လံာ်တၢ်ဟးထီၣ်ကွံာ် 3:12 - Sgaw Karen Common Bible

¹² ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်တၢ်ဟးထီၣ်ကွံာ် 3:12 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 15:8

ဘၣ်ဆၣ်ဒီး, စီၤအၤဘြၣ်သံကွၢ်ထီၣ်ဝဲဒၣ်, “ယွၤပၢဘၣ်တၢ်ခဲလၢာ် ကစၢ်ဧၢ, တၢ်အံၤကမ့ၢ်ယတၢ်န့ၣ်ယသ့ၣ်ညါကသ့ဒ်လဲၣ်.”

လံာ်တၢ်ကဲထီၣ်အခီၣ်ထံး 26:3

အိၣ်ဖဲအံၤဒီးယကအိၣ်ဒီးနၤဒီးယကဆိၣ်ဂ့ၤနၤလီၤ. ယကဟ့ၣ်လီၤတၢ်လီၢ်ခဲလၢာ်အံၤလၢနၤဒီးနစၢၤနသွဲၣ်တဖၣ်န့ၣ် လီၤ. ယကဟံးဃာ်ယတၢ်အၢၣ်လီၤလၢယမၤတ့ၢ်ဒီးနပၢ်စီၤအၤဘြၤဟၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 31:3

အန့ၣ်ဒီးယွၤစံးဘၣ်စီၤယၤကိာ်, “က့ၤကဒါက့ၤဆူနပၢ်ဒီး နဘူးနတံၢ်တဖၣ်အကီၢ်တက့ၢ်. ယကအိၣ်ဒီးနၤလီၤ.”

လံာ်စီၤပၤခံဘ့ၣ်တဘ့ၣ် 19:29

ဝံၤဒီးစီၤယၡါယၤစံးဘၣ်စီၤပၤဃံးစကံယၤဒ်အံၤ, “အအံၤမ့ၢ်တၢ်ပနီၣ်တမံၤလၢကမၤအသးန့ၣ်လီၤ. တနံၣ်အံၤဒီးခဲကိာ်တနံၣ်သုကအီၣ်ဘၣ်ထဲဘုဧိၤဟုဧိၤလၢအမဲ ထီၣ်ဒၣ်တၢ်, မ့မ့ၢ်, နံၣ်လၢအကပိာ်ထွဲထီၣ်အခံတနံၣ်န့ၣ်သုသူၣ်လီၤသုဘု ဧိၤဟုဧိၤကသ့ဝဲဒီးကူးက့ၤအီၤ, ဒီးသူၣ်စပံးမုၢ်တဖၣ်ဒီးအီၣ်စပံးသၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:20

စီၤအလၤဧစၢ်အဖိခွါစီၤဖံနဃၣ်မ့ၢ်ပှၤပၢဆှၢကွၢ်ထွဲတ့ၢ်အဝဲ သ့ၣ်တဘျီ, ဒီးအဝဲမ့ၢ်ပှၤလၢယွၤအိၣ်ဒီးအီၤန့ၣ်လီၤ.

စံးထီၣ်ပတြၢၤ 86:17

ယွၤဧၢ, ဒုးနဲၣ်နတၢ်ဂ့ၤအတၢ်ပနီၣ်လၢယၤ ဒ်သိးပှၤလၢအသးဟ့ယၤတဖၣ်ကထံၣ်ဝဲ ဒီးကဘၣ်တၢ်မၤမဲာ်ဆှးအီၤ, မ့ၢ်လၢနမၤစၢၤတ့ၢ်လံယၤဒီး မၤမုာ်ထီၣ်က့ၤယၤအဃိန့ၣ်တက့ၢ်.

လံာ်တၢ်ဟးထီၣ်ကွံာ် 18:5

စီၤယံးသရိၤဟဲဝဲဆူပှၢ်မုၢ်ကနၢဖဲစီၤမိၤၡ့သူၣ်ဒဲအလီၢ် လၢကစၢၢ်စီဆှံ, ဃုာ်ဒီးစီၤမိၤၡ့အမါဒီးအဖိခွါခံဂၤန့ၣ်လီၤ.

လံာ်တၢ်ဟးထီၣ်ကွံာ် 3:1

ဒီးမုၢ်တနံၤဖဲစီၤမိၤၡ့ကွၢ်အမံၤပှၢ်ပှၤမံးဒယၣ်ဖိအပှၤလုၢ် တၢ်အခိၣ်စီၤယံးသရိၤအသိဒီးမဲာ်တဲးလဲးတဖၣ်အခါန့ၣ်, အဝဲလဲၤခီဖျိဝဲပှၢ်မုၢ်ကနၢဒီးလဲၤဝဲဆူကစၢၢ်ဃိၤရ့းလၢ အမ့ၢ်ယွၤအကစၢၢ်န့ၣ်လီၤ.

လံာ်တၢ်ဟးထီၣ်ကွံာ် 3:13

ဒီးစီၤမိၤၡ့စံးဆၢဝဲဒၣ်, “တုၤယလဲၤဆူပှၤအံၣ်စရ့လးဖိ သ့ၣ်တဖၣ်အအိၣ်ဒီးစံးဘၣ်အဝဲသ့ၣ်, သုပၢ်တဖၣ်အကစၢ်ယွၤဆှၢလီၤယၤဆူသုအိၣ်လီၤ. ဒီးအဝဲသ့ၣ်ကသံကွၢ်ယၤ ကစၢ်ယွၤအံၤအမံၤဒ်လဲၣ်ဒီးယကစံးဘၣ် အီၤဒ်လဲၣ်.”

လံာ်တၢ်ဟးထီၣ်ကွံာ် 33:14

ယွၤစံးဝဲဒၣ်, “ယကလဲၤဃုာ်တၢ်ဒီးနၤဒီးယကဟ့ၣ်နၤလၢတၢ်မၤနၢၤန့ၣ်လီၤ.”

လံာ်တၢ်ဟးထီၣ်ကွံာ် 4:12

ဒီးခဲကနံၣ်အံၤ, လဲၤတက့ၢ်. ယကမၤစၢၤနၤလၢနတၢ်ကတိၤ, ဒီးသိၣ်လိနၤတၢ်လၢနကဘၣ်စံးဘၣ်တဲဘၣ်တဖၣ်န့ၣ်လီၤ.”

လံာ်တၢ်ဟးထီၣ်ကွံာ် 4:15

ဒီးနဘၣ်ကတိၤတၢ်ဒီးအီၤ, တဲဘၣ်အီၤတၢ်လၢကဘၣ်စံးကတိၤဝဲန့ၣ် လီၤ. ဒီးယကမၤစၢၤသုဝဲခံဂၤလၢာ်လၢသု ကဘၣ်ကတိၤတၢ်ဒ်လဲၣ်ဒီးသိၣ်လိသုလၢသုကဘၣ်မၤတၢ်မနုၤလဲၣ်န့ၣ်လီၤ.

လံာ်တၢ်ဟးထီၣ်ကွံာ် 8:27

ပကဘၣ်လဲၤတၢ်သၢနံၤကျဲဆူပှၢ်မုၢ်ကနၢအပူၤဒီးလုၢ်တၢ်ပာ်တၢ် ဆူယွၤ, ပကစၢ်ယွၤအအိၣ်ဒ်အဝဲမၤလိာ်တ့ၢ်ပှၤအသိးန့ၣ်လီၤ.”

လံာ်ယၡါယၤ 37:30

အန့ၣ်ဒီး, ဝံယၡါယၤစံးဘၣ်စီၤပၤဃံးစကံယၤ “အအံၤမ့ၢ်တၢ် ပနီၣ်တမံၤလၢအကမၤအသးန့ၣ်လီၤ. တနံၣ်အံၤဒီးခဲငါတနံၣ်န့ၣ်တၢ်ကအိၣ်ဒီးသုထဲဘုဧိၤဟုဧိၤ လၢအမဲထီၣ်ဒၣ်အတၢ်တဖၣ်လၢသုကအီၣ်အဂီၢ်လီၤ. ဘၣ်ဆၣ်ဒီးပိာ်ထွဲထီၣ်အခံလၢခံတနံၣ်န့ၣ်, သုကသူၣ်ဘၣ်ဒီးကူးဘၣ်ဘုဧိၤဟုဧိၤ, ဒီးသူၣ်လီၤစပံးမုၢ် တဖၣ်ဒီးအီၣ်ဘၣ်စပံးသၣ်တဖၣ်လီၤ.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယံးရမံယၤ 1:8

ပျံၤအဝဲသ့ၣ်တဂ့ၤ. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ် အိၣ်ပှိၤနၤအဂီၢ်လီၤ. ယၤ, ယွၤအံၤ, ကတိၤတ့ၢ်လံတၢ်လံ.”

လံာ်တၢ်ဂံၢ် 16:28

စီၤမိၤၡ့စံးဘၣ်ပှၤဂီၢ်မုၢ်, “အအံၤမ့ၢ်ဒ်သိးသုကသ့ၣ်ညါ လၢယွၤဆှၢလီၤယၤဒ်လဲၣ်လၢယကမၤတၢ်ကိးမံၤဒဲးအံၤဒီးတမ့ၢ် ဘၣ်ယမၤတ့ၢ်တၢ်တဖၣ်အံၤလၢယတၢ်ဃုထၢဒၣ်ယဲဘၣ်န့ၣ်လီၤ.

လံာ်တၢ်ဂံၢ် 23:21

ယထံၣ်ဆိပာ်တၢ်လၢကီၢ်အံၣ်စရ့လးအတၢ်အိၣ်မူဆူညါတဟဲစိာ်န့ၢ် အီၤတၢ်တတၢးတနါမ့တမ့ၢ်, တၢ်ကီတၢ်ခဲနီတမံၤန့ၣ်ဘၣ်. ယွၤ, အဝဲသ့ၣ်အကစၢ်ယွၤန့ၣ်အိၣ်ဒီးအဝဲသ့ၣ်လီၤ. အဝဲသ့ၣ်ကိးထီၣ်ဘိးဘၣ်သ့ၣ်ညါဝဲလၢယွၤမ့ၢ် အဝဲသ့ၣ်အစီၤပၤန့ၣ်လီၤ.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်မၢ်ကူး 16:20

အပျဲၢ်အဘီၣ်တဖၣ်လဲၤဝဲဒီးစံၣ်တဲၤတဲလီၤတၢ်လၢတၢ်လီၢ်ကိး ပူၤဒဲးလီၤ. ကစၢ်ယ့ၣ်ၡူးမၤသကိးတၢ်ဒီးအဝဲသ့ၣ်, ဒီးခီဖျိတၢ်လီၤလးလၢအဘၣ်တၢ်မၤအီၤတဖၣ်န့ၣ်, ကစၢ်မၤဖျါထီၣ်လၢတၢ်ကစီၣ်လၢအဝဲသ့ၣ်စံၣ်တဲၤတဲလီၤဝဲန့ၣ် မ့ၢ်တၢ်အဘၣ်ဒီးတီဝဲလီၤ.] [

မၤတၢ် 11:21

ဒီးကစၢ်အစိကမီၤအိၣ်ဒီးအဝဲသ့ၣ်, ဒီးပှၤဂီၢ်မုၢ်ဂီၢ်ပၤစူၢ်က့ၤနာ်က့ၤတၢ်ဒီး ဃၣ်က့ၤအသးဆူကစၢ်အအိၣ်န့ၣ်လီၤ.

မၤတၢ် 7:7

ဘၣ်ဆၣ်ဒီး, ယကစံၣ်ညီၣ်ပှၤလၢအမၢကဲကုၢ်အဝဲသ့ၣ်, ဒီးအဝဲန့ၣ်ဝံၤအလီၢ်ခံ, အဝဲသ့ၣ်ကဟးထီၣ်ကွံာ်လၢကီၢ်န့ၣ်အပူၤဒီးကဘူၣ်ထီၣ်ဘါ ထီၣ်ယၤဖဲတၢ်လီၢ်အံၤန့ၣ်လီၤ.’

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

လံာ်သိၣ်လီၤသီလီၤတၢ် 31:23

အန့ၣ်ဝံၤဒီးယွၤကတိၤဃီၤတၢ်ဆူစီၤနိၣ်အဖိခွါစီၤယိၤၡူ အအိၣ်ဒီးစံးဘၣ်အီၤ, “အိၣ်ဒီးတၢ်နာ်အဂၢၢ်အကျၢၤဒီးပာ်လီၤနသးကျၢၤမုဆှုတက့ၢ်. နကဘၣ်ဆှၢနုာ်ကီၢ်အံၣ်စရ့လးအပှၤဂီၢ်မုၢ်ဆူကီၢ်တဘ့ၣ်လၢယအၢၣ် လီၤတ့ၢ်အဝဲသ့ၣ်လၢယကဟ့ၣ်အီၤအပူၤ, ဒီးယကအိၣ်ဒီးနၤန့ၣ်လီၤ.”

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”

လံာ်စီၤယိၤၡူ 1:5

စီၤယိၤၡူဧၢ, လၢနတၢ်အိၣ်မူဒီတစိၤန့ၣ်, ပှၤထီဒါနၤတသ့ နီတဂၤဘၣ်. ဒ်ယအိၣ်တ့ၢ်ဒီးစီၤမိၤၡ့အသိးန့ၣ်, ယကအိၣ်ဒီးနၤလီၤ. ယကအိၣ်ဒီးနၤထီဘိတထံၣ်ဃီလီၤ. ယတလဲၤသ ဒၣ်နၤနီတစုဘၣ်.

လံာ်ပှၤစံၣ်ညီၣ်ကွီၢ် 6:12

ယွၤအကလူးအိၣ်ဖျါထီၣ်လၢအမဲာ်ညါဒီးစံးဘၣ်အီၤ, “ယွၤအိၣ်ဒီးနၤ, ပှၤအဒူဒီးအဂံၢ်အဘါဆူၣ်တဂၤဧၢ”.

လံာ်ပှၤစံၣ်ညီၣ်ကွီၢ် 6:16

ဒီးယွၤစံးဆၢဝဲ, “နမၤတၢ်တမံၤန့ၣ်သ့, မ့ၢ်လၢယမၤစၢၤနၤအဃိန့ၣ်လီၤ. နကတီၢ်သဘှံးပှၤမံးဒယၣ်ဖိတဖၣ်ညီညီဒ်အဝဲသ့ၣ်မ့ၢ်ပှၤတဂၤဧိၤ အသိးန့ၣ်လီၤ.”

လံာ်ပှၤစံၣ်ညီၣ်ကွီၢ် 6:17

စီၤကံးဒဧိၣ်စံးဝဲ, “နမ့ၢ်ဘၣ်သူၣ်ဘၣ်သးလၢယၤဒီးဟ့ၣ်ယၤ တၢ်အုၣ်သးတမံၤမံၤလၢနမ့ၢ်ယွၤနီၢ်နီၢ်တက့ၢ်.

လံာ်ပှၤစံၣ်ညီၣ်ကွီၢ် 6:21

တုၤနုၤတစုယွၤအကလူးယူာ်ဃီၤအစုဒီးထိးဘၣ်တၢ်ညၣ်ဒီးကိၣ် န့ၣ်လၢနီၣ်ထိးဘိလၢအစိာ်ဃာ်ဝဲလၢအစုန့ၣ်လီၤ. ဒီးမ့ၣ်အူ ဟဲထီၣ်လၢလၢၢ်ပူၤဒီးအီၣ်ကွံာ်တၢ်ညၣ် ဒီးကိၣ်န့ၣ်လီၤ. အန့ၣ်ဝံၤဒီးကလူးန့ၣ်ဟါမၢ်ကွံာ်ဝဲဒၣ်လီၤ.

လံာ်ပှၤစံၣ်ညီၣ်ကွီၢ် 7:11

နကနၢ်ဟူတၢ်လၢအဝဲသ့ၣ်ကတိၤဝဲန့ၣ်လီၤ. တုၤနုၤတစုနကအိၣ်ဒီးတၢ်သးဒူလၢနကဒုးတၢ်အဂီၢ်န့ၣ်လီၤ.” မၤသးဒ်န့ၣ်ဒီးစီၤကံးဒဧိၣ်ဒီးအခ့အပှၤစီၤဖူရါလဲၤလီၤဆူ ဒုၣ်ဒါတဖၣ်အဒဲအသရ့ၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:10

ဘၣ်ဆၣ်ဒီးအဝဲသ့ၣ်မ့ၢ်မၢပလဲၤဆူအဝဲသ့ၣ်အအိၣ်န့ၣ်, အန့ၣ်တစုပကလဲၤလီၤ. အဂ့ၢ်ဒ်အံၤ, တၢ်န့ၣ်ကမ့ၢ်တၢ်ပနီၣ်တမံၤလၢ ယွၤဟ့ၣ်ပှၤတၢ်မၤနၢၤလၢအဝဲသ့ၣ်အဖီခိၣ်လီၤ.”