လံာ်တၢ်ဟးထီၣ်ကွံာ် 29:43 - Sgaw Karen Common Bible

⁴³ ဖဲန့ၣ်ယကသဂၢၢ်ကီၢ်အံၣ်စရ့လးအပှၤဂီၢ်မုၢ်ဒီးယတၢ်အိၣ်ဝဲဆိးဝဲ အတၢ်ကပြုၢ်ကပြီၤန့ၣ်ကမၤစီဆှံတၢ်လီၢ်န့ၣ်လီၤ.

လံာ်တၢ်ဟးထီၣ်ကွံာ် 29:43 Iomraidhean Croise

လံာ်စီၤပၤအခီၣ်ထံးတဘ့ၣ် 8:11

တၢ်အၢၣ်လၢအကပီၤကတြ့ၣ်ကတြိၣ်ဒီးယွၤအတၢ်အိၣ်ဆိးဝဲ, ဒီးအဝဲသ့ၣ်က့ၤနုာ်ဆူယွၤအတၢ်လုၢ်ဟံၣ်အပူၤလၢကမၤအမူအဒါ တဖၣ်အဂီၢ်န့ၣ်, တသ့ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 5:13

ပှၤသးဝံၣ်တၢ်ဖိတဖၣ်သးဝံၣ်တၢ်အိၣ်ဒီးတၢ်ဃူဃီၣ်လီၤပလိာ်အလၢ အပှဲၤလၢအမုာ်မးဘၣ်လိာ်ဖိးဒ့လိာ်အသးဒီးကွဲၤတဖၣ်, စှၢၣ်စှံးတဖၣ်ဒီးတၢ်ဒ့တၢ်အူအပိးအလီအဂၤတဖၣ်အသီၣ်, ဖဲအဝဲသ့ၣ်သးဝံၣ်စံးထီၣ်ပတြၢၤယွၤဒီးစံး, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. ဒီးအဝဲအတၢ်အဲၣ်န့ၣ်မ့ၢ်တၢ်အဲၣ်အထူ အယိာ်လီၤ.” သတူၢ်ကလာ်တၢ်လုၢ်ဟံၣ်န့ၣ်ဘၣ်တၢ်မၤပှဲၤအီၤဒီးတၢ် အၢၣ်လၢအကပီၤဝဲဒီးယွၤအတၢ်အိၣ်ဝဲအတၢ်ကပြုၢ်ကပြီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:14

သတးဒီးပှၤလုၢ်တၢ်အခိၣ်တဖၣ်, မၤတၢ်ဘူၣ်ထီၣ်ဘါထီၣ်ယွၤအတၢ် ရဲၣ်တၢ်ကျဲၤတသ့လၢၤဘၣ်လၢတၢ်အၢၣ်အဃိန့ၣ်လီၤ.

လံာ်တၢ်ဟးထီၣ်ကွံာ် 25:22

ယကသဂၢၢ်သုဖဲန့ၣ်ဒီးဖဲတလါအခိၣ်ကၢၢ်အဖီခိၣ်လၢအအိၣ်လၢတၢ် ဘၣ်တ့အိၣ်ဒီးအဒံးဆ့ခံဂၤအဘၢၣ်စၢၤန့ၣ်ယကဟ့ၣ်လီၤသုလၢ ကယဲၢ်ယတၢ်သိၣ်တၢ်သီတဖၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ်လီၤ.

လံာ်တၢ်ဟးထီၣ်ကွံာ် 29:42

ခဲအံၤဒီးဆူညါထီဘိန့ၣ်တၢ်လုၢ်မ့ၣ်အူအံၤကဘၣ်တၢ်မၤဘူၣ် အီၤလၢယအိၣ်ယဆိးအဒဲစီဆှံအကျဲစၢၤလၢယမဲာ်ညါန့ၣ်လီၤ. အဝဲန့ၣ်မ့ၢ်တၢ်လီၢ်ဖဲယကသဂၢၢ်ယပှၤဂီၢ်မုၢ်ဒီးကတိၤတၢ်ဆူသုအိၣ်န့ၣ်လီၤ.

လံာ်တၢ်ဟးထီၣ်ကွံာ် 29:44

ယကမၤစီဆှံယွၤအဒဲစီဆှံ, တၢ်လုၢ်လီၢ်စီဆှံ, ဒီးယကပာ်လီၤဆီ စီၤအၤဟရိၣ်ဒီးအဖိခွါတဖၣ်လၢကမၤယတၢ်မၤဒ်ပှၤလုၢ်တၢ်အခိၣ်တဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 40:34

တုၤနုၤတစုတၢ်အၢၣ်ကးဘၢဒဲစီဆှံ, ဒီးကစၢ်ယွၤအိၣ်ဝဲ ဆိးဝဲအတၢ်ကပီၤကပြုၢ်ကပြီၤန့ၣ်မၤပှဲၤအီၤန့ၣ်လီၤ.

လံာ်တၢ်ဟးထီၣ်ကွံာ် 40:35

လၢတၢ်အံၤအဃိ, စီၤမိၤၡ့လဲၤနုာ်ဆူဒဲစီဆှံအပူၤတသ့ဝဲဘၣ်.

လံာ်ယၡါယၤ 60:1

ဂဲၤဆၢထၢၣ်, ဝ့ၢ်ယရူၤၡလ့ၣ်ဧၢ, ဒီးကပီၤထီၣ်ဒ်မုၢ်အသိးတက့ၢ်. ယွၤအလၤကပီၤ, ကပီၤထီၣ်လၢနလိၤလီၤ.

လံာ်ယဃ့းစက့လး 43:5

ယွၤအသးစိာ်ကဖီထီၣ်ယၤဒီးဆှၢဃီၤယၤဆူအတၢ်လုၢ်ဟံၣ်အဂၢၤ လၢတၢ်အိပူၤတကပၤ, ဖဲယထံၣ်ဘၣ်လၢယွၤအတၢ်လုၢ်ဟံၣ် န့ၣ်ပှဲၤဝဲဒီးယွၤအလၤကပီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:4

ဒီးဂီၤဖံးဖါတဒုဒီးသိဖါတဒုလၢတၢ်လုၢ်မၤဃူမၤဖိးအဂီၢ်, လၢကလုၢ်ထီၣ်ဝဲဆူယွၤအအိၣ်ဃုာ်ဒီးတၢ်လုၢ်ဘုဧိၤဟုဧိၤဃါ ဃုာ်ဒီးသိန့ၣ်တက့ၢ်. ဒီးကဘၣ်မၤဝဲတနံၤအံၤမ့ၢ်လၢယွၤကလီၣ်ဖျါထီၣ်အသးဆူအဝဲ သ့ၣ်အအိၣ်အဃိန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 9:6

ဒီးစီၤမိၤၡ့စံးဝဲဒၣ်, “ယွၤမၤလိာ်တၢ်ခဲလၢာ်အံၤ, ဒ်သိးကဒုးနဲၣ်ဖျါထီၣ်အလၤကပီၤလၢသုလီၤ.”

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.