လံာ်တၢ်ဟးထီၣ်ကွံာ် 29:20 - Sgaw Karen Common Bible

²⁰ မၤသံကွံာ်အီၤ, ဒီးဟံးန့ၢ်အသွံၣ်တနီၤဒီးထွါအီၤဖဲစီၤအၤဟရိၣ်ဒီးအဖိခွါတဖၣ်အနၢ်အစဲၤအထွဲ တဖၣ်ဒီးလၢအစုမုၢ်ကျၢၢ်အထွဲတဖၣ်, အခီၣ်မုၢ်ကျၢၢ်အထွဲတဖၣ်အလိၤန့ၣ်တက့ၢ်. တၢ်သွံၣ်အိၣ်တ့ၢ်အဂၤတဖၣ်ဖှံလီၤအီၤလၢတၢ်လုၢ်လီၢ်အကပၤလွံၢ်ခီတက့ၢ်.

လံာ်တၢ်ဟးထီၣ်ကွံာ် 29:20 Iomraidhean Croise

လံာ်တၢ်ဟးထီၣ်ကွံာ် 29:19

ဟံးန့ၢ်သိဖါအဂၤတဒု, သိဖါလၢတၢ်သူအီၤလၢတၢ်ပာ်စီဆှံ အဂီၢ်ဒီးတဲဘၣ်စီၤအၤဟရိၣ်ဒီးအဖိခွါတဖၣ်လၢကပာ်အစုလၢသိဖါန့ၣ်အခိၣ်လိၤတက့ၢ်.

လံာ်တၢ်ဟးထီၣ်ကွံာ် 29:21

ဟံးန့ၢ်တၢ်သွံၣ်တနီၤလၢအအိၣ်လၢတၢ်လုၢ်လီၢ်အဖီခိၣ်န့ၣ်ဒီး သိဖှူတၢ်တနီၤဒီးဖှံအီၤလၢစီၤအၤဟရိၣ်ဒီးအဖိခွါတဖၣ်အတၢ် ကူတၢ်သိးအလိၤတက့ၢ်. အန့ၣ်တစုအဝဲဒၣ်ဒီးအဖိခွါတဖၣ်ဒီးအတၢ်ကူတၢ်သိးတဖၣ်န့ၣ် ကဘၣ်တၢ်ပာ်စီဆှံအီၤဆူယအိၣ်န့ၣ်လီၤ.

လံာ်ယၡါယၤ 50:5

ယွၤဟ့ၣ်တ့ၢ်ယၤတၢ်သ့ၣ်ညါနၢ်ပၢၢ်ဒီးယတပူထီၣ်ထီဒါအီၤမ့ၢ် ဂ့ၤ, ဃၣ်ကွံာ်ယသးလၢအီၤမ့ၢ်ဂ့ၤန့ၣ်ဘၣ်.

လံာ်ယၡါယၤ 52:15

ဘၣ်ဆၣ်ဒီးအခဲအံၤ, ပှၤကလုာ်တဖၣ်ကကမၢကမၣ်ဝဲလၢအဃိ, ဒီးစီၤပၤတဖၣ်အသးကလီၤကတုၤ, တုၤဒၣ်လဲာ်အဲးထီၣ်အထး ခိၣ်တန့ၢ်ဘၣ်လီၤ. တၢ်တမံၤလၢအဝဲသ့ၣ်တနၢ်ပၢၢ်တ့ၢ်ဝဲနီတစုန့ၣ်, ကထံၣ်ဒီးသ့ၣ်ညါနၢ်ပၢၢ်ထီၣ်ဝဲလီၤ.”

လံာ်တၢ်ဘူၣ်ထီၣ်ဘါထီၣ် 14:14

ပှၤလုၢ်တၢ်အခိၣ်ကဟံးန့ၢ်သိဖါဖိတဒုန့ၣ်အ သွံၣ်တနီၤဒီးပာ်ထီၣ်အီၤလၢပှၤကဘၣ်တၢ်မၤစီဆှံ အီၤတဂၤန့ၣ်အနၢ်ထွဲတခီအလီၤစဲၤထိးနါ, ဒီးအစုမုၢ်ကျၢၢ် လၢအစုထွဲတခီ, ဒီးအခီၣ်မုၢ်ကျၢၢ်လၢအခီၣ်ထွဲတခီအလိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:16

ဒီးဘျၢလီၤအစုမုၢ်လၢအထွဲတခီဆူအစုလၣ်လၢအစ့ၣ် တခီအပူၤဒီးဖှံအီၤတနီၤနွံစုလၢယွၤအမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:17

ဒီးကဘၣ်ဟံးန့ၢ်သိတနီၤလၢအအိၣ်လၢအစုလၣ်အပူၤဒီးသိဖိ အသွံၣ်တနီၤဒီးထိးဘၣ်ပှၤလၢအဘၣ်တၢ်မၤကဆှီအီၤတ ဂၤန့ၣ်အနၢ်အထွဲတခီအလီၤစဲၤထိးနါ, ဒီးအစုမုၢ်ကျၢၢ်လၢအ စုထွဲတခီဒီးအခီၣ်မုၢ်ကျၢၢ်လၢအခီၣ်ထွဲတခီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:25

ကမၤသံဝဲသိတဒုန့ၣ်ဒီးဟံးန့ၢ်အသွံၣ်တနီၤဒီးပာ် ထီၣ်အီၤလၢပှၤတဂၤန့ၣ်အနၢ်ထွဲတခီအလီၤစဲၤထိးနါ, လၢအစုမုၢ်ကျၢၢ်လၢအစုထွဲတခီအလိၤဒီးလၢ အခီၣ်မုၢ်ကျၢၢ်လၢအခီၣ်ထွဲတခီအလိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:28

ဒီးကဟံးန့ၢ်သိတနီၤဒီးပာ်ထီၣ်အီၤဒ်အမၤဝဲလၢတၢ် သွံၣ်အသိး, ဖဲပှၤတဂၤန့ၣ်အနၢ်ထွဲတခီအလီၤစဲၤထိးနါ, လၢအစုမုၢ်ကျၢၢ်လၢအစုထွဲတခီအလိၤ, ဒီးအခီၣ်မုၢ်ကျၢၢ်လၢအခီၣ်ထွဲအလိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:7

ဒီးပှၤလၢအဘၣ်တၢ်မၤကဆှီထီၣ်က့ၤအီၤလၢတၢ်ဆါအၢန့ၣ်ကဘၣ်တၢ် ဖှံအီၤလၢတၢ်သွံၣ်နွံဘျီဒီးကဒုးသ့ၣ်ညါဝဲလၢအကဆှီထီၣ်လံန့ၣ်လီၤ. ဒီးကပျဲထိၣ်လၢအမူတဘ့ၣ်န့ၣ်ယူၤကွံာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:19

ဒီးကဘၣ်ဖှံတၢ်သွံၣ်နွံစုန့ၣ်လၢတၢ်လုၢ်လီၢ်အဖီခိၣ်န့ၣ်လီၤ. အအံၤမ့ၢ်အဝဲအတၢ်မၤကဆှီထီၣ်တၢ်လုၢ်လီၢ်လၢအံၣ်စရ့လးအပှၤ ဂီၢ်မုၢ်အတၢ်ဒဲးဘးတဖၣ်အဂီၢ်ဒီးမၤစီဆှံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:23

ဒီးစီၤမိၤၡ့မၤသံသိဖါန့ၣ်ဒီးဟံးန့ၢ်ဝဲ အသွံၣ်တနီၤဒီးပာ်ထီၣ်ဝဲလၢစီၤအၤဟရိၣ်အနၢ်အထွဲတခီအကုခိၣ်, အစုမုၢ်ကျၢၢ်အထွဲတခီဒီးအခီၣ်မုၢ်ကျၢၢ်အထွဲတခီအဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:24

အန့ၣ်ဝံၤဒီးကိးထီၣ်စီၤအၤဟရိၣ်အဖိခွါတဖၣ်ဆူတၢ်မဲာ်ညါ ဒီးပာ်ထီၣ်တၢ်သွံၣ်တနီၤလၢအဝဲသ့ၣ်အနၢ်အထွဲတခီအကုခိၣ်, အစုမုၢ်ကျၢၢ်အထွဲတခီ, ဒီးအခီၣ်မုၢ်ကျၢၢ်အထွဲတခီတဖၣ်အလိၤ န့ၣ်လီၤ. ဒီးစီၤမိၤၡ့လူလီၤတၢ်သွံၣ်လၢအအိၣ်တ့ၢ်ဝးတရံးတၢ်လုၢ်လီၢ်န့ၣ်လီၤ.

လံာ်မၢ်ကူး 7:33

အန့ၣ်ဒီးယ့ၣ်ၡူးမိၤထီၣ်အီၤထဲတဂၤဧိၤစီၤစုၤဒီးကမျၢၢ်အိၣ်တၢ်အလီၢ်, ဆွံနုာ်အစုနၢတဖၣ်လၢအနၢ်ခံခီလၢာ်အပူၤဝံၤထုးထီၣ်က့ၤအီၤ, ဒီးထူးပှဲာ်လီၤအစုနၢ, ဒီးထိးဘၣ်အဝဲဒၣ်အပျ့ၤန့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.