လံာ်တၢ်ဟးထီၣ်ကွံာ် 3:10 - Sgaw Karen Common Bible

¹⁰ ဒီး, ခဲကနံၣ်အံၤ, ယဆှၢလီၤနၤဆူကီၢ်အဲၤကူပတူးအစီၤပၤဖၤ ရိၤအအိၣ်ဒ်သိးနကထုးထီၣ်ကွံာ်ယပှၤဂီၢ်မုၢ်ပှၤအံၣ်စရ့လးဖိ လၢကီၢ်အဲၤကူပတူးပူၤန့ၣ်လီၤ.”

လံာ်တၢ်ဟးထီၣ်ကွံာ် 3:10 Iomraidhean Croise

လံာ်တၢ်ကဲထီၣ်အခီၣ်ထံး 15:13

ယွၤစံးဘၣ်အီၤ, “နစၢၤနသွဲၣ်တဖၣ်ကကဲထီၣ်ပှၤသမှံၤလၢပှၤတခီ ဘီမုၢ်အကီၢ်တဘ့ၣ်အပူၤလီၤ. အဝဲသ့ၣ်ကကဲထီၣ်ကုၢ်တဖၣ်ဖဲန့ၣ်ဒီးကဘၣ်တၢ်မၤအီၤအၢအၢသီသီ အနံၣ်လွံၢ်ကယၤန့ၣ်လီၤ.

လံာ်တၢ်ကဲထီၣ်အခီၣ်ထံး 15:14

ဘၣ်ဆၣ်ဒီး, ယကစံၣ်ညီၣ်ပှၤတကလုာ်လၢအမၢကဲကုၢ်အဝဲသ့ၣ်, ဒီးတုၤအဝဲသ့ၣ်ဟးထီၣ်ကွံာ်လၢပှၤထံပှၤကီၢ်န့ၣ်အဝဲသ့ၣ်ကစိာ် ဃုာ်တၢ်ထူးတၢ်တီၤအါအါဂီၢ်ဂီၢ်န့ၣ်လီၤ.

စံးထီၣ်ပတြၢၤ 105:26

အန့ၣ်ဒီး, အဝဲမၢလီၤအခ့အပှၤစီၤမိၤၡ့ ဒီးစီၤအၤဟရိၣ်လၢအဃုထၢတ့ၢ်ဝဲန့ၣ်လီၤ.

စံးထီၣ်ပတြၢၤ 77:20

နဆှၢနပှၤဂီၢ်မုၢ်ဒ်သိတဖုအသိး လၢစီၤမိၤၡ့ဒီးစီၤအၤဟရိၣ်အစုန့ၣ်လီၤ.

လံာ်တၢ်ဟးထီၣ်ကွံာ် 12:40

ပှၤအံၣ်စရ့လးဖိတဖၣ်အိၣ်ဆိးတ့ၢ်ဝဲဒၣ်လၢကီၢ်အဲၤကူပတူး အနံၣ်လွံၢ်ကယၤသၢဆံန့ၣ်လီၤ.

လံာ်တၢ်ဟးထီၣ်ကွံာ် 12:41

မုၢ်တနံၤဖဲအနံၣ်လွံၢ်ကယၤသၢဆံကတၢၢ်ဝဲန့ၣ်, ယွၤအပှၤဂီၢ်မုၢ်လၢဒူၣ်ကိးဒူၣ်ဒဲးအပူၤဟးထီၣ်ကွံာ်လၢကီၢ် အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 33:12

စီၤမိၤၡ့စံးဘၣ်ကစၢ်ယွၤ, “နတဲတ့ၢ်ယၤလၢယကဘၣ်ဆှၢပှၤဂီၢ်မုၢ်ဆူကီၢ်အဝဲန့ၣ်န့ၣ်, မ့ၢ်ဝဲတီဝဲလီၤ. ဘၣ်ဆၣ်ဒီးနတတဲဘၣ်ယၤလၢနကမၢလီၤမတၤတဂၤဃုာ်ဒီးယၤလဲၣ်န့ၣ် ဘၣ်. နစံးတ့ၢ်လၢနသ့ၣ်ညါယၤဂ့ၤဂ့ၤဒီးဘၣ်နသးလၢယၤလီၤ.

လံာ်တၢ်ဟးထီၣ်ကွံာ် 33:13

ခဲကနံၣ်အံၤနမ့ၢ်ဘၣ်သူၣ်ဘၣ်သးန့ၣ်ဒီးတဲဘၣ်ယၤလၢနတၢ်သုးတၢ် ကျဲၤဒ်သိးယကမၤနတၢ်မၤဒီးမၤတၢ်ဘၣ်နသးတက့ၢ်. သ့ၣ်နီၣ်ထီၣ်စ့ၢ်ကီးလၢနဃုထၢတ့ၢ်ပှၤကလုာ်အံၤလၢကကဲထီၣ်နတၢ် ဒၣ်နဲန့ၣ်တက့ၢ်.”

လံာ်တၢ်ဟးထီၣ်ကွံာ် 6:26

ဒီးစီၤအၤဟရိၣ်ဒီးစီၤမိၤၡ့တဖၣ်မ့ၢ်ပှၤတဖၣ်လၢကစၢ်ယွၤစံး ဘၣ်အဝဲသ့ၣ်, “ကဲခိၣ်ကဲနၢ်ဒီးဒုးဟးထီၣ်ကွံာ်ပှၤအံၣ်စရ့လးဖိ အဒူၣ်တဖၣ်လၢကီၢ်အဲၤကူပတူးအပူၤတက့ၢ်.” န့ၣ်လီၤ.

လံာ်ဟိၤၡ့ 12:13

ယွၤဆှၢလီၤဝံတဂၤဒ်သိးကမၤထူၣ်ဖျဲးကီၢ် အံၣ်စရ့လးအပှၤဂီၢ်မုၢ်လၢတၢ်ကဲကုၢ်အလီၢ်လၢကီၢ်အဲၤ ကူပတူးအပူၤဒီးလၢကအံးထွဲကွၢ်ထွဲအဝဲသ့ၣ်အဂီၢ်လီၤ.

လံာ်မံကၤ 6:4

ယထုးထီၣ်ကွံာ်သုလၢကီၢ်အဲၤကူပတူးအပူၤဒီးပှ့ၤက့ၤသုလၢတၢ်မၢကဲကုၢ်, ယမၢလီၤစီၤမိၤၡ့, စီၤအၤဟရိၣ်ဒီးနီၢ်မံးရယၣ်လၢကဆှၢသုလီၤ.

မၤတၢ် 7:34

ယထံၣ်ဘၣ်လံယပှၤဂီၢ်မုၢ်တဖၣ်တူၢ်ဘၣ်တၢ်နးတၢ်ဖှီၣ်လၢ ကီၢ်အဲၤကူပတူးပူၤနးဆံးဒိၣ်လဲၣ်န့ၣ်လီၤ. ယနၢ်ဟူတ့ၢ်အတၢ် ကအုကစွါဒီး ယဟဲလီၤလၢယကမၤထူၣ်ဖျဲးထီၣ်အဝဲသ့ၣ် အဂီၢ်လီၤ. ခဲကနံၣ်အံၤဟဲဃီၤဒီးယကမၢလီၤနၤဆူကီၢ် အဲၤကူပတူးအပူၤလီၤ.’

မၤတၢ် 7:36

အဝဲဒၣ်ထုးထီၣ်ကွံာ်ပှၤအံၣ်စရ့လးဖိတဖၣ်လၢကီၢ်အဲၤကူပတူး အပူၤဒီးမၤဝဲတၢ်လီၤလးဒီးတၢ်ပနီၣ်လီၤလးတဖၣ်လၢကီၢ် အဲၤကူပတူးအပူၤ, ဖဲပီၣ်လဲၣ်ဂီၤ, ဒီးလၢအနံၣ်လွံၢ်ဆံအတီၢ်ပူၤလၢပှၢ်မုၢ်ကနၢန့ၣ်လီၤ.

မၤတၢ် 7:6

တၢ်လၢကစၢ်ယွၤစံးဘၣ်အီၤမ့ၢ်ဒ်အံၤ, ‘နစၢၤနသွဲၣ်တဖၣ်ကအိၣ်သမှံၤလၢတခီထံတခီကီၢ်, ဒီးဖဲန့ၣ်အဝဲသ့ၣ်ကဘၣ်တၢ်မၢကဲကုၢ်ဒီးမၤနးမၤဖှီၣ်အီၤ အနံၣ်လွံၢ်ကယၤလီၤ.

မၤတၢ် 7:7

ဘၣ်ဆၣ်ဒီး, ယကစံၣ်ညီၣ်ပှၤလၢအမၢကဲကုၢ်အဝဲသ့ၣ်, ဒီးအဝဲန့ၣ်ဝံၤအလီၢ်ခံ, အဝဲသ့ၣ်ကဟးထီၣ်ကွံာ်လၢကီၢ်န့ၣ်အပူၤဒီးကဘူၣ်ထီၣ်ဘါ ထီၣ်ယၤဖဲတၢ်လီၢ်အံၤန့ၣ်လီၤ.’

လံာ်ပှၤစံၣ်ညီၣ်ကွီၢ် 6:14

တုၤနုၤတစု, ယွၤစံးဘၣ်အီၤ, “လဲၤထီၣ်ဒီးနဂံၢ်ဆူၣ်ဘါဆူၣ်ဖးဒိၣ်ခဲလၢာ်ဒီးအုၣ်က့ၤခီၣ်က့ၤပှၤအံၣ်စရ့လးဖိလၢ ပှၤမံးဒယၣ်ဖိတဖၣ်အစုပူၤတက့ၢ်. ယနီၢ်ကစၢ်ဒၣ်ယဲ, ယဆှၢလီၤနၤလီၤ”.

လံာ်စီၤၡမူၤအ့လးအခီၣ်ထံးတဘ့ၣ် 12:6

စီၤၡမူၤအ့လးကတိၤဒံးတၢ်ဆူညါ, “ယွၤမ့ၢ်ပှၤတဂၤလၢအဃု ထၢထီၣ်စီၤမိၤၡ့စီၤအၤဟရိၣ်ဒီးမ့ၢ်ပှၤထုးထီၣ်သုမိၢ်ပၢ်ဖံဖု လၢပျၢၤတဖၣ်လၢကီၢ်အဲၤကူပတူးအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:8

ဖဲစီၤယၤကိာ်ဒီးအဟံၣ်ဖိဃီဖိလဲၤတ့ၢ်ဆူကီၢ်အဲၤကူပတူး ဒီးပှၤအဲၤကူပတူးဖိတဖၣ်မၤနးမၤဖှိၣ်အဝဲသ့ၣ်န့ၣ်, သုမိၢ်ပၢ်ဖံဖုလၢပျၢၤတဖၣ်ကိးထီၣ်ဆူယွၤအအိၣ်ဒီးအဝဲဆှၢ လီၤစီၤမိၤၡ့ဒီးစီၤအၤဟရိၣ်လၢအထုးထီၣ်ကွံာ်အဝဲသ့ၣ်လၢ ကီၢ်အဲၤကူပတူးအပူၤဒီးပာ်လီၤန့ၢ်အလီၢ်အိၣ်လီၢ်ဆိးဖဲကီၢ် အံၤအပူၤလီၤ.