လံာ်တၢ်ဟးထီၣ်ကွံာ် 29:30 - Sgaw Karen Common Bible

³⁰ စီၤအၤဟရိၣ်အဖိခွါလၢအထီၣ်အပၢ်အလီၢ်ဒ်ပှၤလုၢ်တၢ်အခိၣ်အသိး ဒီးပှၤတဂၤလၢအလဲၤနုာ်လီၤဆူယအိၣ်ယဆိးအဒဲစီဆှံအပူၤလၢ ကမၤယတၢ်မၤလၢတၢ်အလီၢ်စီဆှံန့ၣ်ကဘၣ်သိးတၢ်ကူ တၢ်သိးတဖၣ်အံၤနွံသီန့ၣ်လီၤ.

လံာ်တၢ်ဟးထီၣ်ကွံာ် 29:30 Iomraidhean Croise

လံာ်တၢ်ကဲထီၣ်အခီၣ်ထံး 8:10

ဒီးစီၤနိအၤအိၣ်ခိးကဒီးဝဲဆူညါနွံသီဒီးပျၢ်လီၤကဒီး ထိၣ်လွံၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 8:12

တုၤနုၤတစုစီၤနိအၤအိၣ်ခိးကဒီးဆူညါနွံသီဝံၤပျၢ်လီၤ ကဒီးထိၣ်လွံၢ်လၢခံတဘျီန့ၣ်လီၤ. တဘျီအံၤထိၣ်လွံၢ်တဟဲက့ၤလၢၤဘၣ်.

လံာ်တၢ်ဟးထီၣ်ကွံာ် 12:15

ဒီးယွၤစံးဝဲဒၣ်, “လၢနွံသီအတီၢ်ပူၤန့ၣ်သုတဘၣ်အီၣ်ကိၣ် လၢအဘၣ်တၢ်မၤအီၤလၢကိၣ်မံၣ်နီတမံၤဘၣ်. အီၣ်ထဲကိၣ်လၢတအိၣ်ဘၣ်ဒီးကိၣ်မံၣ်န့ၣ်တက့ၢ်. လၢအခီၣ်ထံးတသီန့ၣ်သုကဘၣ်စူးကွံာ်ကိၣ်မံၣ်ခဲလၢာ် လၢသုဟံၣ်အပူၤတဖၣ်န့ၣ်လီၤ. အဂ့ၢ်ဒ်အံၤ, ပှၤတဂၤလၢ်လၢ်မ့ၢ်အီၣ်ဘၣ်ကိၣ်လၢတၢ်မၤအီၤလၢကိၣ် မံၣ်, လၢနွံသီအတီၢ်ပူၤန့ၣ်ကဘၣ်တၢ်ညိကွံာ်အီၤလၢယပှၤဂီၢ်မုၢ် အကျါန့ၣ်လီၤ.

လံာ်တၢ်ဟးထီၣ်ကွံာ် 29:29

စီၤအၤဟရိၣ်အပှၤလုၢ်တၢ်အခိၣ်အကူအသိးတဖၣ်န့ၣ်ကဘၣ်တၢ်ဟ့ၣ်လီၤ အီၤတဆီဘၣ်တဆီဆူအဖိခွါတဖၣ်အအိၣ်ဖဲ အဝဲသံအလီၢ်ခံလၢအဝဲသ့ၣ်ကသိးထီၣ်ဝဲဖဲအဘၣ်တၢ်ဖှူအီၤအခါန့ၣ်လီၤ.

လံာ်တၢ်ဟးထီၣ်ကွံာ် 29:31

ဟံးန့ၢ်သိဖါအညၣ်လၢဘၣ်တၢ်သူအီၤလၢတၢ်ဖှူစီၤအၤဟရိၣ်ဒီး အဖိခွါတဖၣ်န့ၣ်, ဒီးချီအီၤလၢတၢ်အလီၢ်စီဆှံအပူၤတတီၤန့ၣ်တက့ၢ်.

လံာ်တၢ်ဟးထီၣ်ကွံာ် 29:35

မၤတၢ်ဖှူတၢ်အလုၢ်အလၢ်လၢစီၤအၤဟရိၣ်ဒီးအဖိခွါတဖၣ်အဂီၢ်နွံ သီလီၤတံၢ်လီၤဆဲးဒ်ယမၤလိာ်တ့ၢ်နၤအသိးတက့ၢ်.

လံာ်ယဃ့းစက့လး 43:26

လၢနွံသီအတီၢ်ပူၤန့ၣ်, ပှၤလုၢ်တၢ်အခိၣ်တဖၣ်ကဘၣ်ပာ်စီဆှံ ထီၣ်တၢ်လုၢ်လီၢ်ဒီးကဘၣ်ကတဲာ်ကတီၤအီၤလၢ တၢ်ကသူအီၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:5

ဒီးလၢနွံသီတသီန့ၣ်ပှၤလုၢ်တၢ်အခိၣ်ကကွၢ်ကဒီးအီၤတဘျီ, ဒီးမ့ၢ်ဆိကမိၣ်ဝဲလၢအပူၤလီၢ်န့ၣ်အိၣ်ဒၣ်ဒ်လီၢ်လီၢ်ဒီးတလဲၢ်ထီၣ်ဘၣ်န့ၣ်, အဝဲကပာ်လီၤဆီကဒီးအီၤဆူညါနွံသီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:32

ပှၤလုၢ်တၢ်အခိၣ်လၢအဘၣ်တၢ်ဖှူအီၤဒီးပာ်စီဆှံအီၤလၢကဟံးထီၣ်မူဒါလၢအပၢ်အလီၢ်န့ၣ်, ကဘၣ်မၤတၢ်ဘူၣ်တၢ်ဘါအလုၢ်အလၢ်ဘၣ်ဃးတၢ်မၤကဆှီထီၣ်တၢ်န့ၣ်လီၤ. ကဘၣ်ကူထီၣ်သိးထီၣ်ဝဲပှၤလုၢ်တၢ်အခိၣ်အကူအသိးတဖၣ်,

လံာ်တၢ်ဘူၣ်ထီၣ်ဘါထီၣ် 9:1

တၢ်ဒိးပာ်စုပှၤလုၢ်တၢ်အခိၣ်တဖၣ်ဝံၤဝဲအလီၢ်ခံလၢမုၢ်ဃိး နံၤတနံၤန့ၣ်, စီၤမိၤၡ့ကိးဖှိၣ်ဝဲစီၤအၤဟရိၣ်ဒီးအဖိခွါတဖၣ်, ဒီးပှၤအံၣ်စရ့လးဖိအခိၣ်အနၢ်တဖၣ်လီၤ.

လံာ်တၢ်ဘူၣ်ထီၣ်ဘါထီၣ် 9:8

ဒီးစီၤအၤဟရိၣ်လဲၤဆူတၢ်လုၢ်လီၢ်ဒီး မၤသံဝဲဂီၤဖံးဖါဖိလၢကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအကစၢ်ဒၣ်ဝဲအဂီၢ်လီၤ.

လံာ်တၢ်ဂံၢ် 20:28

ဒီးစီၤမိၤၡ့ဘ့ၣ်လီၤကွံာ်ပှၤလုၢ်တၢ်အခိၣ်, အကူအသိးတဖၣ်လၢစီၤအၤဟရိၣ်အလိၤဒီးပာ်ထီၣ်အီၤလၢ စီၤအလၤဧစၢ်အလိၤန့ၣ်လီၤ. ဖဲန့ၣ်လၢကစၢၢ်ဃိၢ်အဒီခိၣ်န့ၣ်စီၤအၤဟရိၣ်သံဝဲဒီးစီၤမိၤၡ့ဒီး စီၤအလၤဧစၢ်ဟဲက့ၤလီၤဝဲလီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.