လံာ်တၢ်ဟးထီၣ်ကွံာ် 29:34 - Sgaw Karen Common Bible

³⁴ ဒီးတၢ်ဖံးတၢ်ညၣ်ဒီးကိၣ်တနီၤလၢတဘၣ်တၢ်အီၣ်အီၤတုၤလၢမုၢ် ဆ့ၣ်ထီၣ်န့ၣ်ကဘၣ်တၢ်ဆူးကဲၤထီၣ်ကွံာ်အီၤလီၤ. တၢ်တဘၣ်အီၣ်အီၤလၢၤဘၣ်. အဂ့ၢ်ဒ်အံၤ, မ့ၢ်ဝဲတၢ်စီဆှံလီၤ.

လံာ်တၢ်ဟးထီၣ်ကွံာ် 29:34 Iomraidhean Croise

လံာ်တၢ်ဟးထီၣ်ကွံာ် 12:10

သုတပာ်လီၤတဲာ်တၢ်နီတမံၤတုၤမုၢ်ဆ့ၣ်ထီၣ်န့ၣ်တဂ့ၤ. မ့ၢ်အိၣ်လီၤတဲာ်တ့ၢ်တမံၤမံၤန့ၣ်ဒီးကဘၣ်တၢ်ဆူးကဲၤထီၣ်ကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 16:19

ဒီးစီၤမိၤၡ့စံးဘၣ်အဝဲသ့ၣ်, “ပှၤတဘၣ်ပာ်ကိၣ်အံၤလၢခဲ မုၢ်ဆ့ၣ်အဂီၢ်နီတဂၤဘၣ်.”

လံာ်တၢ်ဟးထီၣ်ကွံာ် 23:18

ဖဲသုလုၢ်ထီၣ်ပာ်ထီၣ်ဆၣ်ဖိကီၢ်ဖိတဒုဆူယအိၣ်န့ၣ်တဘၣ်ဟ့ၣ် လုၢ်ထီၣ်ကိၣ်အိၣ်ဒီးကိၣ်မံၣ်တဂ့ၤ. ဆၣ်ဖိကီၢ်ဖိတဖၣ်လၢအဘၣ်တၢ်လုၢ်ထီၣ်ပာ်ထီၣ်ဆူယအိၣ်ဖဲမူးတဖၣ် အံၤအကတီၢ်အသိန့ၣ်တဘၣ်အိၣ်လီၤတဲာ်တုၤမုၢ်ဆ့ၣ်ထီၣ်လၢခံ တဂီၤန့ၣ်ဘၣ်.

လံာ်တၢ်ဟးထီၣ်ကွံာ် 29:22

ကူးတဲာ်ကွံာ်သိဖါအသိ, အမဲၢ်ဘီၣ်, တၢ်အသိလၢအကျးဘၢအပှံာ် အကဖုတဖၣ်, တၢ်အဂ့ၤကတၢၢ်လၢအသူၣ်ကျါ, အကလ့ၢ်ခံဖျၢၣ်ဒီးအသိ အိၣ်လၢအလိၤ, ဒီးအကံၣ်ဒုၣ်လၢအထွဲတခီန့ၣ်တက့ၢ်.

လံာ်တၢ်ဟးထီၣ်ကွံာ် 29:26

ဟံးန့ၢ်သိဖါအံၤအသးနါပှၢ်ဒီးပာ်စီဆှံအီၤဆူယအိၣ်ဒ်တၢ် ဟ့ၣ်လီၤဆီတမံၤအသိးတက့ၢ်. ဆၣ်ဖိကီၢ်ဖိအညၣ်အံၤကမ့ၢ်ဝဲလၢနဂီၢ်လီၤ.

လံာ်တၢ်ဟးထီၣ်ကွံာ် 29:28

တၢ်န့ၣ်မ့ၢ်ယတၢ်ပာ်လီၤသးလၢအတဆီတလဲအသးဘၣ်, လၢဖဲယပှၤဂီၢ်မုၢ်မၤအတၢ်လုၢ်မၤဃူမၤဖိးတဖၣ်န့ၣ်ဆၣ်ဖိကီၢ် ဖိအသးနါပှၢ်ဒီးအကံၣ်ဒုၣ်တဖၣ်အံၤဘၣ်ဃးဒီးပှၤလုၢ်တၢ်အခိၣ်တဖၣ်န့ၣ်လီၤ. အအံၤမ့ၢ်ပှၤဂီၢ်မုၢ်အတၢ်ဟ့ၣ်ဆူယၤ, ယွၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 34:25

ဖဲသုလုၢ်ထီၣ်ဆၣ်ဖိကီၢ်ဖိတဒုဆူယအိၣ်န့ၣ်လုၢ်ထီၣ်ကိၣ်လၢအအိၣ်ဒီးကိၣ်မံၤတဂ့ၤ. ဆၣ်ဖိကီၢ်ဖိလၢဘၣ်တၢ်မၤသံအီၤဖဲဘူၣ်လဲၤကပာ်အနံၤန့ၣ်ပာ် ဃးအဖံးအညၣ်တုၤမုၢ်ဆ့ၣ်ထီၣ်တနံၤနီတမံၤတဂ့ၤ.

လံာ်တၢ်ဘူၣ်ထီၣ်ဘါထီၣ် 10:16

တုၤစီၤမိၤၡ့သံကွၢ်တၢ်ဘၣ်ဃးမဲာ်တဲးလဲးတဒုလၢ တၢ်လုၢ်တၢ်ပျၢ်တၢ်ဒဲးဘးအဂီၢ်အဂ့ၢ်ဒီးသ့ၣ်ညါဝဲလၢအဘၣ်တၢ် ဆိၣ်ကဲၤထီၣ်ကွံာ်လံအီၤန့ၣ်, အသးထီၣ်ဘၣ်စီၤအလၤဧစၢ်ဒီးစီၤအံသမၢ်လီၤ. ဒီးစီၤမိၤၡ့သံကွၢ်ဝဲ,

လံာ်တၢ်ဘူၣ်ထီၣ်ဘါထီၣ် 8:32

တၢ်ညၣ်ဒီးကိၣ်လၢအအိၣ်လီၤတဲာ်န့ၣ်ဆူးကဲၤကွံာ်အီၤတက့ၢ်.