လံာ်တၢ်ဟးထီၣ်ကွံာ် 29:24 - Sgaw Karen Common Bible

²⁴ ဒၢနုာ်တၢ်အီၣ်တဖၣ်အံၤခဲလၢာ်ဆူစီၤအၤဟရိၣ်ဒီးအဖိခွါတဖၣ် အစုပူၤဒီးတဲဘၣ်အဝဲသ့ၣ်လၢကပာ်စီဆှံထီၣ်အီၤဆူယအိၣ်ဒ်တၢ် ဟ့ၣ်လီၤဆီတမံၤအသိးတက့ၢ်.

လံာ်တၢ်ဟးထီၣ်ကွံာ် 29:24 Iomraidhean Croise

လံာ်တၢ်ဟးထီၣ်ကွံာ် 29:23

ဟံးန့ၢ်ကိၣ်တလိၣ်စုာ်စုာ်ဒ်အကလုာ်ဒၣ်ဝဲအသိးလၢကိၣ်အကုပူၤ လၢဘၣ်တၢ်လုၢ်ထီၣ်အီၤဆူယအိၣ်န့ၣ်တက့ၢ်. ဟံးန့ၢ်တလိၣ်လၢအဘၣ်တၢ်မၤအီၤလၢသ့ၣ်စၤယံးအသိ, အဂၤတလိၣ်လၢတဘၣ်တၢ်မၤအီၤလၢသိဘၣ်, ဒီးကိၣ်ဘ့ၣ်ဘၣ်ဘူတလါတဘ့ၣ်တက့ၢ်.

လံာ်တၢ်ဟးထီၣ်ကွံာ် 29:25

အန့ၣ်ဝံၤဒီးဟံးန့ၢ်တၢ်တဖၣ်အံၤလၢအဝဲသ့ၣ်အအိၣ်ဒီးဆူးကဲၤ ထီၣ်အီၤလၢတၢ်လုၢ်လီၢ်အဖီခိၣ်, ပာ်အီၤလၢတၢ်လုၢ်မ့ၣ်အူ ခဲလၢာ်အဖီခိၣ်ဒ်တၢ်လုၢ်တၢ်အီၣ်တမံၤလၢယဂီၢ်တက့ၢ်. တၢ်လုၢ်အံၤအတၢ်နၢမူမၤမုာ်ယသးလီၤ.

လံာ်တၢ်ဘူၣ်ထီၣ်ဘါထီၣ် 10:14

မ့မ့ၢ်နၤဒီးနပှၤဟံၣ်ဖိဃီဖိကအီၣ်ဘၣ်တၢ်အသးနါပှၢ်, ဒီးတၢ်အကံၣ်ဒုၣ်လၢအဘၣ်တၢ်လုၢ်ထီၣ်အီၤဒ်တၢ်ဟ့ၣ်လီၤဆီ ဒီးတၢ်မၤဘူၣ်လီၤဆီဆူယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ် လီၤ. သုအီၣ်အီၤသ့ဝဲလၢတၢ်လီၢ်လၢအစီအဆှံဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးတပူၤလၢ်လၢ်န့ၣ်လီၤ. တၢ်လုၢ်မၤဘူၣ်တဖၣ်အံၤဘၣ်တၢ်ဟ့ၣ်လီၤနၤဒီးနဖိနလံၤတဖၣ်ဒ်တၢ် နီၤဖးဘၣ်ဃးဒီးနၤလၢပှၤအံၣ်စရ့လးဖိတဖၣ်အတၢ်လုၢ်မၤဃူမၤဖိးအကျါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:11

ဒီးအဝဲဒၣ်ဘၣ်ပာ်ထီၣ်ဘုတကဒိၣ်န့ၣ်ဒ်တၢ်လုၢ်မၤဘူၣ်လီၤဆီ ဆူယွၤအအိၣ်လၢသုကဘၣ်တၢ်တူၢ်လိာ်သုအဂီၢ်န့ၣ်လီၤ. ပှၤလုၢ်တၢ်အခိၣ်ကလုၢ်ထီၣ်အီၤလၢမုၢ်အိၣ်ဘှံးနံၤဝံၤအလီၢ်ခံတနံၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:30

ကဘၣ်ဟဲစိာ်ဝဲလၢအစုဒၣ်ဝဲဒ်တၢ်လုၢ်မ့ၣ်အူအသိးဆူယွၤအအိၣ်လီၤ. ကဘၣ်ဟဲစိာ်ဝဲဆၣ်ဖိကီၢ်ဖိအသိဃုာ်ဒီးအသးနါပှၢ်, ဒီးလုၢ်ထီၣ်အီၤဒ်တၢ်ဟ့ၣ်လီၤဆီဆူယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:27

ဒီးပာ်တၢ်အီၣ်တၢ်အီခဲလၢာ်အံၤလၢစီၤအၤဟရိၣ်ဒီးအဖိခွါ တဖၣ်အစုပူၤ, ဒီးအဝဲသ့ၣ်လုၢ်ထီၣ်ဝဲဆူယွၤအအိၣ်ဒ်တၢ်ဟ့ၣ်လီၤဆီ တမံၤအသိးဆူယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:21

ဒီးလုၢ်ထီၣ်ဝဲအသးနါပှၢ်ဒီးအခီၣ်ထွဲတဖၣ်ဒ်တၢ်ဟ့ၣ်လီၤဆီတမံၤဆူ ယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်, ဒ်စီၤမိၤၡ့မၤလိာ်ဝဲအသိးန့ၣ်လီၤ.

လံာ်တၢ်ဂံၢ် 8:15

ဖဲသုမၤကဆှီဒီးပာ်စီဆှံထီၣ်ပှၤလ့ၤဝံဖိတဖၣ်ဝံၤန့ၣ်အဝဲ သ့ၣ်ကကြၢးဝဲဘၣ်ဝဲဒီးတၢ်ဖံးတၢ်မၤလၢဒဲစီဆှံအပူၤန့ၣ် လီၤ.