢလီၤအကျိၣ်အစ့တဖၣ်န့ၣ်ဆူတၢ်အိၣ်ဖှိၣ်အပှၤသူၣ်က့သး ပှၢ်တဖၣ်အအိၣ်ခီဖျိစီၤဘၢ်နါဘၤဒီးစီၤစီလူးန့ၣ်လီၤ.

မၤတၢ် 15:14

လၢကစၢ်ယွၤဒုးနဲၣ်ဖျါအတၢ်အံးတၢ်ကွၢ်ပှၤကလုာ်ဂၤတဖၣ် အဆိကတၢၢ်တဘျီခီဖျိအထုးထီၣ်ပှၤတကလုာ်လၢအဝဲသ့ၣ် အသိးအကျါဒ်သိးအကကဲအတၢ်ဒၣ်ဝဲအဂီၢ်အဂ့ၢ်န့ၣ်, စီၤၡံမိၣ်တဲဖျါထီၣ်တ့ၢ်လံဝဲလံ.

မၤတၢ် 20:17

ဖဲဝ့ၢ်မံလ့ၤတူးန့ၣ်, စီၤပီလူးဆှၢလီၤတၢ်ကစီၣ်ဆူဝ့ၢ်အ့းဖ့းစူး ဒီးမၢတၢ်အိၣ်ဖှိၣ်အပှၤသူၣ်က့သးပှၢ်တဖၣ်ဟဲထံၣ်အီၤလီၤ.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

လံာ်နီၢ်ရူၤသး 1:6

ဖဲအအိၣ်ဒံးဝဲဖဲကီၢ်မိၤအးအပူၤန့ၣ်, နီၢ်နၤဧမံနၢ်ဟူဝဲ လၢယွၤဆိၣ်ဂ့ၤအပှၤဂီၢ်မုၢ်ဒီးဟ့ၣ်အဝဲသ့ၣ်လၢတၢ်အီၣ်တၢ်အီအ ဃိ, ကတဲာ်ကတီၤအသးဒ်သိးကဟးထီၣ်ကွံာ်လၢကီၢ်မိၤအး အပူၤဃုာ်ဒီးအဒဲၣ်တဖၣ်န့ၣ်လီၤ.