လံာ်တၢ်ဟးထီၣ်ကွံာ် 3:13 - Sgaw Karen Common Bible

¹³ ဒီးစီၤမိၤၡ့စံးဆၢဝဲဒၣ်, “တုၤယလဲၤဆူပှၤအံၣ်စရ့လးဖိ သ့ၣ်တဖၣ်အအိၣ်ဒီးစံးဘၣ်အဝဲသ့ၣ်, သုပၢ်တဖၣ်အကစၢ်ယွၤဆှၢလီၤယၤဆူသုအိၣ်လီၤ. ဒီးအဝဲသ့ၣ်ကသံကွၢ်ယၤ ကစၢ်ယွၤအံၤအမံၤဒ်လဲၣ်ဒီးယကစံးဘၣ် အီၤဒ်လဲၣ်.”

လံာ်တၢ်ဟးထီၣ်ကွံာ် 3:13 Iomraidhean Croise

လံာ်တၢ်ကဲထီၣ်အခီၣ်ထံး 32:29

စီၤယၤကိာ်စံးဘၣ်အီၤ, “ခဲကနံၣ်အံၤတဲယၤလၢနမံၤတက့ၢ်.” ဘၣ်ဆၣ်အဝဲသံကွၢ်ဝဲ, “ဘၣ်မနုၤလၢနအဲၣ်ဒိးသ့ၣ်ညါယမံၤန့ၣ် လဲၣ်.” ဒီးအဝဲဆိၣ်ဂ့ၤစီၤယၤကိာ်လီၤ.

လံာ်တၢ်ဟးထီၣ်ကွံာ် 15:3

ယွၤမ့ၢ်ပှၤဒုးတၢ်တဂၤ, ယွၤမ့ၢ်အမံၤလီၤ.

လံာ်တၢ်ဟးထီၣ်ကွံာ် 3:12

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်တၢ်ဟးထီၣ်ကွံာ် 3:14

ဒီးကစၢ်ယွၤစံးဘၣ်စီၤမိၤၡ့, “ယမ့ၢ်တၢ်လၢယမ့ၢ်လီၤ. နကဘၣ်တဲဘၣ်အဝဲသ့ၣ်, ပှၤတဂၤလၢအကိးလီၤအသးလၢ ‘ယမ့ၢ်’ န့ၣ်ဆှၢလီၤယၤဆူသုအိၣ်န့ၣ်လီၤ.

လံာ်တၢ်ဟးထီၣ်ကွံာ် 3:15

တဲဘၣ်ပှၤအံၣ်စရ့လးဖိတဖၣ်လၢယၤ, ယွၤ, သုပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲး, ဒီးစီၤယၤကိာ်အကစၢ်ယွၤန့ၣ်ဆှၢလီၤနၤဆူ အဝဲသ့ၣ်အအိၣ်တက့ၢ်. အအံၤမ့ၢ်ယမံၤအထူအယိာ် လၢပှၤတစိၤဘၣ်တစိၤကဘၣ်ကိးယၤန့ၣ်တက့ၢ်.

လံာ်တၢ်ဟးထီၣ်ကွံာ် 7:16

တုၤနုၤတစုစံးဘၣ်စီၤပၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤ မၢလီၤယၤဒ်သိးယကတဲဘၣ်နၤလၢနကပျၢ်ကွံာ်အပှၤဂီၢ်မုၢ်ဒ်သိး ကဘူၣ်ထီၣ်ဘါထီၣ်အီၤလၢပှၢ်မုၢ်ကနၢအပူၤလီၤ. ဘၣ်ဆၣ်ဒီးတုၤခဲကနံၣ်အံၤနတဒိကနၣ်ဘၣ်.

တၢ်ကတိၤဒိ. 30:4

မ့ၢ်မတၤလဲၤတုၤထီၣ်ဘးမူခိၣ်ဒီးဟဲက့ၤလီၤဝဲတဂၤလဲၣ်. မ့ၢ်မတၤဖီၣ်န့ၢ်ကလံၤလၢအစုပူၤတဂၤလဲၣ်. မ့ၢ်မတၤဘိၣ်ထီၣ်ထံလၢတၢ်ကံးယာ်တဘ့ၣ်အပူၤတဂၤလဲၣ်. မ့ၢ်မတၤပာ်ဂၢၢ်ပာ်ကျၢၤဟီၣ်ခိၣ်အဆၢတဖၣ် တဂၤလဲၣ်. မ့ၢ်နသ့ၣ်ညါအဝဲမ့ၢ်မတၤလဲၣ်. အဖိခွါမ့ၢ်မတၤလဲၣ်, န့ၣ်ဧါ

လံာ်ယၡါယၤ 52:6

ဖဲတၢ်ဆၢကတီၢ်လၢကဟဲတုၤဃီၤဝဲန့ၣ်, သုကသ့ၣ်ညါအၢၣ်လီၤလၢယမ့ၢ်ကစၢ် ယွၤဒီးယကတိၤတ့ၢ်လံတၢ်ဒီးသုန့ၣ်လီၤ.”

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယံးရမံယၤ 23:6

ဖဲအဝဲမ့ၢ်စီၤပၤန့ၣ်, ကီၢ်ယူဒၤအပှၤဂီၢ်မုၢ်ကပူၤဖျဲးဒီးတၢ်ဘၣ်ယိၣ်, ဒီးကီၢ်အံၣ်စရ့လးအပှၤဂီၢ်မုၢ်ကအိၣ်မူဘၣ်လၢတၢ်မုာ်တၢ်ခုၣ်အပူၤလီၤ. အဝဲကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ လီၤ.”

လံာ်မးသဲ 1:21

အဝဲကဆံးစၢ်န့ၢ်ဖိခွါတဂၤဒီးနကဘၣ်ယုၢ်န့ၢ်အမံၤလၢယ့ၣ်ၡူး လီၤ. အဂ့ၢ်မ့ၢ်လၢအဝဲကအုၣ်က့ၤခီၣ်က့ၤအပှၤဂီၢ်မုၢ်လၢအဝဲသ့ၣ် အတၢ်ဒဲးဘးအပူၤလီၤ.”

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

မၤတၢ် 3:13

စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အကစၢ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤအခ့အပှၤယ့ၣ်ၡူး လၢယွၤအလၤကပီၤန့ၣ်လီၤ. မ့မ့ၢ်သုဝဲဒၣ်, သုဟ့ၣ်လီၤကွံာ်အီၤဆူပှၤအခိၣ်အနၢ်တဖၣ်အစုပူၤ, ဒီးဖဲပဒိၣ်စီၤပံၤလးစံၣ်ညီၣ်တ့ၢ်လံဝဲလၢအကပျၢ်ထူၣ်ဖျဲး ကွံာ်အီၤဒၣ်လဲာ်န့ၣ်, သုညိကွံာ်အီၤလၢပဒိၣ်န့ၣ်အမဲာ်ညါလီၤ.

လံာ်ပှၤစံၣ်ညီၣ်ကွီၢ် 13:17

စီၤမၤနိစံးဆၢဝဲ, “တဲပှၤလၢနမံၤဒ်သိးဖဲနတၢ်ကတိၤလၢထီၣ်ပှဲၤထီၣ်ဝဲန့ၣ် ပမၤလၤကပီၤနၤကသ့အဂ့ၢ်တက့ၢ်.”

လံာ်ပှၤစံၣ်ညီၣ်ကွီၢ် 13:6

အန့ၣ်ဝံၤဒီးပိာ်မုၣ်န့ၣ်လဲၤတဲဘၣ်အဝၤ, “ကစၢ်ယွၤအပှၤကညီတဂၤဟဲဆူယအိၣ်ဒီး ဖျါလီၤပျံၤလီၤဖုးဒ်ကစၢ်ယွၤအမူခိၣ်ကလူးတဂၤအသိးလီၤ. ယတသံကွၢ်တ့ၢ်အီၤလၢမ့ၢ်အဟဲဖဲလဲၣ်ဒီးတစံးဘၣ်စ့ၢ်ကီးယၤလၢအမံၤဘၣ်.