လံာ်တၢ်ဟးထီၣ်ကွံာ် 29:37 - Sgaw Karen Common Bible

³⁷ မၤတၢ်အံၤကိးနံၤဒဲးနွံသီတက့ၢ်. အန့ၣ်ဒီးတၢ်လုၢ်လီၢ်ကစီဆှံထီၣ်ဝဲလၢလၢပှဲၤပှဲၤန့ၣ်လီၤ. ဒီးပှၤတဂၤဂၤမ့ၢ်ဂ့ၤ, တၢ်တမံၤမံၤမ့ၢ်ဂ့ၤလၢအထိးဘၣ်အီၤ န့ၣ်ကဘၣ်တၢ်မၤဘၣ်ဒိအီၤလၢတၢ်စီဆှံအံၤအစိအကမီၤန့ၣ်လီၤ.

လံာ်တၢ်ဟးထီၣ်ကွံာ် 29:37 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 7:9

လၢတၢ်ပာ်စီဆှံတၢ်လုၢ်လီၢ်အဂီၢ်, အဝဲသ့ၣ်မၤလၢာ်တၢ်ဆၢကတီၢ် နွံသီ, ဒီးလၢမူးပွဲအဂီၢ်မၤလၢာ်အါထီၣ်ကဒီးဝဲနွံသီန့ၣ်လီၤ. လၢခံကတၢၢ်တနံၤန့ၣ်အဝဲသ့ၣ်အိၣ်ဒီးတၢ်မၤကတၢၢ်က့ၤအမူး,

လံာ်တၢ်ဟးထီၣ်ကွံာ် 40:10

မၤကဒီးတစု, ပာ်စီဆှံထီၣ်တၢ်လုၢ်လီၢ်ဒီးကယဲၢ်အတၢ်ပီးတၢ် လီခဲလၢာ်ခီဖျိတၢ်ဖှူအီၤဒီးကစီဆှံဝဲလၢလၢပှဲၤပှဲၤန့ၣ်လီၤ.

လံာ်ယဃ့းစက့လး 43:20

နကဘၣ်ဟံးန့ၢ်အသွံၣ်တနီၤဒီးပာ်ထီၣ်အီၤလၢတၢ်လုၢ်လီၢ်အနၢၣ် တဖၣ်အလိၤလၢအအိၣ်လၢတၢ်လုၢ်လီၢ်အခိၣ်ဒီအသနၢၣ်တဖၣ် န့ၣ်ဒီးလၢတၢ်လုၢ်လီၢ်အခၢၣ်သးတပတီၢ်အနၢၣ်တဖၣ်အလိၤ, ဒီးလၢကယဲၢ်အကနူၤခဲလၢာ်အလိၤန့ၣ်လီၤ. လၢကျဲဒ်သိးအံၤန့ၣ်, နကမၤကဆှီထီၣ်တၢ်လုၢ်လီၢ်ဒီးပာ်စီဆှံထီၣ်အီၤန့ၣ်လီၤ.

လံာ်ယဃ့းစက့လး 43:25

လၢနွံသီအတီၢ်ပူၤန့ၣ်ကိးမုၢ်နံၤဒဲးနကဘၣ်လုၢ်ထီၣ်မဲာ်တဲးလဲး ဖါအလၢအပှဲၤဖိတဒု, ဂီၤဖံးဖါအလၢအပှဲၤဖိတဒုဒီးသိဖါ အလၢအပှဲၤဖိတဒုဒ်တၢ်လုၢ်တၢ်ပာ်တဖၣ်လၢတၢ်လုၢ်တၢ်ပျၢ် တၢ်ဒဲးဘးအဂီၢ်န့ၣ်လီၤ.

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 16:16

အအံၤမ့ၢ်တၢ်မၤတၢ်ဘူၣ်တၢ်ဘါအလုၢ်အလၢ်ဘၣ်ဃးတၢ်မၤကဆှီ ထီၣ်တၢ်လီၢ်စီဆှံကတၢၢ်လၢအံၣ်စရ့လးအပှၤ ဂီၢ်မုၢ်အတၢ်တကဆှီဒီးအတၢ်ဒဲးဘးတဖၣ်အဂီၢ်န့ၣ်လီၤ. ဒီးကဘၣ်မၤဝဲလၢတၢ်ဘူၣ်ထီၣ်ဘါထီၣ်ယွၤအဒဲအဂီၢ်မ့ၢ်လၢအအိၣ် လၢပှၤဂီၢ်မုၢ်အတၢ်သူၣ်ဒဲအလီၢ်ခၢၣ်သးလၢအမ့ၢ်တၢ်တကဆှီ ဘၣ်ဒ်တၢ်ဘူၣ်တၢ်ဘါအလုၢ်အလၢ်အသိးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:11

အန့ၣ်ဝံၤဒီးကဘၣ်လဲလိာ်က့ၤအဆ့ကၤဒီးလဲၤစိာ်ဖၣ်ဆါတဖၣ်န့ၣ် ဆူတၢ်လီၢ်ကဆှီလၢဒဲအချၢန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:11

ဒီးဟံးန့ၢ်ဝဲသိတနီၤဒီးဖှံတၢ်လုၢ်လီၢ်အဖီခိၣ်ဒီး တၢ်အပီးအလီခဲလၢာ်, ဒီးသရာ်အဖီခိၣ်ဒီးအခီၣ်ထံးနွံစု, ဒ်တၢ်ပာ်စီဆှံထီၣ်တၢ်တဖၣ်အံၤဆူယွၤအအိၣ်န့ၣ်လီၤ.

လံာ်ဃးကဲ 2:12

ပစံးဒၣ်ကလိာ်, ပှၤတဂၤဂၤဟံးန့ၢ်တၢ်ညၣ်စီဆှံတလိၣ် လၢတၢ်လုၢ်တၢ်ပာ်တမံၤအကျါဒီးစိာ်ဝဲလၢအဆ့ကၤဒိၣ် အထၢၣ်တဖျၢၣ်အပူၤလီၤ. အဝဲမ့ၢ်ပျဲအဆ့ကၤဒိၣ်ထိးဘၣ်ကိၣ် တဖျၢၣ်ဖျၢၣ်, တၢ်အီၣ်လၢပှၤဖီဝံၤ, စပံးထံ, သ့ၣ်စၤယံးအသိ မ့တမ့ၢ်တၢ်အီၣ်ထီရီၤတမံၤမံၤဒီး, တၢ်န့ၣ်ကမၤစီဆှံထီၣ်ကွံာ်တၢ်အီၣ်န့ၣ်စ့ၢ်ကီးဧါ.” ဖဲတၢ်သံကွၢ်န့ၣ်ဘၣ်တၢ်သံကွၢ်အီၤဒီး ပှၤလုၢ်တၢ်အခိၣ်တဖၣ်စံးဆၢဝဲ, “တမ့ၢ်ဘၣ်.”

လံာ်မးသဲ 23:17

ပှၤဟးဂီၤဖိလၢအမဲာ်ဘျီၣ်သ့ၣ်ဧၢ, တၢ်အကါဒိၣ်တက့ၢ်န့ၣ်မ့ၢ်ထူဧါ. မ့တမ့ၢ်ဘၣ်ဒီး, မ့ၢ်တၢ်လုၢ်ဟံၣ်လၢအမၤစီဆှံထူန့ၣ်လဲၣ်.

လံာ်မးသဲ 23:19

ပှၤမဲာ်ဘျီၣ်သ့ၣ်ဧၢ, တၢ်အကါဒိၣ်တက့ၢ်န့ၣ်, မ့ၢ်တၢ်လုၢ်ဧါ. မ့တမ့ၢ်ဘၣ်ဒီး တၢ်လုၢ်လီၢ်လၢအမၤစီဆှံထီၣ်တၢ်လုၢ်န့ၣ်လဲၣ်.