လံာ်တၢ်ဟးထီၣ်ကွံာ် 29:26 - Sgaw Karen Common Bible

²⁶ ဟံးန့ၢ်သိဖါအံၤအသးနါပှၢ်ဒီးပာ်စီဆှံအီၤဆူယအိၣ်ဒ်တၢ် ဟ့ၣ်လီၤဆီတမံၤအသိးတက့ၢ်. ဆၣ်ဖိကီၢ်ဖိအညၣ်အံၤကမ့ၢ်ဝဲလၢနဂီၢ်လီၤ.

လံာ်တၢ်ဟးထီၣ်ကွံာ် 29:26 Iomraidhean Croise

စံးထီၣ်ပတြၢၤ 99:6

စီၤမိၤၡ့ဒီး စီၤအၤဟရိၣ်မ့ၢ် အပှၤလုၢ်တၢ်အခိၣ်တဖၣ်, ဒီးစီၤၡမူၤအ့လးမ့ၢ် ပှၤတဂၤလၢ အဘါထုကဖၣ်တၢ်ဆူအီၤလီၤ. အဝဲသ့ၣ်ကိးထီၣ်ယွၤဒီး အဝဲဒၣ်စံးဆၢအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 29:27

ဖဲပှၤလုၢ်တၢ်အခိၣ်တဂၤဘၣ်တၢ်ဖှူအီၤန့ၣ်သိဖါအသးနါပှၢ်ဒီး အကံၣ်ဒုၣ်လၢဘၣ်တၢ်သူအီၤလၢတၢ်ဖှူပှၤလုၢ်တၢ်အခိၣ်အဂီၢ်န့ၣ် ကဘၣ်တၢ်ပာ်စီဆှံအီၤဆူယအိၣ်ဒ်တၢ်ဟ့ၣ်လီၤဆီတမံၤအသိးဒီး ကဘၣ်တၢ်ပာ်လီၤဆီအီၤလၢပှၤလုၢ်တၢ်အခိၣ်တဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:12

ဒီးပှၤလုၢ်တၢ်အခိၣ်ကဟံးန့ၢ်သိဖါဖိတဒုဃုာ်ဒီး သိတလိာ်လၢကဘၣ်လုၢ်ထီၣ်ဝဲဒ်တၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ် ကမၣ်အဂီၢ်န့ၣ်လီၤ. ဒီးကလုၢ်ထီၣ်ဝဲဆူယွၤအအိၣ်ဒ်တၢ်ဟ့ၣ်လီၤဆီ တမံၤလၢပှၤလုၢ်တၢ်အခိၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:30

ကဘၣ်ဟဲစိာ်ဝဲလၢအစုဒၣ်ဝဲဒ်တၢ်လုၢ်မ့ၣ်အူအသိးဆူယွၤအအိၣ်လီၤ. ကဘၣ်ဟဲစိာ်ဝဲဆၣ်ဖိကီၢ်ဖိအသိဃုာ်ဒီးအသးနါပှၢ်, ဒီးလုၢ်ထီၣ်အီၤဒ်တၢ်ဟ့ၣ်လီၤဆီဆူယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:31

ဒီးပှၤလုၢ်တၢ်အခိၣ်ကဆူးကဲၤထီၣ်တၢ်အသိလၢတၢ်လုၢ်လီၢ်အဖီခိၣ်လီၤ. မ့မ့ၢ်အသးနါပှၢ်န့ၣ်ကဘၣ်မ့ၢ်ပှၤလုၢ်တၢ်အခိၣ်တဖၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 7:34

ဆၣ်ဖိကီၢ်ဖိအသးနါပှၢ်ဒီးအကံၣ်ဒုၣ်အထွဲတခီန့ၣ်, မ့ၢ်တၢ်ဟ့ၣ်လီၤဆီလၢယွၤဟံးန့ၢ်အီၤလၢပှၤအံၣ်စရ့လးဖိတဖၣ် အအိၣ်ဒီးဟ့ၣ်လီၤဝဲဆူပှၤလုၢ်တၢ်အခိၣ်တဖၣ်အအိၣ်န့ၣ်လီၤ. တၢ်အံၤမ့ၢ်တၢ်လၢပှၤအံၣ်စရ့လးဖိတဖၣ်ကဘၣ်ဟ့ၣ်ပှၤလုၢ်တၢ်အခိၣ် တဖၣ်တဘိယူာ်ဃီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:29

ဒီးစီၤမိၤၡ့ဟံးန့ၢ်အသးနါပှၢ်ဒီးလုၢ်ထီၣ်အီၤဆူယွၤအအိၣ်ဒ်တၢ်ဟ့ၣ်လီၤဆီတမံၤအသိးန့ၣ်လီၤ. တၢ်အံၤမ့ၢ်လၢတၢ်ဒိးပာ်စုအသိဖါအတၢ်နီၤဖးလၢစီၤမိၤၡ့ဒီးန့ၢ်ဝဲလၢအဂီၢ်န့ၣ်လီၤ. စီၤမိၤၡ့မၤတၢ်ခဲလၢာ်ဒ်ယွၤမၤလိာ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:21

ဒီးလုၢ်ထီၣ်ဝဲအသးနါပှၢ်ဒီးအခီၣ်ထွဲတဖၣ်ဒ်တၢ်ဟ့ၣ်လီၤဆီတမံၤဆူ ယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်, ဒ်စီၤမိၤၡ့မၤလိာ်ဝဲအသိးန့ၣ်လီၤ.