လံာ်တၢ်ဟးထီၣ်ကွံာ် 29:27 - Sgaw Karen Common Bible

²⁷ ဖဲပှၤလုၢ်တၢ်အခိၣ်တဂၤဘၣ်တၢ်ဖှူအီၤန့ၣ်သိဖါအသးနါပှၢ်ဒီး အကံၣ်ဒုၣ်လၢဘၣ်တၢ်သူအီၤလၢတၢ်ဖှူပှၤလုၢ်တၢ်အခိၣ်အဂီၢ်န့ၣ် ကဘၣ်တၢ်ပာ်စီဆှံအီၤဆူယအိၣ်ဒ်တၢ်ဟ့ၣ်လီၤဆီတမံၤအသိးဒီး ကဘၣ်တၢ်ပာ်လီၤဆီအီၤလၢပှၤလုၢ်တၢ်အခိၣ်တဖၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 29:27 Iomraidhean Croise

လံာ်တၢ်ဟးထီၣ်ကွံာ် 29:26

ဟံးန့ၢ်သိဖါအံၤအသးနါပှၢ်ဒီးပာ်စီဆှံအီၤဆူယအိၣ်ဒ်တၢ် ဟ့ၣ်လီၤဆီတမံၤအသိးတက့ၢ်. ဆၣ်ဖိကီၢ်ဖိအညၣ်အံၤကမ့ၢ်ဝဲလၢနဂီၢ်လီၤ.

လံာ်တၢ်ဟးထီၣ်ကွံာ် 29:28

တၢ်န့ၣ်မ့ၢ်ယတၢ်ပာ်လီၤသးလၢအတဆီတလဲအသးဘၣ်, လၢဖဲယပှၤဂီၢ်မုၢ်မၤအတၢ်လုၢ်မၤဃူမၤဖိးတဖၣ်န့ၣ်ဆၣ်ဖိကီၢ် ဖိအသးနါပှၢ်ဒီးအကံၣ်ဒုၣ်တဖၣ်အံၤဘၣ်ဃးဒီးပှၤလုၢ်တၢ်အခိၣ်တဖၣ်န့ၣ်လီၤ. အအံၤမ့ၢ်ပှၤဂီၢ်မုၢ်အတၢ်ဟ့ၣ်ဆူယၤ, ယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:15

အဝဲသ့ၣ်ကဘၣ်ဟဲစိာ်တၢ်အကံၢ်ဒုၣ်ဒီးတၢ်အသးနါပှၢ်ဖဲတၢ် အသိဘၣ်တၢ်လုၢ်ထီၣ်အီၤဒ်တၢ်လုၢ်မၤဘူၣ်ဆူယွၤအအိၣ်အသိး အကတီၢ်န့ၣ်လီၤ. ဒီးတၢ်တဖၣ်အံၤဘၣ်ဃးဒီးနၤဒီးနဖိနလံၤအစိၤစိၤအဃၣ်ဃၣ်ဒ် ယွၤမၤလိာ်ဝဲအသိးန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 7:30

ကဘၣ်ဟဲစိာ်ဝဲလၢအစုဒၣ်ဝဲဒ်တၢ်လုၢ်မ့ၣ်အူအသိးဆူယွၤအအိၣ်လီၤ. ကဘၣ်ဟဲစိာ်ဝဲဆၣ်ဖိကီၢ်ဖိအသိဃုာ်ဒီးအသးနါပှၢ်, ဒီးလုၢ်ထီၣ်အီၤဒ်တၢ်ဟ့ၣ်လီၤဆီဆူယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:37

တၢ်တဖၣ်အံၤမ့ၢ်တၢ်သိၣ်တၢ်ဘျၢတဖၣ်လၢတၢ်လုၢ်မ့ၣ်အူတဖၣ်, တၢ်လုၢ်ဘုဧိၤဟုဧိၤတဖၣ်, တၢ်လုၢ်တၢ်ပျၢ်တၢ်ဒဲးဘးတဖၣ်, တၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ်ကမၣ်တဖၣ်, တၢ်လုၢ်တၢ်ဖှူ လၢသိဒီးတၢ်လုၢ်မၤဃူမၤဖိးတဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:21

ဒီးလုၢ်ထီၣ်ဝဲအသးနါပှၢ်ဒီးအခီၣ်ထွဲတဖၣ်ဒ်တၢ်ဟ့ၣ်လီၤဆီတမံၤဆူ ယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်, ဒ်စီၤမိၤၡ့မၤလိာ်ဝဲအသိးန့ၣ်လီၤ.

လံာ်တၢ်ဂံၢ် 18:11

လၢတၢ်န့ၣ်အမဲာ်ညါ, တၢ်မၤဘူၣ်လီၤဆီအဂၤတဖၣ်လၢပှၤအံၣ်စရ့လး ဖိတဖၣ်ဟ့ၣ်ထီၣ်ဆူယအိၣ်န့ၣ်ကမ့ၢ်နတၢ်လီၤ. ယဟ့ၣ်တၢ်တဖၣ်န့ၣ်ဆူနၤဒီးနဖိခွါတဖၣ်ဒီးနဖိမုၣ်တဖၣ်အစိၤ စိၤအဃၣ်ဃၣ်န့ၣ်လီၤ. ပှၤကိးဂၤဒဲးလၢနဟံၣ်ဖိဃီဖိအကျါလၢအကဆှီဝဲဒ်တၢ်ဘူၣ်တၢ် ဘါအလုၢ်အလၢ်အိၣ်ဝဲအသိးန့ၣ်အီၣ်အီၤသ့လီၤ.

လံာ်တၢ်ဂံၢ် 6:20

ဝံၤဒီးပှၤလုၢ်တၢ်အခိၣ်ကဟ့ၣ်ထီၣ်အီၤဒ်တၢ်ဟ့ၣ်လီၤဆီတမံၤ အသိးဆူယွၤအအိၣ်လီၤ. အဝဲသ့ၣ်တဖၣ်န့ၣ်မ့ၢ်ဝဲတၢ်လုၢ်စီဆှံတမံၤလၢပှၤလုၢ်တၢ်အခိၣ် အဂီၢ်, လၢတၢ်ပာ်ဖှိၣ်ဟ့ၣ်အီၤဃုာ်ဒီးသိဖါအသးနါပှၢ်ဒီးအခီၣ်လၢ အဘၣ်ဃးဒီးပှၤလုၢ်တၢ်အခိၣ်ဒ်ယူဒၤအတၢ်သိၣ်တၢ်သီအိၣ်ဝဲအသိး န့ၣ်လီၤ. အန့ၣ်ဝံၤဒီးပှၤနစၤရံဖိအီစပံးထံသ့ဝဲန့ၣ်လီၤ.

လံာ်သိၣ်လီၤသီလီၤတၢ် 18:3

တဘျီလၢ်လၢ်ဖဲဂီၤဘုၣ်ဂီၤဖံးမ့ၢ်ဂ့ၤ, သိမ့ၢ်ဂ့ၤဘၣ်တၢ်လုၢ် ထီၣ်ပာ်ထီၣ်အီၤန့ၣ်, တၢ်ကဟ့ၣ်ပှၤလုၢ်တၢ်အခိၣ်တဖၣ်လၢအဖံဘၣ်ခိၣ်, အခၣ်ဃံဒီးအကဖုန့ၣ်လီၤ.

ဧ့ၤဘြံၤ 7:28

သပှၢ်ကတၢၢ်, တၢ်သိၣ်တၢ်သီဃုထၢပာ်ထီၣ်ပှၤတဖၣ်လၢ အဂံၢ်စၢ်ဘါစၢ်လၢပှၤလုၢ်တၢ်အခိၣ်အဒိၣ်ကတၢၢ်အလီၢ် န့ၣ်လီၤ. ဘၣ်ဆၣ်ဒီးကစၢ်ယွၤအတၢ်ဆိၣ်လီၤအသးလၢ အဟဲလၢတၢ်သိၣ်တၢ်သီအလီၢ်ခံအံၤဃုထၢပာ်ထီၣ်ယွၤ အဖိခွါလၢအဘၣ်တၢ်မၤလၢပှဲၤတ့ၢ်လံအီၤအစိၤစိၤ အဃၣ်ဃၣ်တဂၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:24

မၤသးဒ်န့ၣ်ဒီး, ပှၤဖီတၢ်အီၣ်တၢ်အီန့ၣ်ဟဲစိာ်ထီၣ်တၢ်ညၣ်တလိၣ် လၢတၢ်ဃုထၢပာ်လီၤဆီဆီအီၤလၢအခီၣ်တကပၤဒီးပာ်အီၤလၢစီၤ စီလူးအမဲာ်ညါလီၤ. စီၤၡမူၤအ့လးစံးဝဲ, “ကွၢ်ကွၢ်, အဝဲအံၤမ့ၢ်တၢ်ညၣ်လၢအဘၣ်တၢ်ပာ်ဃးအီၤလၢနဂီၢ်န့ၣ်လီၤ. အီၣ်အီၤတက့ၢ်. ယပာ်ဃးအီၤလၢနဂီၢ်လၢနကအီၣ်အီၤတဘျီ အံၤဃုာ်ဒီးပှၤဂီၢ်မုၢ်လၢယကွဲတ့ၢ်အီၤတဖၣ်န့ၣ်လီၤ.” မၤသးဒ်န့ၣ်ဒီး, စီၤစီလူးအီၣ်သကိးတၢ်ဒီးစီၤၡမူၤအ့လးလၢ မုၢ်တနံၤန့ၣ်လီၤ.