လံာ်တၢ်ဟးထီၣ်ကွံာ် 29:25 - Sgaw Karen Common Bible

²⁵ အန့ၣ်ဝံၤဒီးဟံးန့ၢ်တၢ်တဖၣ်အံၤလၢအဝဲသ့ၣ်အအိၣ်ဒီးဆူးကဲၤ ထီၣ်အီၤလၢတၢ်လုၢ်လီၢ်အဖီခိၣ်, ပာ်အီၤလၢတၢ်လုၢ်မ့ၣ်အူ ခဲလၢာ်အဖီခိၣ်ဒ်တၢ်လုၢ်တၢ်အီၣ်တမံၤလၢယဂီၢ်တက့ၢ်. တၢ်လုၢ်အံၤအတၢ်နၢမူမၤမုာ်ယသးလီၤ.

လံာ်တၢ်ဟးထီၣ်ကွံာ် 29:25 Iomraidhean Croise

လံာ်တၢ်ကဲထီၣ်အခီၣ်ထံး 8:20

ဒီးစီၤနိအၤမၤတၢ်လုၢ်လီၢ်တခါလၢယွၤအဂီၢ်လီၤ. အဝဲဟံးန့ၢ်တၢ်လၢကယဲၢ်ဆၣ်ဖိကီၢ်ဖိလၢအကဆှီဒီးကယဲၢ်ထိၣ်ဖိ လံာ်ဖိလၢအကဆှီအကျါတဒုဒီးတဘ့ၣ်စုာ်စုာ်ဒီးဆူးကဲၤထီၣ် အီၤခဲလၢာ်ဒ်တၢ်လုၢ်တၢ်ပာ်တမံၤအသိးလၢတၢ်လုၢ်လီၢ်န့ၣ်အဖီ ခိၣ်လီၤ.

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

စံးထီၣ်ပတြၢၤ 99:6

စီၤမိၤၡ့ဒီး စီၤအၤဟရိၣ်မ့ၢ် အပှၤလုၢ်တၢ်အခိၣ်တဖၣ်, ဒီးစီၤၡမူၤအ့လးမ့ၢ် ပှၤတဂၤလၢ အဘါထုကဖၣ်တၢ်ဆူအီၤလီၤ. အဝဲသ့ၣ်ကိးထီၣ်ယွၤဒီး အဝဲဒၣ်စံးဆၢအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 29:18

ဆူးကဲၤထီၣ်သိဖါဒီဒုန့ၣ်လၢတၢ်လုၢ်လီၢ်အဖီခိၣ်ဒ်တၢ်လုၢ် ထီၣ်ပာ်ထီၣ်တၢ်အိၣ်တမံၤအသိးတက့ၢ်. တၢ်လုၢ်မၤဘူၣ်အံၤအတၢ်နၢမူန့ၣ်မၤမုာ်ယသးလီၤ.

လံာ်တၢ်ဟးထီၣ်ကွံာ် 29:24

ဒၢနုာ်တၢ်အီၣ်တဖၣ်အံၤခဲလၢာ်ဆူစီၤအၤဟရိၣ်ဒီးအဖိခွါတဖၣ် အစုပူၤဒီးတဲဘၣ်အဝဲသ့ၣ်လၢကပာ်စီဆှံထီၣ်အီၤဆူယအိၣ်ဒ်တၢ် ဟ့ၣ်လီၤဆီတမံၤအသိးတက့ၢ်.

လံာ်တၢ်ဟးထီၣ်ကွံာ် 29:41

လုၢ်ထီၣ်ပာ်ထီၣ်သိဖိခံဒုတဒုန့ၣ်လၢမုၢ်ဟါခီဒီးမၤဘူၣ် ဃုာ်ကိၣ်ကမူၣ်, သ့ၣ်စၤယံးအသိဒီးစပံးထံပှဲၤသိးသိးလၢမုၢ်ဂီၤအကတီၢ်န့ၣ် တက့ၢ်. တၢ်အံၤမ့ၢ်တၢ်လုၢ်တၢ်အီၣ်တၢ်အီဆူယၤ, ယွၤအအိၣ်ဒီးတၢ်လုၢ်အတၢ်နၢမူန့ၣ်မၤမုာ်ယသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:13

မ့မ့ၢ်ပှၤလၢအကလုၢ်တၢ်တဂၤန့ၣ်ကဘၣ်သ့စီကွံာ်တၢ်အပှံာ်ဒီးတၢ် အခီၣ်တဖၣ်ဒီးပှၤလုၢ်တၢ်အခိၣ်ကဘၣ်ပာ်ထီၣ်တၢ်လုၢ်ဆူ ယွၤအအိၣ်ဒီးဆိၣ်ကဲၤထီၣ်အီၤခဲလၢာ်လၢတၢ်လုၢ်လီၢ်အဖီ ခိၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:9

မ့မ့ၢ်, ပှၤလၢအကလုၢ်တၢ်တဂၤန့ၣ်, ကဘၣ်သ့စီကွံာ်တၢ်အပှံာ်တဖၣ် ဒီးတၢ်အခီၣ်တဖၣ်န့ၣ်လီၤ. ဒီးပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဆိၣ်ကဲၤထီၣ်တၢ်လုၢ်ခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:13

အီၣ်အီၤလၢတၢ်လီၢ်စီဆှံအပူၤတက့ၢ်ဒီးတၢ်အံၤမ့ၢ်ဝဲတၢ်နီၤ ဖးလၢအဘၣ်ဃးဒီးနၤဒီးနဖိခွါတဖၣ်, လၢတၢ်လုၢ်မၤဘူၣ်ဆူယွၤအအိၣ်န့ၣ်လီၤ. တၢ်န့ၣ်မ့ၢ်ယွၤမၤလိာ်ယၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:11

ဒီးတၢ်လုၢ်မၤဘူၣ်ဘုဧိၤဟုဧိၤလၢတၢ်ဟဲစိာ်အီၤဆူယွၤအအိၣ် န့ၣ်တဘၣ်မ့ၢ်တၢ်မၤအီၤလၢကိၣ်မံၣ်ဘၣ်. နတဘၣ်ဆိၣ်ကဲၤထီၣ်ကိၣ်မံၣ်မ့ၢ်ဂ့ၤ, ကနဲစီမ့ၢ်ဂ့ၤလၢတၢ်လုၢ်မၤဘူၣ်ဆူယွၤအအိၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 2:16

ဒီးပှၤလုၢ်တၢ်အခိၣ်ကဆိၣ်ကဲၤထီၣ်တၢ်အီၣ်တနီၤဒီးသိ, ဃုာ်ဒီးတၢ်နၢမူလီၢ်ဘၣ်ခဲလၢာ်ဒ်တၢ်သ့ၣ်နီၣ်ထီၣ်က့ၤတၢ်အဂီၢ်အသိးန့ၣ်လီၤ. တၢ်အံၤန့ၣ်မ့ၢ်တၢ်လုၢ်မ့ၣ်အူဆူယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:2

ဒီးဘၣ်ဟဲစိာ်အီၤဆူပှၤလုၢ်တၢ်အခိၣ်လၢအလီၤစၢၤလၢစီၤအၤဟ ရိၣ်အအိၣ်လီၤ. ပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဟံးန့ၢ်ကိၣ်ကမူၣ်တစှီၤ, ဒီးသိ, ဒီးတၢ်နၢမူခဲလၢာ်, ဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်ဒ်တၢ်ပနီၣ်လၢအဘၣ် တၢ်လုၢ်ထီၣ်တ့ၢ်လံအီၤခဲလၢာ်ဆူယွၤအသိးန့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:9

ဒီးပှၤလုၢ်တၢ်အခိၣ်ကဟံးန့ၢ်ကိၣ်တနီၤဒ်တၢ်သ့ၣ်နီၣ်ထီၣ်က့ၤ အတၢ်လုၢ်လၢတၢ်အံၤအဂီၢ်ဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:11

ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်ခဲလၢာ်လၢတၢ်လုၢ်လီၢ် အဖီခိၣ်ဒ်တၢ်အီၣ်အတၢ်လုၢ်မၤဘူၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:14

ဒီးဘၣ်လုၢ်ထီၣ်တၢ်အသိလၢအအိၣ်လၢအပှံာ်ဒီးအကဖုတဖၣ်အလိၤခဲလၢာ်,

လံာ်တၢ်ဘူၣ်ထီၣ်ဘါထီၣ် 3:16

ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်ခဲလၢာ်လၢတၢ်လုၢ်လီၢ် အဖီခိၣ်ဒ်တၢ်အီၣ်အတၢ်လုၢ်မၤဘူၣ်လၢအမၤမုာ်ယွၤအသးအသိးန့ၣ်လီၤ. တၢ်အသိခဲလၢာ်န့ၣ်မ့ၢ်ယွၤအတၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:3

ဒီးလုၢ်ထီၣ်တၢ်အသိလၢအအိၣ်လၢအပှံာ်ဒီးအကဖုအလိၤခဲလၢာ်,

လံာ်တၢ်ဘူၣ်ထီၣ်ဘါထီၣ် 3:5

အန့ၣ်ဒီးပှၤလုၢ်တၢ်အခိၣ်တဖၣ်ကဆိၣ်ကဲၤထီၣ်ကွံာ်အီၤခဲလၢာ်ဃုာ် ဒီးတၢ်လုၢ်မ့ၣ်အူတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:9

ဒီးဘၣ်လုၢ်ထီၣ်အသိ, အမဲၢ်လၢအအိၣ်ဒီးအသိတဘိလၢတၢ်ဒီၣ်တဲာ် စဲဘူးဒီးအချၢဃံ, ဒီးတၢ်အသိလၢအအိၣ်လၢအပှံာ်ဒီးအကဖုတဖၣ်အလိၤခဲလၢာ်,

လံာ်တၢ်ဘူၣ်ထီၣ်ဘါထီၣ် 7:25

ပှၤတဂၤလၢ်လၢ်လၢအအီၣ်ဝဲဆၣ်ဖိကီၢ်ဖိအသိလၢအကဘၣ်တၢ်လုၢ်ထီၣ် အီၤဆူယွၤအအိၣ်န့ၣ်, ကဘၣ်တၢ်ပာ်အီၤဒ်ပှၤလၢအတမ့ၢ်လၢၤယွၤအပှၤဂီၢ်မုၢ်အကျါတဂၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:5

ဒီးပှၤလုၢ်တၢ်အခိၣ်ကဆိၣ်ကဲၤထီၣ်တၢ်အသိခဲလၢာ်လၢတၢ်လုၢ်လီၢ် အဖီခိၣ်ဆူယွၤအအိၣ်လီၤ. တၢ်အံၤမ့ၢ်တၢ်ဟ့ၣ်ဆၢက့ၤအတၢ်လုၢ်တၢ်ပျၢ်တၢ်ကမၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:28

အန့ၣ်ဝံၤဒီး, စီၤမိၤၡ့ဟံးက့ၤတၢ်အီၣ်တဖၣ်လၢအဝဲသ့ၣ်အစု ပူၤဒီးဆိၣ်ကဲၤထီၣ်ဝဲလၢတၢ်လုၢ်လီၢ်အဖီခိၣ်ဃုာ်ဒီးတၢ်လုၢ် မ့ၣ်အူဒ်အမ့ၢ်တၢ်ဒိးပာ်စုအတၢ်လုၢ်တၢ်ပာ်တမံၤအသိးန့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 2:28

လၢပှၤအံၣ်စရ့လးဖိအဒူၣ်ခဲလၢာ်အကျါန့ၣ်, ယဃုထၢထီၣ်အဟံၣ်ဖိဃီဖိလၢကကဲထီၣ်ယပှၤလုၢ်တၢ်အခိၣ်တဖၣ်ဒီး မၤယတၢ်မၤလၢတၢ်လုၢ်လီၢ်, လၢကဆူးကဲၤတၢ်နၢမူ, ဒီးကသိးထီၣ်အ့ဖိးဒီးကူၣ်လိာ်တၢ်ဒီး ယၤအဂီၢ်လီၤ. ဒီးယဟ့ၣ်အဝဲသ့ၣ်လၢတၢ်အခွဲးအယာ်တမံၤ လၢအကမၤန့ၢ်အတၢ်နီၤဖးလၢအဂီၢ်တမံၤ လၢတၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤထီၣ်အီၤ လၢတၢ်လုၢ်လီၢ်ဖီခိၣ်အကျါန့ၣ်လီၤ.