လံာ်တၢ်ဟးထီၣ်ကွံာ် 29:36 - Sgaw Karen Common Bible

³⁶ နကဘၣ်လုၢ်ထီၣ်ဂီၤဖံးဖါတဒုဒ်တၢ်လုၢ်တၢ်ပာ်တမံၤအသိးကိးနံၤ ဒဲးဒ်သိးတၢ်ဒဲးဘးကဘၣ်တၢ်ပျၢ်ကွံာ်အီၤလီၤ. တၢ်အံၤကမၤကဆှီထီၣ်တၢ်လုၢ်လီၢ်န့ၣ်လီၤ. အန့ၣ်ဝံၤဒီးနကဘၣ်ဖှူအီၤလၢသ့ၣ်စၤယံးအသိလၢတၢ်မၤစီဆှံ အီၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 29:36 Iomraidhean Croise

လံာ်တၢ်ဟးထီၣ်ကွံာ် 30:26

သူအီၤလၢတၢ်ဖှူယအိၣ်ယဆိးအဒဲစီဆှံ, တၢ်အၢၣ်လီၤအီလီၤအတလါစီဆှံ,

လံာ်ယဃ့းစက့လး 43:20

နကဘၣ်ဟံးန့ၢ်အသွံၣ်တနီၤဒီးပာ်ထီၣ်အီၤလၢတၢ်လုၢ်လီၢ်အနၢၣ် တဖၣ်အလိၤလၢအအိၣ်လၢတၢ်လုၢ်လီၢ်အခိၣ်ဒီအသနၢၣ်တဖၣ် န့ၣ်ဒီးလၢတၢ်လုၢ်လီၢ်အခၢၣ်သးတပတီၢ်အနၢၣ်တဖၣ်အလိၤ, ဒီးလၢကယဲၢ်အကနူၤခဲလၢာ်အလိၤန့ၣ်လီၤ. လၢကျဲဒ်သိးအံၤန့ၣ်, နကမၤကဆှီထီၣ်တၢ်လုၢ်လီၢ်ဒီးပာ်စီဆှံထီၣ်အီၤန့ၣ်လီၤ.

လံာ်ယဃ့းစက့လး 43:25

လၢနွံသီအတီၢ်ပူၤန့ၣ်ကိးမုၢ်နံၤဒဲးနကဘၣ်လုၢ်ထီၣ်မဲာ်တဲးလဲး ဖါအလၢအပှဲၤဖိတဒု, ဂီၤဖံးဖါအလၢအပှဲၤဖိတဒုဒီးသိဖါ အလၢအပှဲၤဖိတဒုဒ်တၢ်လုၢ်တၢ်ပာ်တဖၣ်လၢတၢ်လုၢ်တၢ်ပျၢ် တၢ်ဒဲးဘးအဂီၢ်န့ၣ်လီၤ.

လံာ်ယဃ့းစက့လး 43:27

တုၤမ့ၢ်တနွံလၢာ်ကွံာ်န့ၣ်, ပှၤလုၢ်တၢ်အခိၣ်တဖၣ်ကဘၣ်စးထီၣ် လုၢ်ထီၣ်ပှၤဂီၢ်မုၢ်အတၢ်ဆိၣ်ကဲၤအတၢ်လုၢ်တဖၣ်ဒီးအတၢ်လုၢ် မၤဃူမၤဖိးတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. အန့ၣ်တစု ယကဘၣ်သူၣ်ဘၣ်သးသုဝဲခဲလၢာ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်တၢ်ဘူၣ်ထီၣ်ဘါထီၣ် 16:27

ဂီၤဖံးဖါဒီးမဲာ်တဲးလဲးလၢအဘၣ်တၢ်သူအီၤလၢတၢ်လုၢ်တၢ်ပျၢ် တၢ်ဒဲးဘးအဂီၢ်အသွံၣ်လၢအဘၣ်တၢ်လဲၤစိာ်နုာ်အီၤဆူ တၢ်လီၢ်စီဆှံကတၢၢ်အပူၤလၢကစိာ်ကွံာ်တၢ်ဒဲးဘးအဂီၢ်န့ၣ်ကဘၣ် တၢ်စိာ်ကွံာ်အီၤဆူဒဲအချၢဒီးဆူးကဲၤထီၣ်ကွံာ်အီၤန့ၣ်လီၤ. အဖံး, အညၣ်ဒီးအအ့ၣ်ခဲလၢာ်ကဘၣ်တၢ်ဆူးကဲၤကွံာ်အီၤန့ၣ်လီၤ.

လံာ်တၢ်ဂံၢ် 7:1

မုၢ်တနံၤလၢစီၤမိၤၡ့ထီထီၣ်ယွၤအိၣ်ဝဲဆိးဝဲအဒဲစီဆှံ ဝံၤဝဲန့ၣ်, အဝဲဖှူဒီးပာ်စီဆှံထီၣ်ဒဲစီဆှံန့ၣ်ဒီးကယဲၢ် အတၢ်ပီးတၢ်လီတဖၣ်, ဒီးတၢ်လုၢ်လီၢ်ဒီးအတၢ်ပီး တၢ်လီခဲလၢာ်န့ၣ်လီၤ.

ဧ့ၤဘြံၤ 10:11

ပှၤယူဒၤဖိအပှၤလုၢ်တၢ်အခိၣ်မၤအတၢ်မၤကိးနံၤဒဲးဒီးလုၢ်ထီၣ် တၢ်လုၢ်တၢ်ပာ်တမံၤဃီအဘျီတဖၣ်အဘျီဘၣ်ဆၣ်ဒီး တၢ်လုၢ်တၢ်ပာ်တဖၣ်အံၤဟံးထီၣ်ကွံာ်တၢ်ဒဲးဘးတဖၣ် တသ့ဘၣ်.