လံာ်တၢ်ဟးထီၣ်ကွံာ် 29:46 - Sgaw Karen Common Bible

⁴⁶ အဝဲသ့ၣ်ကသ့ၣ်ညါလၢယမ့ၢ်ယွၤ, အဝဲသ့ၣ်အကစၢ်ယွၤလၢအထုးထီၣ် ကွံာ်အီၤလၢကီၢ်အဲၤကူပတူးအပူၤဒ်သိးယအိၣ်ဆိးလၢအသိးအကျါကသ့န့ၣ်လီၤ. ယမ့ၢ်ယွၤ, အဝဲသ့ၣ်အကစၢ်ယွၤလီၤ.

လံာ်တၢ်ဟးထီၣ်ကွံာ် 29:46 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:18

ဘၣ်ဆၣ်ဒီး, အိကစၢ်ယွၤဧၢ, နအိၣ်နဆိးလၢဟီၣ်ခိၣ်ချၢလၢပှၤပိာ် ခွါတဖၣ်ဒီးပှၤပိာ်မုၣ်တဖၣ်အကျါ, ဘၣ်ကသ့နီၢ်နီၢ်ဧါ. ကယဲၢ်မူခိၣ်အလီၢ်ခဲလၢာ်ဒၣ်လဲာ်န့ၣ်, တလဲၢ်ဝဲတုၤကလၢဝဲလၢနကအိၣ်ကဆိးအဂီၢ်န့ၣ်ဘၣ်. လၢတၢ်န့ၣ်အဃိ, ယွၤအတၢ်လုၢ်ဟံၣ်လၢယသူၣ်ထီၣ်တ့ၢ်အီၤအံၤ, လဲၢ်ဝဲလၢလၢလီၣ်လီၣ်ကသ့ဒ်လဲၣ်.

စံးထီၣ်ပတြၢၤ 114:2

ယူဒၤကဲထီၣ်ယွၤအပှၤဂီၢ်မုၢ်စီဆှံ, အံၣ်စရ့လးကဲထီၣ်အတၢ်န့ၢ်သါဒၣ်ဝဲလီၤ.

လံာ်တၢ်ဟးထီၣ်ကွံာ် 25:8

ပှၤဂီၢ်မုၢ်ကဘၣ်မၤထီၣ်ဒဲစီဆှံတဖျၢၣ်လၢယဂီၢ်ဒ်သိးယကအိၣ် ကဆိးလၢအဝဲသ့ၣ်အကျါန့ၣ်လီၤ.

လံာ်တၢ်ဟးထီၣ်ကွံာ် 6:7

ဒီးယကဒုးကဲထီၣ်သုလၢယပှၤဂီၢ်မုၢ်, ဒီးယကကဲထီၣ်သုကစၢ်ယွၤလီၤ. ဒီးသုကသ့ၣ်ညါလၢယမ့ၢ်ယွၤ, သုကစၢ်ယွၤဖဲယမၤထူၣ်ဖျဲးသုလၢကီၢ်အဲၤကူပတူး အတၢ်မၢကဲကုၢ်အပူၤန့ၣ်လီၤ.

လံာ်ယံးရမံယၤ 14:9

ဘၣ်မနုၤအဃိနလီၤဂာ်ဒ်ပှၤတဂၤလၢအကမၢကမၣ်ဒီးသးလီၤကတုၤအသိး, နလီၤဂာ်ဒ်ပှၤသုးဖိတဂၤလၢတအိၣ်ဒီးအစိကမီၤလၢ ကမၤစၢၤတၢ်အသိးန့ၣ်လဲၣ်. ယွၤဧၢ, နအိၣ်ဒီးပှၤသပှၢ်ကတၢၢ်လီၤ. ပမ့ၢ်နပှၤဂီၢ်မုၢ်လီၤ. ပာ်လီၤတဲာ်ကွံာ်ပှၤတဂ့ၤ.”

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယဃ့းစက့လး 20:5

တဲဘၣ်အဝဲသ့ၣ်လၢ, တၢ်လၢယစံးယဲန့ၣ်တက့ၢ်. ဖဲယဃုထၢထီၣ်အံၣ်စရ့လးန့ၣ်ယမၤတ့ၢ်တၢ်အၢၣ်လီၤအီလီၤတမံၤ ဒီးအဝဲသ့ၣ်န့ၣ်လီၤ. ယလီၣ်ဖျါထီၣ်ယသးဒီးအဝဲသ့ၣ်လၢကီၢ်အဲၤကူပတူးအပူၤဒီးတဲ ဘၣ်အဝဲသ့ၣ်လၢ, ယမ့ၢ်ယွၤသုကစၢ်ယွၤန့ၣ်လီၤ.

လံာ်ယဃ့းစက့လး 34:24

ယၤ, ယွၤ, ကမ့ၢ်အဝဲသ့ၣ်အကစၢ်ယွၤ, ဒီးစီၤပၤတဂၤလၢအလီၤဂာ် ဒီးယခ့ယပှၤစီၤဒၤဝံးကမ့ၢ်အဝဲသ့ၣ်အပှၤပၢတၢ်တဂၤလီၤ. ယကတိၤလံတၢ်လံ.

လံာ်တၢ်ဘူၣ်ထီၣ်ဘါထီၣ် 11:44

ယမ့ၢ်ယွၤ, သုကစၢ်, ဒီးသုကဘၣ်ပာ်စီဆှံသုသးလီၤ. အဂ့ၢ်ဒ်အံၤ, ယစီဆှံယဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 18:30

ဒီးယွၤစံးဝဲဒၣ်, “စူၢ်တၢ်မၤလိာ်လၢယဟ့ၣ်လီၤသုဒီးမၤထွဲပှၤ ကလုာ်လၢအအိၣ်တ့ၢ်ဆိဝဲလၢသုမဲာ်ညါတဖၣ်အလုၢ်အလၢ်တဂ့ၤ. မၤဘၣ်အၢလီၤသုသးလၢတၢ်မၤတဖၣ်အံၤန့ၣ်တဂ့ၤ. ယမ့ၢ်ယွၤ, သုကစၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 26:11

ယကအိၣ်လၢသုကျါလၢယဒဲစီဆှံ အပူၤဒီးယတဃၣ်ကွံာ်ယသးလၢသုနီတစုဘၣ်.

လံာ်တၢ်ဘူၣ်ထီၣ်ဘါထီၣ် 26:12

ဒီးယကအိၣ်ဒီးသု, ယကမ့ၢ်သုကစၢ်ယွၤဒီးသုကမ့ၢ်ယပှၤဂီၢ်မုၢ်လီၤ.

လံာ်ဃးကဲ 2:5

ဖဲသုဟးထီၣ်ကွံာ်လၢကီၢ်အဲၤကူပတူးန့ၣ်, ယအၢၣ်လီၤအီလီၤတ့ၢ်လၢယကအိၣ်ဒီးသုထီဘိလီၤ. ယအိၣ်ဒံးဒီးသုအဃိဒီး, ပျံၤတၢ်တဂ့ၤ.

လံာ်တၢ်ဂံၢ် 16:3

အဝဲသ့ၣ်ပာ်ဖှိၣ်ထီၣ်အသးလၢစီၤမိၤၡ့ဒီးစီၤအၤဟရိၣ်အမဲာ် ညါဒီးစံးဘၣ်အဝဲသ့ၣ်, “သုမၤတၢ်နးကဲာ်ဆိးလံ. ကယဲၢ်ကရၢဖိတဖၣ်လၢတၢ်အိၣ်မူကရူၢ်ပူၤအံၤဘၣ်ဃးဒီးယွၤ, ဒီးယွၤအိၣ်ဒီးပဝဲခဲလၢာ်လီၤ. မ့ၢ်လၢတၢ်န့ၣ်အဃိ, စီၤမိၤၡ့ဧၢ, နပာ်ထီၣ်နသးဒၣ်နဲလၢယွၤအကမျၢၢ်အဖီခိၣ်န့ၣ်မ့ၢ်အဘၣ်မနုၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 10:18

ဒီးစံးဘၣ်အဝဲသ့ၣ်, “ယွၤ, ကီၢ်အံၣ်စရ့လးအကစၢ်ယွၤစံးဝဲ ဒၣ်, ယထုးထီၣ်တ့ၢ်သုလၢကီၢ်အဲၤကူပတူးဒီးအုၣ်က့ၤခီၣ်က့ၤသုလၢ ပှၤအဲၤကူပတူးဖိတဖၣ်အစုပူၤဒီးလၢကယဲၢ်ပှၤဂီၢ်မုၢ်အဂၤတဖၣ် လၢအမၤနးမၤဖှီၣ်သုန့ၣ်လီၤ.