လံာ်တၢ်ဟးထီၣ်ကွံာ် 29:39 - Sgaw Karen Common Bible

³⁹ လုၢ်ထီၣ်ပာ်ထီၣ်သိဖိတဖၣ်အကျါတဒုလၢမုၢ်ဂီၤဒီးအဂၤတဒုလၢမုၢ်ဟါတက့ၢ်.

လံာ်တၢ်ဟးထီၣ်ကွံာ် 29:39 Iomraidhean Croise

လံာ်စီၤပၤအခီၣ်ထံးတဘ့ၣ် 18:29

အဝဲသ့ၣ်ကိးကလူဒိၣ်ထီၣ်ဒံးဒ်ပှၤအပျုၢ်တဖၣ်အသိးတုၤလီၤလၢ မုၢ်ဃ့ၢ်လီၤပှၤလုၢ်တၢ်ပာ်တၢ်အကတီၢ်, ဘၣ်ဆၣ်တၢ်စံးဆၢတဟဲနီတမံၤဘၣ်, တၢ်တနၢ်ဟူဘၣ်တၢ်အသီၣ်နီတမံၤစ့ၢ်ကီးဘၣ်.

လံာ်စီၤပၤခံဘ့ၣ်တဘ့ၣ် 16:15

ဝံၤဒီးအဝဲဟ့ၣ်လီၤအကလုၢ်ဆူစီၤအူၤရံယၤစံးဝဲ, “သူယတၢ်လုၢ်လီၢ်ဖးဒိၣ်အံၤလၢဂီၤတၢ်လုၢ်မ့ၣ်အူတဖၣ်ဒီးဟါ တၢ်လုၢ်ဘုဧိၤဟုဧိၤတဖၣ်အဂီၢ်, လၢစီၤပၤဒီးပှၤဂီၢ်မုၢ်အတၢ်လုၢ်ဘုဧိၤဟုဧိၤတဖၣ်အဂီၢ်, ဒီးလၢပှၤဂီၢ်မုၢ်အတၢ်လုၢ်စပံးထံအဂီၢ်န့ၣ်တက့ၢ်. လူလီၤကယဲၢ်ဆၣ်ဖိကီၢ်ဖိခဲလၢာ်လၢအဘၣ်တၢ်လုၢ်ထီၣ်အီၤအံၤ အသွံၣ်လၢအဖီခိၣ်တက့ၢ်. ဘၣ်ဆၣ်ပာ်ဃာ်တၢ်လုၢ်လီၢ်တိၢ်ဘီဒ်သိးန့ၣ်လၢယဂီၢ်ဒ်သိးယကသူ အီၤလၢတၢ်သံကွၢ်တၢ်အဂီၢ်န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 3:20

မုၢ်ဆ့ၣ်ထီၣ်တနံၤ, ဖဲတၢ်ဆၢကတီၢ်လၢညီနုၢ်မုၢ်ဂီၤအတၢ်လုၢ် ထီၣ်ပာ်ထီၣ်ဘၣ်တၢ်မၤအီၤန့ၣ်, ထံဟဲယွၤလီၤဝဲဒၣ်လၢကီၢ်အဒိၣ်တခီဒီးလုၣ်ဘၢကွံာ်ဟီၣ်ခိၣ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:11

ကိးမုၢ်ဂီၤဒဲးဒီးကိးမုၢ်ဟါဒဲးန့ၣ်, ပှၤလုၢ်တၢ်အခိၣ်တဖၣ်, လုၢ်ထီၣ်ယွၤလၢတၢ်နၢမူဒီးဆၣ်ဖိကီၢ်ဖိဒ်တၢ်လုၢ်ဆူးကဲၤဒီ ဒုအတၢ်လုၢ်တၢ်ပာ်တဖၣ်န့ၣ်လီၤ. အဝဲသ့ၣ်လုၢ်ထီၣ်တၢ်လုၢ်တၢ်ပာ်အကိၣ်လၢစီၢ်နီၤခိၣ်တဖျၢၣ်လၢတၢ် မၤကဆှီအီၤဒ်တၢ်အလုၢ်အလၢ်အိၣ်ဝဲအသိး, ဒီးကိးမုၢ်ဟါဒဲးန့ၣ်, အဝဲသ့ၣ်ဒွဲၣ်ထီၣ်မ့ၣ်အူဒၢတဖၣ်လၢတၢ် ပာ်မ့ၣ်အူဒၢအလီၢ်လၢတၢ်မၤအီၤဒီးထူတဖၣ်အဖီခိၣ်န့ၣ်လီၤ. ပမၤတၢ်လၢယွၤမၤလိာ်တ့ၢ်ပှၤ, ဘၣ်ဆၣ်သုဝဲသုလဲၤသဒၣ်ကွံာ်အီၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:3

စီၤၡလိၤမိၤဆှၢလီၤတၢ်ကစီၣ်တမံၤဆူဝ့ၢ်ထါယၢၣ်အစီၤပၤဃံ ရၣ်အအိၣ်ဒီးစံးဝဲဒၣ်, “မၤသကိးတၢ်ဒီးယၤဒ်နမၤတ့ၢ်ဒီးယပၢ်, စီၤပၤဒၤဝံးအသိး, ဖဲနဆါန့ၢ်တ့ၢ်အီၤသ့ၣ်ဆှိးအ့ရ့းအကျီၣ်တဖၣ်လၢတၢ်ကသူၣ်ထီၣ် အနီအဂီၢ်န့ၣ်တက့ၢ်.

လံာ်စီၤဧ့စြၤ 9:4

ယဆ့ၣ်နီၤဖဲန့ၣ်လၢတၢ်သူၣ်အုးသးအုးအပူၤတုၤလီၤလၢဟါတၢ် လုၢ်တၢ်ပာ်ကဘၣ်တၢ်လုၢ်ထီၣ်အီၤအကတီၢ်န့ၣ်လီၤ. ဒီးပှၤဂီၢ်မုၢ်စးထီၣ်ဟဲအိၣ်ဝးတရံးယၤလီၤ. အဝဲသ့ၣ်မ့ၢ်ကယဲၢ်ပှၤတဖၣ်လၢအပျံၤဘၣ်တၢ်မ့ၢ်လၢအံၣ်စရ့လး အကစၢ်ယွၤအတၢ်ကတိၤဘၣ်ထွဲဒီးပှၤတဖၣ်လၢအဟဲက့ၤလၢတၢ်စိာ်မၢ ကဲကုၢ်အတၢ်ဒဲးဘးအဂ့ၢ်အဃိန့ၣ်လီၤ.

စံးထီၣ်ပတြၢၤ 141:2

မ်ယဘါထုကဖၣ်တၢ်အံၤဘၣ်တၢ်ဂံၢ်အီၤဒ် တၢ်ဆိၣ်ကဲၤနၢမူအသိးလၢနမဲာ်ညါ, ဒီးယယူာ်ထီၣ်ယစုအံၤဒ်တၢ်လုၢ်လၢ မုၢ်ဟါအသိးန့ၣ်တက့ၢ်.

စံးထီၣ်ပတြၢၤ 5:3

ယွၤဧၢ, လၢမုၢ်ဂီၤန့ၣ်နနၢ်ဟူယကလုၢ်, ဒီးလၢမုၢ်ဟဲထီၣ်အကတီၢ်န့ၣ် ယလုၢ်ထီၣ်ယတၢ်ထုကဖၣ်ဒီးခိးကွၢ်လၢ်နၤလီၤ.

လံာ်တၢ်ဟးထီၣ်ကွံာ် 12:6

ဒီးလၢလါတလါအံၤတဆံလွံၢ်နံၤတနံၤဟါခီန့ၣ်ကီၢ်အံၣ်စရ့လး အကမျၢၢ်အဟံၣ်ဖိဃီဖိကိးဒူၣ်ဒဲးကဘၣ်မၤသံဆၣ်ဖိကီၢ်ဖိတဖၣ် န့ၣ်လီၤ.

လံာ်တၢ်ဟးထီၣ်ကွံာ် 29:40

ဃုာ်ဒီးသိဖိအခီၣ်ထံးတဒုန့ၣ်မၤဘူၣ်ဘုကၠူၣ်အကမူၣ်အဂ့ၤ ကတၢၢ်လၢအဃၢတအ့စရိးဃါဃုာ်အသးလၢသ့ၣ်စၤယံးအသိတဟံၣ်လွံၢ် ပူတပူတက့ၢ်. လူလီၤစပံးထံဟံၣ်လွံၢ်ပူတပူဒ်တၢ်မၤဘူၣ်တမံၤအသိးတက့ၢ်.

လံာ်ဒၤနံးယ့လး 9:21

ဖဲယဘါထုကဖၣ်ဒံးတၢ်အဖၢမုၢ်ဒီး, ကလူးကၤဘြံၤအ့လးလၢယထံၣ်ဘၣ် တ့ၢ်လၢတၢ်ထံၣ်လၢညါခီအခီၣ်ထံးတဘျီအပူၤ န့ၣ်ဟဲယူၤလီၤဆူယအိၣ်တၢ်အလီၢ်န့ၣ်လီၤ. အကတီၢ်န့ၣ်မ့ၢ်ဝဲတၢ်လုၢ်မၤဘူၣ်လၢဟါ ကဘၣ်တၢ်လုၢ်ထီၣ်အီၤအကတီၢ်န့ၣ်လီၤ.

လံာ်လူၤကၣ် 1:10

ဒီးပှၤဂီၢ်မုၢ်အိၣ်လၢတၢ်ချၢတဖၣ်ဃ့ဘါထုကဖၣ်တၢ်ဖဲ နၣ်ရံၣ်အကတီၢ်လၢတၢ်နၢမူဘၣ်တၢ်ဆိၣ်ကဲၤအီၤန့ၣ်လီၤ.

မၤတၢ် 26:7

မ့ၢ်တၢ်စံးပာ်တမံၤဃီလၢပပှၤကလုာ်တဆံခံဒူၣ်လၢာ်, လၢအဘူၣ်ထီၣ်ဘါထီၣ်ကစၢ်ယွၤလၢမုၢ်ဆါဒီးမုၢ်နၤ, မုၢ်လၢ်ဝဲန့ၣ်လီၤ. ကစၢ်စီၤပၤဧၢ, ပှၤယူဒၤဖိတဖၣ်ပာ် တၢ်ကမၣ်လၢယလိၤန့ၣ်, မ့ၢ်ဒၣ်လၢတၢ်မုၢ်လၢ်တမံၤအံၤအဃိလီၤ.